韓峰料理 (Closed)

突然想食石頭鍋飯但好怕d韓式食店好大陣味見到呢間鋪無咩味就試下叫左個二人餐 $188- 煎腩肉(配生菜)- 韓式炒粉絲- 海鮮豆腐湯另外再叫- 牛肉石鍋飯 $58 - 泡菜煎餃子 $35- 海鮮煎餅 $60餐飲加左$5熱生薑茶韓式粉絲同豆腐湯平時好鐘意食，但呢度口味未能吸引我其實味道都算唔錯的！煎餅/煎腩肉/煎餃子有d油，但煎餅真係好食我就覺得石鍋飯好岩口味海鮮煎餅煎到超級香脆，推薦！生薑茶應該要中意薑味先岩 因為薑味濃總括黎講性價比都高可再食！

呢排成日都有嘢做去大角咀，呢日大食妹去到大角咀食晏，見到有間幾平嘅韓式料理鍾意食韓國嘢嘅大食妹得意唔會放過午市特價餐真係超抵40幾蚊有個餐，連茶餐廳都未必做到呢個價<雞肉粉絲飯$45>大食妹鍾情於韓國粉絲甜甜地真係超好食，所以就叫咗個雞肉粉絲飯雞肉甜甜地幾好食，份量都幾多，粉絲更加唔使講，食完粉絲連個飯都食唔落不過略嫌食咗雞肉粉絲飯真係有啲過甜食完有少少跩不過略嫌雞肉粉絲飯真係有啲過甜，食完有少少濟午市套餐會隨機送兩款餐前小食，大食妹就抽倒青瓜同埋一碟唔知咩雜菜，都幾好食嘅

遊走係大角咀埃華街附近尋找美食，今日同同事黎到已經唔係第一次光顧嘅韓峰食午飯。餐廳內有幾張大卡位，六至七個坐埋一檯都唔會逼，配合韓風餐廳都有一邊播住韓國Kpop music，細細聲唔會阻到食客傾計，成個環境好舒服。哩度午餐相當實惠，價錢由$45-$55，包熱飲，亦可加錢配特飲例如紅棗茶。樣樣都好吸引，掙扎左一輪後order左啖啖肉嘅韓國豬手蛋飯先黎前菜，每人random會有兩種小食，左邊係韓式甜薯，另一邊就酸青瓜片。個人喜歡薯仔多啲，甜甜地好入味同好淋。食左幾舊先記得影相是日午餐：韓國豬手蛋飯一上檯嚇左跳，豬手份量多到好似平時叫嘅例牌，每塊都好厚，肉同皮嘅比例剛好，豬手肉咬落去軟綿綿，豬皮就好彈牙充滿膠質，豬手上面仲撒左啲白芝麻，增添香味白飯上面頂住塊全熟蛋，如果係太陽蛋好似會夾啲，諗起蛋汁撈飯就正飯好香，軟硬適中，唯一有啲美中不足係豬手汁偏咸。哩個係同事叫嘅雞肉粉絲飯，粉絲同飯個比例係2:1真係好誇張$50唔洗啲份量居然咁大叫佢做韓式巨型碟頭飯最適合不過

有幾日黎大角咀做嘢，夜晚同老公喺附近搵嘢食，無意中搵到呢間韓式料理，膽粗粗入去試咗，結果係出乎意料咁好味！尤其係炆牛肋骨，炆得好林好入味，蘿蔔亦好好食，實在令人回味！大醬海鮮豆腐湯亦都好好味，好多海鮮同豆腐，豆腐好滑，攞嚟送飯實在唔錯！👍🏻👍🏻辣炒羊肉好惹味，不過對我地來講就有啲辣得滯，整體來講成餐飯都好滿足！老公仲嫌唔夠飯要再添😆兩個人食都係$200，實在係好抵食！我覺得仲好食過我喺韓國食嘅餐廳😎下次會再嚟！

已經有一段時間無食過，今日同事提起就決定去食。午巿套餐價錢合理，而且選擇都適中。我每次來食都會點（5號）油豆腐雞腿煲，不過今日想換換其他口味。職員好好，可以比我揀其他口味的前菜。對於挑食既我黎講係一件樂事。我就揀左薯仔同海帶芽菜。薯仔夠林，兼且入味。海帶芽菜雖然有點小辣，但整體可以。今日我就點了（7號）大醬海鮮豆腐煲（50元+3元可樂）。先呷一口湯，湯底濃郁，充滿啖啖麵豉醬味。海鮮有蜆肉同魷魚。魷魚煙韌有彈性，蜆肉味道就被大醬湯底覆蓋。豆腐嫩滑順口，而且口腐份量都多。

去開大角咀，知道o個邊多好野食，就揀左間韓食試下。舖細細，但同其他客不算太近，啱晒我^^因為得兩個人食，而我地胃口都唔大，所以叫左三樣野食而已。牛肉炒粉絲，鉄板上，可以維持熱度，香口得黎粉絲都好入味，推介！海鮮蛋餅，海鮮料足；蛋係重點，炒得好香，比預期中好味，不錯！雞肉紫菜卷，味道都ＯＫ，不過都係鍾意食日式壽司多Ｄ，喜歡韓式GE朋友都可以試下ＸＤ菠蘿賓治，好飲喎，不過太細杯，幾啖無晒（喊）。加多罐野飲，埋單＄１８３！絕對可以！

今日真係黑仔王又再復活，想去邊都冇開，可能係颱風關係，所以好多食肆今日都休息多一天。不過始終都會有餐廳營業，我今日就去了大角咀一家韓式食肆，餐廳名字叫做“韓峰料理”，餐廳裝修得非常普通，但總算整整齊齊乾乾淨淨，而且仲不停播放我熟悉的韓國mv， 令我馬上心曠神怡，開心返曬。打開餐牌見到選擇都非常多，而且價錢好合理同親民，每位大約60元，有飯有餸或湯，及前菜與飲品，性價比都很高。我同朋友就冇叫到晚市套餐，反而在餐牌上點了各自喜歡的食物。我叫了大醬海鮮豆腐湯， 豆腐份量好多而且好滑，蜆肉都好多，湯很甜美。朋友就叫了海鮮泡菜豆腐湯， 泡菜湯酸酸甜甜非常醒胃，再加杯紅棗茶滋潤一下。一餐簡單又價廉物美的晚餐，非常值得常常來，下次再食埋其他食物先得。

I'm from Korea and pretty sure that this one is the best kr restaurant in hk. Tastes authentic, real home food w reasonable price. Lots of dishes quality is better than back in korea. Highly recommended!!!

今日約了朋友兩點打波，一點就到奧運站搵野食。近來看一套韓片叫油X的Melo的劇，經常提到炸醬麵的所以今日午餐就要食下炸醬麵是否真係這樣好食，由奧運站行去韓峰大約二十分鐘到，但整條街附近都係五花八門食市商鋪。鋪內裝修都不錯而且坐得舒服，四十幾個位都好不覺擠迫。除餐牌外牆身都有其他選擇給你去挑選。我就點了韓國炸醬麵同椒鹽雞翼飲生薑茶。前菜有小食～酸酸甜甜好開胃炸醬麵第一次食～撈勻食麵條彈配炸醬及青瓜好爽口椒鹽雞翼～鹹了一點，有進步空間。 生薑茶～好重薑味甜甜地⋯⋯正。整體服務，環境同食物都可以～會再來的

今日去大角咀開餐，細妹話想食韓國菜，但係唔想食韓燒，跟著搵到呢間，我哋叫咗一個二人餐另外散叫其他嘢食先嚟前菜韓式酸甜蘿蔔$15～爽、脆、酸甜適中好好味韓式炸雞$48～薄薄炸皮，外脆肉嫩二人餐嚟啦～煎五花腩+大醬豆腐海鮮湯+炆牛肋骨+兩碗白飯$198煎五花腩跟生菜、青瓜同蒜片，包住食減低罪惡感大醬豆腐海鮮湯～豆腐滑炆牛肋骨～新鮮滾熱辣，好淋好入味，墊底嘅白蘿蔔都好好味牛肉炒粉絲$58～店員話用韓國粉絲，真係好味韓式牛尾蘿蔔煲跟白飯$62~好重胡椒味好正啊薯仔洋蔥煎餅$55~即時整好味煎得好香脆牛肉紫菜卷$48 ～味道👌🏻生薑茶、菠蘿🍍冰、涼粉紅豆冰同東生薑茶好飽好滿足，下次要試其他嘢食先

我跟老公住在附近～～～～～～～～：）是这家店的常客了～～～～～|他家的辣烧羊肉定食超级好吃而且一点也不贵！！！！！而且牛尾骨汤、部队锅、韩式煎饼、石锅饭、人参鸡汤、炒年糕、煎牛肋骨和泡菜海鲜豆腐汤也很好吃喔～～～～～～～老板娘跟服务员也很周到～～～～～～～～真的是一家性价比超超超超高的餐厅！！！～～～～～～～～～～～：）大家多点帮衬呀～～～～～～～～～～～～～～～～～～～～～～～～～～～～～～

如果有機會去韓峰料理，一定要試試他的牛肋骨飯， 牛肋骨肉質份外鬆軟，配上熱辣辣的湯汁，美味非常，用來送飯，十分一流，牛肋骨肉質軟腍， 加上有白蘿蔔作襯託，白蘿蔔異常香甜，而且入口即溶 ，與牛肋骨相映成趣，非常匹配。

今日一行5人到大角咀午餐, 小妹突然想吃濃味食物, 見到韓峰料理, 即時想起店家的招牌牛肋骨, 當然要拉大隊一同進入啦。店家每日午餐餐牌均是一樣的, 價錢相宜且食物一直保持水準, 所以是小妹最愛飯堂之一。除左特價午餐外, 亦有大量其他散叫美食, 今日小妹就要食最愛既牛肋骨喇。招牌牛肋骨 $72牛肋骨新鮮熱辣上檯, 外觀一絕, 加上沸騰中的湯汁, 簡直令人垂涎三尺。牛肋骨燜得非常軟糯, 入口即溶, 實筆墨未能足以形容到小妹的感受。加上醬汁香甜, 蘿白腍身入味, 配以白飯如神仙眷侶, 齒爽留香, 實令人一試難忘的作品。

大腳咀是晚夜左佢收23002155到叫野來到都新鮮熱辣😍海鮮豆腐湯...味道唔差可惜唔夠濃鐵板牛都幾好..牛味重（有點港式）芝士炒年糕...奶味較重我個人頂唔緊👉🏻👈🏻服務來講..係佢收擋時間可接受😝

本想去另一間同一條街的韓餐，點知有人盲嘅入錯門口，鐘咗入去呢度。叫晒野先發現入錯咗，即刻上嚟睇食評。見正評個心安落晒。點知。。。。 叫咗個人蔘雞湯同炆牛肋骨。個人蔘雞，得個咸味，除咗咸味，乜味都冇，味精湯。隻雞又細又鞋，唔明點解個湯勁要落多葱同勁多胡椒粉？！雞裡面竟然係飯唔係糯米。。。個牛肋骨煲，D蘿蔔係"叔"架囉。。。咩事呀。。。仲話正宗 完全中伏！！！！！！唔會再嚟 >_< (唔明點解會排隊仲不停有人入)