好到底麵家

Open Now

Now Closed

曾幾何時，好到底麵家是全家最愛的麵食，由媽媽從前懷孕，到我們完成學業，都是我們元朗區必吃麵食之一。可是隨著好到底的名氣愈來愈大，連續多年獲得米芝蓮推介，以及不斷擴充營業，變得商業化，昔日的雲吞麵味道被名利洗涮得乾乾淨淨，遺下的只有不用心的製作。還記得以前看似樸素的雲吞麵味道是如何豐富鮮美，充滿鮮蝦的湯頭，現今不復當年，味道偏淡，失望透了。麵條雖然保有彈性，其蝦籽鮮香感統統絕跡在麵中，回不到過去。至於另一靈魂雲吞亦倒退了，雲吞的內餡包得不緊實，有點鬆散。唯一不變的是蝦肉比例，尚算彈牙，迷你輕盈。我所以喜歡吃雲吞，都是因為好到底往日的美味，現在卻不復當年勇，只有退步，沒有進步。希望好到底能重拾過去的風味，不只是懷緬過去。

晴天…見天氣好今日同媽咪入元朗行下…原先諗住去試下元朗名物既豬扒同燒腩！不過媽咪有D攰！又咁啱見到好到底！咁就同媽咪試下！入到去D裝修幾懷舊！木凳係D好傳統好重嗰款！應該用多幾十年都冇問題！有時老既野未必唔好！咁傳統老店又如何？今日點了…雲吞麵 - 麵就冇鹼水味！不過都唔係平時食到雲吞麵嗰種金黃蛋麵！湯好濁下！味道亦一般！反而雲吞又幾香喎！仲有小小金魚外型！佢地既辣椒醬就真係麻麻地！水餃麵 - 水餃皮有D似魚皮餃！不過唔香！其實我個人覺得有質感同味道都有D怪怪地！蝦子蘿蔔 - 蝦子算幾香不過蘿蔔就唔算太香甜！同有小小渣！感覺一般！點都會試一次！話哂有米芝蓮光環但亦都係只此一次！後話…同媽咪食完佢就自己去行街而我就去睇下有冇緣買豬扒飯同燒腩！點知去到時燒腩店已經乜都冇！我照行入去，哥哥仔好歉意咁話D野賣哂！有禮貌！我會再接再黎！跟手轉個灣睇下豬扒飯情況點！冇排長龍，但都坐滿人，心諗有機！行去買個外賣先，點知聽到前面有人想落單，個阿叔，唔知係咪老細，就話”要等兩個鐘，你地仲等唔？，你個答法都幾趕客喎！真係唔憂做咁！不過下次黎都會博下堂食！因為感覺堂食30分鐘應該有得食！自己帶外賣盒自己打包

做了元朗人一年多, 逐一試了不少在元朗的麵店, 因為本人好鍾意食竹昇麵, 粉麵一類的東西, 而且廣州人麵食、雲吞一類食物, 要求好高。好到底差不多是元朗區最紅的傳統麵店。所以決定一試，而且懷住好高期望去試。首先, 服務好有問題, 傳菜落單姐姐好忙, 收銀老闆親信一類有幾個認真係緊守崗位, 望到客人舉手都無動於衷。小店通常有人情味, 但到收銀桌付錢時, 連句多謝都無, 同客人零交流, 如果是二代接手, 真的要思考下如何堅守家業!獲獎食物- 魚皮水餃, 的確是人手包, 亦都是用了平時魚皮餃皮的製作方法去造。餡料好差, 無粵式水餃那麼豐富, 無荀絲, 無木耳, 只有撈過的肉, 約4x大元一份, 好似有6隻, 價錢合唔合理就見人見智了。蝦子撈面, 蝦子沒有深水埗某知明店的香, 只是好一般之作, 但所費不菲。麵本身都沒有好特別, 沒有竹昇面的彈牙，真是比普通面店還要普通，份量又少。炸醬撈面, 醬少, 醬不夠酸甜味, 怪怪的, 肉絲時好長時好短, 而且不入味, 不夠香, 應該只是撈上去, 沒有落過鑊炒香。好失望。  

元朗老字號就不得不提好到底麵家佢係拎左米芝蓮認証的食府！佢特別之處就係澄麵係無鹼水味湯底亦十分清甜的！ 佢地既雲吞亦麵非常出名，自己親手製造，蝦肉會較多，瘦肉會較少！蝦肉都用新鮮既做出，所以會更彈口！爽脆聲！再配埋個自家製辣醬，令蝦肉的味道更突出

好好的在住處附近的不光顧，反倒要到遠遠的元朗食。事關小人需於此區見客，說到尾好吃是緊要。麵上雲吞下似乎已成不變的定律。湯底一般，雲吞麵爽口不糊，雲吞夠大，吃完卻不飽囉……不夠就是不夠。

今天去終於去嘗試一下這個米芝蓮雲吞面$27块一碗 一共有4粒雲吞 。 雲吞較小粒 味道感覺一般 面的確沒有鹼水味 但是不彈牙 口感不是太喜歡。個人感覺整體感受一般 沒有想像中的好

記得當年朋友在一月一號帶我來到麵檔，跟我說："來採個意頭，好到底！"自此我就緊緊記住呢家麵檔的名字。今天獨自經過，又入來回味一番本來吃雲吞麵，想了一會叫了淨雲吞。叫了幾分鐘後便後悔了，這家的麵，好吃啊！幸好雲吞也美味，細細粒一啖一粒，轉眼吃完比譚仔更有香港特色

呢間野食過幾次，有時都會買d雲吞返去自己煮。比時出面既我唔會食，因為好多都有鹼水味，唯獨呢間食甘多次都無，食落口彈牙，用筷子夾唔會斷開，有少少香蛋味。湯底清，唔濃味，加少少蔥花點綴下，寧到湯底都會有少少香蔥味。雲吞，蝦大隻彈牙爽口，鮮甜，明正言順皮薄（喊）靚

今日熊病了, 去元朗睇醫生, 在食粥和食麵之間選擇, 在大雨下, 立即決定到就近的好到底食麵。好到底是一間元朗老牌麵店, 以食雲吞麵最出名。蠔油生菜$15 - 生菜包成球狀, 賣相幾得意, 灼到仍爽口, 啖啖新鮮菜味, 蠔油放在旁邊, 不用怕太鹹。出來吃東西, 能吃到菜, 已經加分不少了。雲吞麵 $27 - 有5隻雲吞, 細細的, 一口一隻, 餡料經調味, 偏鹹, 有些蝦籽味, 蝦肉和豬肉各佔一半, 幼麵頗為爽身, 大地魚湯底清清的, 不會太鹹, 可以在邊吃麵邊喝湯。唯獨份量較少, 男士會不夠飽。炸醬撈麵 $36 - 炸醬的醬似乎不太夠, 要撈勻整個麵頗有難度, 汁料甜甜酸酸幾惹味, 配上一些肉絲, 以及一碗湯, 湯比雲吞麵的濃鹹, 用作加在麵較濕潤的感覺。蝦籽蘿蔔 $27 - 清甜的蘿蔔, 配上有蝦香的蝦籽粉同吃, 別有一番風味。很久沒來好到底, 發現原來小店的姐姐好親切, 好有人情味呢! 對食客處處顯出由心而發的關心, 令人印象深刻。我吃完了東西後, 想要加些茶來吃藥, 店員知道後, 主動拿來一杯熱水, 給我用來溝淡茶, 也可以暖暖的吃藥, 這小舉動蠻窩心的。

「好到底麵家」位於千色店附近，這是元朗有名的麵店，老牌子又高質就是它。店舖雖然是舊式，待應可能是街坊，給人感覺是人情味。 我點了雲吞麵, 25元, 不算太貴, 幾分鐘待應已經端上熱騰騰又香的雲吞麵。麵放在雲吞上面，令麵沒有這樣熟透，保持其彈性，麵條富煙靭。湯同雲吞也不錯，湯底是一般味精湯，沒有渴太多；至於雲吞，蝦和豬肉餡料雖沒有豐富到溜出來，雲吞皮較薄和順滑，整體不錯。 我整體評價只是麵不夠爽口，我已經向店家給意見。總括而言，$25這碗細碗雲吞麵比其他用大雲吞和潮式湯底絶對優質得多。

「好到底」 始創於1948年, 已有數十年歷史，在元朗可謂無人不知。今日難得去元朗郊遊, 點都要到來食個下午茶! 「好到底」位於一幢舊式樓宇的地舖，店子佔上兩層。旁邊有間葯房, 吸引不少自由行及水貨客, 十分擠迫。店外店內都保留著原有的古老裝修，甚具風味。枱與枱之間沒有太多距離, 加上店內人山人海, 用餐環境不太舒適。抬頭一看, 「好到底」從2011 開始每年都在米芝蓮的推介餐廳之列, 認真厲害。除了選擇坐底食, 不少客人都會買些乾的蛋麵回家慢慢品嘗, 因此外賣盒放滿收銀處。雖然好到底出了名, 但是店方沒有大展腳衝出元朗。為的是要保持質量, 因此味道多年來依舊。變的可能是食物的價格吧!<雲吞 $27> 雲吞並非全鮮蝦雲吞，約有三分是豬肉，屬於傳統的雲吞。雖然如此，但【好到底】始終以蝦籽乾麵餅聞名，也扎根元朗幾十年，雲吞當然有其過人之處，就是蝦籽。雲吞餡料的蝦肉鮮味一般，但有相當多的蝦籽及大地魚乾蓉，彌補了雲吞鮮味不足之處。湯頭並非其他雲吞麵名店常見的金黃色清湯，而是呈些微奶白色。呷一口清湯，欠缺了明顯的蝦殼、蝦籽及大地魚味道；雖然有大地魚，但份量偏少，反而有一點點的金華

是日於元朗領取戶照, 等候超過1小時, 有點肚餓決定找點東西吃。來到千色店附近的 好到底麵家, 是元朗有名的麵店。店舖較為古式, 店員親切有禮, 富有人情味。我點了牛腩麵, 32元, 不算太貴, 幾分鐘牛腩麵便試上台, 熱騰騰又香。麵條彈牙煙靭, 味道佳。湯底美味, 無味精。牛腩篇瘦, 但卻牛味重而軟身, 咀嚼後不帶渣滓。唯麵份量比較少, 原來可以多付5元“ 加底” 。 吃過眾多中式麵店, 老子號又高質素就是這一家。由打麵到淥麵也豪不馬虎, 這就是他 屹立元朗六十年的原因

最近先記得要打這篇食評，遲了少少呢。新年流流，梗係要食啲好意頭嘅食店啦。而好到底就係小弟屋企新年一定會食嘅食店之一，好到底，好到底，新年食完好到底就會由頭好到落底，小弟好似有少少黑sale呢 好到底麵家原來仲係米芝連星級餐廳添，所以話平民食物中都會有米芝連，當然係咪真係好食又係另一個問題。由於係新年，所以有啲嘢會加價，大部分加價都係幾蚊，不算貴。不過都算可接受範圍內。雲吞依麵　雲吞依麵係小弟最鍾意嘅item之一，雲吞大大粒，也有不少蝦仁，幾足料。蝦子撈麵　蝦子撈麵較以前差，蝦子少左，但麵質不俗，不過要近hkd就有點少貴了。新年仲要加近hkd5呢。淨水餃　淨水餃包薄，內裡也有雲耳，很清爽，而清湯也很好喝，超推。四個人食左近hkd270，差不多要近hkd70一個人，有點小貴，但相比其他米芝連已經叫做最平價了。

入到元朗，當然想試下米芝蓮 的推介。這家麵店座落元朗旺區，都容易找到的。麵店有2層，由於地下已經滿座，我們被安排到1樓。店子雖然舊，但比一些市區茶餐廳還整潔。我们点了推介的炸醬捞麵，淨水餃。也点了個牛腩麵。炸酱麵的醬汁味道調較得好好，但係如果可以俾多少少醬汁就好啦，因為唔夠汁食個麵。牛腩都林，味道比较清淡。佢哋的麵條比平時食的有点不同，比較粗身，硬身，及爽口一点。麵條不太索湯或汁，而且麵條沒有什么味道，所以覺得有点怪，但口感0k。水餃亦不同一般廣東水餃，皮是較厚身，比較似魚皮餃的皮。餡料有很多蝦同木耳，味道也是較清淡。整体來說，佢哋的食物的確不同別的麵店，可以一試。

。小時候，曾跟家人到一家有樓梯底的餐廳，感覺老舊，暗黑中吃麵的記憶模糊。今天本想去西關再嚐咸湯圓，原來星期一休息，走著走著便來了此老店。卡位木製，擁擠而懷舊，員工下單後會出一張電腦單，老店配上電腦科技，與時並進。小小的廚房迫著幾名漢子，外邊亦一樣，人頭擁擁。雲吞麵非常小巧，可能又是秉承往昔情懷，一碗麵不得超過五口吃完，雲吞要一口一粒那樣吧。因此聽到不少食客下單時已要求加底。麵條挺硬身，彈牙而非未煮透的硬度，爽而吸湯，有功架。雲吞小小一顆，內裹蝦亦相當小型，味道淡淡的，後來加點腩汁更好。吃到一半發現絕對不可能吃得飽，便追加一碗小食-蘿蔔牛腩。蘿蔔四五件，熱盪盪，爽甜、吸腩盡更香濃，完全沒筋，大快朵頤！牛腩稍嫌遜色，兩件是痴牙質素，味道挺濃，惟可幸其餘的較腍，筋肉相隔，否則便不值回票價$26。