興華茶餐廳 (Closed)

興華茶餐廳 在興華邨的最後一日。作為柴灣老街坊，地點似唔就腳，其實在裕興樓(巴士站)坐架lift 上17樓行過去好近。因成日上山落山會經過，大潭水塘跑步返柴灣，在「猛鬼橋」(峰華邨) 落嚟有咩近得過呢間食肆？ 返落柴灣站，除了耀東豬扒大王(又執埋)，水準同佢拍得住只有「樂翠茶餐廳」(一樣唔就腳及選擇少。)，澤記只係大份，但食物水準係唔入流。「蔥油雞脾」係興華嘅名物，但其實我咁多次都冇食過，我次次都係炒嘢，師傅炒功一流，但今日係最後一日，等都要等蔥油雞脾試試，因唔知仲有冇機會再食。店主話結業原因係媽媽做了幾十年，廚房師傅又年紀大想退休，但其實新一代店主及佢班後生拍檔朋友，個個有心有力，上年我至幫趁過兩次佢地啲巨型大閘蟹，幾OK喎 （見圖），新一代攪飲食有呢份心，在香港已見少賣少了。

柴灣興華邨的 興華茶餐廳，是柴灣街坊，也是我媽媽跟外婆的回憶。古樸懷舊的裝修猶如時光膠囊一樣，保持著 40 多年前的模樣，別有一番風情。招牌菜生炸雞髀外皮酥脆，肉質鮮嫩，最適合配搭一杯香甜消暑的紅豆冰。趁七月底光榮結業前，不妨再次跟隨父母回憶的腳步，品嚐這些快將失傳的香港味道。For over four decades, Hing Wah 1978 has been an integral part of the Hing Wah Estate community. Before it closes its doors at the end of July, make time to savor their signature deep fried Chicken leg with crispy exterior and juicy, tender meat.

皮脆肉滑，伴上葱花鼓油，配以充滿人情味的細心招待，令人一試難忘！😋今天到訪，獲贈postcard片一張，定會好好珍藏！😄知道餐廳於七月底結業，非常惋惜！😭希望有生之日，可以再嘗此港式美食！祝願你及家人一切如意，萬事順利！

興華茶餐廳📍：柴灣興華村二期和興樓203-204室🚗：柴灣地鐵E出口 步行15分鐘📞：+852 2557-6129💲：~HKD50/head for lunch總結：🥲興華7月31號last day想送佢嘅朋友記得趕係呢兩個禮拜同佢say bye bye😣🥲離別在即 食物好食與否都唔係重點 只係襯難得佢仲存在 同佢說聲謝謝同再見👋🏼🥲充滿人情味嘅茶餐廳 一入嚟好似時光倒退五十載咁 牆身泛黃 甩頭甩骨嘅枱凳 懷舊風格嘅地磚 重點係充滿人情味嘅員工 多謝老闆娘最後送嘅postcard 勁靚🤣🥲多謝餐廳多年來嘅服務 希望接下來嘅日子都心想事成

專登搭左個幾鐘車過黎，叫左出名蔥油炸髀飯 蔥油雞扒飯 凍檸樂 同西多士，首先地方同衞生非常麻麻，但唔緊要，都預咗歷史店係咁。但食物真係普通到一個點。。。唔明啲人點解可以拍片講到咁正😓😓😓😓😓😓😓😓😓😓首先雞扒飯塊雞又薄又細 飯又少。。食完係完全唔會飽的 炸髀正常味 唔會係出色到想再黎個種。。飯量係男女都唔會飽。。西多士散叫$20好抵 但係薄身細件 重點係有搽花生醬但幾乎食唔出花生醬味個下恐怖，整體真係好一般 凍檸樂加$12， 其實整體唔係真係講到咁平，只係正常出面茶餐廳價錢 而整體食物份量同質素係偏低個種，如果要專登黎真係唔使考慮

（又時光倒流寫食評😜😜）19/11/2023Tea time 柴灣名物 興華茶餐廳 蔥油炸雞髀作為一個港島東居民，我都係第一次去，真係有點慚愧。雖然我吾食蔥，不過佢其實係炸比放在蔥（豉）油上面，所以可以接受炸脾香口，雖然吾係即炸，但仲暖的、皮亦脆的、隻脾炸得乾身，帶有少少南乳香味。I like it . 朋友食西多：正正常常feel *蔥油炸雞髀單叫 $30 / 配飯 $42*****Update : 食店社交媒體網站出咗post 話會在2024年7月尾光榮結業。不捨得😢😢😢😢結業前要再去食多（至少）一次先。

住柴灣的街坊，絕對冇理由唔識呢間興華茶餐廳！餐廳至今已經有四十幾年歷史。 位於興華邨一期。不過茶餐廳位置有啲隔涉， 唔係住le 區嘅朋友仔真係要用少少時間先搵到門口 餐廳最出名嘅當然係蔥油生炸雞髀🍗 當日光顧基本上每一台都最少有一位食客叫咗雞髀食 ，當然我都唔例外🤭雞髀好大隻，熱辣辣， 皮脆卜卜好正啊！食雞髀點可以唔叫嘢飲呢？我就叫咗凍奶茶。鍾意食雞髀嘅朋友真係可以去試一試！ 下個月要再去食多次先🤣🤣🤣🤣

炸雞髀🍗：10 x ❤️蔥油🍚：9 x 🧡冬瓜湯🥄：8 x 🧡奶茶☕：7 x 💛呢間街坊茶記雖然地點比較偏僻，但係生意認真唔錯，平日中午12點幾1點，都真係有唔少食客嚟幫襯。第一次過嚟，試咗招牌蔥油生炸雞髀飯同奶茶。雞髀應該係即叫即炸，所以新鮮熱辣，外皮酥脆，而且火候控制得好好，啲肉唔會太乾，同埋啲調味都相當好。蔥油嘅味非常之香，撈飯絕對一流。不過杯奶茶就差少少，可能因為客人太多，趕唔切做，做好之後又趕唔切即刻上枱，所以唔夠熱，影響咗口感同味道。

係附近做野 懶得行番去青年廣場附近食飯就叫左個兩餸飯-肉餅配涼瓜燒肉，少飯，走湯 $46（外賣盒加1蚊）涼瓜燒肉正正常常 就係茶記食到既味道肉餅雖然睇落細細塊 但全肉 調味都重手 配飯一流老實講係少貴但如果係附近做野或住 叫個外賣加埋運費都差不多

今天去光顧時，見到店員同街坊的對答：店員：午安！今日想食下午茶？定食晚餐？老婦人：我今日食左早餐，冇食午飯，而家早d 嚟食一個晚餐。店員：好吖！今日有豬手，好淋㗎，你今日想唔想食豬手？老婦人：豬手？好喎！店員：我記得你鍾意食豬手尖，我夾多d豬手尖俾你，好唔好？老婦人：好喎！店員：飯餸分開上，食唔晒可包走吖！老婦人：好喎！店員：飲唔飲湯？今日係木瓜湯，木瓜好“淋”，你咬到㗎，上半碗湯俾你飲住先？飲完想飲再加，好唔好？老婦人：好喎！店員：食住飯飲住湯先，一陣先上餐菜俾你，好唔好？老婦人：好喎！一間係柴灣區舊公屋區內又冇乜特色裝修嘅茶餐廳，d傢俱又殘又舊，但係食物唔單只好味，仲有好濃厚的人情味，呢位年青香港人店員，你今時今日咁嘅服務態度，係101分㗎！#支持小店，下次開小差再去!👍#店員真係好有心，仲好靚仔😍#炸脾好食，奶茶好掂!🤤#人間有愛❤

呢日係柴灣拜完山，餓餓地就諗住係附近食個下午茶。上網search到華興既蔥油生炸雞髀好出名，所以就慕名黎試下。呢到既環境好懷舊，啲坐位比較狹窄，但就十分有風味。蔥油生炸雞髀飯 $40隻雞髀略嫌唔夠脆，食到有少少雪藏味，而啲蔥油汁就正正常常無特別。沙嗲牛肉麵 (下午茶) $32呢個望落就係咁煮左個公仔麵，放啲沙嗲牛肉係面。啲沙嗲汁完全無沙嗲味，我淨係食到蠔油味，連啲牛肉都係靭既。唔建議大家點。。。菠蘿油呢個都係十分失望，個菠蘿包凍冰冰，連翻熱都無。。。味道亦好普通。。。

明明一直係柴灣出沒，但都係第一次黎呢間茶餐廳食飯，一直遠近馳名嘅炸雞髀飯終於有得品嘗了🍗果然！呢碟招牌生油炸雞髀飯真係好大大大塊炸雞髀啊！雞髀外鬆脆乾爽、內柔軟多汁，唔會食到成口油，但真係好juicy，果然名不虛傳，值得經過時再食！

山長水遠專程去試興華。聞名遐邇的葱油雞脾是貨真價實，瑕疪是切開了炸，肉有點乾，也略鹹。乾炒牛河炒了許久，店員還要送錯給早已吃飽在看手機的食客，牛河夠熱，味道錯，$46 是沒話可說的超值。如果沒試$52的 至尊漢堡，這餐飯是滿意的。漢堡扒是凍和慘白色，明顯是從雪櫃直送芝士沒溶，煙肉沒煎。店員說已焗過了，送回廚房，再送出來時祇是漢堡有煎過的痕跡，因為好油，芝士依樣沒溶，煙肉依樣沒煎。是近年令人最難忘的漢堡。

當日精心安排了行程，由鰂魚涌起步，上柏架山道，再轉入去康栢郊遊徑，下柏架山引水道，大約兩個半小時就來到山翠苑，落去興民邨。沿着馬路行落去，15分鐘就到餐廳，終於可以一試柴灣名物之一的炸雞比。從馬路經過，鋪面並不起眼，因為它要行樓梯去上面。最後也找到了，有卡位就坐下。很舊式的小店，看來多年沒有裝修了。都是做街坊生意的，非常親切。叫了炸雞髀及手打漢堡。很快的便上菜。雞髀皮很脆，肉juicy，只係個豉油汁偏鹹，相信用來撈飯就很好，但是我單點就覺得太咸。漢堡包方面，味道不錯。如果塊肉餅可以煎到有焦燶的效果，及烘一烘塊麵包，就更好。服務很快手，年青人相當有善。之後繼續旅程，上去返引水道，過去野豬徑去淺水灣。港島東補給比較少，這段行程可以考慮。

看到網上好評特別開車去試下呢一間茶餐廳。去到個心已經嚇一嚇，店面比相片中更殘舊，行入裏面更加喺一陣酸叔味。一場黎到多諗住點都試下。我地下午2點幾去到，鋪頭坐滿20％左右，入到去無人招呼，自己搵位坐。坐低嘅時候正好有另外一台客人係度發脾氣，話叫左杯野飲，45分鐘都未到，心裡面已經諗伏味濃。之後坐左10分鐘先有人黎幫我地落單。兩個人，叫左常餐同埋佢地話係招牌嫁蔥油炸雞髀飯。等咗20分鐘一直未到。叫個後生仔幫我地催下單，後生仔一臉厭世咁問我欠乜嘢。先生，枱面空空如也乜嘢都冇，好明顯乜嘢都未到啦， 望住我做咩呀，需要我重新落一次單咪直接講囉，當然係冇道歉啦。之後再重新落一次單，再等多15分鐘，之後發覺佢地又再漏左單。叫個常餐同埋炸雞髀飯差唔多40分鐘之後先先後上枱。上先係沙爹牛公仔麵，難食到嘔。話係沙爹汁，事實上喺一pat無味嫁獻汁淋到左喺公仔麵度，沙嗲獻入面凹凸加幾片牛肉，當然喺肉還肉，汁還汁啦。到個蔥油炸雞髀飯上枱，又話係生炸雞髀，實質喺番炸左無數咁多，里里外外又柴又乾又吾新鮮。話蔥油只係係雞髀下面放咗啲劣質豉油，豉油上面灑左一啲唔新鮮嘅蔥，兩樣野根本就唔夾，難食到一個點，根本就係劣食。我