燒肉の牛太・本陣 (創紀之城五期(apm))

Open Now

Now Closed

是日做冬去APM呢間「燒肉之牛太. 本陣」燒肉餐廳，無論是食材的質量還是服務的水準，都讓人感到滿意。首先，這裡的牛肉品質極佳，特別是封門柳和牛及三角嫩肌，肉質鮮嫩多汁，入口即化。每一片牛肉都經過精心挑選和處理，確保每一口都能享受到極致的美味。無論是霜降牛肋肉還是厚切牛舌，都能讓人回味無窮。其次，餐廳的環境也非常舒適。「燒肉之牛太. 本陣」的裝潢簡約而不失典雅，讓人感到放鬆。每個燒烤爐都設計得非常合理，煙霧不會四處飄散，讓用餐體驗更加愉快。服務方面，這裡的員工非常友善且專業。他們不僅會耐心地解答顧客的問題，還會主動提供燒烤技巧，確保每位顧客都能享受到最佳的燒肉體驗。

汁燒牛肋肉便當是一道既方便攜帶又美味的餐點。牛肋肉選用嫩滑的牛肋肉，經過特製的汁燒調味料煎煮，外焦內嫩，味道濃郁。配菜通常搭配新鮮蔬菜如豆牙和泡菜，增加營養均衡和色彩的搭配。米飯米飯是便當的基底，吸收了牛肋肉的汁水，香氣撲鼻，口感豐富。

地方方便喺APM可以搵但係位置唔算多，建議一定要訂位先至去如果唔係好大機會又要排隊又要等基本上有三個餐，大部份人都會揀中間有自助吧同埋大部份肉都有 除和牛喺安排入座之前會叫你揀咗個餐先入座後好快就會頭一輪嘅肉你去燒自助吧飲品有大約六款汽水茶同啤酒都有都唔凍就真係要睇彩數，因為係半開放雪櫃，如果新fill入去嘅就未必好凍沙律🥗有青瓜，粟米，蟹柳絲生果😍有西瓜菠蘿哈密瓜 都好清甜可以解膩任食燒肉質素正常雞羊都有海鮮就麻麻哋另外有熟食，但係我就冇試過最後都會燒返個鯛魚燒👍🏻👍🏻👍🏻每個餐都會包一個Häagen-Dazs嘅雪糕味道每日唔同整體嚟講都幾抵食，選擇都多價錢唔算貴已經有回訪😈

好唔掂，d牛好唔掂，趕人賣單 D牛唔新鮮，好大陣腌料味都蓋唔住陣月星味一食落口勁難咬開，好似香口膠咁，有陣唔fresh既味飄出黎，一路趙緊一路陰陰地咁係口腔蔓延。用餐時間1小時，16:05入座，未叫埋單，仲有一 盤肉未食，已經扮曬野話幫我地攞張單黎。一見食曬野飲都未飲完，就拎埋部pos機問點比錢，準備趕人走。16:05入座，60分鐘用餐時間， 16:52已經逼人賣單，feel like the beef’s not fresh and like died for ages, mark in english becoz this page doesn’t allow negative comments. 價錢係唔貴，but feel like ate shxt。

呢間餐廳喺父親節前夕難得仲有得上網訂座，去到預約時段8pm到達現場先發現原來7:30嗰批都未入到。門口冇人接待都算，樓面得兩個人忙到傻，全批訂左7:30同8pm嘅人就企哂係到人都問唔到。因為餐廳係食放題，唔明白點解理應計劃到兩三轉入座時間，但佢open rice 依然要全天候開放俾人訂座？最後入邊啲人未食晒，出邊啲人又逼到擠提咁。平心而論嘢食收我四百幾蚊，有正常和牛係應該的，味道ok的。服務同入座安排真係係咁先。

整體好食不過自助飲料少款。牛肉豬肉雞肉可以既，有啲牛肉仲可以燒到好淋又好多汁💪烏冬拉麵也正。$339/一位豪華放題餐我地平日去食都需要等半小時先有位食🤭用餐時間100分鐘，其實真係有好多款牛肉，例如最多汁最淋是厚切牛舌，啲牛肉唔洗燒太熟，因為太熟太乾就不好食😍5成燒就真係好淋。豬肉五花腩好多汁要小心啲燒，會令啲火好猛。冷烏冬細細份試下又唔錯。每人飯後甜品餐包一杯雪糕💪唔夠仲可以在自助區拎其他甜品

難得放假就係觀塘行下，lunch time 嚟呢間燒肉店食。有4款menu 係比較抵食，有CP值最高午市燒肉定食、特快享用的午市定食、午市燒肉Combo定食&豪華午市和牛燒肉定食，全部都可以係出面自助吧任拎甜品、水果、沙律&拌菜，水果好甜好好食。⭐️上級牛肋肉燒肉定食配白飯、麵豉湯、拌菜、飲品燒肉可以點餐個陣選擇燒汁味或者鹽味。個人就選擇了鹽味，食到牛肋肉原味多些，如果唔夠味都可以點佢地嘅醬，有自家製燒肉汁、蒜味旨鹽醬&果汁燒肉汁。牛肋肉油花好靚又平均分布，入口即溶。要食返啲拌菜&生果解一解油膩感。推薦👍。

【平靚正之選🍽 燒肉之牛太·本陣 餐廳，觀塘】食嘢食到癮，嚟緊搵間正嘅餐廳啦！燒肉之牛太·本陣餐廳就係你嘅首選🤩 呢度環境一流，仲有出色嘅燒肉套餐同埋精緻嘅日式小食，絕對係肉食愛好者嘅天堂。✅ 燒肉Combo - 上級牛肋肉最受歡迎嘅招牌菜！上乘嘅牛肋肉，肉質鮮美多汁，經過炭火燒烤，保留住肉汁同口感，每一口都令人滿足。✅ 迷你月見冷烏冬燒肉之牛太·本陣餐廳嘅特色小食！迷你款式嘅冷烏冬，配上豐富嘅月見蛋，口感爽滑，絕對係一個清爽又美味嘅選擇。一嚐味覺盛宴，仲有舒適嘅環境，絕對係一個完美嘅用餐體驗。

餐廳位於觀塘APM，位置方便；外面紅色招牌及木柱非常顯眼，內裡用日色木系裝潢；店員服務態度親切，整體感覺溫馨舒服最近推出了$99起一人午市套餐，我點了「牛三品盛合燒肉定食$129」，套餐包括肉、湯、白飯和飲品，並附送小型自助吧及白飯任食，任食60分鐘，性價比很高小型自助吧有新鮮蔬菜，包括沙律菜、青瓜、粟米、蟹柳，配上日本柚子醋、芝麻醬等；亦有甜品，包括雪糕泡芙、糯米糍、蕨餅，甚有日本特色燒肉份量足夠，配上白飯，以及三款特色燒肉醬汁，好味道：牛肋肉輕燒至焦香，肉質柔軟，入口軟腍板腱肉色澤鮮嫩，帶有嚼勁，口感很好牛肋肉油脂分佈平均，牛肉濃郁-總體評分-環境：7.5/10 食物：7.5/10 服務：8/10 抵食：8/10-肉の牛太 本陣📍觀塘觀塘道418號創紀之城五期(apm)4樓L4-23號舖

🐻觀塘糧食🐻👅上級板腱肉+厚切牛舌燒肉定食🐮牛三品盛合燒肉定食🥗定食包括一份湯及飲品，免費添加白飯，仲有免費甜品、水果、沙律、伴菜🥩板腱肉肉味幾濃，厚切牛舌一啲都唔韌，佢個蒜味鹽醬及北海道風奇跡辛香粉有驚喜！燒肉配埋佢既醬料送白飯一流😋我都忍唔住食左兩碗白飯，仲要係珍珠米添！午餐有埋甜品水果沙律放題，沙律又可以解膩又有飽肚感，仲有三款沙律醬揀！食完燒肉再食埋水果同甜品，簡直係大滿足！真係性價比超高！PS：菠蘿可以燒一燒再食特別甜！泡芙都係，燒一燒個表面，外脆內滑😍😋📍 燒肉の牛太・本陣 (創紀之城五期(apm)) (觀塘)觀塘觀塘道418號創紀之城五期(apm)4樓L4-23號舖味道😋:🌕🌕🌕🌖🌑性價比💰:💵💵💵💵回訪度🤤:🥴🥴🥴🥴#bearfoodhk #熊人糧食關注組 #food #hkfoodie #hkig #hongkongfood #hkfoodblogger #hkfood # foodblog #hongkong #delicioushkfood #noodle #japanese #香港餐廳 #香港餐廳推介 #食好西 #好東西 #香港美食 #美食關注 #糧食 #觀塘

呢日同朋友聚會，我哋揀咗觀塘呢間燒肉店食lunch，呢度嘅午市燒肉套餐好抵食，百幾蚊就有高質嘅燒肉、白飯、湯、伴菜同埋飲品，超級豐富。出面仲有個自助吧有甜品同埋水果等任食。呢度用QR code落單，好方便。我哋一人點咗一個餐。首先，我點左個燒肉Combo，有上級牛肋肉，牛肉望落係好靚既鮮紅色，燒完肉味香濃，好惹味。呢個餐配咗迷你月見冷烏冬，烏冬口感好好，加上流心既溫泉蛋，正。朋友就點咗上級板腱肉加厚切牛舌燒肉定食，同樣高質！

有4 Set 可以選擇,除左上級牛肋肉set 系$149外, 其他都系$129~今日我就揀左牛三品套餐,分別有牛板腱,牛肉粒同牛肋條三款~牛肉粒厚肉關係建議就小火慢慢燒~本身個Set 有燒汁/鹽味揀, 但餐枱仲有提供3款燒肉汁,分別自家制燒肉汁,蒜味旨鹽醬&果味燒肉汁~ 幾鐘意果味個款~甜甜地仲可以撈飯🍚🍚自助區有水果,沙律同甜品~個人覺得蕨餅作為自助吧入面係幾高質👍👍因為性價比唔錯, 當日Weekend午餐市段都坐得滿👀

🥩❤️‍🔥【 燒肉の牛太 • 本陣 】 ❤️‍🔥🥩⋄ —————⧫♟⧫————— ⋄燒肉迷食lunch有咩好選擇？必食「燒肉の牛太 • 本陣」嘅午市定食😍 百零蚊，就有齊燒肉、主食、飲品，可以自由組合✨另有湯、白飯任添🍚 更可以自行到「美食自助吧」攞甜品、水果、沙律、拌菜，全部任食，真係不得了👏🏻 勁抵食💯⋄ ┄ ┄ ┄ ┄ ❖ ┄ ┄ ┄ ┄ ⋄🔥 午市燒肉Combo定食‼️🔥($139)𝗬𝗔𝗞𝗜𝗡𝗜𝗞𝗨 𝗖𝗢𝗠𝗕𝗢 𝗟𝗨𝗡𝗖𝗛 𝗦𝗘𝗧1️⃣任選1款燒肉 ：上級牛肋肉2️⃣任選1款迷你主食：迷你辛辣海鮮湯（配白飯）3️⃣任選1款飲品：烏龍茶1️⃣任選1款燒肉 ：厚切牛舌2️⃣任選1款迷你主食：迷你月見冷烏冬3️⃣任選1款飲品：檸檬綠茶▪️湯及汽水乙罐▪️免費甜品、水果、沙律、拌菜▪️免費添加白飯⋄ ┄ ┄ ┄ ┄ ❖ ┄ ┄ ┄ ┄ ⋄🕛午市定食基本用餐時間為60分鐘💰另收加一服務費（四捨五入計算）🍱最低消費為每人一個午市定食⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：燒肉の牛太・本陣 (觀塘)觀塘觀塘道418號創紀之城五期(apm)4樓L4-23號舖⋄🔥更多同區美食👉🏻 #ccrreami觀塘⋄⋄⋄#hkig

燒肉Combo-上級板腱肉+迷你主食 ($139)板腱肉嘅肉質鮮嫩，燒完之後啲肉汁鎖喺牛肉入面🥩，口感比想像中濃郁，牛香味四溢於口入面，仲有一個迷你主食——迷你溫泉蛋泡菜豚肉飯，雖然係迷你主食，但份量都好足，一邊燒肉一邊配飯，lunch set嚟計真係好夠飽！😋 燒肉Combo-上級封門柳+迷你主食 ($139)一塊塊嘅封門柳紋理分明，而且仲好大塊！lunch set大約有5-6塊，配埋月見冷烏冬，真係飽到差啲食唔晒🤣。烏冬亦都好彈牙有咬口，仲可以按自己口味自己醬汁😋 除咗lunch set之外，仲有自助吧可以任食！嘢食包括蟹柳、粟米、西瓜、沙律等等😍，種類都幾多㗎～

食過呢今晚先舒服放題，啲肉超高質，覺得lunch Menu都幾抵，因為其實唔想放題咁食到咁飽，但又想食吓啲高質燒肉，估唔到假日嘅tea time 都好多人食上級板腱肉+厚切牛舌燒肉定食（$129）上級板腱肉肉質嫩滑，入口即化，散發出濃郁的牛肉香氣，厚切牛舌肉質鮮嫩多汁，嚼勁十足，帶著微微的彈性，搭配上香軟白飯、湯同芽菜，好食👍🏻燒肉Combo-上級牛肋肉＋迷你主食（$139）呢個組合可以揀烏冬，朋友簡左月見冷烏冬，烏冬彈牙有嚼勁，加埋蛋汁，好開胃，我試咗一舊上級牛肋肉，肉質鮮美，口感細膩柔軟仲有個Mini自助bar，可以任食配菜同甜品