東喜茶 (Closed)

成日飲珍珠奶茶 都會想飲返啲Fresh啲嘅嘢行開經過見到呢間東喜茶 不自然就會諗起某國特產 不過依然好想試吓 畢竟見到有多款水果嘅芝士系列 望落真係心到郁埋即刻買咗杯黑提芝士試吓雖然我覺得佢依個名改得太直接 可能會令人冇想試嘅衝動 不過我個人比較鍾意提子味 飲落好明顯有黑提子皮嘅口感 不過我覺得咁樣反而會令我好安心 證明佢真係鮮榨嘅果汁而佢用嘅黑提子都係好甜美 加埋芝士飲 我覺得係幾新鮮嘅配搭 因為佢哋好融合到一甜一鹹 入到口融入口腔每個角落 最後仲有少少提子皮剩低係舌頭上面 感覺好美好下次可以試試其他系列

近排將軍澳附近新開左一間飲果茶的「東喜茶」Lunch就走去睇下有乜新野飲下今日出奇地唔太多人，所以都好快到我!!不用等太耐！後見到前面個個人個杯，好吸引既芝士奶蓋我就被呢一杯野吸引左靜岡抹茶入口香濃芝士味，上面個層芝士奶蓋，勁似芝士蛋糕🍰我諗我飲呢一杯野都飽晒！職員教不要用飲管，不用攪勻！以45度角大啖大啖咁飲將面層芝士加抹茶結合！抹茶都好香濃，係好飲既！我見果茶個D,其實都幾大杯下！個人覺得都值得再試下其他味

最近朋友介紹話將軍澳廣場開左間新的茶店，食貨的我當然來朝聖一下。這裡不是一般的外賣茶店，有位置坐，又有優優的音樂。感覺都幾舒服。很適合放假來 hea 一hea。或者和朋友來相聚一刻。感覺很不錯，而且店內好多貓貓可愛的相片。店主一定是愛貓之人。本來想試芝士系列 ，但在準備付錢前看見蜜瓜樣子很吸引。最後選左蜜瓜先生。蜜瓜先生是用新鮮蜜瓜和奶組合而成。喜歡蜜瓜的朋友真的建議要試，真的非常好味，香甜的蜜瓜加上奶。下次會試芝士系列的生果。

等到頸都長，東喜茶終於係屋企附近開張，實在令人很期待。之前係其他分店飲過，但離居住地方太遠，只能久久才光顧一次。這間分店設有約20座位，可舒服坐著，慢慢享用飲品。今次點了芝士奶茶，店員服務態度很好，細心地推介不同新飲品，問及顧客需要的冰塊甜度。由於人流不算多，等了約10分鐘便可取飲品，一口喝下去，實在太爽了。個人覺得，奶蓋配奶茶，口感很幼滑順口，不過配青茶，奶蓋會更突出，但整體也是很不錯，推介奶蓋控一同試試看喔~~

幾個月前已見呢間東喜茶裝修，終於開張了，一看內裡裝修不似一間普通的外賣飲品店舖，原來有坐位，有一些貓咪相片加上柔和的燈光 ，店主一定花了不少心思設計，給人一種好舒服的感覺。今晚因為太夜，店舖差不多關門，我叫了一杯芝士奶茶加珍珠回家慢慢嘆，我先就咁飲不用飲筒，飲到芝士加奶茶味道非常之夾，好好味，跟著再用飲筒飲珍珠，珍珠煙韌，最後，我攪拌芝士和奶茶後一起飲，好香滑的奶茶，一杯茶，有三種味覺，正。可惜，最想試的芝士芒果，沒有得買，店員話已過了時令，季節限定，要等下年。

話換季唔賣佢最賣得嘅芝士芒芒，已經覺得有啲問題，雖然知道芒果係消暑飲品，但畢竟咁多人買，有咩可能cut左佢？因為想飲層芝士，咁就揀個芝士哈哈啦，見佢啲哈密瓜係用日本黎嘅。買完啦 等得耐已經算（around 15minutes）但佢層芝士竟然同啲哈密瓜溝埋左，搞到啲芝士淡到冇曬陣芝士味，點飲啊。然後各位睇圖可以見到啲芝士係起左好多泡同埋好稀，搞到都唔知飲緊咩。啲芝士完全同其他分店飲嘅唔同味，唔同口感。而啲哈密瓜就不過不失，唔似係日本黎。總括而言，如果你想飲茶類飲品，我諗都可以試下。但如果你想飲水果嘅飲品，尤其係有芝士嘅，深信你會失望。

一直以來，對於網路上內容陳述，都是半信半疑❓最重要是自己有冇機會親身去體驗。喜茶與東喜茶，是否又須要去作比較呢？我只知道，返大陸時，我會飲喜茶，味道不錯。。。在香港，我會飲東喜茶，味道同樣不錯。。。兩個品牌身處兩個不同地方，不明白為什麼須要去作比較⁉️本身在香港都會幫襯東喜茶，最近得知在家附近將軍澳店終於開張營業，所以去買返杯飲下。我係平日去幫襯，約5分鐘就已經茶到手，不明白網上有D人話要等咁耐。。。可能係假日，可能佢地冇幫襯過大陸喜茶或香港其它東喜茶，又或者佢地重未試過去排隊買香港其它出名嘅茶店。不過話時話，將軍澳這間東喜茶店又真係有D與別不同，有得坐之餘裝修又有D型格，身處商場內打風💨落雨☔️都唔怕可以照排隊照買。我試左杯超級水果🍊🍋🍎茶，保持東喜茶一向高水準👍🏻👍🏻👍🏻

一向喜歡芝士的我，見到將軍澳廣場有間新開的茶店，咁近當然要試下！見到店內好多新鮮生果，膽粗粗試叫左個芝士火火，想不到味道如此的配合，芝士非常滑，又帶有淡淡的咸香，果然是真材實料，非常正！下次會再試配其他的芝士茶和季節限定的生果！從此又有多個好地方和好朋友聚在一起。聊聊天。嘆下茶。還有，店內的貓貓相好可愛呢！Very nice Very yummy Very good place Very good Tea Very happy to drink

行經將軍澳廣場，發現新開的東喜茶，特別之處係呢間唔衹係外賣，仲有得坐 😀 裝修幾靚，好舒服！老闆應該好鍾意貓，好多貓相！當日叫左"芝士火火" 同埋 "超級水果茶"，等的人比較多，原來每一杯茶係即沖的，相比其他賣茶的舖頭慢D！唔緊要，好嘢係要等的！今天係星期日，等左半個鐘左右啦，終於叫到我個號碼，一見到兩杯嘢飲，嘩！超靚呀！"芝士火火" 紫色好靚呀！芝士味香濃，火龍果汁好清甜，超級好味呀！老公杯 "超級水果茶" 都好靚，仲有水果食，西瓜又甜又多汁！好正，好嘢真係要等的！下次試下平日嚟，睇下會唔會快D先！

屋企樓下將軍澳商場 開左間新東喜茶 位置係2樓上電梯轉左 即刻買返杯飲下買嘅時候咁啱人流幾多 所以都預要等一陣 大約10至15分鐘 終於來左杯芝芝瓜瓜 芝士囗感幾好 瓜瓜就幾甜自己都試過大陸嘅喜茶同香港某幾間東喜茶 覺得呢間算係唔錯 呢間位置係商場裡面 就算出面等都有冷氣嘆 個鋪入面仲有得坐 方便等位果時休息 裝修都好文青 打卡必備 仲見到有好多貓嘅相 cushion 同擺設 愛貓之人應該會好鐘意P.s. Cashier 幾靚女 可惜無搵佢影相

住在將軍澳多年，本身並非咖啡友，所以一直都希望有一間高質茶店，可以坐下來慢慢飲杯有水準飲料，唔須要下下走去星X克.....總算皇天不負有心人，最近喺將軍澳廣場終於開左間高質旣東喜茶。佢同一般香港外賣茶店唔同，可以坐喺度hea 下。剛飲過芝士瓜瓜，飲得出佢嘅西瓜好甜好新鮮，同D芝士好夾....本身並非咖啡粉絲，一定會再來幫襯，再返來hea 下....莫非佢個英文名字HEERETEA 就係可以喺度hea 下咁解！

本人用$42購買了一杯芝士瓜瓜，而在我前只有兩杯order ，但我等了超過15分鐘，咁用心製作一杯飲品一定正，sorry 我飲完一整杯芝士瓜瓜，以為自己叫咗杯芝士奶蓋冰水，非常難飲，西瓜汁可以完全無味，究竟點做到㗎？我唔敢相信自己用$42買咗一杯冰水！

作為東喜茶同喜茶既粉絲，緊係要試下將軍澳店新鋪啦，新鋪店員未熟手其實好正常，但係我冇諗過一杯茶要等40分鐘。。。其實真係諗過走算，問左兩次無啦啦有個四眼中年男人走埋黎同我講普通話，話”餓悶是糕只，筆筒嘜寄”嘩，你講乜呀，我土生土長香港人你無啦啦講普通話，仲要講到咁。。原來佢想講佢地高級，唔同快餐店。。。唉。。。好啦，終於飲到杯野啦，嘩，好淡。。。係d冰融晒。。。杯茶其實冇問題，係沖果條友有問題。。飲完就即刻走啦，此地不宜久留，走果陣都見到有d人唔等就走。。其實東喜茶唔夠人就請多d人啦，不過咁多間鋪總有良莠不齊架啦，唔會即刻失信心既，但係呢間branch就真係唔會再去啦。

叫了一杯芝士桃茶要等成半個鐘！舖頭唔算多人！等到28分時，我埋去櫃枱問我号码嘅飛叫咗未我表明已等了半個鐘，一個没有著制服的男士説：『係咁㗎啦！』等了半個鐘仲要食了這些服务態度，杯茶又不是很特别，價錢比其它珍珠奶茶贵！不值得再幫襯! very poor service, not value for money at all! waste my time also! will never visit the tseung kwan o store anymore! Ridiculous!

Again another trend has hit HK and its drinks this time!!!Just like the froyo craze and snowflake ice, there are more people joining the drinks game because of its high profitability.Not that I care but it is entertaining to observe this hype and then it all coming down like a stock crash so it is the survival of the fittest.Drinks are relatively easier to succeed because they cost around $19-44 so anyone with loose change in their pockets is going to get a drink willingly without feeling broke.