裕滿人家

Open Now

Now Closed

裕滿人家（葵涌），上湯蝦伊麵，雪山叉燒包，燒賣，牛肉球，叉燒飯，白切雞飯，鳳爪，鮮蝦腸，蘿蔔糕，菜心，燒賣，蝦餃，奶皇包，燒肉，魷魚鬚，煎釀，煎肉餅，下次會再去。

裕滿人家燒味飯雙拼 白切雞油雞飯$30 返到嚟一開盒 嚇親（圖中我擺咗落碗打算叮熱）真係好「抵」呀！夾埋其實得3舊雞（一般切法）大家評評理 真係唔知係間公司叫個師傅咁比個客呀定係個師傅咁「為公司著想」慳住比肉啲客☺️☺️唔怪得斬肉斬得咁慢 因為都考刀功呀 切得咁薄～～～～等佢個飯等成10分鐘 慢慢切 個個等緊佢第一次幫襯 咁嘅食物質素同份量 真係令人極度憤怒 不可接受 裕滿人家燒味外賣部簡直係做臭自己個名👍👍👍大家千祈唔好幫襯

今日母親節去呢間食晚飯，食完真係想x一聲，食物又唔掂，同類近酒樓比，呢間真係不知所謂。叫碟芝士龍蝦伊面整完出黎似咖哩多過芝士，又無端端有洋蔥出現係碟龍蝦伊面，真係第一次見芝士龍蝦伊面會有洋蔥9唔搭8，講左加面低，加左$30但份量上又唔覺有加到，但錢就照收，服務熊度又麻麻，另外又漏單，價錢又貴。裝修又殘，真係好唔掂好失望，以前黎食絕對唔係咁，真係去石蔭商場間百匯都唔會再黎裕滿人家，做到咁求期就不如快啲執左佢啦！

✨✨抵食半圍全包宴✨✨嫲嫲爺爺生日，一家人去酒樓食飯，老人家都係鍾意食中式同埋食圍餐，方便唔使諗！之前食過幾次，感覺都良好唔差，所以番黎再encore 😆😆啱啱6個人，所以叫半圍！好抵食呀，有龍蝦都只係$1038份量好大碟，一d都唔似半圍😍😍味道都好好，唔會太鹹！龍蝦🦞伊麵好鬼正，半圍都俾兩隻😍😍d肉彈牙唔係死龍蝦🤤🤤伊麵都好多，食極都有！唯一比較差嘅係乳豬併盤，個乳豬得塊皮😅😅其他味道都好好，不過掛住食，無影到相😂😂

平時食開嘅點心專門店因為疫情關係所以冇做堂食，我又唔想食外賣，因為覺得食點心都係要坐低慢慢嘆先爽，就近近地過咗嚟食裕滿人家。由於係星期日，午市時間都幾多人食，入座率大概都有九成。點心價錢略貴，不過應該係因為係週末同埋唔係下午茶時間。兩個人嗌左六款點心埋單$188，略貴，不過味道都算OK嘅。馬拉糕幾好食，又鬆軟又香。鳳爪都唔錯，唔會底下有一大層油咁樣。我仲叫咗個炸兩，我覺得佢入邊夠油炸鬼有少少炸過龍..整體來講，都叫做街坊之選啦！

本人於2019年8月31號下晝大概2點45分飲下午茶， 其中一個所謂女部長頭髮， 佢嘅態度簡直 不知所謂， 毫無家教可言 ，唔該你哋本集團正 視對員工嘅培訓，基本禮包一啲都冇！ 總之四個字可以形容:不知所謂！

服務員服務態度超差，無論侍應生定經理也好，當時係未到下午3點鐘，但就已經唔理會客人，當客人透明，無招待不單只，叫服務員都無人應，應你都係敷衍你叫你等，但之後又繼續走去另一度搵嘢做，總之就唔理會你，有d仲望到你嗌佢就即刻轉彎調轉身，扮見唔到你，之前的服務員的服務熊度已經夠差，現在的服務態度就更差，真係越做越衰，好似唔憂做咁，但又唔係坐滿客人，評價咁差，服務又咁差，唔怪之得呢個時間咁快就已經無乜人坐係度飲茶

食物水準愈來愈差，點心金絲椰青卷，一年前的水準跟圖片一樣，一年後再點，變成咁....同女經理反映，佢話係咁架喇，用唔耐煩既態度：唔食同你取消，就行咗去。樓面至經理既態度好差，望到你揮手叫佢，都無視你。

飲下午茶竟然有個咁嘅經歷，叫食物嘅時候待應完全冇提供下午茶優惠單張， 叉燒包 腐皮卷,發現有優惠單張與原定order食物一樣但有孖寶一囗價，即時向收銀櫃位員工作出更改，而收銀即是反應用惡劣態度對顧客講冇得改要改就搵經理，我當時提出即時搵經理，而有位經理處理，但我冇諗過身為一個經理同樣畀一個好大惡劣回應給客人冇得更改喎 ，我當時好驚訝！只是剛剛落單為何無得改，我只好找店長處理，而店長當時曾有一句致歉唔好意思但最終都沒有處理事件，而態度都是平平沒有理會客人感受 ，俗語有云上樑不正下樑歪，我冇諗過一間連鎖店大酒樓會有如此服務， 管理層要再度培訓呢間分店員工

平時都唔點寫評的我，今次都要破例寫寫。事關今日去左葵涌呢間裕滿飲茶。今次係我第二次黎呢到食野，上次服務都還可以，今次就真係頂佢唔係好順。我同我老豆點左幾個點心同一個夙爪排骨飯。個飯超快到，但係後來發現排骨係生的，跟住叫服務員過黎，佢話可以換個但係要三個字先有，於是我地就取消個飯叫左個combo (一個燒味飯加鮮竹卷）。個燒味飯一陣間就到，但係個點心就要等成20分鐘有多，於是我想叫個服務員過黎再問問，點知班友三三兩兩係到傾計完全當我地透明，難得一個阿姐睇到過到黎，我就笑笑口禮貌地問佢可唔可以幫我催下單仲要唔該佢，佢竟然之後印張點心清單然後攞過黎同我地理論，話個點心需要時間蒸，話等係正常既，回應態度極之惡劣。我同佢解釋我唔係想話佢，因為我都係以事論事，只係想佢幫我跟一跟而已，但係佢仍然諸多解釋，真係火都黎。之後佢地仲要搵個人搭我地張檯，出面咁多張空檯唔比佢坐要佢搭檯，豈由此理。一班服務員只要冇野做就圍埋傾計，茶壺係我地定係搭檯個位都傻傻分不清，所以呢間酒樓我只可以講真係”沒有下次”⋯野又唔係特別好食，服務員態度水咁差，真係不建議附近既人去食。唯一少少加分都係呢隻豬仔包，算係有創意，不過總分

很久沒有寫過食評，但這家餐廳令我破例要評論一下。年初二，一個喜氣洋洋的日子。在這餐廳訂了二枱廳房，進行團拜，順道晚餐。過年的菜單，每間中菜酒樓都差不多，所以不在此詳述了。令我今天要寫食評的原因，是這餐廳的衞生環境及服務態度。其中一道小菜裏，竟然內有釘書釘……釘書釘怎會跑到廚房，再跑到餸菜裏呢?好戲還在後頭，正當大家享用肥美的燒雞時，天上突然跌下一塊碎片。向上一望，竟然看見「米奇」的蹤影。這一餐已經不想繼續吃下去了……酒樓幫我們換了一張大堂裏的大枱，但鄰座卻有至少三人在吸煙。向酒樓職員投訴後，鄰座依然繼續吞雲吐霧。這樣的環境，免費都唔會幫襯。

此间的裕满人家分店，我们可是头回来到此乐的呀！☺️好友因忙着生意事儿的，短短的乐聊，同是开心的呀！😀😀上了个叫＂五香咸肉糭＂👍👍👏👏👏内有挻多的绿豆蓉丶五香粉挻浓浓的半肥瘦的猪肉在内的呀！👍👍👍👍👍香香的五花肉又嫩滑又香嘀呀！＂雷沙煎堆仔＂👍👍👍👏👏內丶是黑芝麻餡料的，而外表佈滿粒粒的黑芝麻的呀！香脆兼甜而好吃呀！👍👍👍👍👍

与朋友逛逛到了此＂裕满人家＂葵涌的分店来乐的！此区域，我们极之少上逛的呀！😊还是点回常至爱吃的＂百花釀魚肚＂👍👍👍👍👍此回的魚肚，如此大块儿兼厚度極為惊人的呀！😀😀😀😀😀口感更是好的呀！👍👍👍👍👍爽口也像是軟綿綿似的，真的又像棉花來又像⋯⋯不知用哪些言語形容才恰當的呀！😊也叫了籠 ＂蜜汁叉燒包＂的呀！不過，此回就不咋的呀！餡料，應不咋新鮮的吧？！😳味道真不咋好的呀！👎上回，嚐的叉燒包，可真不錯的呀！😀

近期轉去這家酒家喝早茶，老實講，食物質數尚可接受，但那些樓面的服務就十分強差人意，情況一直沒有改善。最近一次去喝茶就是在昨天下午，一坐下，我要求個部長級員工開一壺水仙及一壼熱水。等了一回，水仙就到咗，但壺熱水就無咗影。我就再叫另一個樓面開給我，她知道但沒有反應；好，我再叫回那個部長開壺熱水給我。她一來一點不好意思都沒有，還反問我為何要多一壺熱水。講多數句，我都賴再理她，最後我自己開了壼熱水作吧！！！ 這些店員最有禮的時間，就只是向客人sell 節日禮卷的時間，應真不知所為，影低香港人質數。☹️☹️☹️港府説我們是飲食購物天堂，服務至上。  但有些食店的服務則另人側目。有部份從業員根本不知道甚麼是優質服務，我不應這樣說，應說不知道甚麼是標準的服務態度，真可悲！！！

星期日嚟咗裕滿人家食晚飯，7點未夠，仲有大把位，有好幾枱都係打邊爐，而我哋就主要食小菜。今次係第二次叫呢個做緊優惠價嘅叉燒，水準似乎失色咗，冇上次咁靚，可能今次係廚房放得太耐嘅關係，食落有少少霉嘅感覺，但份量都算多，以咁嘅價錢嚟講總算好食過一般燒臘店出品呢個鮮竹卷亦係第二次叫，保持到水準個蠔油汁唔會太咸，腐皮卷冇硬身包得好貼，冬菇炆得夠淋，菜食落仲係帶有少少爽脆感，唔錯！第一次叫，原先以為係有肉碎嘅，上抬一睇原來係用雞蛋同蝦米炒，仲有韮菜、椰菜、姜葱、紅黄椒。粉絲炒得半乾，冇黏身，唔會好油膩，整体味道還可以酸菜$8碟，我比較鍾意呢款多過花生，比一般市面買嘅甜少少，唔鍾意泡菜可以要求更換花生，服務員亦很樂意配合食到七七八八，服務員送上紅豆沙作總結，夜咗沽清就冇。