韓正屋韓國料理 (海壩街)

Open Now

Now Closed

夜晚無得堂食，唯有買外賣😂 但係要收工嘅時候買，擺多兩個鐘整返熱都好食嘅餸😂😂 我今次叫咗人蔘雞湯$110同炆牛肋骨煲 $108，再加咗罐裝韓國白提子汁($6x2)無端端今日開始凍返，好想飲人蔘雞湯🤣叫做補下暖🥶 韓國嘅人蔘雞湯會放糯米、人蔘、紅棗入隻雞入面。燉咗之後所有嘢都會好入味😍 見到佢入面都好足料😍 啲雞湯都好好飲🥰 不過再多啲湯會更正😂同蔘味重啲而個炆牛肋骨煲，我中意佢唔係杰撻撻，易俾我整返熱😂😂 而味道越煮越好食😆 不過啲牛就有啲大舊😂 如果細舊啲，易入好啲會更好，不過佢啲配菜都煮得好淋好入味😃 尤其是蘿蔔🥰

夜晚無得堂食，唯有買外賣🥡 要提提大家實體Menu同黐係玻璃嗰個價錢先啱架，店外有啲紙嘅menu，舊咗，所以只可以作參考💁🏻‍♀️ 你今日懶得煮飯，又想食韓國嘢，嗌咗嗰係到似係重點推介嘅人蔘雞湯($110)、韓式壽司($28)同韓式炸雞($48)，兩嗰人食🌝 份量啱啱好☺️ 嗰雞湯好足料，成隻雞都係入面😍😍 啲湯都好好飲，但如果多啲湯仲正😝 壽司都ok，但如果有得加牛肉係入面會加好多分😛 炸雞我以為拎到返去會唔脆，但焗咗咁耐，佢居然仲脆😅 真係好厲害👍🏻

朋友好鍾意食韓國菜，佢本身對韓國菜有一定的認識，佢今日帶咗我來一間既傳統又新潮嘅韓正屋，我地決定去試試，環境比人感覺好唔錯同埋頗大沙律配豆腐$38 份量非常之大，非常之健康呢～沙律菜好新鮮，脆卜卜，水份充分瀝乾，沙律唔會有多餘水份，豆腐軟滑好味！我地叫左兩款小清新開胃菜～涼拌菠菜$10 & 韓式泡菜$10 味道正常，不過不失。韓式壽司$28 用左菠菜、芽菜、紅蘿蔔做配料，味道都唔錯，可以一試。 石頭傳統雜錦牛肉飯$58 這個非常推介，牛肉份量多，配上多種蔬菜：菠菜、芽菜、紅蘿蔔、紫菜。。韓式紅醬汁濃郁，又幾入味，抵食飽肚之選，而石鍋夠熱做到有飯焦，食到最後仲係熱的！仲送一碗海帶湯😊😊泡菜豬肉豆腐湯$58 走辣，只剩下豬肉豆腐湯，只好自行加入剛單點的泡菜，味道恰好👍🏻～豬肉份量夠多，加上不同的配菜令口感更加豐富，甜甜辣辣所以好惹味。埋單每人大概100蚊，如果係韓菜fans嘅朋友仔不妨黎試！

禁晚市堂食倒數兩日😩。小編要趁未禁堂食食番夠先得🤣。今日小編同朋友食晚飯，揀咗間食韓國🇰🇷菜嘅餐廳，價錢唔貴🤪。（禁咗堂食都可以叫外賣🥡架😌✌🏻*openrice 外賣自取仲有額外折扣）🏷石頭芝士香辣豬肉飯（$65）豬肉飯有好多芝士，好邪惡😝仲送紫菜湯，好鬼正。🏷海鮮純豆腐湯（$59）海鮮純豆腐湯裏面有好多豆腐，兩隻大蝦，仲有啲金菇。個樣睇落好辣🌶，但食落一啲都唔辣。🏷韓式雞肉年糕湯拉麵（$49）有好多雞肉，好大件，新鮮嫩滑；仲有幾塊軟熟年糕；拉麵軟硬適中，爽口彈牙。調味料唔算好多。🏷韓國白提子汁（$12）有一粒粒嘅白提子肉，唔會太甜，感覺好鬼正😋。🏷凍韓國麥芽玉米🌽茶（$10）凍韓國麥芽玉米🌽茶帶淡淡玉米🌽味同埋少少甜味。*晚餐*免加一服務費

荃灣海壩街真係好好多好嘢食！今次同朋友食咗韓正屋！地點方便，坐得舒服，價錢公道！我哋兩大兩細嗌咗石頭芝士香辣豬肉飯 $65，韓式炒水晶粉絲 $38，韓式壽司 $28，韓式海鮮薄餅 $38，跟餐加$20有3塊韓式炸雞，再加$10有一碗海帶湯（其實隨餐附送一碗海帶湯㗎啦，我哋想要多碗啫），蘋果soda $15。Total $211 真係好抵食！最值得推介係個石頭芝士香辣豬肉飯！芝士絲可以拉到好長！更有芝士焦可以食！好香脆可口！另外個炸雞都好好味！好juicy！加埋個甜酸醬好yummy😋

換裝修之後，員工態度都換埋，串77咁。。。我舉手唸住問下加泡菜係埋都好似呢個碟咁嘅size。個staff隔好遠咁撇左我一眼話要咩，連行都冇行過來。。。毫無尊重。擺野又係大大聲bong 落來。雖然員工態度差，但係食物味道同店內衛生值得讚賞。

曾幾何時好鬼中意同朋友食部隊鍋亦有一輪好興周圍都有唔知幾時開始買少見少見到呢間有就衝左入去食$178兩人份量有兩款腸仔午餐肉年糕餃子金菇翠玉瓜等材料仲有三款小伴菜仲有個最緊要嘅即食麵！唔夠仲可以另加牛肉湯底唔算好辣但都好過癮！係一個唔算呃錢嘅部隊鍋！過足晒癮！

韓正屋韓國料理 荃灣海壩街22-32號華達樓地下E舖不是吃賣相的餐廳樸實 簡單 家庭般味道價錢亦貼地食韓國菜當然不少得泡菜，泡菜味道不會感到很辣，較為清淡，適合不太能吃辣的朋友👀韓式炒粉絲熱辣辣上枱，應該即刻炒。唔會成碟油同好咸。賣相比多數見到既較為淺色，點知又幾好食😋海鮮蔥餅 少許失望，好少材料，好似食緊舊式酒樓薄餅，面粉為主。味道欠缺，又無醬料配搭。😷泡菜豬肉豆腐湯🍲好多不同材料，配搭上米飯。好適合喜歡食湯飯既朋友。豆腐食極都有，好滿足，湯容易入口，唔會太辛，唔會過酸。如果冬天食應該會好温暖🌁無骨豬手有生菜和泡菜配搭，好似食緊燒肉甘。豬皮唔會有好肥膏痴住，無毛，可以放心食。性價比高既餐廳🍴 客似雲來，如果經開可以一試🌝#荃灣美食 #荃灣好去處 #韓國菜 #無骨豬手 #泡菜 #泡菜豬肉 #泡菜湯 #韓國美食 #韓國餐廳 #韓國餐廳推介

：「塞入『韓式』二字，並不會令成品更貼近韓式味，徒顯拙劣。」《製》韓正屋韓國料理《品》【石頭芝士香辣芝士飯】$65♦️奉桌熱辣，有滋滋之響。♦️芝士不及宣傳照多，不夠佐至最後一口飯。♦️勝在香濃，也足以微微牽絲，但絕非岩漿。♦️辣椒醬不夠濃，豬肉也似雪藏貨，入味但乾柴。♦️味道來自芝士與醬料，正常發揮——♦️此配搭不會難入口，但較單一。♦️無芽菜、蘿蔔絲、菠菜的石鍋飯，總有遺憾。—————————————————————————【韓式海鮮煎餅】$38🔸粉漿感過重，入口滿腔麵糊，軟腍，遑論脆。🔸加上粉漿吸油，成品油膩不堪。🔸泡菜味欠奉，海鮮餡料不均，亦只寥寥幾塊。—————————————————————————【韓式壽司】$28▪️以膠盒奉桌，狀似雪藏，誠意有欠。▪️無一絲麻油香，失韓食紫菜包飯之魂。▫️飯不彈牙，偏乾硬。▫️餡料味道正常，普通貨色。▪️飽腹尚可，若對壽司有所要求，不需考慮。🔎老饕鑑鹹_下上品————————————————————————🗺️荃灣海壩街22-32號華達樓地下E舖

呢間韓國餐廳由中學開始食到依家，食左差唔多10年😂d野食唔單止無mud加價，仲越黎越好食！d姐姐既服務態度都好左好多（應該係唔同人）🤣食物選擇好多，差唔多次次黎都食唔同野，每次都好滿意🤙🏿韓式芝士蛋捲 $52大推！！蛋味濃郁，蛋捲多汁，加上落得好大方的黃芥末醬和番茄醬，芝士仲識拉絲，完美！！韓式蕎麥水冷面 $45同平時的水冷面唔同，上面唔係放水梨片，而係蘋果片，我覺得一樣咁甜咁清新😋成個麵好refreshing，不過牛肉就柴左d，整體黎講不錯！韓式鯖魚拌飯 $48（？- 不確定🤣）因為我係食魚素，所以對於有魚類拌飯感到好感動🥺鯖魚有日式漬物的感覺，好好味！

韓正屋💚韓式雜菇年糕湯拉麵 $49泡菜炒飯 $38韓式雞肉便當 $45(凍飲+$3)凍檸水x2 $3x2熱咖啡-韓式雜菇年糕湯拉麵🍜我係嗌咗走辣嘅👻年糕大約有5、6塊雖然個樣煮到有啲林但因為年糕關係都會有啲照口🤤佢菇都放得好多菇都幾大塊下👻佢有金菇 秀珍菇 冬菇🍄佢嘅面我覺得似薯仔麵但我又唔係太肯定👷🏻‍♀️但我相信清湯係因為冇落個包湯粉但佢呢個清湯有啲淡所以只可以靠啲香蔥令我口感味道上fresh d💁🏻‍♀️·下面嗰兩個我都唔係我食所以我就講少少嘢我知道嘅🤣泡菜炒飯雞蛋下邊仲有啲豬肉！韓式雞肉便當🍱配菜芽菜泡菜都幾好味😋泡菜唔會太辣-當時以為嘢飲要再加錢所以未諗好就嗌咗🥲下次一定要叫啲韓式嘢飲👻19/6 eat -好味程度：🌕🌕🌕🌑🌑抵嘅程度：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌕🌕🌑

呢度CP值超高，每樣嘢食都比出邊平好多價錢非常親民而且仲唔洗加一飯類都係40-50蚊，鐵板燒都係50-60蚊雖然係咁啲嘢食並唔係劣食，絕對唔求其同難食鐵板燒豬肉用韓式辣醬炒成既豬肉，份量岩岩好，豬肉大塊而且好入味，辣度岩岩好 好味😋炸醬麵🍜個醬汁同韓國食到既味道係差唔多，不過麵條略為幼身所以只係擺咗一陣就已經變咗成個麵餅所以一嚟到就即刻食會好啲泡菜煎餅可能因為泡菜嘅關係所以都算幾夠味食落去都幾脆卜卜😋而且亦都唔會煎到燶咗韓式壽司呢個係咁多樣嘢食一邊比較遜色食落去冇看過紫菜包飯嘅去同一陣陣麻油要點豉油先有味，所以呢個就可以唔使試

30/5/2021平民價韓國正野料理屋今日行完南豐紗廠之後,黎左近近地既海霸街搵野食係門外見到Menu D 相好吸引, 加上價錢都算平民價. 另外,六點幾未到食飯時間裡面已經坐左唔少人, 所以就決定食呢間韓國料理。店員安排坐低之後好快就叫左野食。見到佢有個二人餐, 真係好抵食不過由於時間仲好早, 都唔算好肚餓, 所以我地決定散叫, 試下D 特食D既食野。海鮮純豆腐湯 (配白飯)好多海鮮好足料, 而且調味好岩, 唔會太咸, 有辣味之餘又食左豆腐既特別香味。鐵板燒雙併 (牛肉﹑豬肉) (配白飯)鐵板上既時候仲係熱㷫㷫, 豬肉有微辣, 隻辣味好有韓式既風味. 另外, 牛肉有牛味之餘亦唔會有陣雪味。份量都當相大份。單點泡菜小食由於我地無叫二人餐, 所以無頭盤, 不過見到格黎位既泡菜幾靚, 所以叫左一份黎食, 味道都真係唔錯!韓式無骨豬手(小)呢款推介小食真係無叫左, 份量好夠, 同埋豬手整得好好食, 唔會太瘦或太肥, 加上有大量巴蒜頭同生菜夾黎食, 真係好似去左韓國咁! 生菜好新解, 咬落好爽口, 夾埋跟黎既泡菜有小小辣味更加好食!起初我地唔知道湯係會配埋飯, 所以前後有兩個飯, 食到飽飽先離

尋日係父親節，去左食晚飯，兩個人叫左三樣野，包括泡菜豆腐湯，芝士泡菜豬肉石頭鍋飯同韓式炸雞。起初，食物黎到嘅時候，熱辣辣，感覺唔錯。但就係我地滿懷歡喜咁食我地d食物嘅時候，係豆腐湯入面有蜆，於是乎我就食蜆啦，食食下，發現有異樣，於是乎將個蜆殼吐咗出嚟，發現到有隻曱甴係度，成件事好嘔心。我地馬上搵左老闆娘，佢介係自己叫周小姐，周小姐就同我地講左一句，我地有用殺蟲水，成日都有曱甴，於是乎我就反問老闆娘，咁要點處理，佢就講左句唔好意思就走左人，其後我窮追不捨咁追住老闆娘問佢係唔係應該要去廚房到倒曬d湯呢，個衛生環境太太太太太恐怖。其後老闆娘先話去廚房倒曬湯去。成件事好恐怖，當晚我諗起就要去廁所嘔吐，嘔左4次。重點在於老闆娘嘅點答話成日都有曱甴，而且會係廚房使用殺蟲水，所以唔係遇到曱甴就會食埋殺蟲水。雖然最後老闆娘free左個豆腐湯比我地，但我都覺得發生左始終就係發生左，所以要比大家知道間店舖嘅衛生環境係幾咁惡劣大家若果去光顧前請先自行判斷去唔去光顧啦。

好耐冇食韓國野🇰🇷，今日去到海壩街呢一間韓國餐廳食晚餐, 餐廳位置不多，如果唔想排隊就早d黎好d, 睇餐牌見到二至四人餐價錢都非常親民👍🏻👍🏻韓式無骨豬手（細份）配麵豉醬 泡菜 生菜 蒜片$78雖然叫細份， 但份量都唔少，先夾上豬手，沾上麵豉醬， 再加上泡菜蒜片放入生菜🥬 包起再吃 豬手彈牙而口質幼滑，配上口感不同既配菜， 味道同口感豐富韓式炸雞$48炸雞非常香脆、肉質都算鮮嫩，一口一粒😳沾上甜酸醬一同食🍗非常美味