囍八方餃子麵館 (Closed)

呢排都係油尖旺多 ....喺深水埗行下行下有到晚上時間 .....都係求其啦 .....入咗去呢一間餐廳 可以話係座無虛席 ...等位等兩分鐘左右啦 .00由於好趕時間 就問過店員 咩套餐比較快 推介咗我呢一個豬軟骨 飯... 呢啲一定夠快 就咁潷出嚟就可以了...三分鐘上齊野... 普通既感覺...份量不多...味道夠的。如果可以多幾條菜會更加好 嗰啲豬肉肥瘦適中 都係可以接受嘅 40幾蚊仲想點呀服務態度都ok 啲員工都幾勤奮 畀佢一個好平啦

名不虛傳的餃子小店爽甜招牌西洋菜餃  咸香辣惹味的菜脯湯底係用魚湯,特別鮮味 加少少辣汁食味道更加豐富!醬油滷蛋,好入味又咸香 連蛋黃都滲曬滷汁!薄雲吞皮包住鮮肉餡味道非常清爽 辣菜甫係自家炒,限量供應架!一定要試又香又辣!性價比很高,湯鮮甜,餃又好食 平均消費$70深水埗基隆街298號大德樓地下B舖

名不虛傳的餃子：首次光顧自然揀選五福臨門套餐，各款水餃全嘗，最愛爽彈鮮甜的鮮蝦餃，細嫩彈牙的鮮蝦菠菜餃，爽甜的招牌西洋菜餃，少麻帶辣的手拍青瓜，咸香惹味的菜脯，魚湯底伴以中芹葱花乾葱，提鮮十足。👍🥟🥒🥚🥤😋😋😋😋

早幾日東張西望介紹過間西洋菜餃子店囍八方餃子麵館原來店響深水埗基隆街當眼處6點前到😎仲可以食埋下午茶。正✌️散叫都十分經濟👍$26 有8隻骨膠魚湯韮菜餃+豆漿😱平到無言🤣🤣佢既餃子同圓方一樣~薄雲吞皮同美味餃子店/山東餃子店既餃子皮不同湯底有淡淡魚湯味👍吾覺有味精我不停𢳂🤣免費辣菜甫❤️yummy再叫埋$30 既手撕雞腸粉😋腸粉幾滑👍仲可以選辣度店比較細食完急急埋單再買左1打西洋菜生餃($29)回家🤣呢間餃子店價錢平味道都幾ok❤️去開果頭可以試下😆

餐廳裝修普通，好似茶餐廳，佢餐牌上既選擇非常多樣化，淨食餃子，米線，飯全部有，值得一提係佢個免費辣菜甫，辣油部份過多，但菜甫美味，加埋落餃子度一齊食會加分！常餐豬軟骨配蝦菠菜餃米線，個餐會跟一粒滷水蛋，青瓜，樽仔冷泡茶，成件事好抵食！豬軟骨好入味，軟骨位勁淋，鮮蝦菠菜餃出面真係好少見，食落無乜味精既味，好舒服。淨餃子叫左十隻韮菜餃子試，佢湯底係味道唔濃既魚湯底，對我黎講太淡，魚鮮味不足，但係講真，$30 有十隻餃子，真係超抵食，仲要唔係清湯，所以對我黎講性價比超級高，真係難得少見，絕對會回頭。

因事来到鸭寮街，办完事就找餐厅吃饭。鸭寮街的铺都卖电子，没什么餐厅。要跑到后面的汝州街与基隆街。基隆街是街市，非常热闹，偶然发现了这一家饺子店，有点喜出望外。餐厅叫囍八方，看进去挺干净整齐的样子。我猜它是台湾餐厅，结果估错，是上海餐厅。我点了饺子套餐。一碗里有各种饺子。主要是上海的菜肉饺子，我认为应该叫菜肉云吞比较合适。几种味道之中，以韭菜馅的味最抢。另外有虾仁馅的云吞。整体感觉都挺好。套餐还包括一份前菜: 麻辣青瓜木耳卤蛋，与饮品冷泡茶。都不错。午餐价: $45。 绝对超值！特别要一提的是:他们免费提供的调料:辣菜葡，非常好味！

今日要出深水埗買嘢，行行下想揾間餐廳食個晏先，入到去先知除咗有粉麵，重有飯食，於是叫了個四寶湯飯連豆漿。湯同飯係分開上，湯裏有貢丸，魚腐，魚旦同九菜餃。每樣都好味，特別係九菜餃，好香又有汁，其餘就就好爽口同彈牙，值得一試。 完

尋晚同老婆去深水埗食晚飯諗咗一陣都唔知食乜咁就上OpenRice睇吓啦見到附近有一間食餃子，冇腐皮，又唔係Element餃子，決定去試吓咁詳細你都可以睇幾張相啦湯餃係大粒而且好食，我哋今次就試咗芹菜餃煎韭菜餃呢⋯真心就Element好食啲，主因係呢度餃子比較油膩，同埋肉汁比較少⋯不過呢度就勝在選擇多，有煎西洋菜餃子，芹菜餃同菠菜餃！（有得揀你至係老闆）所以綜合來講呢我覺得呢度都係一個深水埗食餃子嘅好選擇呢度最正嘅我覺得係個辣醬。啲料好充足！配餃子一流三碟煎餃一碗湯餃子再加支奶茶買單$96仲想點😆

上次黎買外賣比屋企班化骨龍食，一食就不可收拾🤣日日問媽咪幾時再有雲吞食🙈好啦！難得今日再黎深水埗做野，特登黎買生餃番屋企煮😍真係又好味又方便！食得出無味精👍🏻可以好安心咁比屋企3歲個大佬食👍🏻👍🏻又清曬啦🤣🤣

依間餃子店舖面望落去唔係特別吸引，好似普通中式麵店咁，裏面係真係有魚蛋粉牛腩麵食嫁🤣不過叫得囍八方餃子麵館主打就緊係餃子啦，所以就叫左餃子試下，不過可惜無影到相，佢地嘅煎韮菜真係好好食，同埋有出面少啲食到嘅西洋菜餃，個西洋菜味好濃好香😍有啲姨姨係舖頭入面一路包餃子嫁，所以都好新鮮啊！**********<手撕雞腸粉> $30另外仲叫左一份手撕雞腸粉，堂食嘅手撕雞腸粉都好少地方有得食，依度嘅份量都幾足下，手撕雞同腸粉嘅比例幾乎係一比一嫁😚個手撕雞腸粉撈埋麻醬甜醬一齊食真係好正，不過係略嫌豉油少左啲，所以會乾左少少🙈

同事推介呢間囍八方嘅餃子，佢話試過買生餃子返屋企打邊爐個個都話正，所以今日就嚟試吓佢啲餃子。舖位唔算當眼，前面有一啲排檔擋住，所以要知窿路先識得來。食物選擇都幾多元化，除咗餃子之外，仲有牛腩豬軟骨之類，亦都有飯餐比食客選擇。我就叫咗個常餐米線。套餐就有麻辣雲耳青瓜同埋滷水蛋做小食。麻辣味都幾嗆，對我嚟講有啲辣，滷水蛋係一整隻上菜，都滷得幾好味。米線嘅湯底係魚湯底，因為我叫牛腩，所以溝咗啲腩汁入去，我就覺得蓋過咗魚湯本身嘅鮮味喇。鮮蝦菠菜餃果然值得推介，首先係佢嘅皮好薄，薄到半透明嘅狀態，食到有原隻蝦喺入面，同埋佢應該係加咗啲馬蹄粒，所以食落帶點甜同埋爽口，令到口感相當之豐富。成個套餐$49 ，價錢都算合理，如果我下次再嚟，我會專心試埋其他餃子款。

這一天，獨個兒在深水埗找早餐吃，吃得港式早餐多了，想轉轉口味，來到這間「囍八方餃子麵館」門外，見早餐竟然都有餃子吃，便二話不說，入內幫襯。也許是香港人不太喜歡大清早便吃餃子吧，這地方不小，裝修也四正的店舖內客人不多，只得兩檯客左右在吃早餐，人流比附近街道上的港式茶餐廳疏落多了。其實這餃子麵店的早餐何止餃子一款，單是韮菜餃便已有「囍八方煎韮菜餃」（$28/3隻）和「鮮魚湯韮菜餃」（$26/6隻）兩種，還可配以豆漿、例粥或麥皮其中一款。至於其他早餐選擇，就有炒米粉（$23）、糯米雞（$29）和豬腸粉（$24）。要是揀牛腩河（$35）、鮮魚湯魚蛋河（$32）或出前一丁肉丁公仔麵（$24）的話，就只可選豆漿佐餐。一場來到，當然是吃餃子。煎餃與湯餃兩者相比，煎餃只得三隻，湯餃就有六隻，而且便宜兩塊錢，加上我也想試試這裡的鮮魚湯，便捨招牌煎餃而取湯餃，一試它的水準。一會兒後，我的「鮮魚湯韮菜餃」早餐便已端來。奶白色的鮮魚湯裡，載浮載沉著六隻飽滿的韮菜餃，伴以細碎的青綠色蔥花，感覺舒服。先喝口魚湯，味道鮮甜可喜，不覺有「師傅」隱藏其中，喝到最後，我竟把整碗魚湯喝光，實在少有。韮菜餃也好，粒粒散尾的韮

捐窿捐隙搵野食既我，又搵到一間好特別既餐廳，位置於深水埗混沌既街市中間，但舖面好光鮮，入面都好乾淨，食物望落都有質素，所以膽粗粗入去試下！😀入到去店員都好nice，裝修都不錯，咁我就好快搵左個卡位來坐。叫左個常餐豬軟骨鮮蝦菠菜餃米線，配熱咖啡，有小食送，只需$49！抵呀！首先來個前菜鹵水蛋加青瓜，青瓜就酸酸地，鹵水蛋真係幾正，前菜估唔到都會食到高質既野，鹵水味適中唔會太濃，但好入味。😋之後來個咖啡同米線，咖啡飲得出係比較高質既咖啡，好香！米線湯底一飲就知應該用左心機落去，一飲落有豬骨既香味。豬軟骨入味同淋，菠菜餃亦係十分好味，有媽媽既味道😂成碗食到一條不剩！既然俾我發掘到呢間，之後都會經常幫襯咯！

叫左個西洋菜餃米線 $26魚湯底好濃味好正西洋菜餃皮薄，滿滿的西洋菜，好香呀好食米線份量都好多！落埋自家制既菜脯好惹味而常餐，豬軟骨鮮蝦菠菜餃 $49 , 配埋麻辣雲耳青瓜同滷水蛋豬軟骨好淋呀夠晒味正手撕雞腸粉 $ 30 都OK ! 同埋可以揀辣同唔辣的，而腸粉的甜醬同麻醬就放係旁邊的煎韭菜餃 $16 好大隻呀呢間野又平又好食，會有下次

一個人約左客，未夠鐘，經過深水埗，肚仔餓，發現有間新嘢，見裝修幾好，有6，7枱客，街坊生意應該估無伏😏😏就大膽入去試下d招牌餃子😊😊真心唔錯，饀料好新鮮，皮都夠薄，唔錯唔錯，加埋杯豆漿，埋單都系幾拾蚊，抵食👍🏻👍🏻下次再幫襯，試下d湯餃先，見隔離枱食鮮蝦菠菜餃，好好味咁🤣🤣