韓正屋韓國料理 (海壩街)

Open Now

Now Closed

朋友說而家冇得去旅行，好掛住韓國嘅所有嘢，話佢有啲思鄉病喎。既然系咁就同佢去韓式餐廳食飯。我地叫左個好抵食既$220套餐，仲唔使加一添海鮮豆腐湯一鍋湯跟一碗白飯，而其實一鍋湯份量都足夠二人分享，火紅紅既顏色配以微辣既湯底。容易入口，好惹味。湯內有嫩豆腐，細蝦，蜆肉，金茹等。細細湯煲已有豐富用料。石鍋傳統雞肉飯一大碗有肉又有菜還有生雞蛋既石鍋拌飯，份量亦都足夠二人分享，吃起來很飽滿。配材用料健康，也有去油煎雞肉，同時食到飯焦。鐵板燒牛仔骨牛仔骨分為三份大份，全部牛仔骨都是全熟又唔燶。保留了食材本身的味道。醃得好入味，食落好香口又唔韌，老少皆宜。抵食好食韓國料理

荃灣一向都好多野食，今次食下韓國野都有驚喜，因為真係好抵食呀。我地叫左個2人餐，2人餐佢都有3款比你簡，我地個款係有韓式鐵板牛肋骨，韓國海鮮純豆腐湯(配飯)，同埋石頭鍋飯，可以簡牛/雞/豬。佢仲會配有2個小菜，原來小菜可以自己簡，我地就簡左泡菜同波菜。呢到既泡菜唔係好酸個款! 韓國豆腐海鮮湯入面有D魷魚，有豆腐，有蛋，有金姑，都幾足料。而個湯就唔算好辣。一開始睇少左呢到既份量，原來牛肋骨好多! 調味都好足夠。石頭鍋飯辣醬另上，可以自己調較辣度，同埋個飯真係好大! 仲送2杯野飲，叫左熱柚子蜜，正常水準。另外，我地都叫左紫菜包飯，只係廿幾蚊，出面好多都40UP 架! 所以呢到真係好抵食！ 下次都會再黎

係荃灣發現左呢間超抵食韓國餐廳！款式五花八門，最重要係價錢夠親民，仲免加一吾食真係走寶啦😂.【石頭鍋泡菜炒飯 $55】即叫即製，一上枱熱氣就不斷散出😍米飯加入泡菜同肉碎，拌勻而炒每啖炒飯都食到濃濃嘅泡菜香泡菜微微酸辣，肉碎嘅口感增加左炒飯嘅層次感！再搗破流心蛋同炒飯拌勻令粒粒米飯添加蛋花香😎當然，吾好錯過邊邊位嘅飯焦既脆又香，好有咬口🥳而附送嘅海帶湯都好正！啖啖海帶，勁足料呀😍.【韓式牛肉年糕辛辣麵 $54】吾好睇少一碗辛辣麵要煮得麵條彈牙又入味𝘁𝗶𝗺𝗶𝗻𝗴好重要，而呢樣往往吾係間間都做得到👍而「韓正屋」就係做到呢點嘅其中一間🥳麵中仲有金針菇，水煮蛋，生菜同牛肉條酸酸辣辣又足料😈.【韓式芝士蛋卷 $52】招牌蛋卷必食呀😘層層蛋卷中間係拉絲芝士，柔軟嫩滑😍外層塗滿茄醬同芥末醬，酸酸甜甜，好有風味.【韓式炸泡菜餃子 $28】餃子超級薄脆餃餡係滿滿嘅泡菜粉絲外脆內軟，蘸上醋汁，更開胃🥰.PS. 跟餐配飲品好都抵飲

呢間店外賣過唔錯，堂食都真係第一次食，首先價錢真係抵，食左4樣野，全部大大碟都只係$200，今時今日茶記都做唔到呢個價，更何況韓國菜。韓式芝士蛋卷：入面芝士都比得幾大方，做到拉絲效果，配埋酸酸甜甜既茄汁，好開胃，唔錯唔錯！鐵板燒牛肉：用鐵板上，熱辣辣，所以好香，d牛肉醃得好夠味，夾埋洋蔥食更juicy，而且都好多塊牛肉，我無留意佢係跟飯，所以叫左兩個主食。韓式豬肉湯年糕：呢個係個人覺得全晚最正，前提係你要中意食五香肉丁，佢完全就係五香肉丁湯年糕，個人係超中意，入面有菜、年糕、豬肉片、金菇、蛋！全部都好入味，又唔會煮過龍，煙煙unun，而且大大碗，真心抵食！韓式炒水晶粉絲：飽肚之選，幾彈牙，配菜都唔少，加d辣醬更惹味。總括黎講，呢d小店性價比高，味道又唔錯，真係好值得大家支持。

身為一個荃灣友由於荃灣真係太多好嘢食所以真係要捐窿捐罅今次我哋就去咗位於香車街街市附近嘅韓國舖去試下經濟又實惠嘅韓國菜呢度嘅韓國菜選擇都唔少不過我哋兩個人嚟食飯最方便嘅梗係揀二人餐啦呢度嘅二人餐都有唔同嘅配搭講緊都係一百蚊左右一位做嘢唔使加一錢喎都唔知邊度搵咁平今次我哋一於試下佢嘅二人餐b啱曬我哋啲食肉獸前菜小碟兩碟有韓國菜必備嘅泡菜食落少少辣幾開胃先來嘅係人蔘雞湯真係成隻雞擺咗落去飲落有淡淡嘅藥材味雞肉炆得好冧呢隻雞都加啲類似糯米飯咁食落煙韌韌，配合湯嚟飲感覺唔錯鐵板雞肉上菜嘅時候鐵板都好熱雞肉煎得幾鮮嫩調味亦適中都算唔錯嘅石頭傳統雜錦豬肉飯食韓國嘢都真係唔少得石頭鍋飯石頭飯有隻半生熟蛋配上辣豬肉已經非常匹配再加上啲配菜例如蘿蔔絲同芽菜等等食落都幾豐富最後我哋配咗兩杯特飲蘋果梳打同柚子梳打我飲嘅係柚子梳打，酸酸甜甜咁樣幾開胃呢一餐食得都好飽人均都係100蚊到性價比非常之高如果嚟到荃灣想試下啲小店就可以試一試

“石頭芝士香辣豬肉飯”($65)“韓式雜錦海鮮年糕湯麵”($54)“韓式芝士蛋卷”($52)“韓式泡菜煎餅”($38)“蜂蜜蘋果茶”(跟餐$10)原來荃灣有間性價比超高嘅韓國餐廳😍大部分主食價錢都只係大約$50~$60仲冇加一😳見咁抵食又幾多人幫襯咁當然要入去試吓啦😆唔想自己諗食咩呢道有啲2人/4人餐提供不過我通常都係鍾意散叫多啲🤣首先叫咗個石頭芝士香辣豬肉飯🧀🐷叫石鍋飯仲會跟埋碗韓國海帶湯🥰同一般韓國餐廳一樣辣醬係分開上嘅🌶呢道個辣醬唔會太辣😆落哂就岩岩好撈哂成個飯😋配上海量嘅芝士,紫菜同主角辣豬肉片真係夠哂惹味🤤仲有就係豬肉片同飯嘅份量係超級多🤣對比平時其他餐廳閒閒地$80$90嘅石鍋飯真心抵食😛男朋友叫咗個韓式雜錦海鮮年糕湯麵🦐入面有蝦🦐蜆,八爪魚🐙,雞蛋,金菇,年糕年糕食落夠煙韌☺個麵食落有少少辣本身就咁睇以為份量唔係好多點知食食下都夠飽🤣另外仲叫多咗2個小食😝分別係韓式芝士蛋卷同泡菜煎餅😍好癲呢道個價平出面成半但份量係好夠大🤑滑滑嘅雞蛋卷入面包住半溶嘅芝士真係好邪惡😈泡菜煎餅用鐵板上一路都keep住熱辣辣😛煎餅食落十分香脆但又唔會油膩🤤泡菜同麵粉份量岩岩好,唔會成舊粉糰咁🤣真

上次同朋友發現呢間2018必吃食店，因為太多人等位就冇食到，今次早咗嚟好彩等到位。今次6點入座咗十五分鐘左右，外面就有好大條人龍，好彩早啲到一落完單就上咗前菜，係昆布同泡菜，等一次食唔喺湯嘅昆布，酸酸甜甜幾特別仲好開胃，我同朋友都喺度爭住食韓式無骨豬手有啲似平時食嘅滷水汁嘅甜版，煮到入味得嚟又嫩又夾彈，無骨好正啖啖肉食，包埋生菜、醬、泡菜一齊食，更加滋味韓式炒年糕睇落好紅但唔太辣，煙煙韌韌好軟糯，裏面仲有魚糕，份量都幾多韓式泡菜煎餅煎得好脆口，仲好足料，每啖都食到泡菜，唔會太多粉韓式蕎麥水冷麵我大愛嚟！食韓國嘢必食水冷麵！平時賣一碗都唔平，仲要得隻蛋唔會有肉，但呢間平民價韓國餐有埋肉，真係好驚喜最中意係水冷麵嘅麵質煙煙韌韌，個湯又酸酸甜甜，好開胃，當呢個做主食可以慳好多位食其他嘢！埋單都係199，200都唔使，CP值好高，兩個女仔差啲食唔晒

今次同朋友尼到荃灣海壩街”韓正屋”，特意早啲6點就坐低食，因為上網睇呢間好快就滿座(不出所料，食完七點幾已經好多人等緊位)。餐單見到有2-4人套餐，有兩款前菜、三款主食、一個白飯、兩杯飲品，感覺不錯，岩晒我同朋友兩個人。今次叫左B二人套餐，主食揀咗人蔘雞湯、鐵板燒牛肉、石頭傳統雜錦雞肉飯。前菜有韓式泡菜同昆布，幾開胃。人蔘雞湯，好夠味，成隻雞係湯，雞內面有人蔘、紅棗、糯米飯，雞都算滑。鐵板燒牛肉，好濃味，岩晒我口味。石頭傳統雜錦雞肉飯，熱啦啦，好多配菜，另外有一個韓式辣醬，自己想食幾辣就自己加。凍檸茶同凍蜂蜜蘋果菜總言之，尼間韓正屋，味道好，價錢抵，食完一定會想再戰！

今日朋友介紹到荃灣海壩街”韓正屋”食晚飯，朋友專登約晚上6:00去食，話之前晏少少去到都好快滿坐我哋未夠6點入座都已有兩枱客人用餐中。餐牌內有套餐或散叫，而整體價錢亦都好優惠是次點了3樣食物。1. 韓式雜錦海鮮年糕湯麵($54)，麵份量好足夠，麵質煮得好彈牙。而海鮮款式亦好豐富，餸料包括有蝦、青口、蜆、魷魚、金茹、年糕及菜。基本上一個人食一碗已好飽同滿足。2. 韓式炸雞($48)，一共有6件，每件size 都大，外面炸粉夠薄同炸得香脆，雞肉唔會乾身，仲保留少許juicy，配埋醬汁確係出色的小食。3. 韓式無骨豬手(配麵豉醬、泡菜、生菜及蒜片)細份($78)。豬手煮得夠入味同腍，豬手皮好彈牙，配上麵豉醬、泡菜、蒜片，用生菜包住放入口，食落有種清新的感覺。二人叫了個細份已好滿足4. 罐裝韓國白提子汁($12 跟餐價)，提子汁內有粒粒提子肉，而個人覺得提子汁偏甜少許。整體來講，韓正屋價錢優惠，食物水準高上，唔怪得差不多晚上7點時，全店差唔多坐滿食客，值得一食再食的小店。下次要搵多幾個朋友一齊黎，可以食多幾款不同嘅食物

今晚和同事喺福來邨見完客，經過海壩街頭見到有幾間排隊食店，喺店鋪見到menu有很多款，仲有幾個二人套餐選擇，如果多人仲有四人套餐可選呢！所以都唔使考慮了，即刻入去食。兩個人唔想諗，集中選二人套餐。人蔘雞湯餐其實都蠻吸引，但同事話怕食到出嚟汗。咁就揀了板燒牛仔骨套餐。就在選擇吃什麼時店員已經有送上兩款開胃前菜，一邊吃一邊揀，爽！石頭傳統雜錦雞肉飯嘩！好豐富，好多料，韓國什錦飯預備的材料真是很多，還擺放得整整齊齊， 另配上韓汁醬， 視乎自己喜愛的份量一邊加一邊撈勻啲飯， 雞肉和配料的分配比例非常適中，石鍋底有少少飯焦，非常美味啊！鐵板燒牛仔骨有三大件，骨，肉的比度正常。鐵板上的牛仔骨分外香濃，更能保溫 ,上等肉質，非常鬆化。海鮮純豆腐湯大紅的湯底，微辣的程度沒有蓋過海鮮的味道。多款湯料， 金菇，豆腐，蜆肉，墨魚仔， 非常豐富。每人$110 已經食到品嚐到幾款食品 ,最重要係非常滿足飽肚呢！

今晚黎到韓正屋食韓式晚餐，坐低後先黎玄米茶，再叫個好扺食既 2人套餐(A)😄 🍖炆牛肋骨煲牛肋骨又淋又入味😍 🍕韓式煎海鮮蔥餅韓式煎海鮮蔥餅好多料，又鬆軟，加埋個醬汁超好味😋 🥘石頭傳統雜錦牛飯傳統石頭飯可以揀豬牛雞，最後揀左牛，飯焦加埋韓式辣醬就好香😉 奉送🥬前菜、🍚白飯及🥤飲品前菜可以揀兩款，我哋揀咗菠菜同埋泡菜，飲品就揀左柚子蜜及生薑蜂蜜茶 🐔韓式煎雞翼除左2人套餐外，我哋都叫咗韓式煎雞翼，入面有五隻好香嘅雞翼😋這間小店非常抵食，而味道又唔錯

韓癮起要食韓國菜！韓式料理小店，個人認為不以「正宗」為賣點，反之是以「份量充足」及「街坊價」取勝。二人套餐價錢十分親民，最平的$195套餐，已包最基本的「炆牛勒骨煲」、「韓式泡菜/海鮮煎餅」、「石頭傳統雜錦牛/雞/豬」、前菜和飲品。「炆牛勒骨煲」：有齊牛排骨、白蘿蔔、紅蘿蔔等配菜，肉質夠腍入味，還配上一碗白飯。「石頭傳統雜錦牛/雞/豬」：我選了牛，記得保留前菜中的泡菜，再伴入石鍋中會更惹味。「韓式泡菜/海鮮煎餅」：海鮮煎餅又是大大塊，基本上食完頭兩道菜已非常非常飽。眼見不少顧客堂食或外賣，相信就是它的兩大賣點得到街坊們的支持。

海壩街雖然感覺老舊，但卻有很多食肆，其中一家很好口碑的韓國餐廳-韓正屋，以抵食大份，味道不錯聞名，是附近街坊的飯堂。見到餐牌有豬手，最愛啖啖肉和骨膠原的我怎會錯過！點了細份的韓式無骨豬手$78,還有泡菜、麵豉醬、生蒜片、生菜等給你做生菜包呢！這個無骨豬手，炆得很入味，醬汁香濃，淨吃豬手會覺得肉質乾身和濃味，所以一定要用生菜包著蒜片、泡菜一起吃，蒜和泡菜的揮發性味道，微辣但清新，正好中和豬手的濃味，這道菜的精粹就是以清配濃！細份的份量其實也不少，$78值得一試。吃得開胃了，就來主菜吧！這裏有鐵板飯，選了新口味豬頸肉$49。估不到豬頸肉份量超多，食肉獸太喜歡了，而且味道很好，有肉汁又不會燒得乾身，味道鹹淡得宜；白飯配上紫菜，還有翠玉瓜、芽菜等給你拌飯吃，比起石頭鍋飯，多了鐵板的熱力，吃得更香！另一款主菜韓式蕎麥水冷麵$45，真的太懷念韓國菜了，有水冷麵就要吃！喜歡水冷麵酸酸的湯，天氣開始轉熱，吃冷面就最舒適了。蕎麥麵十分有彈性，浸在酸湯裏吃得很開胃。還有切片蘋果、青瓜絲、半隻雞蛋，吃得更清新；別忘了還有牛肉，煎香了，醬汁味道入味，是冷與熱的融合呢！意猶未盡，再來小食韓式炸雞$48,別以為份

之前食過一次晚市無諗過午市套餐咁抵食 仲要加$10-$20就有一款小食 食到勁飽 埋單二百都唔洗！🥢石頭芝士香辣豬肉飯 $65芝士份量都幾多 仲要有埋芝士拉絲好正呀！可以根據個人口味決定落幾多辣醬 撈埋都幾惹味 不過豬肉好鞋 加上個人中意牛肉多過豬肉 如果可以轉牛肉就好了🥺石頭鍋耐熱功能真係唔係講笑😂食到尾仲熱辣辣🥢韓式牛肉年糕湯麵(走辣) $54普普通通無咩特別 🥢韓式壽司 $28講唔出邊到好食😂但食唔停口😂唔點豉油會好食d🥢韓式炸泡菜餃子（+$10）皮好香脆！不過裡面配料好少🥢韓式炸雞（+$20）雞塊有d鞋同乾🤪🥢海帶餐湯食到飽晒先醒起仲有碗湯 飲第一啖已經覺得好鹹 所以放棄左🤪🥢凍檸茶 （+$3）整體黎講野食質素一般不過呢個價錢真係算係咁過到我想食韓國野再加港式飲品既口癮就夠😂😂

呢間韓國餐廳好耐架喇，價錢親民，不過就無免費前菜午市黎食，包左餐飲同湯大肚婆突然想食韓國飯卷，日本壽司就唔駛諗架喇，好彩都仲有個韓式飯卷可以代替下🙈即叫即包，紫菜仲係好脆口👍🏻鐵板燒魷魚，鐵板熱，所以魷魚就唔夠嫩口，好實韓式石頭鍋飯，零失手之選👍🏻海鮮煎餅，價錢平，雖然海鮮料唔算好多，但係味道唔錯！.餐廳服務都ok,本來坐左果張枱有風吹住，已落單，但大肚婆頂唔順想調位，店員都好好幫手搵另一張無對風口嘅枱比我地，無黑面