港原味 (Closed)

今日食既呢間係位於尖沙咀既外賣店, 專營懶人火鍋外賣, 地點雖然唔近旺區但係都唔難搵, 落左單等左大約15分鐘就拎得, 都幾方便懶人火鍋都有點重量, 而且入面有湯的, 所以都要小心拿好拎到返屋企都仲係暖暖的, 這個懶人火鍋包括了兩個便攜火種, 在開始食之前預熱大約10-15分鐘就已經好夠熱!! 溫度仲可以用黎打邊爐都得我今次點既係紙包雞, 叫左BB辣, 麻辣味都不錯大約燒左15分鐘左右就食得, 雞件係超多的, 而且都是大大塊雖然個湯底紅紅的, 但係唔算好辣, 佢有埋其他配料可以加上去, 因自己的口味而加, 非常貼心除左湯底之外, 呢間店仲有不同既火鍋配料可以加, 方便又好味豆卜配辣湯底真係一流, 豆卜吸收哂佢既辣味, 好過癮當然可以加自己屋企準備既配料啦, 佢呢個湯底打邊爐真係一流!! 仲要可以全部野都唔洗自己洗, 方便又好味!

烤魚很多人都喜歡吃，但如果不是在餐廳吃的話，就很難保持了質素或沒了那個風味。但這間小店就很好地用上紙包的方法，原汁原味的，然後打包完好，再附上了加熱的工具，令你回到家也可以開開心心吃到美味又熱辣辣的烤魚！紙包魚（328元）紙包魚是即叫即煮的，約20分鐘左右才弄好，然後店員會幫你打包好，給你一整套工具，讓你回到去也可以加熱保温，拿醬汁再加上自己喜歡的材料一起吃也不錯！主角魚是選用了江團魚，煮得剛剛好熟，魚肉非常滑嫩，而且肉厚無骨，另外魚皮也是非常滑的，整體吃起來很香很滑，又帶點油香！重要的是魚完全不會腥！味道我是選了香辣味，小辣的，但吃起來會比平常的要辣一點，所以怕的人可以留意到下，但吃起來的味道很香，辣中帶麻，有一點點甜味，更能突出魚的鮮味！任選四款配料（59元）配料的選了薯仔，蓮藕，金針菇和萵荀，每款都吸飽了醬汁，吃起來很入味，薯仔粉糯，蓮藕爽脆，金針菇爽嫩，萵荀軟滑。

有日收工， 突然好想食麻辣雞煲諗起公司附近有間外賣可以買返屋企加餸鋪仔細細， 全場只做外賣叫左個麻辣紙包雞，即叫即整，拎走時仲熱辣辣的。拎到返屋企仲係熱架👍🏻 呢度買外賣好安全， 因為除左錫紙盒外， 入面仲有個紙包實的（諗起麥兜的紙包雞😂）由尖沙咀坐地鐵拎到返屋企無滴無漏， 仲無一大陣麻辣味飄出黎， 唔怕被人眼啤啤最正係送埋2個火， 一邊食一邊熱住， 天氣凍都唔怕， 好正好細心講番個紙包雞先， 除左本身入面有配菜， 仲有一盒後加配菜架（後悔自己無買斤菜返黎一齊食呀😅）打開個紙包，陣陣麻辣香味即刻湧出來辣度有得揀， 揀左小辣， 食得輕鬆，先麻後辣，好有層次感👍🏻 入面真係好多香料最鐘意佢麻辣得黎唔會太咸， 唔使係咁飲水👍🏻 今次叫左2人份量， 係完整的一隻雞，有雞既不同部份， 食到不同質感。雞件大細適中， 唔會砌到碎濕濕咁。 最重要係雞無雪味， 食到麻辣味之餘又真係食到雞味架餐廳好細心，除左平時既餐具外，仲送埋一對長筷子黎夾雞跟餐仲送左個冬瓜茶，估唔到又幾好味， 唔算太甜，但解辣一流。 依定先知原來冬瓜茶可以解辣成個外賣package真係好有心思，唔單止拎得安全，仲配件齊備。隨時想食麻辣

凌晨叫外賣，叫左一口串同埋土豆片仲有手撕雞一口串叫既時候都預左細舊。結果，每一串粒肉仲細過手指尾塊指甲。係咪搞笑？土豆片黎到同幅圖真係一樣，啲汁稀到好似飲水咁。。薯仔咬落竟然shok shok聲，當自己食緊蘋果。手撕雞 臭嘅？ 點搞呀大佬。

之前受疫情影響不少餐廳都各出奇謀推出外賣，但部分菜式如烤魚外賣始終難以完全還原堂食風味，出乎意外地港原味原來提供外賣紙包魚、紙包雞及麻辣小龍蝦，配上加熱工具套裝即使在家中亦可以一飽口福。紙包魚 ($328) 分別有香辣味、酸菜味或蒜香味，蒜香味於魚身舖滿大量蒜蓉，加上蒜油湯底實在蒜香撲鼻，加入寬粉或粉絲盡吸湯底相當惹味，薯仔、蓮藕等配料更是絕配，江團魚肉質結實並無細骨。口水雞 ($62) 套餐包括白飯一碗，皮滑肉嫩而辣油亦辛香入味。

之前係大角咀都有食過，但果陣係茶餐廳/小菜，而家轉左只做四川菜。香港近黎越來越多烤魚類既店，但呢間係小有既正宗味道，份量都好大，不過價錢就略貴一點。店內只有兩個位置，所以都係買外賣返酒店食，佢個香辣烤魚好大份，加$59可以加配四款配款，唔算平但性價比高，辣得黎又有麻，辣得好過癮，另外好特別既係佢個外賣盒有加熱套裝，可以返酒店自行加熱，唔怕凍左。田雞超級大隻，成隻牛蛙咁大，煮得都好入味，食到係落左好多香料。

上朋友屋企飯聚，當然叫外賣唔使煮，朋友問有咩特別外賣，諗起有次行過山林道見到依個紙包魚/紙包雞外賣，所以就想試吓呢個☺️之前打電話落去問，佢問我大概幾點到，咁佢就預時間，等我一去到，佢就啱啱煮好就最好味又熱辣辣。掙扎咗好耐食魚定食雞，大家最後決定食 🐓 紙包雞$328店主準時包好外賣，一大包，內有2個酒精爐，好似出邊打邊爐嗰啲咁，仲附有一個小鐵架，包裝認真夠貼心。去到朋友屋企，拆開包裝紙盒，裏面仲有密封錫紙兜，打開個兜仲有牛油紙包住紙包雞👍絕對保證原汁原味。今次我揀左小辣，啱啱好啱晒唔識得太辣嘅仲附送有洋蔥、芫茜、香椒子同麻辣木耳，正😄老闆話佢哋係用走地雞嘅，外賣紙包雞係全隻雞，唔怪得啲肉咁嫩滑又唔肥，加埋佢嗰個調味非常之入味，又惹味，最後我哋自己仲用埋啲湯汁。擺啲公仔麵落去打邊爐添個湯底真係好好味。下次可以再訂🤤🤤**初初驚唔夠食，另外仲嗌左個炒米粉，佢個米粉炒得好夠鑊氣，好好食，我自己仲撈埋啲木耳食，好好味。

閒日無咩好做，行過山林道搵嘢食，叫左個紙包魚，麻辣紙包雞食，第一口多肉多汁，雞肉內啲汁好入味，辣味十足，又唔刺激，而且份量好夠，比想像中多，味道非常有層次，而且無諗過咁多肉，非常入味，意想不到一間小店有這樣的功夫。至於魚，同樣感受到有另一份層次，食完雞再食魚都無感到無味道，而且更加帶出層次感，一個字 正😄 埋單都係幾百蚊，餐廳非常舒適，下次會帶埋屋企人嚟，回味無窮。餐廳老闆好好人，送左兩杯嘢飲比我地，下次仲有coupon ,一定會再嚟。

終於捱到星期五今日買個外賣返屋企等媽媽整少樣餸輕鬆下！今次買個外賣紙包雞仲有個小火爐可以熱住食勁方便又盡量保持到原味效果外賣包裝嚴實有個大紙盒在外然後有密封錫紙盒最內層仲有牛油紙包住紙包雞將錫紙盒連蓋放上鐵架用小火爐加熱直至聞到香味就食得㗎喇～因為錫紙盒有一定保暖效果所以加熱大約10分鐘就可以喇～途中再不斷加熱keep住熱辣辣紙包雞面層有一層紅油不過我揀左小辣所以都唔算好辣除左有雞件外，亦有洋蔥另外備有芫茜同香椒子可以自行添加有全隻雞，所以好多雞件問老闆知道係用上走地雞所以雞肉結實彈牙嫩滑得黎非常入味！香辣惹味令人食到停唔到口🤤🤤額外附送左麻辣木耳一樣係小辣爽口入味幾開胃睇返傳單小店仲有招牌紙包魚同其他涼拌小食下次試下用上江團魚嘅紙包魚先～

食過一次就念念不忘呢個味之前新開張嗰陣試食咗江團魚飯香辣味 , 唔中意食飯嘅我竟然撈汁食曬成個飯今次試埋原條魚酸菜味同個米粉完全係懶人火鍋咁 , 條魚好肥美估唔到咁似三文魚 , 仲要啲肉滑勁多 , 酸菜夠曬味好正好開胃 , 食到咁上下仲可以加料打邊爐 , 完全係大滿足 , 仲要唔洗碗洗爐 一路食魚一路食米粉 , 個米粉又係不得了 , 睇落平平無奇 , 食落好有驚喜 , 個口感有啲似粉絲仲要有落蛋 , 呢個口感好特別絕對唔係平時茶記嗰種貨仔 , 愈食愈想食一淡接一淡停唔到口咁

個炒米粉92蚊，但係如相所見，份量少，啲麵又林曬又碎。另外鹹酸菜炒五花肉配飯99蚊，肉得幾粒，個茨汁真係嚇死人，仿如鼻涕。賣相同口感極度嘔心。我完全冇諗過尖沙咀同呢個價錢會係呢個質素。我唔知堂食係點，但係呢個外賣質素真係好離譜。呢間永冇回頭。

紙包魚完美鎖住肉汁 魚肉嫩滑 肉汁鮮味 而且沒有先炸魚都有呢個效果 調味料多且配合恰到好處配料選擇有限但價格合理 出色 老闆亦好好人 等待時間稍長 不過如果有堂食就好 大大條魚 物有所值

新店抱住試吓心態叫咗一個紙包雞，等咗20分鐘咗右就攞得。返到屋企用咗一分鐘時間砌好咗個外賣加熱組合。用佢畀嘅兩個加熱火罐，加熱大概八分鐘左右就開始滾。重點嚟啦，第一淡入口真心好食，色香味俱全，好食到越食越上引追住食嘅感覺！同女朋友兩個人食晒。（女朋友平時唔食辣，都同我爭食）推介，好食。我見佢哋有啲平價飯餐，一律全日45蚊。有機會要試曬佢哋啲平價餐。我買嗰時排隊都聽到前面幾個人都要..老乾媽尖椒炒牛肉，下次我試呢個，哈哈！

呢個紙包魚香辣味一流 ，夠香夠辣夠滑， 原本諗住叫大辣驚佢唔夠辣， 點知個辣度係好勁的， 食兩三嚿已經標曬汗好刺激， 開頭食嘅時候唔記得影相， 呢個紙包魚值得再推薦一試， 下次都係叫番個中辣就岩岩好， 同埋佢配備得好好， 有個爐有個支架， 同埋有埋個燃料罐， 啱曬我呢啲無工具嘅人，可以食到熱辣辣嘅紙包魚，

酸菜烤魚好好味，講完未，港原味，哈哈。紙包魚也被稱為健康烤魚，魚肉營養成分接近人體，動物性食品中：魚類、禽類、畜類的營養價值依次排列。此外，魚肉中所含蛋白質的氨基酸構成比與人體非常接近，各類營養素的吸收率和生物利用率均比較高。而紙上烤魚以紙代替炭火，烤魚全無焦糊味道，紙包住的魚鎖住了更加豊富的營養，魚肉更加的鮮美，食客能品嚐到食材的原味。自家秘製醬汁,絕不含味精。本店採用食品級烘焙牛油紙，無異味、防黐底，安心使用。和說明的一樣