荷里活冰室 (兆禧苑商場)

Open Now

Now Closed

事源落單叫餐牌入面既自由配搭粉面系列，餐牌原本寫上選兩味餸，我落單時叫左三味，諗住或者得呢，侍應聽到後無反對，亦無話唔得。來餐時只來了兩餸，我以為時菜另上，所以先吃，後發現侍應擅自減左我個時菜，同佢經理講話：「落單時無講話唔得喎，出個面先話唔得又無左個餸」。經理以極惡劣的態度回應，叫我「搵個侍應叫佢賠囉！！」。無錯我係照叫左3個餸，但可否「落單時同我講唔得」，而唔係「事後夾硬照出兩餸比我呢？」處理手法極其惡劣，不推薦

七一 回歸日，放假一天，可惜天氣欠佳，狂風大雨呀！ 下午茶時間，家人提議到附近 😀吃突然想起一句歌詞 .. 荷里活有間大酒😀兆禧苑商場 有「荷里活冰室」，第一次來，試試吧餐牌：吹水下午茶、輕量級/熱量級L.5 艇妹鮮蝦炒銀針粉 $44大碟 份量多、牙菜、彈牙爽口 蝦、櫻花蝦乾、蛋絲穫氣夠，味道不錯，好似有啲啲辣？L.3 芝士焗豬扒飯 $44濃濃茄汁味、炒飯底、洋蔥芝味太少了😀 豬扒已切件奉送熱飲熱好立克 😊😋埋單共 $88價錢合理 👌

收銀員態度差，比錯外賣，仲話冇可能比錯，又話呢個餐仲貴(比錯的外賣比原本客人落的外賣仲貴)，比錯餐好少事，但質疑客人，唔認自己做錯，之後仲話自己無講過這些說話！這個收銀員態度十分之差，難道一句唔好意思的說話都講唔到？

職員態度十分惡劣！今日1點左右去屯門兆禧店買外賣，收銀係一個帶黑框眼鏡嘅阿姐，人多，我都已讓哂等佢收哂錢，我先埋去叫，咁叫個I餐，佢已經好差語氣話賣哂，Ok咁我叫另一個，佢一句得埋嚟”打緊單呀，等等啦”一句sorry一句唔好意思都無，但最神奇係後面有熟客佢即刻幫佢落，落錯又幫佢改，我排喺前面好似透明，唔止我，仲有個阿叔都係俾佢咁嘅態度對待，谷鬼氣走咗。咁既服務唔改善，或者唔處理呢啲員工，只會趕走更多嘅客。

食過幾次, 初初去食早餐d食物係凍, 加上收銀員態度勁差, 冇幫襯一掛. 係網上見到話收銀員比人炒左, 所以再次幫襯, 叫公司三文治嚇一跳, 覺得廚師好有heart, 味道仲唔錯. 就係因為咁, 再次去食午餐, 叫咗排骨鳳爪飯, 可能當日天氣凍, 個鳳爪排骨飯小小辣食完好暖🤭

之前黎過買外賣，等足廿十分鐘，於是今次打電話叫定先落去拎，態度惡劣員工叫我自己落黎睇有咩食，然後立刻掛線。網上沒有餐牌，又如何憑空想像當日餐單，如果我落左黎買就唔洗用你電話落單服務。

我今日去蝴蝶灣泳灘公園遊玩.所以由九龍坐車入嚟屯門呢處，因由九龍入嚟關系，入到嚟都12點，所以在綱上找食店，無意間發現呢間餐廳，綱評十分惡劣，員工態度有問題。因為未能找到其他,心頭美食，本着好的一餐，唔好一餐，又唔係住喺附近，無所謂！一依入去試吓有幾伏！我哋兩公婆入門口，有個待應到來招呼，歡迎光臨，問幾個人! 我哋話兩個，便熱誠帶我哋入去，呢處兩張卡枱，你哋選擇坐那張，坐低先掃安心嗱！呢度有星期一至日套餐，今天是星期六，都唔知食嘜嘢好，待應熱誠介紹，龍仔蒸魷魚肉餅飯及四川回煱肉飯，我哋一唹照單去碼，還叫了熱咖啡及熱奶茶各一杯，咖啡及奶茶中規中矩，都ok! 龍仔蒸飯都可以，肉餅幾好食及魷魚都多, 四川回鍋肉辣到剛剛好,幾好味！進食期間，有人客進場啲侍應會叫大叫歡迎光臨！進餐完畢啲侍應很快上來打點,還叫多謝幫襯.慢慢坐!當我們買單的時候，先發覺呢度，只收現金，現金券不能用了，冇問題留返下次用！我哋要去洗手間，問收銀姐姐，洗手間係面處？個收銀姐姐沒有表情，好細聲說話，我都聽唔到佢講嘜，我估係大概係前面話！見到姐姐的樣子，我都沒有追問下去，為有自己去搵，真沒趣！食後食評總結..食物中上，環境都

因為早前極差嘅經驗，本來就唔想嚟依間負評茶餐廳。不過，老婆大人話想嚟就算la。正常叫兩份早餐，正常咁一路食一路叫水。點知，忽然聽到前面收銀靚女大大聲講網上有人寫負評話依到落錯單，職員態度差，啲客又死番嚟食………不斷重覆大聲講4,5次，成個場都清楚哂。收銀靚女，坐係前面我咪上次寫負評個客，宜家串到咁，咁趕客，真係服咗你哋。……都明知依間所謂冰室係好差，我好應該阻止老婆大人過嚟。係收銀靚女眼中，一切都係我哋客人嘅錯。

今日打電話落外賣叫左一個餐，點知去到取餐時個收銀職員找錢比我時，我發現唔對路，唔係果個餐，收銀職員態度惡劣，唔道歉仲話自己系電話有講幾多錢，根本就無講到，我回應話我落單時有講明係落果個餐，如果餐廳無果個餐佢應該即時同我講，佢無講仲要講大話說佢有講應收幾多錢，真係好有問題，大家唔好幫襯。激鬼氣。

住係附近，返工前總會係先食早餐先上輕鐵。碼頭附近嘅餐廳我都食過好幾間，依間荷里活嘅食物和職員態度直係持續惡化，真係唔寫低唔得 。今早叫沙嗲牛太陽蛋米，熱奶茶少奶，我例牌叫依個配搭，見阿姐好快落咗單。等一陣碗粉上枱～～ 依～啲牛肉有明顯深淺色，食落深色嘅沙嗲牛硬到差啲咬唔入～～都唔知放咗幾多日嘅沙嗲牛。個人未訓醒就無咩動力同阿姐講～～ 轉頭嚟杯奶茶，一睇就知無少奶…明顯淺色啲。咁我咪即刻同原本落單阿姐講我係要少奶。佢即黑面講比啲茶膽自己加…………咁我堅持下要換佢先攞走杯奶茶。然後唔夠 30秒，佢攞番一杯一樣嘅奶茶過嚟，張單又無改番，阿姐仲要講番聲多謝………下，我即刻已經唔夠膽飲la。好la ， 我比錢個陣同收銀講番落錯單，仲換咗杯唔知咩嘅奶茶。收銀靚姐仲大聲應咁就唔好飲唔好食la。嘩～～佢哋都幾得下。睇到嘅朋友自己想清楚去唔去依間la, 我就永不入去～～～

呢間餐廳都開咗一段時間,  午市時段路過都會見到有人排隊. 今日早餐時段見無人排,  睇門口餐牌, 早餐比起附近餐廳略貴, 未試過嘛 就入去試下叫咗:叉燒意粉+奶油多+炒蛋+熱奶茶 $37.00沙爹牛肉麵+奶油多+炒蛋+熱檸水 $36.00叉燒意粉--湯底唔係好得, 意粉略嫌林了點沙爹牛肉麵--沙爹湯比一般的辣, 牛肉夠林唔韌, 公仔麵都係略嫌過了火奶油多--似係生命麵包嘅SIZE, 相對較薄較細塊炒蛋--正常一般熱奶茶--係全個餐最好嘅埋單 $73.00

因為疫情成日都食外賣。荷里活冰室食物質素都幾好。但最近多次外賣無餐具。今次食焗豬扒飯。豬扒係刺身。面完全唔熟。當自己唔好彩。希望今日唔好痾到七彩。亦都希望你哋唔好食到豬扒刺身 🤮🤢

同朋友開頭入去，想叫個菠蘿油，個侍應呀姐話冇，咁我地就叫左兩個芝士西多，落左單之後聽到隔離枱叫兩個菠蘿油，同一個呀姐就叫廚房整比佢，出於好奇，就問下個阿姐點解開頭話冇哂，個阿姐無端端好惡同好大聲咁話，「佢地有係因為人地一早黎一早訂左呀，你地洗唔洗咁講野丫？」成間餐廳都聽到哂，好尷尬，自問好聲好氣，都唔知佢做乜態度咁差呢？另外，黎個芝士西多個芝士完全冇味，仲係凍既，塊牛油都唔溶。對呢間餐廳真係好失望。

近近哋 新開商場去試下食個早餐先， 第一次去食 早餐 廚房 出品還可以 但杯 凍奶茶 好似飲奶水 最差反而係畀錢時 個收銀好似爭佢錢咁 黑口黑面 好似欠咗佢咁， 如果佢係老細咁就希望佢間舖快啲執，如果佢係夥記 希望佢老細早日炒咗佢 唔係出品做到幾好都冇用

上篇食評先讚呢間野幾好食睇黎我要改觀及更正事實下午5點半去買38蚊特價套餐收銀阿嬸坐係度不停同侍應吹水講左3，4聲唔該先肯同我落單足足浪費我5分鐘時間……由落單到比錢，全黑面，找錢同張單就丟係張枱度有冇搞錯丫，比生意妳做 妳咁既態度？叫左個f15 火腿餐蛋飯！問收銀可唔可以要咖哩汁……點知收銀話 不嬲都跟豉油架啦好大聲講冇得轉丫……我問下者……唔洗咁惡丫返屋企打開……中伏啦……先講午餐肉 硬到可以掟死狗 再講d蛋 煮到硬哂 好似食紙皮咁火腿就最正常 因為唔洗麻煩廚師煎……結果成盒飯除左兩塊火腿食哂之外其他野都係食一兩啖算d豉油汁……算吧啦！ 淡而無味……下次再有機會食呢間……我諗都係食f6穩陣其他野唔好叫了……免得後悔……