囍八方餃子麵館 (Closed)

今日同朋友去左深水埗行街買電話卡，朋友之後帶咗我去食一間上海嘢，因為真係堅好食，所以想同大家分享下。餐廳坐落西九龍中心附近，環境裝修都唔錯，有啲似高級版嘅茶記feel， 一啲都唔焗促，朋友應該係熟客仔，未去到都已經一路同我講要食啲乜食啲乜，咁我當然要俾個機會佢，等佢發板啦！ 先嚟嘅係凍奶茶， 應該算係其中一個鎮店之寶，樽裝上冇冰，有啲似冰鎮奶茶嘅原理。至於味道方面真係冇得彈，奶味茶味調得啱啱好，濃郁得呢不太甜，讚！到嘢食嚟啦，先嚟個豬軟骨湯麵， 豬軟骨份量十足，醬汁煮得夠入味之餘， 豬軟骨 亦很有咬口，配上海麵，超滿足。另一招牌菜上海菜餃，我哋今次叫咗西洋菜餃同韭菜餃， 睇圖就知係皮薄餡靚果隻，未食都知係正嘢嚟啦， 我見佢除咗堂食之外， 都見到有街坊專登嚟買啲包咗嘅返屋企煮，可見是信心之選。 而鍾意食啲辣嘅朋友，我要介紹你試下佢嘅自家製菜脯醬，食完包你沉船，我自己就鍾意再加埋醋一齊食，貪佢有一種酸辣嘅感覺。 不得不提，水餃同豬軟骨湯麵一樣， 都用咗魚湯做湯底，當屋企湯咁飲就perfect啦， 啱曬我哋呢啲無飯一族。雖然好飽，但都叫多咗個煎餃子同朋友開心share，因為見到隔離枱都食得津

有一次經過見到呢間餃子店，裝修幾靚，價錢又合理，就入嚟食lunch。-豬軟骨鮮蝦菠菜餃米線套餐$45 (連豆漿)朋友話好似翠x嗰個套餐咁，連味道都一模一樣😂菠菜餃皮薄，餡多！-然後我哋再叫咗啲小食share,煎鮮肉餃$20手撕雞腸粉$30煎餃比湯餃出色！特別推介手撕雞腸粉，手撕雞份量好多，再配合埋麻將豉油再加少少辣油，好好食！-西九龍商場入邊都有餃子店，不過呢間新開嘅餃子店出色好多，有多一間飯堂了。

經常去深水埗揾食, 食到有d悶, 最近發現有間新開的小店, 位置方便, 就在地鐵C2出口直出行入2/3個街口的右方, 在西九龍中心行人天橋對面, 海港冰廳內街行前少少, 因為有條西九行人橋在同一條街所以都易認, 雖然位處深水埗區, 但入到去餐廳的環境乾淨舒服, 食品也好高質, 有驚喜, 紅油炒手和凍原味奶茶都好正, 手撕雞腸粉好特別, 又唔貴, 埋單平均一人40-50元左右, 性價比算好高, 一定會翻食, 平時這個budget無乜期望, 但呢間的出品真係好, 所以推介下, 我見到有早餐供應, 但我唔係住呢區所以無乜機會試, 另外我見到有生餃, 可以買返屋企打邊爐, 唔錯！

這小店的裝修及座位設計也不錯，雖然地方不大但卡位也足夠，這裏最喜歡的小食，就是紅油抄及牛腩麵，老闆秘製嘅紅油抄手醬汁真係好好味，值得推介。另外我最喜歡吃就係牛腩上海麵，牛腩炆得入味及軟化，湯係魚湯底，好味😋👍有機會大家試一試啦。

行完西九經過，見門口擺滿花牌新開張，里面人頭湧湧。決定試一試佢，又ok喎Menu係麵餐、餃子、雲吞、丸、素食、仲有飯餐，算多元化。姐姐推介招牌西洋菜餃，自己再叫多杯豆漿，埋單37蚊，呢個價錢，性價比高過附近茶餐廳。西洋菜餃湯底飲到好鮮ge魚湯味，唔似其他麵檔得鹼水。食落仲濃好濃西洋菜味，皮薄爽口。幾新鮮應該包左冇耐。十粒大大粒，自問大食都夠飽。姐姐話有得雙拼，五隻五隻，下次試下鮮蝦菠菜餃。凍豆漿不過不失，希望下次黎仲keep到。

放工同老公經過見到有間新開張的餃子店，我地見鋪頭新裝修幾靚幾乾淨就入去試下. 原來除左麵同餃子之外，仲有飯餐同素食，都幾多選擇下，最後點左個春卷河，墨魚丸河，因為唔知揀囍八方韭菜餃定招牌西洋菜餃好，所以問個姐姐邊款好食d, 佢話可以雙併最後仲叫多杯凍豆漿. 二十幾蚊就有碗麵其實真係好抵食.食後感：墨魚丸好好味，餃子最有驚喜，因為真係皮薄餡靚，同埋都幾大隻，連個湯底都好好飲啊，點完餐先發現有煎餃，下次會試下

店內環境舒適，提供好多卡位😍😍👍🏻至於食物質素，有多款餃子提供，隻隻都大件夾抵食。今次試左招牌西洋菜餃，$30有10隻！餃子餡的菜同肉拿捏得非常好，食完10隻都夠飽👏🏻👏🏻 西洋菜的處理工序繁複，所以我覺得3蚊一隻，仲要大大粒，十分推薦。而湯餃既皮系用薄皮包，入口好滑，西洋菜又唔會有渣，系家的味道！枱上有不同醬料提供，如果食湯餃可以點醋，而煎餃就可以點豉油加辣椒醬，系個人食餃子對醬汁既小小心得🤤🤤🤤除左餃子之外，見到menu仲有好多粉麵飯同埋雲吞，聽啲姨姨講江南雲吞仔都好好食，仲有一個手撕雞腸粉，好多枱都有點，下次一定會去再試呢2樣😍十分十分十分推介大家去食👍🏻

經過呢間新韮菜餃好好味小雲呑都好正值得一讚材料夠新鮮希望好好保持水準～我一定會多多幫襯請好好加油開水餃店，本著一試心態無防，之後我們點了下午茶韮菜餃和小雲吞加食後真的意想不到好味，韮菜餃好好味皮簿材料滿滿的夠新鮮，湯底夠真材實料，夠香濃魚湯味道，小雲呑都好正夠簿皮材料和其他餃都一樣好飽滿的，而湯底是好濃烈醬油湯底這湯一點也不難飲能接受的再加上湯內用少許蛋絲同紫菜配得都好好味一點也不遜色值得一讚除了材料夠新鮮之外其實我最喜歡湯底夠濃魚味道飲完個魚湯底後沒有口乾感覺真係好正啊我最怕飲了湯底後會口乾感覺，真係好開心，希望好好保持水準～，我見隔離枱食客點左手拍青瓜雲耳涼伴加豬日扒飯點晒頭好好味咁下次我一定都試下其他款式先希望保持水準，加油

行過街市俾呢間新店個門口吸引到入來試試😂幾鍾意佢d簡約裝修 我地兩個人坐卡位好寬躺野食方面我點左個豬軟骨配菠菜蝦餃米線常餐同煎韭菜餃～份量十足 d餃子好大隻 菠菜蝦餃好驚喜～彈牙多汁好好味～湯餃個皮好薄好滑食到唔想停🤤🤤煎餃食菜餃肥而不膩～點埋醋食酸甜多汁外脆內軟 味道好有層次感🤤另外值得一提佢嘢飲有隻冷泡茶標籤用電解還原水來沖 幾有特色最後總結就係靚野食靚裝修CP值好高 我地下次一定會再來試埋佢其他菜式～鋪位地點都好方便 好近地鐵站～

囍八方韭菜餃超抵食！好大碗，好大只！d菜甫够辣，加埋d上海醋一齊蘸黎食，正！老板娘話魚湯每日新鮮魚熬製，大大碗湯都飲晒無味精，食完一d都5口渴今日一個人…食5到咁多下次一定要試手撕雞腸粉

琴日經過見到又有新野,睇裝修以為係茶餐廳,原來係餃子店睇一睇個餐牌決定今招試試,原因係價錢平我叫左個例粥加少米粉 $23今天例粥係紅蘿蔔粟米粥,正!好健康可以清清腸胃紅蘿蔔粟米粥好甜好多粟米,重點係夠熱,好有媽媽的味道炒米粉超香,好有鑊氣,應該係即炒,第一次早餐會有餐廳即叫即炒,誠意加分!!!,味道都好正,都係家的味道!!另外,我地見到啲姐姐包緊餃子,所以我地都忍唔住叫左個西洋菜餃$30,試試佢掂唔掂,點知,佢一碗有十隻,我地最後食到個肚脹晒,因為隻隻都好大隻,好足料,如果多啲西洋菜仲更加好結論:好味抵食,推介