故鄉俱樂部

Open Now

Now Closed

入到長州，除左芒果糯米糍同大魚旦，呢間既紅豆餅都係我必食既野食！！😋😋首先，價錢已經夠哂吸引，平時出面冇十蚊都唔會食得到，但呢度只係6蚊！！🤩🤩係超級抵食！第二，嗌完唔洗等，即刻就有，但個紅豆餅拎上手一定係暖既，唔會凍。😇第三，味道都係滿分嫁！ 咬落好軟，同時有彈性，鬆軟，冇得彈 紅豆饀一啲都唔慳料，有滿滿既紅豆同紅豆蓉，甜度岩岩好。😆😆平時最怕食到太甜既紅豆，呢個我好滿意🤤🤤🤤必去！

已經好多年沒有入長洲了，這次進去發現多了很多種類的食店，同時還有不少屹立不倒的小店，當中包括了「故鄉茶寮」。幾年過去，「故鄉茶寮」依然主打紅豆餅和港式手卷。原本這次是想吃手卷的，但價格實在讓我有點買不下手，所以最後只買了一個芝士紅豆餅罷了。小小的店面旁邊還有一排椅子可以坐著慢慢吃，如果買手卷+紅豆餅set 的話還可以進店裡享用。「故鄉茶寮」的紅豆餅外型迷你，用上一張紙簡單包著。付款後立刻能把紅豆餅拿到手，而紅豆餅到手時並不燙手，應該是店員預先製作好，以節省時間。第一口咬下去，心理不禁一個疑問「咦？怎麼紅豆餅的皮硬硬的？」記得印象中，「故鄉茶寮」的紅豆餅皮鬆軟，但這次的餅皮偏韌，口感像是放了一段時間而變硬了。餅皮亦吃不到任何蛋香或者其他味道。撇除表皮不說，紅豆餡依然能吃到粒粒紅豆，不會過分甜膩。單以紅豆餡來說是合格的。另外芝士餡的味道很足，鹹香的芝士配合餅皮很搭。兩種餡料分別存在的話還是不錯吃的。然而，別忘了這次點的是芝士紅豆餅，當芝士遇上紅豆時，就出事了...近年芝士成為大熱食材，很多店舖也會推出「芝士乜乜乜」，基本上芝士配合任何食材也是非常合適的。但這次讓我發現，原來芝士是不能配紅豆

長洲出名多小食，朋友推介這間紅豆餅地方細細，有位坐，舒適享受外形看無什麼特別食一口，可以見到充滿晒紅豆內涵，食落不太甜，剛剛好，外皮不厚，薄薄包含晒紅豆，今次原味，真是好吃

就要上船離開長州見到人龍，八卦又為食既我地忍唔著又行埋去小食店看個究竟。見個個手上都係食緊紅豆餅，即係要試啦。一到手感覺微暖，個皮好薄，就知要即食先好食，即刻一個餅兩份分，一開個餅就聞到紅豆香甜，一食就感覺滿足，食落去又甜又好味，甜度剛剛好，唔太甜。雖然食完正餐,雪花冰次後已經好飽，但為左要肚滿腸肥咁返屋企同唔後悔，得一半都要食。

難得放假去長洲relax下，自己又好鐘意食pancake，格仔餅，雞蛋仔，好似蛋糕質感嘅嘢食。。一心諗住食紅豆餅，紅豆餅＄6個，芝士紅豆餅＄10個，買左個淨紅豆味。俾咗錢接上手紅豆餅已經稱唔上暖，行出店外面即刻食，放到入口已經係凍咗，仲要淡茂茂無味道，個餅面同邊係林嘅，完全好失望。。浪費金錢嘅感覺。。不過公道講句，食落口個質感唔差嘅，只係非常非常普通。可能天氣凍先令到個餅咁凍啦，紅豆餅呢類東東，都係熱辣辣嗰陣食係最好味。。紅豆餡都好夠嘅。

暑假去長洲去camp，掃街係必做既事， 通常會食下魚蛋,糖水, 串燒等等， 但今次朋友推介另一樣嘢， 就係紅豆芝士餅， 佢話每次來到長洲一定會食，咁我就充滿期望咁去買咗一個試下啦。士多門面幾得意， 好有童話感覺， 打開小屋的小窗賣小食， 勾起唔少去公園玩嘅童年回憶。賣相就一般啦， 不過幾欣賞店主用簡單可分解的食物包裝紙包裹紅豆芝士餅， 多謝支持環保！ 節省了不少膠袋！可能期望越大失望越大， 其實覺得呢個紅豆餅都係好一般， 首先溫度唔夠熱感覺唔夠新鮮 ，拎上手只有微熱， 沒有新鮮泡製的感覺 (這是街頭小食的其中一個特色呀)， 仲有因為唔夠熱，芝士冇融化，紅豆和芝士完全沒有交流... 放落口兩者完全分開， 一鹹一甜唔知想點😓😓， 個人對新菜式持開放態度，但要我畀十蚊食啲個餅，認真覺得唔抵...

以前中學既時候去長洲一定會嚟到故鄉茶寮，呢間由一對日本人老夫婦開既小食店，主要賣紅豆餅同手卷。但手卷內容唔係魚生而係蟹柳、腸仔呢d較港式既材料！今日趁男友生日又嚟到久違既長洲，叫左一個紅豆餅（$6）紅豆依然好足料，但人大左要求高左，已經覺得已經無細個咁好食。但呢一種小店，吃的是回憶是人情昧！呢個或者就係我要去長洲既原因吧。

假日一天遊，同屋企去長洲行下山，去下張保仔洞歷險，最主要都係入尼食下野。臨走時經過海灘附近的一條小巷，發覺都幾多人排隊，老婆話係食紅豆餅，係OPENRICE長洲排名都幾前，佢又話口痕想食，就買左個諗住上船食，紅豆餅新鮮製造，攞上手仲熱辣辣，老婆已經急不及待試食，咬左一小口，已經食到有紅豆餡，成個餅脹卜卜，其實望住個餅皮已經見到紅豆色透哂出尼，真係皮薄餡靚，紅豆亦都唔會太甜，仲食到D豆肉，唔係完全爛哂

13-5-2017(Sat)成班人繼續前行搵o野食,o係佢o地買牛雜時,女友人MC拎住件燒餅食,話係日本人開o既.我行前幾步睇,見到紅豆餅賣$6.00,芝士紅豆餅賣$10.00,問老公想食邊隻?佢答有芝士啦,特別啲嘛.於是我走去買,即刻有喇,熱騰騰的,老公掰開睇,飽滿o既紅豆蓉有好多,食落,足夠同鹹o既芝士混埋甜甜地o既紅豆蓉食,我覺得麻麻,但燒餅口感係好o既.評分係:味道: 3    環境: 3   服務: 5     衛生: 3      抵食: 2      OK

今日假期點零鐘嚟到買紅豆餅，唔使排隊。 紅豆餅裏面的紅豆蓉夠多夠綿， 唔會太甜， 味道啱啱好， 加上個餅鬆軟， 六蚊一個簡直係超值 今日要留肚食其他嘢 ，所以淨係買咗一個紅豆餅。 記得上次平日嚟叫咗個set ，可以坐入舖頭慢慢食， 有機會同日本籍婆婆老闆娘傾咗一陣，佢好和藹 ，另外幾個幫手姐姐佢哋全部都係住喺長洲，同老闆娘感情好好， 話老闆娘當佢哋係佢個女。 裡面佈置優雅， 如果有機會 ，不妨買個set入去坐下， 同佢哋傾下偈， 一樂也。到三點零鐘返轉頭見到已經要排長龍啦。·

今日同同事們放工入長洲，我地開開心心玩泡泡，食野，賞花，不停拍照等等，雖然時間唔多，但就做左唔少嘢。 有位男主同事話今次無同女朋友嚟，要買他們兩位的共同回憶紅豆餅返去氹佢。我地陪佢去，順便每人買返個食。店外有好多花花草草，整整齊齊咁排到個小花園咁，令人感到輕鬆。 紅豆餅拿上手暖暖的，咬一啖啲紅豆蓉bi曬出來，十分足料，紅豆清清地絕對唔甜，紅豆磨到好蓉。 個皮好薄，我就鍾意多少少粉，而朋友覺得剛剛好，紅豆份量太多，我食唔矖呢。 $6一個響今時今日來說實在太平,這個回憶沒有漲價呢!

每一次入長洲 都會黎呢到食手卷當lunch每次都係嗌同一個set 蟹柳蟹子腸仔嗌set就可以入去坐 仲有茶同紅豆餅食個手卷好味之餘 d餡係多到食到最尾都仲有唔似其他手卷 食到一半得番紫菜同飯一落單就會即整 店員會提醒快d食唔係紫菜會變軟就唔好食食到甘上下就會拎埋熱辣辣既紅豆餅出黎個餡同樣好足 而且唔太甜呢到環境好寧靜 會播好細聲既純音樂一路食一路飲茶 真係好寫意每位入黎坐既客人都可以寫本類似日記既野等下次黎既時候可以睇番

今天原本打算同朋友到南丫島，怎料船舶大排長龍，唯有改去長洲。由於甚少來長洲，唯有上OpenRice看看食家推介，排隊買了的紅豆餅及腸仔蟹柳手卷吃～紅豆餅，暖暖的餡料份量十足，味道是天然的紅豆甜，不是市區食店加入大量砂糖的甜膩，而且紅豆餡不是完全碎掉的豆蓉口感 ，而是混合了一粒粒完整的紅豆，層次豐富，不能錯過！ 價錢只是$6，市區食店既做不到這價錢，也嚐不到這種天然味道!腸仔蟹柳手卷， 即叫即做，紫菜略為軟腍，白飯略嫌鬆散，但味道豐富，雞肉腸及蟹柳加上醬油及沙律醬，鹹中帶微酸清甜， 吃到最後一口也很滋味～整體味道甚佳，價廉物美，下次再遊長洲可再吃～

2016最後一日。同屋企人入長洲行下。玩返日。因為本身好中意食紅豆。每次去長洲都必去呢到食返件。紅豆餅 $6芝士紅豆餅 $10紅豆餡好夠。而且唔會好甜！個餅都幾鬆軟。但又唔會似食空氣咁。

黎到長洲真係唔會驚餓親！每一條街都好多好多好多野食！有長洲大魚蛋、特大長薯捲、海鮮餐、芒果糯米磁等！黎一次真係食到你捧住個肚走！而我最愛，每次都要買幾個走既就係紅豆餅！呢間已經做左好多年，我估至少有十年！依稀記得好多年前係賣4蚊到（好似），但過左甘多年先買六蚊！大魚蛋都要五蚊一粒啦！真係好抵！良心舖頭！拎上手仲熱既，個餅煙煙韌韌，好香，又鬆化。而紅豆餡似係自己整既，唔似買反黎。餡好多，好棉，唔會太甜！我覺得好食過出面大型食店賣果啲，價錢仲要平一半！推介大家稀長洲一定要食！支持小店！！