全聚德烤鴨店 (Closed)

選擇o係呢間做節．．係因為其中一個親戚recommend話d片皮鴨好正咁我地一行１０個人就去試喇！我地叫左一個８人餐，有：*五福拼盤,有牛碾、海蜇、醺蹄、青瓜(幾好，都好食o既)*砂窩雲吞雞(全晚最好食o既菜，d雞湯夠甜，雲吞亦好好味)*烤鴨,即片皮鴨(可能係我唔識貨，我又唔覺得有咩特別＠＠普通貨色 唔值得專登去食)*宮保蝦球(我冇食到， 不過聽d親戚講話食得辣既人應該會覺得幾好食， 酸酸甜甜，但係好辣)*紅燒元蹄(我冇食到，因為睇落好漏，媽媽食左話好'鞋')*雲腿扒津白(我冇食雲腿，d津白一般)*上海素菜飽(好咸．．我咬左一啖就冇食)*鮮蝦荷葉飯(好乾呀D飯)*宮廷甜品,即係紅荳桂花糕(都幾甜下，不過我食得甜，所以幾好食)Overall麻麻地喇唔係想象中咁好味不過間野唔算好多人Service就一般喇冇咩特別價錢唔記得喇！因為唔係我找數=P

之前聽人地講呢間尖東的全聚德烤鴨店d野唔係咁掂, 昨晚同d同事去左食晚飯: 叫左個八人餐, 有1.海蜇,雞,分蹄拼盤, d海蜇都好多2.紅燒翅, 過得去, 有d類似翅的物體睇下3.火腿津白, 普通的菜3.松子桂魚,好鬼大條, 炸得好靚, 個魚眼係用辣椒整的...4.烤鴨,都好好味, 唔係太肥5.蝦仁,ok6.北京餃子,最好味的菜7.甜品係桂花榚點心個場就無乜人,d十居其九都係空的, 可以唔駛訂位都得, 等左好耐都唔見d待應生出現...都唔知點叫菜同加水,但係原來呢間野之前特首曾生都有幫襯過, 門口仲有佢福相添, 真係識做生意...

03-07-06(一) 同兩個好朋友黎食,有一個黎食過話呢度d片皮鴨好食,我好少食北京菜,試下都無妨..但估唔到上等價錢,但d食物就下等貨色..涼瓜田雞=$98...冇咩特別,一般囉炸粉果6隻,好厚粉,有一小隻蝦,唔好食宮爆蝦球,ok啦豆沙窩餅=$28...好細舊,有8小件,ok啦半隻片皮鴨,好多肉,肉好鞋,肉冇乜味道,皮夠脆(甜醬好細碟,再要好似要收費)唔記得咩津白,有少許海参,有粉絲,有金華火腿,每人飲到兩碗湯..呢個幾好,清清地。怪唔之得咁少人,全場只有幾枱客,梗有原因。唔會再黎..$628

叫左好多鳳城o既野食, 窩貼大明蝦, 大良野雞卷, 炒鮮奶, 賽螃蟹, 上湯炸粉果, 炒菜,甜品要西米焗布丁等, 只有片皮鴨係全聚德o既代表雖然好多都係炸野同肥膩野, 但窩貼大明蝦和大良野雞卷真係非常出色, 不可不試!! 而片皮鴨都不俗,並沒有其他網友寫得那麼差, 熱辣竦同唔多肥糕, 而且都係我地視線範圍內片皮起肉!其他就食物一般, 可能唔就腳, 連星期五晚都唔係太多人, 但係都真係可以一試!

唔知係咪同一婚宴,窩貼大明蝦真的幾好味.那烤鴨是我食過最差的.其他的菜就一般.

參加好友婚宴,友人專誠將其中兩個菜式轉為該"二合一"店名菜:鳳城o既窩貼大明蝦同全聚德o既片皮鴨.因為好友婚宴,其餘菜式不便多評.哈哈.此鳳城雖非"正印"鳳城,但窩貼大明蝦都做得相當好,蝦肉鮮甜,多士炸起尼並唔油膩,入口鬆化,好食.至於片皮鴨就不知所謂,同正式o既"烤"鴨比較相距甚遠,根本講唔上好食,隻鴨已經擺到好凍,但婚宴關係冇辦法啦.層鴨皮完全冇被"烤"起,仲係扁扁平平,根本就係燒鴨,"烤"乜野鴨呀!肉質又老又實,此乃另一敗筆.咁都算,片鴨技巧全無章法,甚求其,好似片到一忽一忽咁,又厚又薄,有D片到"九牙"咁,真係見到都唔想食,上檯時D鴨係一堆野打完風咁,差差差.很懷念北京全聚德,便宜坊......

12月14日晚,1.叫了頭盤，半隻鴨，京都肉餅。2.吃了頭盤，等了好很久。3.來了京都肉排。問:"我叫京都肉餅wor..."答:"係E樣，我地冇京都肉餅wor...好好食咖…"問:"囉個menu 泥"----(死死氣囉泥)問:"拿，寫住咖!!"答(死死氣):"啊，京都肉餅冇得賣…取消啦咁"(行開,轉頭又行番泥)答(死死氣):"話整比你地，要唔要?"咁多謝啊!!!4.半隻鴨等了45分鐘直至隔離由冇人至有人入坐，也叫了半隻鴨才上檯。切完半隻囉番入去，又囉半隻出泥切半隻比隔離。隔離坐底一陣就有，我就45分鐘…

我估開飯喇管理大人仲未更新這間全聚德已經"包含"左"鳳城"在內??10月30日行完山同家人去左哩間食,其實我在旺角鳳城已經食左十幾年有多,今次主要係想試下聞名已久之前招牌事件的鳳城,食物水準比較兩者如何?有睇過網頁上以前網聚及網友之介紹,對這間鳳城有一定期望,好可惜大失所望!事源一開始入到去侍應就問我食京菜嗎?我打了一個突明明訂鳳城順德大良菜何來京菜??我再望望酒樓內的招牌是全聚德,桌上餐牌又有鳳城?!?這樣經侍應解釋二合一之後坐下來心知不妙!!當晚叫左...1.竹絲雞煲翅味精濃烈程度大到我食了幾塊"翅邊",湯一口都飲不下!翅就只是很平價貨式..可惜收我價錢不是!2.八寶鴨料確多可惜又係味精多而且竟然可以煮成罐頭鴨的味道,果然好野!3.大良野雞卷真係可以用十個差形容佢既味道! 入口不脆而且可以整到成舊有"咬口"? 竟然有"咬口"..你可以想像野雞卷這味鬆脆入口溶化的菜式攪成點?!4.家鄉釀鯪魚入口活像街市買的炸魚片,冇鯪魚味木木獨獨!5.抄豆苗一口渣的貨式5.生炒糯米飯成晚可以食得落的出品,因為唔食都冇野食!?額外叫的..6.小籠包普通只係入得口的貨式成晚除左食物水準差之外就係上菜問題

因為有報紙的優惠券, 所以就去左呢度食飯。d鴨會由廚師係你面前片, d服務又幾好, 成日幫你加水。個四人餐有:1. 竹笙翅: 得果幾條翅2. 京醬肉絲: d肉絲好un3. 松子魚柳: d松子脆脆地, 幾好味4. 北京填鴨: 冇好香的鴨味, 試過係北京全聚德的烤鴨, 北京果d好味d。5. 餃子: ok6. 津白: 太淡7. 紅豆糕: 好大陣雪味。不過以咁的價錢, d 野係咁上下。

舉家一行九人到全聚德吃晚飯，叫了一個八人套餐，餸菜的整體水準只屬一般，片皮鴨在厨房內片定一碟碟，然後端出來，客人是看不到一隻紅皮赤壯而完整的鴨子。這點倒也奇怪，作為一間烤鴨名店，竟會用上如此不太專業的上菜程序，就連普通的酒家做特價賣幾十元一隻片皮鴨也不會吝嗇到在厨房片定。鬆子糖醋貴魚做得不俗，但如果在糖醋芡上加些青紅椒會使食味豐富一點，醉雞併牛內的醉雞有少許雪味，感覺不好受。至於其他菜式屬一般水準级別，不多作介绍。此店人手嚴重不足，引致服務態度不太好，整個套餐連酒水埋單一千零幾，尚算抵食！！但對食品的冀望不要太高。

昨晚去到, 坐底叫左個8人餐,點知無樣ok......1. 翅無翅, 問伙計取醋, 佢俾左d點春卷就算......2. 松子魚勁酸, 遮哂d魚味......3. 北京炒拉好d色素, 成碟都係橙色......4. 海鮮酥食唔到海鮮......5. 上甜品又無用, 搞到要用牙簽篤d 山查糕, 唔使講梗係爛哂......6. 叫左碗齊河, 一條菜都無, 埋單要收hk$48, 經理論下先改收hk$28, 有亂收費之嫌疑.最後就係冷氣不夠, d射燈又多, 怕熱話要三思!

星期六, 女友考完試, 本來想帶點驚喜給她, 午餐去全聚德食午市Buffet, 點知真係有驚喜, 十二點半已經Full 晒, 連星期日都滿晒.見到佢地午市飲茶有"半價"兩隻大字, 為免掃興, 雖然唔知半價後有幾貴, 不過都硬著頭皮, 見步行步, 齊齊去飲茶.原來茶市同自助餐是不同的位置, 即場所見, 茶巿圍數並不多, 諗來諗到都唔明點解自助餐會無位.由於客人不多, 不似一般茶樓嘈吵, 所以坐得都幾舒服, 桌上餐牌有點霉爛,作為一間百年老店, 是特色還是失色就見仁見智,但第一頁就寫上周恩來總理對全聚德三個字的解釋, " 全而不缺、聚而不散、仁德至上", 可見全聚德以前在國內地位.侍應招呼很客氣, 見點心紙上的項目都比外邊略貴, 半價之後由十多元起, 計落尚算合理. 一般炒粉拉麵半價後則由廿多元起.點心叫了一客蒜茸蝦春卷, XO 醬炒腸粉, 頭抽干炒牛河.蝦春卷是驚喜之作, 外皮炸得香脆, 鮮蝦很彈口. 好味.XO 醬炒腸粉, 頭抽干炒牛河略覺油膩, 不太覺得XO 醬及頭抽發揮了多大作用, 最後食不完打包回家.來到全聚德, 當然叫了出名的烤鴨. 原價半隻140 元, 半價70 元相當抵食.

今朝返工前同男友到此食early lunch buffet(12:45離座),每位連加一$58;估吾到咁既價錢食到咁既質素!抄手,水餃,鍋貼,燒賣,生煎包,梅菜豬肉包,擔擔麵,旦撻,叉燒酥,菠蘿叉燒包,京式蔥油餅,高力豆沙,豆漿,紅豆糕均十分好食!一d都吾似系buffet既質素,真系令人喜出望外!就算大酒樓亦未必做到咁既質素!唯一較遜色既食物:蘿蔔牛根,粟米羹,魚香茄子,salad,片皮鴨.值得一試呢!weekdays 12:45前離座$48添!service也不錯!refill速度亦幾快!

冬至同成家人去全聚德食飯, 因為之前有過唔錯的晚飯經驗... 是晚食物OK但service非常差勁!!!D侍應大部份都粗粗魯魯又唔得sincere, 多o野做唔代表可以無禮貌嘛。上菜好似大排檔咁將D碟疊起晒; 派濕紙巾時又將D 紙巾掟落檯。最後反而個部長見我無俾貼士都say thank you......

Lunch Buffet 冇野好食，食物俾人夾晒之後等極都冇第二轉。