禧華餐廳

Open Now

Now Closed

依家d食店好多都收好早。8點幾就諗住求其坐低搵食。路過呢間收9點 （8：30截單，好在趕得切）就入去諗住醫肚。餐牌好多頁，有選擇困難症嘅我真係唔知點揀好。最後就叫左個平時好鍾意食但好少食到好食嘅西檸雞扒+18蚊仲有湯有飯。例中湯係西洋菜湯，不過不失，淡淡地，起碼唔係味精水。西檸汁不是杰撻撻的那種，不太酸亦不太甜。雞扒粉漿不會上得太厚，雞扒亦幾嫩滑。總括而言，都算唔錯，食完返屋企無口渴。下次會想再來試試其它菜色。

如題，打緊呢篇食評嘅當下我仲等緊個出前一丁，我朋友個雞扒蛋包飯等得仲耐。我真係無法理解咩餐廳可以整一個常餐整半個幾鐘，我地兩個餐都唔係好複雜姐，又冇焗嘢又冇炒嘢。隔離檯催單，個侍應就答冧檔個個都要等，大佬你地接唔到咁多單，就唔好開咁多檯客啦😅一句冧檔就老馮要我坐係度浪費自己時間？lunch hour個個都趕時間㗎😅🙏🏿網上外賣平台嗰啲又照收，冇病啊？？？衡量過自己能力先開舖做生意啦

看來, 我的命格, 似乎是和星洲炒米相剋的.上一篇食評, 無獨有偶, 都是有關星洲炒米(粉碎)的負評.  老實說, 今次食物質素沒上次那麼惡劣. 但不合理的完成時間, 和食質素低劣同樣令人不快.我是親自到收銀落單的. 我怕人多, 也怕冗長的輪候時間(包括等位和上菜), 所以可能的話都會避開十二至二這段繁忙時間. 我是近三點才落單的, 也一如所料, 在午市和三點三之間, 單數不會很多. 當時可容納十多廿枱(四人枱) 的食堂, 只有五六枱客; 往後的廿分鐘, 也只有一單外賣. 我是等了十分鐘多一點, 才開始追單的, 那四個一路閒企著的侍應的其中一個, 說師傅正在炒. 我也沒辦法, 只好繼續等. 但竟然要等另外十分鐘, 外賣才拿出來.我不懂烹飪, 所以請問星洲炒米的工序是一是很繁複的呢? 是不是要落單後才燒叉燒, 剥蝦殼, 拔芽菜等等?為了一盒十分鐘吃完的快餐, 竟然要浪費差不多一半的午飯時間.我以後不會再冒這個險幫襯這間.

星期六日踩單車最鐘意黎呢到食，今日係平日，但細仔放假，所以同佢一早去恐龍公園玩，不過原來8am都已經好多人，玩到11點已經要排晒長龍，我話不如過禾輋食呢間..一時醒唔起呢到有學校同地盤🫨 等咗15分鐘先有位，我哋三個人，坐4人枱，繁忙時間要搭枱。我哋係排隊嘅時候已經諗好食乜，一坐低就嗌，坐咗一陣有人搭枱，佢個餐仲快過我地，不過野飲就催咗1次。餐飲有啲亂，其餘嘅都ok食物蒜蓉汁雞扒焗意粉好香蒜蓉味，雞扒都好好食！但係意粉有啲漲。自己揀系列-吉列魚柳腸仔，蒜蓉汁意粉凍檸茶其他真係超full同好忙，3個人大枱要拎籌，等咗大概15分鐘。呢度其實真係值得食，不過下次一定唔會係學校日子黎，唔好阻住學生同真漢子食飽返工返學🙏🏻11點半到1點都好爆

【沙田區】【禧華餐廳】我住沙田區，不過有睇開我寫嘢嘅朋友都知道我真係好少喺沙田食嘢。然而，其實我係喺沙田讀書，沙田區周圍都中意去遊蕩吓。例如老牌屋邨禾輋邨，成個商場街市建築群大裝修咗之後都好少去，咁啱同家嚴去開就食埋嘢。始終家嚴係一個年紀比較大嘅男人，所以佢都會傾向食茶餐廳。咪住先，點解呢句嘢好似怪怪哋咁嘅。不過睇唔出有咩問題嘅時候，我已經喺餐牌度揀咗個鐵板豬手嚟食，聽家嚴講都幾大份，所以想叫嚟睇吓，點知下晝唔整。咁我唯有退而求其次，叫個 $48 嘅全天候常餐「美國雞扒出前一丁」，配「火腿奄列」同「牛油多士」，好嘅地方係佢冇將塊雞扒墨守成規咁放喺碗麵度，而係放咗喺配菜度，保留到煎雞扒嘅風味。奄烈有蛋汁，屬用心之作。加 $2 要埋「凍檸茶走甜」，用咗不繡鋼杯有助保持溫度。家嚴就要咗 $40嘅「嘆個下午茶」，佢揀「意式香腸焗肉醬意粉」再加 $2 飲「凍檸茶」，好似焗得幾靚而佢又食得開心。一個常餐一個下午茶，埋單價 $92，唔貴。。。（地址：沙田協欣街1號禾輋邨智和樓地下SU29號舖）#1amfoodie #foodie #hkfoodie #thatfoodiething #hkfood

今日經開禾輋，見到唔洗等位就入咗呢間茶餐廳試下位置都幾闊落，鐵板餐都只係$88左右帆立貝肉眼牛扒 ($88)牛扒食落正正常常，茶記水準。但都唔會話似快餐店嘅早餐扒，有返少少厚度呢點值得一讚。而且勝在份量都唔少，加上薯條同跟扒嘅汁都係另上，唔洗搞到啲薯條淋哂同太多汁浸住。汁除咗黑椒之外仲有椰香咖哩汁、日式咖哩汁、茄汁同蒜蓉汁等等可以揀，街坊茶餐廳嚟講算係幾有誠意。不過叫得帆立貝肉眼牛扒，上面嗰粒帆立貝就有少少強差人意。但牛扒嘅份量搭夠，總括嚟講都叫做唔錯!

今日一大班舊同學約埋係附近食飯，茶餐廳埋晒一班佬😂叫左個烏雞湯補下身，個湯好清甜，睇得出好足料，飲完好舒服叫左一個茄汁蝦同一個黃金蝦茄汁蝦嘅醬汁，唔會太甜太酸，好適中，又唔似正係落茄汁去炒咁，好唔錯而黃金蝦就更加出色，識落好香口野味，鹹香味十足，隻蝦應該有炸過，感覺蝦殼都卜卜脆，送啤酒一流，十分推薦👍🏻個人唔太好蟹，因為太麻煩🙈但試左一舊覺得味道唔錯👍🏻醬汁濃淡度岩岩好蒜蓉粉絲蒜扇貝，蒜味好香，蒸得剛剛好，而且唔係呃秤，粒扇貝大大粒，食落好爽好彈牙，個粉絲給晒d精神，非常正👍🏻最後叫左個炒飯，賣相好靚🤣食落不錯不失啦，冇話特別驚喜整體黎講係好味既，叫左幾個餸都叫水準以上，今晚食得好開心

今日路過咁岩見到呢間咁特別既餐廳去試左芝士大蝦伊麵好正有機會再來食希望下次咁岩行開呢邊再來食 大家來食記得試下 真心好耐未試過食咁好味既 芝士大蝦伊麵，未試其他野食。

📍 禧華餐廳 (沙田)沙田協欣街1號禾輋邨智和樓地下SU29號舖👀呢間餐廳平時經過就有但未食過，個fd話距嘅脆脆麵好食，今日就入去try try😊👉味菜牛柳絲脆脆麵👅先講麵質感脆卜卜，陪上牛柳絲，芽菜，酸菜等汁醬，哇，真係好食😋脆脆地淋淋地，好食好食👉椰香咖喱焗牛魔皇👅鍾意食咖喱嘅我真係覺得好正，距唔係好辣個隻，係港式咖喱，牛方面都好有牛味同埋唔會咬唔郁，平時食牛筋好似像筋咁，呢度就唔同，係咬到嘅，味道又唔差✍🏾整體野食大份，價錢都其實算平，性價比高，最重要味道都唔差，值得推薦❤️

Lunch time人多我知但態度都唔洗咁差吧～繁忙時間，我可以等位，但等到最後冇人黎通知。嗱，依樣其實都好小事，畢竟都人多，大家互相諒解同包容。但到後黎冇咁忙，我坐落到座位，幫我落單時，職員直頭又想丟我去第2度咁。咁我咪急急腳咁話「依家冇咁多人喎，比我一個人坐住先，人多我唔介意搭枱啦，唔該」過咗一陣，食到一半，個職員又黎問我對面有冇人坐，我啲人黎未」我嗰下真係呆咗，我咪講咗一個人囉。職員串串地咁講：「之前咪問你係咪一個人囉，又又話有朋友黎」我聽到依句，終於忍唔住，畀人屈啊！搭枱我唔緊要，好樂意，但食個飯畀人屈，可能係我反應過敏，但由等位到落位到食緊飯，成個過程都唔算愉快。消費者要忍受店家嘅單單打打，公平咩？唔反對大家幫襯，但我要再諗諗，唔想返工食個lunch 都要畀啲落單職員畀說話我聽。

剛剛開業時其實幾好，價錢適中，食物質素同份量都唔錯，持續幫襯左大概個幾月，每況愈下！食物質素下跌，服務都一樣下跌，以前叫外賣 都會收到回覆單號同價錢，現在叫外賣，只回覆ok，變相客人去到攞外賣要入去搵，門口位又迫，好多時搵外賣撞正堂食客埋單，大家迫埋一齊，場面混亂。而且個外賣整好或未整好都唔會通知，要自己去睇，好多時叫外賣就係為咗方便，整好左又唔通知 攞得個外賣都凍晒，都試過去門口企等左成個鐘都未有，都無好好解釋。 如無必要唔會再幫襯了。

📍禧華餐廳 (沙田)沙田協欣街1號禾輋邨智和樓地下SU29號舖今日同朋友行完山，朋友帶左我地黎食呢間餐廳，入到去職員d態度好親切，又主動推介食品俾我地👏最後見凍凍地叫左個雞煲食，另外朋友一早搵餐廳準備咗啲蝦同扇貝俾我地食👏👏🥢秘製麻辣雞煲🐔呢到d雞煲好出色👍🏻👍🏻個醬汁恰到好處，唔會好咸，我選左小辣😋雞同配菜既份量都好足料好大煲🤩4個人都食唔灑😂🥢茄汁大蝦🦐（要預訂）d蝦🦐新鮮得黎隻隻都好大隻，又爽口😂😂，茄汁配上大蝦真係一流🤤🤤🥢蒜蓉粉絲扇貝（要預訂）勁多蒜蓉🧄同粉絲，扇貝好大粒😍加埋佢d豉油汁真係好正👏👏📌總結：沙田區值得推介既餐廳👍🏻👍🏻👍🏻員工服務態度又好，環境都唔錯座位乾淨又寬敞，最後大廚仲出嚟問我哋夠唔夠食😂係一間用心制作既餐廳，下次一定會再黎😋😋

其實呢間餐廳我睇住佢開！佢初頭開第一個月嘅時候，質素真係唔差！份量又多！仲好有心機整埋沙律菜做伴碟！不過開咗幾個月之後質素越嚟越差！上菜又慢、份量變少左！最離譜係伴碟沙律菜變咗一粒西蘭花佢生意係好咗但係食物質素越來越差！呢個飯咖喱汁完全唔夠撈飯！雞扒由一整塊變咗¾份量！個餐湯食晒成碟飯都未嚟！問過阿姐就話嚟緊嚟緊！完全係Hea緊，冇人處理過人就多服務就冇人理你！不過最差真係伴碟沙律菜變咗一粒西蘭花真係唔會再幫襯佢啦

差唔多每星期放假都會買呢間餐廳，好鍾意呢間餐廳係好有心做飲食，唔係求求其其整啲野食出黎賺錢。例如蛋包飯，會配自製沙律菜、沙律醬，份量亦都夠大，一個女仔基本上係食唔曬。仲會免費送中湯/西湯， 好似仲有得揀白湯紅湯（只嗌過一次西湯所以唔太記得），一間餐廳開業已經準備三種湯任揀，足以證明佢地嘅信心同用心。今日又食左撈丁，撈丁亦都有配啲冷茶送麵，唔係得個麵咁單調。餐具方面，筷子、匙羹、飲筒全部都係獨立包裝，篤檸檬支棍都係硬淨大支好用。除左用心之外，野食都係好食，而且選擇好多，一般茶記嘅菜單、頹飯菜單、日式少少嘅都有，黎緊會再試多啲唔同種類。

今日去搵男朋友，附近開咗間餐廳。咁就去試下啦，入到去環境唔錯。冷氣足夠同埋又環境乾淨，叫咗個肉片抄河同埋公司三文治發現又幾好食同埋價錢又唔貴。比起附近嘅茶餐廳好食好多。性價比唔錯，值得一試。