Homy Cafe (Closed)

這間店的裝潢以木為主，木桌子木椅子，連刀叉匙都選用木柄，風格連貫又獨特。店舖面積不大，座位擺設得擠迫。我們點了煙肉烤牛肉漢堡，和鵝肝牛肉漢堡，都配有薯條和飲品。牛肉漢堡的肉味香濃，可惜肉汁不多，吃起來不夠滑口，但漢堡的醬汁惹味，包微溫帶脆。鵝肝的味道也不錯，薯條的質感和溫度也適中。餐飲我點了凍美式咖啡，咖啡質素稍遜，即使加糖加奶，喝上口也苦澀鞋口。另外我們也點了煙三文魚香草大蜆扁意粉，意粉軟硬適中，醬汁調配得也很美味，煙三文魚的分量也不少，值得推薦。

聽fd講話依間burger好食，今日嘅下午茶就決定去試一試佢。蜜糖焗雞翼睇落好易整，但其實要整得好食都有啲難度到呢到都整得唔錯，外脆內裡juicy，盛惠 $28 三隻~ 都有啲貴~~我叫咗個輕量蘑菇牛肉漢堡 $62，比較普通，但蘑菇真係幾大舊下~另外再叫左一個burger，辣味海鮮潛艇堡。 $70個漢堡大大個，啖啖肉，塊肉好厚，個醬汁較得啱啱好，唔太辣，好惹味。香蕉風味朱古力  $20 芒果芝戀 $24依一餐我都幾滿意，果然無介紹錯。

上水舊墟藥房林立 好難得會有一間高質好西Cafe .係晚上拾回一些小社區感覺 👍🏻🧀冬日限定 松露芝士火鍋 | $138選左意粉 大啡菇 辣肉腸芝士非常濃郁 會有陣陣松露味 幾出色望落好份量唔多 但好快飽🍔法國鴨肝牛肉漢堡 | $138有鵝肝 牛肉 都幾好食 附上一小桶薯條🍣煙三文魚香草大蜆扁意粉 | $128大蜆多到可以圍碟 醬汁唔錯另外小食叫左雞翼

七點黎到homycafe，入面算幾滿場。我叫左廚師推介辣蕃茄手工肉丸扁意粉🍝，包餐湯同熱飲（熱檸檬茶）$108。朋友鐘意食漢堡包🍔，所以叫左個餐牌上最大既$148巨人漢堡，加左個$8既湯同$10一塊薯餅，加半價特飲既$58既皇牌凍朱古力。咁凍既天氣下，個湯夠晒暖胃。碟意粉賣相幾靚，餐牌有兩粒辣椒仔，紅通通真係幾辣，好惹味😚！食落好香蕃茄味，辣辣地幾開胃同惹味，入面都有幾多粒手工肉丸yummy~熱檸茶一杯夢幻既朱古力，杯頂有塊朱古力蛋糕，幾好飲！接住黎左個成十多cm既漢堡，有好多層，由包頂有蛋、大啡菇、芝士漢堡、煙肉、再黎一塊芝士漢堡扒、洋蔥同生菜，完全滿足多個願望，特別係塊排厚實多肉汁！

漢堡店在香港說多不多，說少不少，我認為普遍香港人對漢堡包的想法就是：要花$70-$100多的價錢去吃未必好吃的漢堡包，倒不如去一些連鎖漢堡包店吃質素算是不錯的漢堡包罷了，以致大部分的漢堡包店變得冷清。之前在某個社交平台看見了有些blogger分享了Homy Cafe的食評，說到價錢是如何，我看漢堡包的樣子還算不錯，價錢又不昂貴，就當然有興趣去試試了招牌蜜糖雞翼唔係普通好食，係超級好食！外皮脆脆被蜜糖包住，內裡雞肉超滑，真係一吃難忘！炸魚一點都不腥，個魚皮炸得好香脆同好薄，魚肉🐟仲保持到水份同嫩口非常好食牛肉的厚度很高，然後加上鬆軟的麵包和蔬菜，更令人口感豐富。幾乎被頂層的麵包覆蓋住，每吃到一啖的牛肉漢堡扒，除了有漢堡扒的濃厚牛肉味道之外，都能同時吃到濃郁的蕃茄同菜的甜味。

係上水完成工作後已經很晚了，在經過一間西式cafe ，門口擺放著餐牌，有鴨肝漢堡包，印象中很久沒吃了便來一個吧！ 環境舒適，坐在酒吧檯靠窗位置享受獨自快樂 。 在等候期間，看看老外很開心在掉飛標😂 （希望不是太醉，請看準一點，哈哈）餐具要自行取但沒關係，因為很近的。 平時夾著鵝肝今日換換口味— 肥美鴨肝加上厚切牛還有一片半溶不溶芝士很吸引！ 伴碟有炸的金黃色的粗薯條。 整體來說都不錯，地點容易找，服務也不錯，落單快又準。 日後經過又有多個地方歇腳了 。

Homy cafe係上水入面高質嘅cafe之一，少有可以係上水有高質嘅漢堡包食！經典漢堡同芝士大蘑菇漢堡我都食過，兩款都好好味，個包好熱，個漢堡扒好有肉味！個人口味好鍾意芝士大蘑菇漢堡，個蘑菇真係超juicy！一定要食！唔好以為淨係漢堡包ok，啲意粉同意大力飯都唔錯，黑松露忌廉帶子意大利飯好香好creamy，伴碟又整得靚，對得起$148呢個價錢！而特色飲品就唔係咁推介喇，好普通，唔值得呢個價錢，可以有更好選擇，或者下次會試下啲手工啤！

難得約朋友喺上水食飯，一於就帶佢去食好西。既然住上水嘅朋友都話上水開咗間高質食漢堡嘅西餐廳，咁就同朋友去食啦😋我地叫咗一個辣醬芝士牛肉漢堡同一個黑松露忌廉帶子意大利飯😍兩個一睇賣相就知好味，餐湯：漢堡個辣醬唔算辣，但又幾開胃，個包表面個芝麻多連埋皮一齊食都脆嘅口感，連個番茄都好鮮甜好好食，牛肉煎得啱啱好唔‘鞋’口，又唔油，正😋個意大利飯一啲都唔會乾身，個汁有黑松露調味已經好夠未，飯食落口感係一粒粒，唔癡埋👍🏻帶子都算大粒，有4粒係完整上，正呀，一啖咁食，好滿足🤤有驚喜係個雜莓乳酪沙冰，酸酸甜甜好好飲，仲會飲到少少酒味🤤好正😋以後又多間餐廳可以帶frd去食啦😆

上水難得有好食嘅嘢 呢間餐廳環境好好 係工業風 六點幾嚟唔使排隊店員好有禮貌咁招呼 餐牌選擇都算多 有牛肉漢堡豬肉原本想叫大啡菇 可惜賣晒 於是試咗辣醬牛肉漢堡 所有嘢即叫即整所以都等左一陣但係質素都非常之好 芝士薯條好好食係我最鍾意嘅粗薯條 雖然然份量唔多 芝士醬亦都好好味 唔會太咸 漢堡個包唔太脆 牛肉夠厚但肉汁不太夠 成個包太厚有少少唔知點食 不過夾埋係好食既 加咗錢要個手工啤酒 店員好有心機逐款介紹最後嗌咗個抹茶味都幾特別 見到佢冬天有做芝士火鍋下次叫埋朋友一齊去試

上水雖然係水貨藥房天地，但都唔係只得地道酒樓同茶餐廳，哩條棺材街入面就有間歐陸式又文青嘅餐廳平日晚飯時間, 唔計一入門口既吧枱空間，坐位約大半有人坐，得返一張十幾人大枱，2個人坐張大枱, 侍應帶領入座後都有提醒之後可能雖要搭枱，即刻諗起對上一次坐咁大張枱, 仲要唔知有咩人會嚟搭枱，應該就係U CANTEEN。唔緊要, 文青風, 係要年青少少。 報章型MENU很時尚，DINNER SET 大部份都係$80+ ~$100左右的價錢食豪D都可以選擇扒類。跟餐除咗有大眾化既餐飲外，介可以半價叫特式飲品，或$38要支手工啤男朋友話一場嚟到都試下手工啤，侍應細心講解十種手工啤既特性我就揀咗杯特飲試咗啖手工啤係偏苦既黑啤味, 都係留返俾男朋友仔我就揀咗藍橘菠蘿梳打, 酸酸甜甜好醒胃, 但侍應無提我要攪勻先飲, 所以最後好甜等咗約15分鐘就有個芝士牛肉漢堡餐漢堡包超鬆軟，扒肉煎到微微粉紅，有肉味仲好JUISY!汁醬係微辣既口味，加上新鮮既洋葱、生菜同蕃茄真係好好味再多5分鐘就有豬肋骨食雖然大大塊, 但似乎烤既時間耐咗少少，燒烤醬味有點燶，肉層較薄，所以有點"鞋"口。不過大大塊都只係200幾蚊都選係咁。

慕名而去食個午餐，聽人講到幾好幾好，千辛萬苦走過水貨街，跨過無數攤開响地執緊貨嘅水貨篋先去到，唔想同人搭檯，揀咗近門口嘅吧檯位，張檯好細，一個人可以佔用的空間大約只有、1x1.5呎，張櫈又係好細，我自問肥，patpat大，唔夠坐囉！見佢餐牌寫住每位最低消費$60，限時55分鐘，當堂已經扣咗好多分！點咗辣辣醬烤牛肉漢堡加餐飲熱咖啡，$68，咖啡唔使2分鐘就嚟咗，幾好飲，但係等咗十幾廿分鐘個burger先送到嚟，等到熱咖啡都變晒凍咖啡，仲要竟然成個包都係凍嘅，凍嘅肉就算幾好味都扣晒分啦，而且根本就唔覺佢有幾好味，啲肉有啲乾同鞋，可能啲肉汁已經凍到“琼”咗。我都唔明點解要等咁耐等件咁嘅凍嘢，莫非係整完要攤番凍先至奉客？

係上水路過呢間小店，見裝修ok，午餐set lunch價錢又唔錯，所以入去試下，點知中曬伏啊！叫左個burger，加是日特飲（青瓜蘇打）黎到果陣好開心，因為個賣相都幾靚，點知第一次食burger食到咁嬲！！唔好食我都冇乜嘢，但係d肉生成咁真係好恐怖。除左出面煎過下之外，得薄薄一層外皮係熟既，入面d肉係全生㗎囉！係咪真係可以咁生咁食㗎？食之前唔小心冇睇到係生既，咬左啖，哇個質感好令人不安！即刻望下，原來係生的。同waiter講個漢堡扒好生，佢竟然一d唔好意思都冇，只是話會同廚師反應...另外青瓜蘇打都冇乜味。我以後都唔會再黎。

今日難得去上水覓食～睇openrice見到哩間上水少有嘅cafe～即刻去望下先～雖然間舖細細～但係一間好有feel嘅cafe～好鍾意d裝修～👍🏻lunch同tea menu好多都好似好好食亦都好抵～最後揀咗lunch嘅 雞扒菠菜意大利飯 同tea嘅 輕量辣味牛肉漢堡～塊雞扒望落以為乾爭爭～🤨點知把刀一切～塊皮脆到咯咯聲！雞肉食落口係嫩滑㗎！😍個飯煮得夠淋～係我鍾意食嘅口感～而且啖啖菠菜啖啖菇～又夠creamy！正呀！😋😋😋😋😋至於哩個漢堡～因為係tea set輕量版～所以份量比較少～男仔可能唔夠食～但個牛肉勁juicy～😍一路咬～啲汁一路流出嚟～真係要準備好紙巾先好食～個薯條係粗薯條～炸得啱啱好～外脆內軟～正😋😋😋有機會下次要再嚟食～試埋其他款先得～👍🏻👍🏻👍🏻

呢度嘅午餐 除咗burger 其實仲可以食下意粉 味道都有水準的叫咗個menu推介的 乾蕃茄大蝦橄欖油蒜片辣椒意大利粉 真心無介紹錯整體橄欖味香 意粉硬度適中 整體亦唔會太濕 辣辣地頗開胃 味道好推薦 大蝦都整得好食 六十幾元西式午餐算不錯不錯 午餐可以一試飲品加錢叫咗一杯菠蘿特飲 偏甜 不過都不錯

Homy我覺得在上水西餐黎講係屬於好高質，所以一般想食好少少都會揀呢間由於我們真係唔係好餓，所以就揀咗一個餐再加小食，滿足到佢「晚市每人$80」最低消費要求叫咗B6加$6沙律青瓜夠fresh，可惜個汁我唔係特別喜歡，所以食咗幾啖就算可樂跟餐係免費B6黑椒醬烤雞堡加薯條，唔好睇佢細細個咁，其實好飽，二個人食真係啱啱好，主要原因係塊烤雞係比較厚。個漢堡底係好食，係有啲硬，要用力少少去切，結果一用力，個漢堡就散😅香烤蜜糖雞翼都好食，蜜糖味夠重，推薦我們坐入面吧台，但因為隻腳比較長但張枱又短，坐到比較辛苦，食飯時要彎向前，所以建議餐廳可以換張長啲既台，唔好令客人食得咁辛苦