香港地 (Closed)

Ben Sir要闊別香江轉戰荷蘭兩週，臨行前緊係同佢食餐地道菜餞行啦。我地特意揀左美心集團旗下連鎖式茶餐廳「香港地」，以慰佢思「香」之情。野食方面試左新登場的花膠竹笙素翅配欖菜蛋炒飯套餐（試食價$65），簡直創造力量同幻想會嚇你一跳，抵讚！竹笙砌成一圈圈爽口唔在講，仲有港式碗仔翅唔少得的冬菇絲同埋黑木耳，輕鬆重溫「魚翅漱口」黃金歲月。再黎媲美「黑松露」的欖菜蛋炒飯，「魚翅撈飯」香港夢立即垂手可得？雖然花膠素翅膠味十足，但創意無價值得推介！我就鍾意地道中心名菜「菜遠牛肉」客飯套餐（$66），先講條菜心比較硬身，但係絕對咬得入，估計係廚師用快炒刻意經營出爽脆效果，唯獨係細路仔同老人家未必夠牙力食。牛肉應該有輕輕比梳打粉乸過，味道可以接受。尤其喜歡佢地砌成平行四邊形的小薑片，真係薑愈老愈辣！港式茶餐廳配以現代化連鎖店管理，令我地可以隨時食到本土風味，值得同熱愛這片土地的我與你一起去幫襯，下次再見！

天氣打亂計劃 又一個落雨週末 只好係商場遊走。下午茶時間又到 再黎到呢間港式餐廳第一次黎過食晚餐 今次試試下午茶☕️<阿華田脆脆西多士>將塊牛油塗上西多士 配埋脆脆一齊食 跟普通西多士味道差唔多 p.s餐牌都有提到各款西多士都有花生醬😃<咸牛肉炒蛋三文治>本身打算烘底 感覺香口d😋但職員忘記落單 不過幸好有飛邊 咸牛肉都無失望 味道唔錯👍🏻唔太飲奶茶既我都特登試試佢 諗住熱飲會香滑d 但發現都係好似凍飲好飲d熱飲有d苦澀味😅😅

又到茶餐廳開飯了，已有好一段時間無幫襯香港地了，今次食物依然一貫水準，不過不失。個焗豬扒飯濕咗d，但味道ok，星洲炒米亦濕咗dd，幸好咖哩味道唔錯，小菜以鏈鎖茶餐廳水準嚟講亦算ok

我家是香港地的熟客，每個禮拜都會來吃一餐，只貪其地點方便，價格相比奧海城其他食肆相宜。尤其老人家只愛吃中菜，所以每個禮拜也是例牌的那幾味中菜套餐。當然質素算不上令人驚艷，但以茶記質素以言，算是不俗。偶爾這裏也推出一些新菜式，最近竟然有一隻棟篤雞。賣相勝於一切，當然先打卡啦。上菜時會連手套及剪刀，侍應也可以幫你斬件上，但我們選擇自己手撕來吃。新鮮燒起的雞熱辣辣，名副其實的皮脆肉嫩，醃製時應落了丁點兒孜然粉，有點惹味。配有醬汁（像是燒烤醬及蒜蓉黑椒汁）吃起來更佳。雖然隻雞不算大，但以這價錢（$128連飯）算是抵食！

午餐想坐得舒舒服服，香港地係中西都有得揀嘅餐廳，要常餐有常餐要西餐有西餐要中菜有中菜，今日唔想食常餐，想食清啲叫左西芹什菇雞丁，清清地又幾好！仲要一粒粒，好送飯最怕得幾舊餸要食哂一碟飯果啲

家中主子要早出門，作為陪客一定係跟著主子出發！車程比腳程還要短要少，早到了35分鐘嘅選擇就是可以去嘆個美好的早餐！選擇這裡除了因為近工作地點，還因為曾經有一個人介紹過這裡的早餐和下午茶餐均十分抵食又有足夠位子！多士是厚多士，不是一般普通方包。雖然腸仔煎蛋及雪菜米都是一般貨色！我很期待的卻是那杯茶走！茶香且滑推介

今日下就係奥海城香港地食下午茶，杯奶茶黎到時杯口已經有乾左既奶茶漬，已經覺得好污漕，想叫阿姨既時候見到有待應撩鼻屎再惦我地碟野，之後我同個待應講你地杯奶茶未飲已經有漬，你地有無洗杯嫁，個待應竟然答我唔知阿，之後我話我唔要杯奶茶拉，你換杯水比我，個待應攞杯水黎仲同我講洗左拉呢個杯。成個過程都覺得好噁心‼️‼️‼️賣單時同收銀講我地無要到杯奶茶，收銀問我點解，我話因爲你地個杯無洗好污糟，佢無出聲之後話都係要收反你地原本個價，因為杯奶茶係跟餐送，真心好無言。

上次食完香港地對佢印象都唔錯，所以決定再試多一次。首先個日式咖喱和牛漢堡炒滑蛋飯個presentation都算吸引，咖喱汁都幾啱我口味，唔太辣。而個和牛漢堡硬度適中，幾好咬口，呢個配搭都幾推介。不過今次對於蟹子蟹肉燴伊麵就好失望啦。圖片與實物圖不相符，個芡汁太多，有啲似芡汁撈伊面。 (sad)

十二月廿四日，今晚係平安夜＝）　同老婆豬一齊過左超滿足既一日。因為我地琴日買左飛睇大娛樂家，但係又未夠鐘，於是就係德福到行左陣先＝）行行發覺係應該要去ＭＥＧＡＢＯＸ而唔係德福ＭＣＬ，之後急忙忙咁去坐免費巴，好彩最後都趕得切＝）套戲都幾好睇。睇完戲行左陣ＭＥＧＡＢＯＸ，終於可以買到同老婆豬一樣款既電話套，超開心＝） 之後我地就去左香港地食羊腩煲，中途坐港鐵時發行左段小插曲，就係搭錯車，搭左返轉頭ＨＡＨＡ～但就係到諗：明明落左一轉樓梯，但係點解坐港鐵可以唔洗上樓梯就去得返落樓梯之前果個位？＿？ 總之最後都到左香港地ＬＵ＝）　食羊腩煲，好味既羊腩煲。咁想再黎食羊腩煲係因為之前同老婆豬黎食過一次好味既羊腩煲，所以好想再黎同老婆豬食＝），結果都仲係咁好味，不過今次Ｄ羊肉就冇之前咁腍，可能係煮得唔夠耐？不過整體黎講我都覺得好有ＦＥＥＬ，因為可以帶老婆豬重溫返以前開心既回憶＝）不過就係唔知點解間店好似次次都冇乜人？＿？ 食完之後，就同老婆豬去左尖東睇燈飾，去左海邊，又去埋１８８１，影左好多好多靚相，又同老婆豬存左好多美好既回憶了＝）不枉我期待左今個聖誕假咁耐＝）真係好開心

想試吓#OMG 餐廳 點知入到去就嗌左香港地餐廳嘅食物 點解咁講？原來呢兩間餐廳係互通嘅 入去邊間餐廳都可以嗌尼兩個餐廳Menu上嘅食物本身諗住食西餐 點知就嗌咗中菜 我哋點左華麗二人小菜套餐 1. 香妃雞配紅蔥頭醬油2. XO醬西蘭花炒蝦球而重點之一就是我哋嘅飲品佢地就係華田奶昔冰山同薑汁好立克奶昔冰山兩杯飲品出嚟嘅效果唔會好milky 有少少冰塊 又好易入口 一啖cream一啖奶昔 好滋味我本身好少飲薑汁飲品 但這杯確實有少驚喜飲一啖薑汁好立克 薑汁味首先好突出 之後好立克味就會湧上 唔錯唔錯

今天早餐去香港地，之前也有食過，冇去一排，食物、衞生足服務也差了。點餐叫極大店員，也是說等等，趕返工真係要早點來，否則會遲到。衛生也較差，地板啲磚黑蚊蚊，感覺好污糟，好似好奈冇抹地。叫了仿鮑絲火腿通粉、炒蛋，加牛奶多士、配熱奶茶。仿鮑絲火腿通粉，不知何解通粉有雪味，仿鮑絲得幾條，整體味道非常淡，吃了一半已吃不下！😞牛奶厚多士反而是最好味，奶味重，幾特別。奶茶也是普通，茶味淡。感覺整體也較以往差。

對於係香港長大嘅小朋友嚟講，「維他奶」絕對係由細飲到大！而識飲嘅，當然會㨂枝裝版！因爲堅係好飲啲嘛估唔到美心今次都幾有創意，整咗個紅荳沙冰奶！個樣有睇頭之外，味道仲好夾！飲落唔會好甜，味道唔錯的，不過如果加番啲紅荳蓉係底，飲落更有咬口，咁就更好啦另外我仲叫咗呢個極邪惡，但又超好食嘅西多士西多士上枱時仲係熱辣辣的！見住塊牛油係西多上面慢慢咁溶，感覺好爽西多食落外脆肉軟，口感豐富，加埋牛油蜜糖，真係好食到傻咗，哈哈！美食當前，真係咩減肥都唔記得晒啦！

終於捱完七、八月零假期既日子😌今日係長假期既第一日，同哥哥睇完套戲🎬，就去左tea 一tea🤓XO醬炒豬扒麵＆煎蛋豬扒麵 ＄48 per set同樣既食材二種食法🙂各自各精彩。炒麵有鑊氣味又唔係太油，少少辣，正👍🏼👍🏼湯麵相對就普通左啲，麵淋左少少，不過忌廉雞湯味濃，岩哂我呢啲重口味人士😛至於豬扒，入味，帶少少肥肉唔鞋，係屬於水平以上🙂套餐係跟左小食既，我地揀左咖哩魚旦同單骨雞翼，係一早整定晒係度，質數係點？大家都估到，我都無咩好講😶華田奶昔冰 & 薑汁好立克奶昔冰 另加＄9呢9蚊真係要加俾佢，cp值太高🕴🏼華田同好立克都好足料，唔會好水咁，冰粒好幼細入口即化👍🏼完全無諗過薑汁同好立克係咁夾嫁😱好夠薑👍🏼如果鍾意食薑汁撞奶既朋友，呢杯一定岩晒你！

不是香港地的常客，因為覺得它價錢比快餐店貴，但食物質素並不好過快餐店。今天跟同事去了奧海城分店午餐，點了個XO醬生炒牛肉飯，食物嚟之前，有點驚XO醬味道會很濃，因為本身不太喜歡濃味的食物。吃了幾啖，大出意外，淡而無味，不但無炒飯的鑊氣，更無XO醬的味道，最差的是，飯炒到一舊舊，有些像未炒過的，相信很難找到這樣差的炒飯。給了錢又肚餓，不想浪費食物，衹好盡力、努力吃下去以裹腹。可以說是劣作。還好的昰奶茶保持一貫水準。

下午3點3肚子餓餓地，係要嘆番個茶餐先似樣嘅🤤茶餐識食緊係要食西多士～（邪惡啲都係咁講😈！） 就喺隊長B搵緊西多的蹤影🔎，發現原來奧海城間美心香港地除左西多🥞宜家仲有紅豆沙冰奶～重點係佢係倒樽設計的支裝維他奶🥛～十足有童年回憶！無諗到美心都有呢種創新idea ，味道都很不錯👍🏻👍🏻～比紅豆冰有多一份沙沙融融的感覺😙，奶味更突出～經典之中帶出創意🤓不過遺憾黎到先發現無西多😩，最尾揀左奶油多，熱奶油溶化的味道可是滋味喔❤️