韓峰料理 (Closed)

這位很燈的朋友，真是利害，連平日，無論經過，或是專程去，永遠也在開門的巴蜀米線，這天竟然也拉上了閘😨，不知老闆去看浪琴錶大賽還是甚麼了。由於附近新增很多新店，無論是中式、餃子、韓式食肆等等。而車品品亦都一如以往，拉上了閘，所以我們走到了旁邊的韓式小店，進內午餐。門面小小，但是進來之後又有另一番光景，兩張大大的卡位，另外的小桌，也不算太過多人，讓吾等坐長卡位。阿姐都非常親切，介紹那些餐，以及介紹有什麼餐飲提供。點了個豬手蛋飯，還在奇怪，如果在韓式餐廳，見到「蛋飯」，應該怎麼理解？究竟是蛋包飯，卷蛋然之後有飯，定還是甚麼？友人表示，應該只是在飯上加乙隻煎蛋🍳吧。豬手蛋飯，豬手不算太肥，有點兒肉有點皮，當然豬手肉的部份會比較瘦，但是大部份都是肥瘦均勻；而豬皮亦沒有毛，肥瘦均勻，送飯一流，底下的汁如果更多就更好，因為飯份量都不算太少。友人的海鮮湯鍋麵，使用上粗麵，即使浸在湯內，也不見麵條全林，彈力不錯，湯底有點兒胡椒味，本人一向一般。

嚟呢頭揾食越嚟越有趣，總有一間小店喺附近。呢度係心水名單上的新成員，每款午餐跟兩個前菜。青豆睇落普通，估唔到係麻香味；泡菜夠辣夠爽；茄子的蒜香點到即止，唔怕有口氣；番薯味道濃香，煮得夠腍。各有特色，食得暢快。睇住海鮮泡菜豆腐煲滾動上場，加埋蜆仔一隻二隻冒出水面，好似浸温泉咁，開心到呢……入面主要係大量滑豆腐粒，另有菜同少少粉絲，已去殼蝦同魷魚粒的份量就再少啲。湯頭叫咗加辣，好彩唔係死辣嗰隻，味精冇過量，配白飯食一流。

前菜左上：茄子，冇乜特別右上：薯仔，帶甜，好食左下：泡菜，酸酸辣辣，開胃右下：豆，微帶麻辣，good牆上寫住嘅菜，韓式牛尾粉絲煲(午餐價：$50, 晚餐價：$60) 牛尾煮到好稔，湯底清得黎有牛尾味，好正，底有雜菜絲&大量粉絲海鮮泡菜豆腐粉絲煲少少辣，好惹味，海鮮有魷魚，蜆好多豆腐粒，好滑好味以上價錢係套餐價，包熱飲(茶或啡), 凍飲+$2今日係星期二，7pm入座，除左我地個枱，仲有另一枱；後尾食下食下，就多人，都8~9成滿架

本打算出去旺角買東西 , 原來忘記帶會員咭，只好留在大角嘴搵食。行了幾條街也毫無頭緒，最終拍板吃韓菜。大角嘴都有好幾間韓菜，但老公和我不太好自助餐，所以最後選了韓峰。這店少少，就像家庭式服務，服務員像是一位中學生哥哥，非常有禮貌。看過餐牌後，決定點一個二人套餐，自己極喜歡泡菜豆腐煲，不管是海鮮或豬肉，這店也沒有令我失望。雖則不是什麼貴價海鮮，但以這個價錢來說，材料也不少 - 有魷魚，蜆等等。辣度適中，但對於喜歡辣的朋友們，可能要加多一點辣辣呢！賣相一般 , 但被濃沃芝士味吸引著，以為會好'漏'，但又不會，芝士慢慢在口中溶化，好味。原本是燒汁鐵板牛肉 , 但我們改了豬肉, 這裡沒有額外收費 . 伴菜有椰菜 , 紅蘿蔔 , 洋蔥再加點芝麻 , 燒汁好香 , 但油有點多 。感覺上這店好像家庭式小店，服務好好，店員也親切，有機會會再來。

每當有新韓國餐廳開既時候 就會想去試一試想食少少辣野朋友可以揀辣豬肉飯嗌完野食會先送兩款前菜食住 但等飯既時間有點耐飯黎到時將豬肉 配菜 飯 汁 撈埋一齊食 好惹味因為配菜有椰菜紅蘿蔔絲洋蔥等等 所以食起上黎好爽口唔食得辣既朋友可以揀雞肉飯（可少辣）同樣有配菜 將汁撈埋飯食都係甘好食可惜有時食飯餐廳人數唔多或者無人時 會唔開冷氣 搞到好焗 食到出哂汗

跟老公落街搵野食，原本平時經過都冇咩留意呢間舖頭，但咁啱周圍都落場時間，就入呢度試下...一入到去裝修都ok，幾有韓feel，因為可能呢個時間，客人都唔多，同埋都覺得冇咩特別期望，餐牌裡面嘅選擇都ok，一般韓式食物都有，老公就叫左個蔘雞湯同我自己就叫左個辣味豬肉飯（其實實質叫咩名唔記得左）上左4款泡菜先，都唔錯，幾新鮮，唔似有d舖頭好似真係擺左好耐咁，之後就上左個蔘雞湯，真係超滾熱辣咁上，好似仲煮緊咁起緊好多泡泡，味道偏重左少少糊椒味，但係都係唔差嘅，再之後上埋我個豬肉飯，賣相唔錯一d都唔求其，一食落去係真係有d辣，但真係幾好味可能因為辣辣地同真係好味，平時半碗飯都食唔到嘅我，居然只食淨少少飯，真係值得再返單！其實呢間舖頭已經轉過幾次手，但可能門面或地理問題，成日都唔多客，做冇耐都頂唔住，今次黎試，睇得出食物係有心做同真係好食，希望佢可以維持落去啦！

作為崇韓嘅人，要喺香港搵到韓國風味真係好難！今次俾我遇到喇！好味嘅程度令我以為老闆係韓國人。後來先知原來老闆娘係中國人，之前喺尖沙咀韓國街做廚師。今次食咗大醬湯同水冷麵，但我最推介食牛肋骨！牛肉燜得淋又夠入味，必食推介！

在大角咀吃午餐，看到這間是新開的就進去試試看。我們四個女同事就點了三個餐共同享用，故每個餸菜都可以試味！！而餐廳座位不多，很多時都滿座了；如果同行人數太多，就要等好耐位或者坐得擠迫一點。上主餐前會有前菜，來了兩次都是泡菜及甜薯仔，泡菜味道幾辣又爽口，非常開胃。薯仔微微帶甜又軟身，容易咀嚼～先來一個烤牛肉飯，本身上面鋪了一個煎蛋，不過比另一個同事搶了，哈哈。如果是一個女士吃用的話，這碟牛肉份量就有點多，不過牛肉肉汁及醬汁非常夾，而且牛肉不會太咸或者粗糙，都算是惹味之作。辛辣牛肋骨飯，牛肋骨份量都算多，算是啖啖肉。而且肉汁比較多，加上牛肋骨炆得比較軟身，牛肉都吸收了醬汁的香味，加上容易咬開及咀嚼，每一口吃用都非常享受呢～而且醬汁很惹味，令到牛肋骨味道提升不少，用來拌飯就最好不過了。另一個是海鮮拌飯，有芽菜、蜆肉、蝦肉、雞蛋、蘿蔔絲及魷魚，加上辣醬一起混拌，味道都是不錯的。不過配菜不算多，米飯就比較多。而且配菜都是體型很少，口感就欠奉，而且吃不出海鮮的鮮味，這個就有點失望。聽老闆娘說，廚師都是韓國人，難怪食物質素比起一般韓國餐廳煮得更出色。

好味。抵食，味道一流自從韓風襲港之後，都離不開食韓國野，每星期總有一餐！通常都會到尖沙咀韓國街一帶覓食，不過有時韓國侍應禮貌不夠，而且等位亦要浪費大量時間，加上價錢比較貴！所以去到港九新界都會試下唔同既韓國菜。但竟然估唔到大角咀都會有高質素既韓國餐廳！雖然門面唔夠尖沙咀既韓國餐廳有氣派，但內裡一樣乾淨整齊！ -海鮮豆腐煲，第一次食完，真係食過翻尋味！豆腐唔會煲到一夾就散，而且分量好夠食！ -海鮮煎餅，無燶底，而且煎得剛剛好，入口脆卜卜，唔會成口油！ -人蔘雞超正既雞肉，超級滑，而且骨同肉可以一咬就輕輕分離，十分不錯。 總括：所有食品味道都一流，而且價錢大眾化，唔需要浪費多餘金錢同時間去光顧尖沙咀的韓國菜！食高檔既門面，俾昂貴既價錢，味道又一般的話，我寧願選擇呢間好食又抵食既大角咀韓國餐廳！而且老闆娘一家亦非常友善，服務很好。會繼續不斷幫襯！非常好食。

午餐覓食發現韓淼莊隔壁在原來札幌拉麵的位置新開一家韓餐，趕快去試試。午餐有十幾款套餐，加餐前小菜和海帶湯，價格在45-88不等，點了牛肋骨和鰻魚石鍋飯，都很不錯，牛肋骨大概有6大塊，鰻魚也足足有7cm。後來又追加了一個牛肉粉絲鍋，因為沒有單點所以還是套餐，但這個就很遜色了，味精味太重！而且粉絲已完全煮爛，得用勺子盛。而且服務員因為我們點了兩個套餐，就沒再給我們的牛肉粉絲套餐配湯和小菜，自作主張。

大角咀呢區既食肆轉手速度驚人！重記得呢度早幾個月前重賣緊日本野，點知轉過頭咁快已經轉左賣韓國野！Anyway，是日午餐既選擇十分多，淨係set menu已經有成兩大版A4，如果計埋「全日供應」真係有差唔多五十個組合咁濟，有「選擇困難症」既朋友今次有難喇！泡菜豬肉豆腐煲 ($45)：非常快手，等左唔駛十分鐘就有得食！撈埋泡菜既豆腐煲十分惹味，攞佢個湯裹面既粉絲放喺白飯上面，再撈埋D飯一齊食落肚既感覺簡直一流！雖然豬肉既份量好似少左D，不過都叫做可以接受啦！辛辣牛肋骨 ($65)：等了又等，足足差唔多十五分鐘先有野食！不過都係值得既，完全冇諗過幾十蚊既套餐會有咁既質素。牛肋骨煮到非常之腍、非常之易入口，基本上一咬落去好輕易就可以「骨肉分離」。味道方面，辛辣既醬汁唔會好似坊間其他韓食咁煮到好濃遮住牛既口感！值得一提既係個煲裹面既蘿白煮到非常之腍，吸晒辛辣汁既精華之後再撈埋D飯一齊一大啖咬落去既感覺超正，絕對係必試之選！總括黎講，呢間新開既食肆「性價比」十足，幾十蚊既價錢就可以食到旺區百幾蚊既貨式，絕對係物超所值！