家後2.0

Open Now

Now Closed

聞名不如見面嘅家後，夜晚真係好full House。晚飯時間人流不絕，咁佢啲餃子又真係幾抵食~可以揀煎餃或者焯餃，都係40幾蚊，就有足料8隻。手工餃子套餐（灼）雲耳椰菜豬肉餃椰菜好fresh，好住家感覺~一啲都唔膩洋蔥豬肉餃 +$2.0內有大約量子洋蔥，一咬感覺非常香甜，比想像中好食手工餃子套餐（灼）•⁠  ⁠芫茜豬肉餃•⁠  ⁠菠菜豬肉餃+$2.0現身講芫荽同菠菜豬肉餃味道差唔多，哈哈~鍾意食餃嘅可以試試手工餃子套餐（煎）•⁠  ⁠韭菜豬肉餃•⁠  ⁠小籠包豬肉餃+$2.0而兩款手工煎餃都幾推介！ 韭菜豬肉餃嘅韭菜份量好多、好香，唔重味精味係重點。小籠包豬肉餃必食推介！本身我唔係特別好小籠包，但咬落即刻爆汁，好甜，好Juicy，有驚喜！另外叫咗啲小食：•⁠  ⁠沙薑雞中翼•⁠  ⁠是日油菜沙薑雞翼炆得好腍，$30原來有四隻，又幾抵食喎生菜份量都OK，食住餃子加條菜，再加兩支日本綠茶（$10@）， 零舍有住家感覺。食咗24隻餃子、小食同嘢飲，埋單都只係$200， 味道住家， 仲有自家製巴斯克蛋糕，唔怪之得咁多人嚟啦。

最近發現了一家隱藏在巷弄裡的小店「家後2.0」，一進門就被溫暖的裝修風格吸引住了他們的招牌手工餃子真的是好好味！我點了煎韭菜豬肉餃，外皮煎得金黃酥脆，咬下去還能聽到「喀滋」的聲音，裡面的餡料鮮嫩多汁，韭菜的香氣撲鼻而來，跟豬肉的鮮甜完美融合。套餐還配了當日特製的住家麵，Q彈有勁朋友點的灼餃也不遑多讓。芹菜豬肉餃清香爽口，雲耳椰菜豬肉餃則口感豐富，每一口都能嚐到不同的層次。配上一盤清脆爽口的生菜，簡直是味蕾的享受！日式住家飯團也是店裡的特色，飯糰緊實不鬆散，裡面的配料豐富多樣，每一口都充滿驚喜。飯後來一杯冰涼絲滑的凍豆漿，瞬間消暑解膩。最後，甜點也是讓人驚艷。開心果巴斯克蛋糕外層微焦，內裡卻綿密如絲，開心果的香氣與奶香完美融合。原味巴斯克蛋糕則是經典中的經典，濃郁的奶香讓人回味無窮。總的來說，「家後2.0」絕對是值得一訪再訪的好地方。無論是獨具特色的手工餃子，還是充滿驚喜的家常料理，每一道都讓人回味無窮

深水埗這間餃子店便宜抵食，所以就算平日晚上都已經人頭湧湧，需要輪候位置。看過餐牌，見到餃子相當抵食，多款不同的手工餃子，可以煎或可以灼，如果雙拼都只是加$2，咁就啱晒想試多種口味的食客。灼餃八隻都只是$40，煎餃八隻就是$42 ，十分抵吃。仲可以跟套餐，我們點了一款日式套餐，配上了是日湯麵、是日靚湯、前菜烏龍茶。相當抵食。是日的湯麵是紫菜湯烏冬，紫菜惹味配上了滑溜溜的烏冬十分滿足，大大碗相當足料超抵吃。是日靚湯有海底椰湯，清甜滋潤，很有住家的感覺。前菜有筍片，清爽美味。烏龍茶清清的，能夠一解食物的油分和味道。灼餃子方面，我們點了雙拼，雲耳椰菜豬肉餃和菠菜豬肉餃，看到餃子相當脹卜卜，皮薄多餡，一咬下去餡子都湧出來，兩款餃子都相當好吃，不但餡料多及豐富，而且仍能保持餃子中的湯汁，令餃子一咬下相當Juicy….煎餃子方面選了洋蔥豬肉餃，金黃色脆卜卜的外皮，一咬下湯汁一湧而出，十分美味。煎餃更為香脆，而且更為惹味，所以也是一個不錯的選擇。另外我們還單點了一碗豬骨湯上海麵，濃濃的豬骨湯配上了夠份量的上海麵，十分飽肚。小食還點了一款沙薑雞翼，沙薑味濃，雞翼炆得相當腍身及入味，相當惹味，超正。餐廳食

餃子控嘅我成日都周圍搵好味餃子，依間亦係我第一次食就愛上嘅餃子店，平時我通常都去總店食，唔知分店又有冇分別呢🤩我同屋企人叫咗個手工餃子套餐，揀左要是日新款煎餃子同煎洋蔥豬肉餃，配是日住家麵類係烏冬，而冷盤小食係菠菜，飲品係烏龍茶，烏冬份量比想像中大碗，入口好煙靭又順滑，食得出係手打烏冬，質感一啲都唔粉，湯底係昆布鰹魚湯，清得黎唔會太過淡，味道啱啱好。本人最鍾意煎洋蔥豬肉餃，外皮煎得非常之香脆，個皮夠晒薄，咬一啖洋蔥豬肉嘅湯汁湧出嚟，食到好甜又濃郁，超好食！而是日新款煎餃子係泰式冬陰功味，酸得來又辣辣地幾開胃另外我哋叫咗灼雲耳椰菜豬肉餃同韭菜豬肉餃，水餃皮一樣非常滑又夠薄身，食落口唔會一團粉咁，雲耳椰菜入邊有少少薑，軟熟又彈口嘅感覺，不得不讚韭菜豬肉餃入邊嘅韭菜好香，食完都仲有韭菜嘅香喺口腔中徘徊，如果灼餃嚟講我個人非常推薦要韭菜餃嚟到點可以唔食佢哋嘅招牌熱賣紅燒豬手，炆得非常濃郁入味，同埋已經係炆到好軟熟，一咬啲骨已經好容易碎，豬手骨膠原同肉嘅比例好平均，唔會淨係食到豬皮咁膩😍跟餐嘅凍豆漿唔會太甜，都幾好飲最後又點少得佢哋舖頭最熱賣出名嘅巴斯克蛋糕，我去到已經得返咖啡味，之前食過原味已

尋日深水埗做完嘢，係附近搵食，見到有一間評價唔錯嘅餐廳叫家後2.0。餐廳柔和嘅燈光同木系裝修，配上幾幅靚靚嘅畫，感覺溫馨有家庭式嘅感覺。🌿🖼️我叫咗個煎餃套餐，有菠菜豬肉餃同小籠包豬肉餃。煎得幾好幾脆。😋 套餐加$20就有少見嘅鹹飯、小食同烏龍茶。🍚🥟另一個灼餃套餐有韭菜豬肉餃同雲耳椰菜豬肉餃，呢個就加$30配烏冬。餃子味道清新，烏冬彈牙，小食都係菠菜，仲有烏龍茶。🥢🍜兩個套餐嘅餃子味道多樣，食完唔會好口渴，冇味精嘅感覺。湯底都唔錯，似住家湯飲落去好舒服。😊仲加咗個沙薑雞中翼，雞翼好滑，好多沙薑汁浸住。🍗🤤 估唔到佢哋食餃子都有咖啡飲☕️可惜太遲去試唔到必試嘅芝士蛋糕，下次可以早啲去試下！🍰

喺大南街同朋友買完手作野勁肚餓，近近地見到有呢間餃子店就諗住幫襯吓🥟🥟🥟坐低先發覺原來並唔係一間普通嘅餃子店——除咗有餃子食原來仲有得叫咖啡同蛋糕🍰是日特色餃係麻辣白菜餃，好似幾特別，呢個揀左灼餃；另外要左份韭菜煎餃。.🥟麻辣白菜灼餃套餐🥟灼餃套餐會跟個湯，今日係西洋菜湯。飲落去非常清甜，應該係冇味精，住家湯嘅感覺。麻辣白菜餃食落去係淡淡嘅麻辣味，味道平衡得好好，亦都唔會搶過咗豬肉餃嘅鮮甜味，唔係話食到要係咁飲水嗰一種。🥟韭菜豬肉煎餃🥟非常出色，因為餃子皮厚薄適中，煎餃感覺啱啱好，香脆得來唔會太過油膩，香口得來又唔會蓋過餃子餡料，完全冇諗過係一間小店可以食到咁高水準嘅煎餃子.🥟咖喱牛筋腩飯套餐似係港式咖喱牛腩飯嘅感覺，咖喱汁唔會太椰，小小辣。牛筋腩都夠腍。套餐會跟一碗湯同埋一杯烏龍茶，男士食基本上一個餐都夠飽。🍰原味巴斯克芝士蛋糕🧀坐低上網搵先見到原來佢係一間比餃子耽誤嘅蛋糕店😝見到餐牌先知今日得返原味蛋糕，其他賣晒。好彩我哋都醒目，落單嘅時候同職員講想留定一件芝士蛋糕🍰食完啲餃子同埋牛腩，第一次可以用芝士蛋糕作結尾😜😜完全冇期望有蛋糕食之下，食到個勁好味勁滑嘅芝士蛋糕，超級滿足，下次

知道「家後」餃子同巴斯克蛋糕頗有名氣，但就一直未試過！今次同朋友慕名而來2.0分店！🥟手工餃子套餐（煎）是日住家鹹飯＋冷盤小食＋烏龍茶：$64是日住家麵類＋冷盤小食＋烏龍茶：$74冷盤小食：芝麻波菜食煎餃熱氣野，食返菜嚟balance吓，芝麻好香，波菜清爽好味🤤！是日住家麵類：烏冬🥟小籠包豬肉餃🥟菠菜豬肉餃(+$2)🥟洋蔥豬肉餃🥟雲耳椰菜豬肉餃(+$2)每個套餐可揀2款煎餃，每款各4隻。每隻都煎到金黃色，脆卜卜🤩！餡料豐富，咬落入面仲有肉汁😋！配埋枱面上既辣菜甫，更惹味😋～🧀原味巴斯克芝士蛋糕：$30軟綿綿，芝士味濃郁，creamy👍🏻😋！總結：餃子同蛋糕物有所值😋！Dumpling & Cheesecake can be together👍🏻！！！環境光猛，企理！幾鐘意一入門口塊鏡可以打吓卡🤣📸！提提大家餐廳只收現金💰！

之前網上面有人介紹過呢間家後，一間有芝士蛋糕食嘅餃子店，見剛剛係深水埗買完嘢，就順便過去試吓！原來佢有2間店，我去咗間近我嘅家後2.0，入面好文青feel，叫咗份煎餃子雙拼，揀咗菠菜豬肉同小籠包豬肉。一份有8隻，小籠包豬肉餡無菜，得豬肉，幾多汁，好似食緊煎鍋貼。菠菜豬肉就少啲汁，但啲菜幾新鮮。另外叫咗一件開心果芝士蛋糕。見差唔多枱枱都有叫，個芝士蛋糕幾滑，開心果味唔係話好濃，但都有開心果味，係幾好食嘅！

今日同男朋友去咗食餃子，去呢間好多人推介嘅家後2.0，夜晚人客都幾多，可能都要預返少少時間等位🙊我哋一人叫咗一份灼餃 ($42)，本身仲配咗老火湯～老火湯完全無添加味精，係媽媽嘅味道😋我叫咗芹菜豬肉餃同埋麻辣白菜餃～佢嘅調味調得啱啱好，唔會太鹹，芹菜好香，鍾意芹菜嘅唔可以錯過😛麻辣唔係好辣，反而有陣麻香，想辣嘅就要𢳂枱頭嘅菜甫😗男朋友叫咗洋葱豬肉餃同菠菜豬肉餃，兩款都好飽滿，仲用咗紫洋葱，香味充滿哂成隻餃子😉😉另外梗係唔少得小籠包豬肉餃 ($44)😉煎得超香脆，而且入面真係好似小籠包咁爆哂汁😋相當好味～要飲食均衡，叫埋碟$20嘅油菜🤣另外，嚟家後嘅第二個目的就梗係巴斯克蛋糕啦😍我哋一人叫咗一件，分別係原味 ($30)同開心果味 ($35)～好欣賞佢個蛋糕中間仲係流心，質感好好，又唔會過甜😗又食餃子仲食咗甜品，人均都只係$100鬆啲，抵食！

深水埗出名超多水餃店 咁多選擇入面今次揀左呢間好出名既水餃名 試試佢🤪🥟 手工餃子套餐（灼）（雙拼） 呢個灼餃子既套餐 揀左雙拼既味道分別叫左韭菜豬肉餃 同 ⁠菠菜豬肉餃😋然後再加配 是日住家麵類 冷盤小食 同熱烏龍茶 呢到既餃子既餡料好夠飽滿 皮好夠薄身 調味亦岩岩好😛韭菜豬肉餃好香濃韭菜香味 配埋充滿肉汁肉餡菠菜豬肉餃食落比較清新 有鮮味 食落好舒服☺️湯餃會附上是日燉湯 今日既係燉湯蟲草花湯飲落完全唔似坊間既味精湯 飲得出係真材實料😋飲落有淡淡既蟲草花香味 飲落好舒服特製的住家麵 係粗身煙韌既烏冬 配上日式湯底😌如果喜歡食烏冬既你 一定要試試呢到既住家麵😋🥟 手工餃子套餐（煎）（雙拼） 除左灼餃子 今次再試埋佢既煎餃子☺️今次嗌左洋蔥豬肉餃 同 是日新款餃子（麻辣白菜餃）煎餃子同灼餃子一樣 餃子餡料好夠飽滿 餃子煎得香脆得黎 仲可以保留到餃子皮既煙韌感😛洋蔥豬肉餃 用上紫洋蔥 食到爽脆既洋蔥 好夠清新🤪麻辣白菜豬肉餃 好特別 麻辣味道唔會過份地辣食到麻辣既香辣味 好夠過癮 小辣人士都絕對試得過😋🍛 咖喱牛根腩飯 雖然呢到出名食餃子 但呢到既飯類都好出色😛呢到既咖喱係偏向港式既咖喱 有

上年食過家後嘅老火湯餃，已經覺得好有質素，所以今日黎試下家後2.0，睇下可唔可以再比到驚喜我😎🥟芫茜豬肉餃 (灼)+芹菜豬肉餃（灼) $42 🌕🌕🌕🌕🌑外皮薄滑，內餡都好鮮嫩多汁😆仲有跟好足料嘅老火湯😍上次食家後係餃子放埋入老火湯裡面，而今次佢就將餃子同湯分開，等大家可以更品嚐到湯嘅鮮味，而且可以比食客自己選擇餃子送唔送湯食👍🏿不過我個人較鍾意原本的做法，等餃子皮可以吸到湯嘅味道，食落味道更豐富😋🥟是日新款餃子（煎)+小籠包豬肉餃（煎） $46 🌕🌕🌕🌕🌕好似第一次比一份食物五粒星…呢個煎餃真係我嘅Mr. Right！煎得好靚，剛剛好的程度，外皮脆卜卜，但入面完全唔乾，一如佢名字所講，內餡好似小籠包咁多汁。我第一啖咬開餃子嘅時候，啲湯汁直接飛到對面朋友臉上😂😂是日新款餃子係麻辣白菜餃，配埋煎脆嘅外皮十分惹味😋希望小店可以一直keep住呢個水準，等我下次黎都可以再食到咁好食嘅煎餃🥺🥺🍰開心果巴斯克蛋糕 $35 🌕🌕🌕🌕🌑巴斯克蛋糕冇得網上落單，要搵員工人手落。口感軟滑，開心果同芝士味都相當濃郁，都唔會好膩。好食！疲累嘅一日以呢餐結束，真係好幸福🥹希望小店可以繼續努力，保持水準，下次再

一直聽聞呢間餃子店好出名❣️平日晏晝食唔洗排隊👍🏻餃子款式雖然唔算特別多但勝左皮薄餡靚🥟加$跟套餐會有埋冷盤小食，烏龍茶，面/飯想雙拼試兩款餃都得😙仲有飯餐同小食可以揀，平平地食個飯配埋湯都唔錯-韭菜豬肉餃+菠菜豬肉餃（+$2） $46 8隻兩款都係煎，一邊煎脆另一邊冇咁樣感覺冇咁熱氣🤣菜同肉嘅比例十分好，而且仲有肉汁👍🏻-雲耳椰菜豬肉餃 $40 8隻皮薄得黎餡都好飽滿，餡嘅調味亦啱啱好😙個人鍾意加辣菜脯更加好食🤣-上海湯麵係幼麵仲有菜配埋👍🏻👍🏻烏冬煙韌👍🏻跟餐附送嘅湯亦充滿住家味道野生菌湯好香好好飲😋-芝士蛋糕人人都讚有人氣嘅開心果口味同原味開心果味濃郁又唔會太甜超好食芝士味易夠出，食完都唔會好漏原味口感相對較實但芝士味好濃郁🤤呢個size食完絕對啱啱好🥹🥹

今日黎到深水圳呢間好出名既家後2.0，仲唔到雖然位置唔係旺區，但都好多人慕名而來，就算係平日手都排晒隊要等位入！內裏環境好靚好光猛，牆上仲掛左油畫望落好C伏呢到主打手工餃子，但都有飯麵類，另外值得一提係佢個芝士蛋糕係勁出色，我見差唔多每一枱都有叫，甚至有人入黎專登淨係食佢個蛋糕手工餃子可以揀煎或湯餃，多款唔同口味仲可以雙拼配搭，一咬開勁多汁，入面塞滿晒啖啖出，勁出色今日好肚餓，叫多個咖哩牛筋腩飯食係日式咖哩偏甜一啲都唔辣，牛筋牛腩煲到勁淋好勁入口，估唔到一間主打餃子既鋪頭整飯類都同樣出色最期待既巴斯克蛋糕黎啦除左有原味之外，每日都有唔同是日精選，今日係開心果同抹茶今次就試左抹茶蛋糕，勁香濃芝士味，口感亦不得了，實淨得黎好綿密，一啲焦味都無，出色

今日去咗深水埗呢邊買電話卡，跟住就睇吓附近有啲咩好嘅餐廳食，但係咁啱亦都唔想食咁多嘢想食啲比較輕便嘅食物，就揀咗呢一間食餃子嘅餐廳，見到佢網上嘅評價都幾好，所以我同朋友就決定去試吓，我哋叫咗兩個唔同嘅套餐，再加左一個甜品.煎餃套餐，菠菜豬肉餃，煎得非常靚仔，呈現到金黃色，而且亦都非常香口，我朋友都非常鍾意食佢嘅煎餃子，而且佢肉汁非常香濃，咬落去所有肉汁都會爆曬出嚟，鍾意嘅朋友真係唔可以錯過，而且雙拼嘅話可以揀多一款自己鍾意嘅口味，我就加咗最後加咗兩蚊！灼餃子就揀咗韭菜豬肉餃同埋芹菜豬肉餃，比較鍾意食韭菜豬肉餃，因為覺得韭菜同埋豬肉嘅味道非常match, 而且亦都非常大大隻，就算一個套餐八隻都夠，非常飽肚！鍾意食餃子嘅朋友唔可以錯過，而且餐廳嘅餃子係新鮮每日即整，所以非常好食，亦都好新鮮！套餐就包括左有烏冬或者中式嘅飯，再加一個菠菜小食，整體嚟講都可以！個烏冬都非常煙靭，呢個價錢嚟講我覺得非常合理，喺同區嚟講都唔算好貴，每個套餐喺出邊起碼平$10，CP值都幾高！最後見到隔籬枱掉咗個開心果芝士蛋糕，我哋都想試吓，就叫做一件嚟食$35！冇諗過真係非常好食，芝士蛋糕唔會做得太漏，而且充滿開心果

所有野都要食客提，野飲唔記得比，兩個人比一對筷子⋯等咗蛋糕好耐，要提，仲要抹茶就比咗開心果。職員講嘢用國語勁大聲同另外一位男職員對話。不停口⋯講就叻，所有野都係做錯！－句唔好意思都冇。咁嘅服務。幾好食都冇用，何況只係一般。