韓峰料理 (Closed)

今天特意去大角咀食韓峰，可惜結業了(｡ ́︿ ̀｡)…….一直定時去韓峰食晚飯，特別喜歡佢嘅炸雞，炸雞冇厚厚嘅粉漿，5件份量適中，價錢又合理，所以經常食。還有豬手飯、泡菜湯石鍋、牛肋骨石鍋、雜菜伴飯、燒五花腩⋯⋯ 每個食物都分量十足，而且冇加一，非常抵食！可惜今晚到韓峰門口，已經落閘並照上招租😭😭😭😭希望老闆遲些會再開新店，祝身體健康！

一間位於大角咀的韓式小餐館，大角咀是美食雲集的地方，經過這間餐館時，它未必能引起你的興趣。但這是一間我幾喜歡的韓式小餐館，它給我有一種韓國家常菜的感覺，飯餐大約50-80元，包韓式前菜及飲品。有時如果想平平地食一個石鍋飯，這會是一個不錯的選擇！___二人晚餐 HKD 188 (包前菜，兩碗白飯及兩杯飲品)大醬海鮮豆腐煲 我還喜歡它們的湯品，份量相對上比較細， 配一碗白飯女士食就剛剛好。湯底有一點像麵豉湯，配上海鮮的鮮甜味，整個味道清香而不膩，加上有充滿蛋白質的豆腐，整體是一個很健康的輕盈餐！煎五花肉 配 生菜從相片上五花肉嘅顏色就知道佢有幾邪惡！五花肉用鐵板上菜，確保佢係熱辣辣送到你面前！五花肉配上生菜及蒜片，簡直係肥仔嘅代表，不錯！招牌炆牛肋骨這個牛肋骨絕對是送飯的好幫手，牛肋骨調味偏向甜身，配上牛肋肉肉香係好開胃嘅組合！一啖肉一啖飯，完美！不得不提係佢炆得入味嘅蘿白，甜甜地好好食！雞蛋捲 HKD 65雞蛋捲份量有一隻碟咁長，雞蛋捲上放滿醬汁，非常吸睛！蛋捲感覺有啲似微微炸香過，外層望落有啲似炸物！哈！所以岩岩上枱嘅雞蛋捲都幾辣口，食嘅時候大家要留意啦~___評價：  🏠 韓國家常菜

係外賣平台叫左2次呢間餐廳 第一次叫牛肉拌飯+泡菜煎餅第二次叫牛肉拌飯+薯仔洋蔥煎餅兩次拌飯都冇俾韓式辣醬 姐係要乾拌？我就唔信一間韓國餐廳連基本既嘢都冇囉 結果自己搵下有冇啲醬可以撈下 而且第二次既飯係一舊舊咁 拌極都整唔散 泡菜煎餅就唔錯既 香脆得黎個味都夠 但如果有醬點下會開心啲 反而個薯仔洋蔥煎餅好唔掂 冇泡菜煎餅咁脆仲有一陣油益味 第二次已經特登備註要既嘢都係冇俾 唔知餐廳係唔想有回頭客定點 我就唔會再食 大角嘴同區咁多間韓國嘢選擇 不了😨😨😨😨 附上最後自己用中式辣醬拌飯既圖😂

離晒譜 掛住做外賣 堂食冇人理入坐落單 足足等咗半個鐘都未有得食淨係識得俾前菜 杯飲品放半個鐘 放到冰都溶晒都未有得食唔講以為食緊法國大餐全間嘢鋪有幾枱都等咗半個鐘真係冇下次

《製》韓峰料理《案》✎香港韓國菜，常見熔岩芝士炒飯、炸雞、燒烤等，✎固然濃味重口，味道尚好。✎但家常菜絲毫不遜，且風味不減。《品》【雞肉粉絲飯】$45🔸雞肉粉絲調味合度，微甜夠味，適口非常，佐飯一流。🔸粉絲不會過軟，頗為耐嚼，口感佳；🔸雞肉切丁，醃得入味，絕不乾柴！🔸份量極多，粉絲甚至多於飯，定必喫得盡興而飽腹。—————————————————————————【韓式豬手蛋飯】$48🔹豬手份量亦是不能小覷，份量多若叉燒例牌；🔹表面灑上白芝麻，增味添香。🔹肉厚切而軟綿，調味適中，豬皮爽口彈牙🔹白飯之上為全熟蛋，不過不失，不知可否轉太陽蛋？—————————————————————————【泡菜豬肉豆腐煲】$45♦️乍看無前二者豐盛，其實不少，料足拌飯，飯足飽腹。♦️泡菜湯酸辣鮮美，酸香醒胃，辛辣微微刺激，味道一流。♦️豚肉肉質口感水準發揮，盡入泡菜湯之味，值得一讚。♦️豆腐嫩滑，雖未算入味，但口感足。♦️混有粉絲，入味彈牙，拌飯佳品。—————————————————————————🔎#老饕鑑鹹_上下品🗂#老饕品_韓國菜；#老饕喫_豬手📍#老饕赴_大角咀🗺️九龍大角咀埃華街100號地下.

《製》韓峰料理《品》【前菜】▫️芽菜酸香開胃，薯仔軟腍入味。▫️青瓜爽口微酸，不俗！—————————————————————————【辣豬肉石鍋飯】$58🔸奉桌熱辣，香氣入勝；配料色澤鮮亮，更勝丹青畫幅。🔸豬肉份量多，不乾柴，醃得入味，上色美，具甜辣味。🔸有菠菜、白蘿蔔絲、紅蘿蔔絲、芽菜，份量多，口感佳！🔸蛋拌勻入飯後，遇熱成蛋絲，使飯具蛋香。🔸辣醬不算刺激，增香添味，開胃適口。🔸飯夠乾夠硬，有嚼口，粒粒分明，上品！🔸鍋邊、鍋底有不少飯焦，焦香硬脆，老饕喜不自勝！—————————————————————————【牛肉粉絲煲】$58🔹無前者惹味出眾，味道可以預期；🔹牛肉嫩滑，粉絲彈牙，水準發揮。🔹調味不算濃，相較前者清淡，無功無過。—————————————————————————【海鮮煎餅】$60♦️餅底微油，但絕對能接受，香口惹味，海鮮料多；♦️有極多鮮蝦、香蔥♦️煎得香脆，內裏毫無粉漿感，煙韌耐嚼。♦️味美至極，忘記留影，性價比高，必試之選！—————————————————————————🔎#老饕鑑鹹_上下品🗂#老饕品_韓國菜📍#老饕赴_大角咀🗺️九龍大角咀埃華街100號地下.

以前成日去韓國，除咗生牛肉之外，最鍾意食就係水冷麵，韓國食嘅水冷麵啲湯有一半係雪成碎冰，酸酸地少少鹹咁，味道好特別，蕎麥麵勁煙韌，一定要剪幾下先至容易食到，加埋啲青瓜絲、雪梨絲同半隻烚蛋，好味又飽肚👍🏼尋晚突然好想食，咁今日晏晝放飯就喺公司附近搵間韓國餐廳食，落單姐姐話水冷麵要等得耐少少，最後等咗15分鐘左右，一黎到個賣相唔錯，不過可惜佢只係落咗普通冰粒，而唔係用湯整成嘅碎冰，蕎麥麵有啲鹹鹹地，麵嘅質地就比韓國淋少少，而啲湯嘅味道同韓國都有八成似👍🏼除咗有青瓜絲同雪梨片之外，仲有醃蘿蔔同牛展，食晒一碗真係超級飽🤪價錢已包餐飲同前菜，都算合理👌🏼下次再去試下其他野先～

我平時時不時光顧呢間鋪頭，一直印象平平，但近排越發覺老闆娘小氣要死，有日我買隻韓式紫菜卷要攞個豉油，佢唔肯併我就話已經夠味啦，我問你冇豉油，佢話冇。我真係冇嘢講，你冇豉油你開乜餐廳啊唔該！😡你要慳錢都唔使講成咁，幾滴豉油都唔舍得併，真係好嬲呀，問返你地，你地咁樣服務，我地點願意併錢你地賺啊？！外賣仲收多2蚊錢，個餐盒成本都唔使幾毛紙，幾滴豉油都唔肯併，激死我！希望你哋改下服務態度，咁樣你嘅顧客先會願意過嚟！

星期六夜晚，同朋友經過大角咀搵野食，見到呢間餐廳門口個menu幾抵咁，就一於試試。.我地揀咗呢個$218 韓式二人餐前菜個大豆芽味道幾正前菜無泡菜但真係好想食，唯有另外叫一碟，正正常常2人餐終於上啦，上菜都幾快，首先無炆牛肋骨，好稔滑、一咬就開，但略嫌有啲偏甜跟住係大醬湯海鮮豆腐煲，足料、海鮮無沙，但有啲咸。最後上嘅係炒羊肉，羊肉夠「蘇」，好正，成個2人餐呢碟最好！總結呢個2人餐，超抵，晚市200幾有咁多野食，但可能個人口味問題，頭2道餸口味太重，羊肉最好。

系屋企突然好想食韓國菜上ubereats睇，search第一間就見到呢間，再上黎openrice睇食評好似ok又吾貴就試下。黎到一睇個賣相已經吾太吸引，諗住可能好食呢，點知樣樣都凍既都算(預左外賣吾會熱)。個炒年糕個味吾太差，但d年糕好硬。炒魷魚無咩特別，個味同炒年糕系一樣既(因為系同一個汁)不過一樣凍既。牛肋骨正常吾難食，不過又系凍既，個小食炸帶子好難食，皮肉分離，個薯角好油又凍，食到喉嚨痛，最過份系個雞湯系我飲過最難飲又油又無味衰過d味精湯，飲左一啖放棄，跟住個飯凍冰冰，吾知想點

家庭式韓國菜餐廳，雖然價錢比其他韓國餐廳平，但食物質素有水準，我特別鍾意五花腩，仲有海帶湯，好味道拌飯大大碗，非常足料其實今晚還想叫人蔘雞湯和炸雞不過太飽了，下次會試試

周不時都會去大角咀搵食，經過望一望個餐牌發現晚市咁鬼平嘅！最平50幾蚊就有個晚市特價餐。我肚餓，所以叫左一個精選二人餐，煎五花肉+海鮮泡菜豆腐煲+韓式牛肉炒粉絲$188，真係超抵食。叫完嘢食即刻上前菜，有翠玉瓜絲同埋韓式薯仔，味道不錯👍🏼煎五花肉用鐵板上，新鮮熱辣，仲會配生菜包住食，即係韓式燒肉咁樣，點埋啲醬料真美味！海鮮泡菜豆腐湯都好足料，入面真係有海鮮㗎，豆腐有又好滑，香香辣辣送飯一流。韓式牛肉炒粉絲因為我哋唔食牛肉，所以幫我哋轉咗做雞肉，真係貼心，唔會太油膩，都係好好食。嘢飲方面加錢轉左兩杯紅豆涼粉冰，好細杯味道都一般，飲品略為失望。整體來講非常滿意，性價比好高！

在門口見午餐很平, 由HK$45 起, 又多選擇, 便入去, 一入門口左面有位小女孩在一個很獨立的卡位內「獨處」,  應是家庭式管理, 店內的套餐牌提供很多選擇,  又有手機程式order 食物,   不過店面唯一的服務員青年人都可以幫我們落order,  所有套餐都好平,  還跟上兩款前菜小食,  份量不太大,  剛好我們要求, 感覺是韓食加入了香港原素,  我的鰻魚份量是一片,  平價食鰻魚,  很滿足, 老公的豆腐鍋滿滿的滑豆腐,  同樣要讚, 囡的辛辣面, 面質滑滑, 仔的雞飯份量很夠,  總括而言, 低食。見牆壁上有很多二人, 四人晚餐的食物價錢, 真係好低,  再加上有韓星MTV 不斷播, 真係幾合平平地韓風一下。

路過大角咀，有啲街坊朋友介紹呢間韓國餐好野，其實都唔難搵，就係最多野食嗰條街。鋪面唔大，幫襯要預早小小疫情期間佢地用中空板分隔，有啲似地盤😅🤣🤣餐牌其實都好多野揀，但相對套餐設計得幾好，同平好多，幾抵食，所以我地破例叫餐，我地叫左個A連埋野飲都係221，認真係平前菜係普通啲，但好多平價既鋪頭應該都唔比lu, 呢方面加10分個湯就真係啖左啲，減返5分泡菜豆腐海鮮湯味道的確好野，佢比一般我地食既泡菜湯特別香濃，真係好味，食到尾湯都飲埋😋😋五花肉肥瘦適中，個醬都幾好炆牛肋骨呢味係我最鍾意，雖然無我平時出面食既味道，不過都係好冧，好離骨，份量仲好多佢都跟足會比生菜夾肉食，如果唔太大食既真係唔太需要叫飯總結平，靚，正，咁既價錢，食到抱住個肚走，呢間可以再黎👍

黎左大角咀咁多次都無食過韓國野今次就去左呢間試6:45左右到唔洗等位入面有吧枱位同普通枱而我地就被安排坐係門口零丁既一張枱本身應該係人地等外賣既位🤭所以都幾多人行出行入同企係隔離等外賣 我地兩個人叫左雞肉石鍋飯($58) 、辣豬肉定食($62)、韓式炸雞5件($48)首先先上左三款前菜 個甜薯幾好食👍🏻之後差唔多半個鐘後先上主食因為太餓就無影到相🙈石鍋飯就正正常常 飯都係適中唔會太黏辣豬肉個人就覺得一般 豬肉太老 菜又唔夠入味 炸雞去骨又夠嫩滑 再配埋黃芥末醬 好食！我地跟左個紫菜湯 味道幾清————————————————————總結價錢夠平民 味道都似係啲一般家庭式韓食既味無太大驚喜 同埋等得太耐有啲扣分🙈