Video
4-min walk from Exit E1, Sheung Wan MTR Station
continue reading
Opening Hours
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
🤗 今日相約 “食家讀者” 交換情報, 選址 “旭”, 食壽司廚師發板.🏘️ 餐廳位於中上環L.Place 高層, 接待處以圓形線條設計, 分隔背後嘅用餐區, 十個讚, 壽司區設一張十二人橢圓形吧枱, 另外兩個鐵板燒用餐區.🥢 今日點咗十二貫壽司套餐, $580+10%, 包括前菜, 沙律, 茶碗蒸, 十二貫壽司, 卷物, 湯, 甜品.櫻煮八爪魚沙律茶碗蒸羽太帆立貝金目鯛深海池魚甜蝦紋甲魷魚飛魚喜之次赤身中拖羅右口魚邊赤海膽吞拿魚手卷玉子燒魚湯綠茶蛋糕🦑 櫻煮八爪魚. 送嘅, 靭韌哋.🍀 沙律. 冇乜特別.🍥 茶碗蒸. 賣相有睇頭, 又夠熱, 過關!🍣 羽太, 又名 “黑瓜子”, 北海道, 配沖繩海鹽, 青檸. 魚味不俗, 而且越嚼越甜.🐚 帆立貝, 又名扇貝, 北海道, 配昆布鹽. 昆布鹽帶領味道, 帆立貝肉質相對平淡.🍣 金目鯛, 配九州柑橘啫喱. 我唔食紫蘇葉, 竟然換上金箔, 賣相加分, 金橘啫喱搶味, 結合金目鯛嘅油份, 有趣.🍣 深海池魚, 配鯊魚軟骨梅醬. 我鍾意紅潤嘅色澤, 可能魚料太簿, 錯失咗實淨嘅口感, 味道唔算太梅.🦐 甜蝦, 配鹽𣚭. 師傅介紹甜蝦尺碼係 3L, 我又唔覺得特別大隻喎, 食落少少甘, 帶杏脯味.🦑 紋甲魷魚, 配七味粉. 據師傅介紹, 此前嘅壽司用白醋米, 由呢貫開始轉赤醋米. 講番紋甲魷魚, 口感真係唔似魷魚.🍣 飛魚, 配三升漬, 芽蔥. 魚料太簿了, 口感欠奉.🍣 喜之次, 炙燒, 配日式脆脆醬. 炙燒嘅喜之次逼出油份, 配合惹味嘅脆脆醬, 掂!🍣 赤身, 配日式芥辣籽. 芥辣冇搶味, 赤身俾到金屬味, 有趣嘅搭配.🍣 中拖羅, 配山葵莖. 拖羅嘅肥美, 又保留到醬油嘅甘香, 掂!🍣 右口魚邊, 配炸京蔥絲. 蔥香, 紫菜, 魚油, 完美結合, 攪掂!🐚 赤海膽, 配米餅, 淡雪鹽. 海膽忌廉口感異常結實, 唔用紫菜, 換成脆口嘅米餅, 效果頗有新鮮感.🍙 吞拿魚手卷, 配櫻花蝦, 天婦羅碎. 吞拿魚蓉夠唒香, 不俗!🍮 玉子燒. 據師傅介紹, 用蘭王蛋, 蝦肉, 低溫煮. 口感少似芝士蛋糕, 一點點橙味.🥣 魚湯. 極重嘅魚味, 交足功課.🍰 綠茶蛋糕, 配紅豆忌廉. 蛋糕軟熟, 完美結束!🤗 總結: 餐廳樓面設計獨特, 空間感十足, 值得再讚. 師傅詳細介紹每款壽司嘅魚料, 出產地, 同埋 調味. 敗筆係: 坐滿人嘅時候好嘈, 聽唔到師傅講嘢. 機械式服務, 合格但欠溫度. 壽司魚料偏薄, 口感差少少, 每貫都配一款調味, 賣相就係 “長方加一點”, 頗有新意, 性價比有吸引力.
continue reading
見到食評咁好，於是就book左檯黎呢度同朋友慶祝生日食 omakase。 一黎佢就係上個白粟米湯，好清甜！然後就有個沙律同茶碗蒸。然後就係12件壽司啦！每一件都唔錯 但我特別鐘意:-1. 左口魚群邊 - 好脆嘅紫菜包住入口即溶嘅左口魚群邊簡直就係冇得輸！2. 海膽脆脆 - 海膽好新鮮，用兩塊自家制米餅薄脆夾住食😋3. toro 👍4. 金目鯛 - 微微燒過，上面配埋一片柚子啫喱令成個味道好清新5. 魚生紫菜手卷- 新鮮粒粒刺身加埋d脆脆同櫻花蝦用紫菜包住好好味😋6. 有舊燒左上面嘅唔知叫咩魚 - 但個炭燒味好食🤤
continue reading
男朋友最鍾意食澳洲龍蝦，適逢佢生日帶佢嚟食鐵板燒，師傅又識講笑好啱傾，每道菜都介紹得好仔細，價錢非常合宜每道菜都一試難忘，本身好怕魚腥味，但係佢嘅時令白金鯛整得好香，將魚鱗煎到好香好脆，食落口感外脆內軟，而且環境寬敞坐得好舒服，最後清酒煮蜆，係唔加水嘅直接燒將啲酒精揮發，每粒蜆大大隻非常鮮甜。本身仲怕唔夠飽加咗幾隻廣島蠔，又可以睇埋師傅表演一陣，所以如果真係唔夠飽，佢其實有好多單點嘅可以加。加埋最後嘅炒飯真係飽到撐😅🤣好滿足嘅一晚
continue reading
🇭🇰昶·Lunch Sushi Course $580之後呢間係我朋友仔食過覺得好食帶我黎食既 果然真係超級唔錯 佢lunch係有呢個sushi set同埋omakase set揀 但係其實呢個sushi set已經超多野食🍣😍😍·前菜 l 沙律 l 茶碗蒸し因為依家係夏天 佢前菜首先係一個凍嘅水果粟米湯 佢係好似小甜品咁樣 飲落去甜甜淡淡嘅粟米味 都幾開胃🌽之後就仲有個沙律同埋一個好多蟹肉絲嘅蒸蛋🦀·握り寿司十二貫 l 卷物之後就係壽司啦🥳🥳佢啲壽司都幾新鮮 第一嚿係魴鮄 佢呢個就咁用少少青檸同鹽 都幾鮮🍋之後佢個墨魚中間係夾左塊紫菜 不過我自己就覺得佢個墨魚稍微漿口左少少 口感無咁好🦑之後個赤貝好大舊 好鮮 金目鯛就係微微燒過 配埋一塊好滑溜既橘啫喱 幾特別🍊之後佢個喜之次上面係加左啲辣脆脆 食落魚油超香😍😍之後個深海池魚都好肥美 個鰤魚就正正常常😎之後個左口魚裙邊我自己好中意 佢係燒到啲魚油出曬黎 包埋塊好脆身既紫菜 好正🤤最後個銀鱈魚魚油都唔錯 好入口即化 不過我就覺得佢呢個燒得稍為熟左少少🫢🤣個大拖羅配埋個蔥油wasabi都相當唔錯 超滿足 唯一係我食個舊邊邊位有少少筋 之後個海膽薄脆都幾甜 而且新鮮 最後仲有個手捲 入面好多刺身粒 加埋啲脆脆同櫻花蝦 口感好好 滿足🥰🥰😌·吸い物 l 甜品食完壽司之後就有個暖笠笠既麵豉湯 同埋一個好似布甸既甜蛋 不過呢個入面係有蝦既 所以我就無食到🦐🤣🤣最後仲有個好清爽 上面有一層啫喱既蛋糕仔🥰佢呢度係真係一位師傅服務一組客人既 所以服務好好 我地係度慢慢食 慢慢吹水 食左兩個幾鐘 開心🥳·#rbyeat#rby日本菜 #rbyomakase #rbycelebrations#rby中環 #rby上環·📍中環皇后大道中139號The L. Place22樓
continue reading
昶 Hinotama開業一年多既Hinotama，有廚師發辦同鐵板燒選擇，小編今次食lunch omakase set＄1280＋10％ 16個course，舍利酸味偏淡，個人喜好酸多少少會好d！＜前菜＞🌽白粟米凍湯 Tomorokoshi soup🦀蟹肉茶碗蒸 Gani Chawanmushi＜刺身＞🦪北海道昆布森真蠔 Kaki from Konbumori, Hokkaido🍣真羽太Mahata 🐚粒貝 Tsubugai🦐縞蝦 Shima Ebi🐠赤身中拖羅 Akami Chutoro🐠 太刀魚 Grilled Tachiuo＜壽司＞🍣 高部魚 Takabe🍣 鰤平魚 Burihira🍣 池魚bb Aji🍣 赤海膽紫海膽 Aka Uni and Murasaki Uni🍣 喜知次 Kinki🍣 手卷 Temaki🥚玉子燒 Tamago<甜品>🍇提子泡芙 Green Grapes Puffs⭐️比較有印象既壽司：😋白粟米凍湯 - 用粟米芯打成蓉整成既凍湯，非常清甜好味！😋粒貝 - 落咗d海藻鹽，口感爽口，亦有鮮味!😋縞蝦 - 用花雕酒料理酒等醃製而成，蝦味同酒味balance得好好！😋鰤平魚 - 鰤魚同平政魚生既魚，有鰤魚嘅油脂感，又有平政嘅結實感，好出色！😋喜知次 - 上面加咗日本XO醬，加上本身燒過魚皮，味道好有層次！😋高部魚 - 油份重，加埋梅水晶(鯊魚軟骨+梅肉)，口感味道好balance！
continue reading