海景軒

Open Now

Now Closed

呢間酒店質素唔錯喎，俾返相應嘅價錢，佢都會俾返相應質素！服務仲好好添乳豬好脆幾靚仔呢個就油咗少少不過呢度啲豆瓣醬幾好味花膠湯超正！唔係好厚，但係都滿足呢個海參都唔錯炸子雞就麻麻哋，有啲鞋 呢個雲吞嘅蝦都有啲細，肉嘅比撈比較多紅豆沙太甜呢個飯就炒得有啲濕，而且個調味都普普通通呢個宇宙唔係太多肉，幾新鮮不過佢load得太多油啦，新鮮嘅魚其實唔應該加咁多其他調味同埋油最欣賞就係呢碗湯好正成個環境同埋服務態度都好好！當中有一個醒目嘅侍應

海景軒的出品都是挺好的，我們久不久都光顧，尤其喜歡它的Set Menu👇🏼嘉福四小碟：1.大蝦多士，蝦膠彈牙，多士香脆2.煙燻素鵝，正常3.香蔥拌海蜇 ，海蜇爽口4.煙肉茄子，煙肉鹹香配茄子齊吃，不錯👇🏼蟹黃燕窩羹，用料十足，每羹都有蟹肉，羹的稀稠度恰好👇🏼頭抽煎星斑球，斑球外層煎得香脆美味，內裏肉質鮮嫩滑口👇🏼鮑汁扣鱈魚花膠海參伴鵝掌，每樣食材都處理得到位，鵝掌腍，花膠不腥👇🏼魚湯雲吞浸時蔬，清清淡淡ok，魚湯也可飲👇🏼湖南辣子雞，小辣，雞肉尚算嫩👇🏼鮑魚荷葉飯，喜歡真鮑魚的獨特香味，整個飯弄得入味好吃之餘，也讚賞荷葉清香，不像坊間某些荷葉飯敗筆於荷葉味偏重👇🏼楊枝甘露，份量足，每羹都滿足到味蕾，不錯之作

錯過左10:30完結既自助早餐時間，見中菜廳有位，就到海景軒飲早茶。工作人員迅速為我們安排了座位，上左我需要既茶品之後，他們專業的介紹是日推介，因為家人都用過早餐，得我１位誤了早餐時間，所以我簡單點了幾個點心享用。海景軒位於酒店地牢，無風景睇之餘，早上剛開門，店內有陣焗促的氣味，不過坐一會就消失。露筍鮮蝦腸粉（$85）蝦大隻爽口，每件都有１隻蝦，腸粉好滑唔厚，配特製醬油，好味。XO醬蘿蔔糕（$88）微辣，擺盤幾靚，糕邊煎到香脆，略為有點乾。瑤柱有機糙米雞（$58）好香荷葉味，加左少少紅米，食落更有口感，內層雞肉鮮嫩多汁，但無乜瑤柱既味道。牛肝菌燒賣（$80）同普通燒賣無咩分別。金冠海皇餃（$69）餡料豐富，露筍新鮮，蝦肉爽口，綠色既餃子皮，好睇又好食。茶位＄35/位，少貴，茶葉靓，好飲，但水唔夠熱，工作人員反應快，親切有禮貌。

片皮鴨一鴨兩食 · 席前片鴨表演 😋📍賣相-餅皮用蒸籠裝住；每塊都有底紙隔住，唔會癡住📍味道-鴨嘅外皮酥脆鬆化、肉質嫩滑，仲有特別佐料可以選擇⭕️創新佐料配以菠蘿、柚子粒、橋頭及韓式辣醬 👍🏻👍🏻⭕️傳統佐料可選甜麵醬、京蔥條及青瓜條➡️➡️第二食 - 翠盞烤鴨崧📍頭抽醬瓜皮 呢個菜色簡直係化腐朽為神奇，取材自平時一定唔會食嘅西瓜皮，加甜酸醬汁，變成一道非常開胃嘅懷舊涼菜 📍#新年限定 #撈起寓意「風生水起」，十款色彩繽紛的食材切成幼絲，仲加入咗南非鮑魚-「年年有餘」唔使食魚😂

年尾，想請爸爸媽媽食一餐，本身想食自助餐，但係老人家話食唔到咁多覺得唔抵，所以就搵一間中菜，叫做有啲質素，菜式精緻一啲嘅比父母食。本身係海景嘉福酒店一向都只係食自助餐，瀏覽酒店網頁嘅時候發現有呢一個特價中菜，一位$750 ，都算係budget 之內，所以就book咗三個人。睇過佢個餐牌都係正常嘅菜式，冇乜特別期待當日book咗6:30 ，一入到去環境好昏暗，但係枱面設置都好有中式feel，去到已經有好有禮貌嘅人侍應問你飲乜嘢茶，之後嘅菜式就大概每道菜隔20分鐘逐碟上， 菜式可以睇返個Menu，成個餐嘅質素，食物味道中上，比較突出嘅就係燕窩蟹肉羹，好夠熱同埋好足料，兩老都食得好滿意，仲有最後嘅蛋白杏仁茶，就算飽都要食晒有少少失望嘅係，本身我備注嗰度寫咗係為咗慶祝兩老40周年結婚，最後酒店都係冇任何表示，口頭上嘅祝賀都冇呢個係有少少失望嘅

吃完問女侍應拿張手寫單，已被很不禮貌地回應説我們不提供。怎知道更經典的還在後面。。。我只是説了句：你哋係應該要給我們單的呀！男經理就過來大聲説：你同我哋律師講啦！（使吾使呀）氣炸了。。。但仲未完。我跟着又説了句：以後都吾嚟呢度了。跟着男經理更悪更大聲地説：多谢曬喎。。。（佢係有多想倒公司米呀）花錢受氣，真是的！想起那句：今時今日咁嘅服務態度，點得架。。。呢間係真係以後吾會嚟了😡😡😡😡😡😡😡😡😡😡

大閘蟹季的來臨總是令人期待又興奮。因為肥美的大閘蟹，令人食指大動。是夜和家人來到著名的海景軒，品嚐一下當造的蟹粉滋味。四式小花碟蟹粉小籠包熱辣辣爆汁，叉子臘腸卷用了巴西莓果捲著臘腸，一點也不膩。鮮竹豆苗卷有咬口，家鄉煎茶粿則煙韌有米香。清蒸大閘蟹來自太湖的大閘蟹目測有六両重，是我鍾意的蟹公，蟹膏金黃甘香，肥美豐腴，齒頰留香，蟹肉鮮甜彈牙。食完立刻奉上一杯驅寒薑茶，貼心之致。蟹肉釀焗牛油果用上了三隻蟹拆肉才夠釀滿一個牛油果，絲絲蟹肉加上creamy的牛油果，估唔到咁夾，好好食，好有驚喜！花膠蟹粉茄子懶人之選首推蟹粉莫屬，上枱一刻仍熱得滋滋作響。花膠香軟、茄子嫩稔，加上肥美蟹粉，這個懶人配搭，每一口皆滋味無窮！家鄉鹽焗雞龍崗雞先用鹽、花椒、八角去醃好，再拎去焗45分鐘，肉汁被鎖在雞皮。雞被預先分好上枱，再淋上酒去燒，雞皮微脆帶酒香，而雞肉又嫩又滑。焗蟹粉荷葉飯又一懶人之選！大愛呀！荷葉香撲鼻而來，金黃的蟹粉鋪在粒粒分明的炒飯面上，再撈匀來食，一啖接一啖，食唔停口！最後以一壺甜蜜回憶茶作結，以茶香清除徘徊在口腔內的蟹香。薑茶湯丸、鴛鴦芝麻卷、黃金脆奶卷，少少的幾款，為這頓飯劃上完美的句號。家

坐位舒服 枱與枱之間相距很遠 但客人多如果大家都高聲𣈱談有啲糟 食物不錯 可以試吓 如果是會員更有折扣 注意 大時大節可能冇折扣 服務態度也不錯 良朋共聚 招呼外地來的朋友是理想選擇

I've got sunshine on a cloudy day ......My Chef, my Chef, my ChefTalkin' 'bout my Chef, 一位令我欣賞的廚師 —余照軍師傅。軍師傅擁有四十多年豐富經驗，不單廚技了得，在行政總廚崗位以外，更是一位跑山愛好者，經常參與公開跑山活動，軍師傅在毅行者的山徑也留下不少的足跡，相比之下，自己望塵莫及！由他健康的膚色、身材和陽光的笑容所發放的正能量，令陰天也放晴了！陰陰天離開家門，此料不及來到「海景軒」卻是藍天白雲，近來怕光的我，沒帶上我的墨鏡！是次相約友人叙舊，亦是與「海景軒」的叙舊！以往絕少嚐到的點心、還有意外「非酒店價」的客家風味鹽焗雞，就像從晨曦中吸收了滿滿的維他命D，喚發精神的一頓！狀元茶粿 HK$66/三件鵝肝醬香芋角 HK$69/三件黑松露鮮菌餃 HK$69/三件鵝肝醬香芋角有著酥鬆的外在，與及軟糯香滑的內在，加上鵝肝醬之香的襯托，成為三件點心最邪惡之首，但又非吃不可！「海景軒」的客家菜餐牌中，狀元茶粿是每次的必點！特別香軟綿滑的粿皮配合溫馨的粿餡，縱使沒有震揻的衝擊，卻輸出一份心內甜的溫暖！我們都愛

很幸運地再次造訪海景嘉福洲際酒店的中菜餐廳-海景軒。距離上次疫情期間的來訪已經過去兩年，這次再次光臨，感覺是耳目一新，讓海景軒的地位在酒店中菜餐廳中更上一層樓。特別推介下列必吃菜式! - 四寶花膠木瓜湯- 脆皮鮮蟹肉荔枝- 家鄉鹽焗雞(龍崗雞）- 水晶牛肋肉今日菜單如上，份量為六位啱啱好四寶花膠木瓜湯這道湯品以挖空的木瓜船盛載，吸收了夏威夷木瓜的甜味，味道滋潤，極具創意。脆皮鮮蟹肉荔枝蟹肉與荔枝的搭配，內部加入了一點蜜瓜的香甜，進一步提升了甜美的味道。樣子像桔仔一樣可愛。家鄉鹽焗雞去到萬眾期待嘅家鄉鹽焗雞，有得睇又有得食。鹽焗雞選用了龍崗雞，那肉質鮮嫩多汁，外層則是一層金黃酥脆的皮，完美展現出師傅高超的鹽焗技巧。在您享用這道美食時，師傅會親自在您面前點燃熊熊烈火，待雞肉完全煨熟後，再以錘仔輕輕拍打，讓鹽焗外表破裂，揭開美味的面紗。這種獨特的烹飪過程，不僅讓您親眼目睹，更為這道菜增添了無限的魅力。小小的亮點，友人叫師傅留起雞油，雞油加上白飯，融入了雞油的香氣的白飯變得更加飽滿滋味。水晶牛肋肉水晶牛肋肉看起來像一顆完整的水晶蘋果，當您一切開它時，內部呈現出嫩滑多汁、風味豐富的牛肋排。必試！

話說車媽媽很喜歡吃客家菜皆因我的嫲嫲是為客家人，自少由她湊大的我吃過不少正宗的客家餸，30多年前她離開我之後已很久沒吃過那回憶中的味道了！這天來到久違了的海景嘉福酒店開餐！這天來是為了品嚐海景軒新推出的客家鄉味精選菜，我極為期待這餐可以吃到回憶中的味道。海景軒現在由中菜行政總廚余照軍師傅掌舵，擁有40多年入廚經驗的他曾在海外浸淫擁有廣闊視野，他的烹飪技巧絕對是毋庸置疑。甫踏進海景軒那經典裝潢依然給我熟悉的感覺。於品嚐客家菜之前先來幾款精美點心開開胃！第一件要品嚐的是黑松露素珍餃＄69/3件，‎素餃外皮弄得煙靭不黏牙內裏充斥濃郁菌香味道清新可人。然後是海景軒招牌美點客家煎茶果＄66/3件茶果底層煎得香脆吃下口感豐富，外皮更軟糯沒有黏牙內裏的餡料則弄到香而不膩水準依然。緊接著是我最愛吃的芋角這個更是鵝肝醬香芋角＄69/3件，外層炸至酥脆香口內裏的芋蓉則香甜細滑，加上鵝肝醬的甘香令人回味非常。接下來要享用這個矜貴又養顏的花膠鮑魚灌湯餃＄120，飽滿的灌湯餃吃下香滑很迷人，配上煙靭濃香的鮑魚及滑溜花膠吃罷皮膚也感覺特別有彈性呢哈哈。終於到品嚐軍師傅的客家鄉味精選菜中的瓦罉鹽焗雞＄268/半隻，

原本滿心歡喜去到海景軒諗住食好西 見到當晚set咗嘅餐牌都好期待 當頭盤（叉燒、茶果、鮑魚、乳豬）- 味道尚可 不過不失四保木瓜盅 - 係好飲嘅片皮鴨 - 隻鴨皮脆肉口，不過個薄餅唔得 酸菜魚 - 一般 冇驚喜花雕蒸蟹鉗 - 全晚最失望之最 蒸蛋完全唔滑 唔知係蒸過龍定點打後嘅餸有欖菜玉珠、乳鴿、魚湯鴨鬆稻庭烏冬、三鮮撈麵、甜品 - OK接受 去到咁嘅餐廳比到咁嘅價錢去食嘢 冇諗過最基本嘅蒸蛋係會食到咁失望 不過！整個用餐嘅晚上係愉快的！下次再去試吓個花雕蒸蟹鉗睇吓會唔會有進步！

自從梁師傅退休後，很久沒來海景軒了，聽聞家陣由梁師傅多年拍擋余照軍師傅主理，又係時候試下水準如何！今次餐牌可說是新舊夾雜，當然是有所期待。四喜小花碟豉味醬瓜皮是一道［粗菜精做］的菜色，大家食完西瓜，好順手會將西瓜皮丟掉，但大廚把西瓜皮經醃制過，便成了一道清新爽朗、甜酸夾雜的開胃小點。酒客花生金錢肚畢竟係第一次試的新菜色，但對個名又真係估不到。滷過的金錢肚切薄片，然後卷起青瓜條，令口感更具層次，而且帶花椒的辣度，食落更惹味。陳醋龍眼果將哈蜜瓜釀入原粒龍眼內，之後沾上薄漿去炸，外層微脆，而內裡甜美，不錯。百花火鴨方底面兩邊有酥脆口感，餡料以火鴨絲混和蝦膠，卻不會太死實，好多人都鍾意。四寶花膠木瓜湯選用原個紅肉夏威夷木瓜，湯料勁豐富，有竹笙、花膠、蝦肉、瑤柱、蟹肉及帶子，鮮味都溶入湯水之中，但湯色依然清澈，入口醇香甜美，是用時間換來的美味，飲完湯仲可以挖下木瓜肉品嚐。脆皮鮮蟹肉釀荔枝一層薄蝦膠包裹荔枝肉、蟹肉及洋蔥，甜香是來得自然，又有果香，很有夏日氣息。家鄉鹽焗雞選用2斤半至2斤12兩左右的龍崗雞，以加入香料的海鹽包好再焗，上檯時再澆上玫瑰露酒然後點火，令香氣逼入雞肉，火喉是啱啱好，脾位胸

梁師傅一直係海景軒既代表人物👨🏻‍🍳，而隨住梁師傅退休後，海景軒嘅水準又會變成點樣呢？今日就嚟探索下啦， 結論係梁師傅既名菜能夠保持水準外😋，新總廚既菜式都相當有驚喜，依然回味緊當日既10道菜！🥰「四喜小花碟」包括咗豉味醬瓜皮、酒客花生金錢肚🥜、陳醋龍眼果、百花火鴨方。當大家討論緊食邊樣先，師傅嘅正解係食豉味醬瓜皮先，我自己就特別鍾意食酒客花生金錢肚，有種過癮既辣勁🌶️據知「四寶花膠木瓜湯」所用既係夏威夷木瓜，以木瓜作容器，湯頭夠晒甜，連我本身唔係特別偏好木瓜既都覺得好滋潤好飲🍲「脆皮鮮蟹肉釀荔枝」既材料有荔枝、蟹肉🦀、洋蔥🧅，層次分明「家鄉鹽焗雞」🐓係全晚既亮點除咗有現場既點火表演外，係確實好耐冇食過做得咁好既雞～ off menu係用埋雞油撈飯好食到不得了🍚外層係水晶梨既「水晶牛肋肉」🥩🐄，梨心係牛肋肉，肉嫰而入味非常! 「客家煎茶果」係海景軒一貫既名物，經煎香後底脆，與茶果既軟糯互相映照🥟「即磨合桃露x 泮塘山渣卷 x 奶黃糯米甜品」有好幾款— 而我最鍾意嘅就係「奶黃糯米甜品」，外皮軟糯，厚度恰到好處； 奶黃餡，香甜美味😋小驚喜係飲埋一款叫「甜蜜的回憶」既茶☕️，同甜品又真係好夾！

母親大人生日當然係要揀中菜今次揀咗海景軒紅磡/尖東站行過去都好快只不過間餐廳喺地牢海景軒係冇海景嘅？！不過入邊裝修都尚算可以好有90年代嘅風味服務唔錯今次揀咗一個set 成材每樣都可以食少少每一份菜都好精緻同好食等我都可以同媽咪慢慢傾偈享受quality time 今次最有驚喜係個頭盤調味剛剛好唔會太鹹啱晒我同媽咪除咗空間比較侷促 (因為樓底矮)同冇風景之外，Good overall experience