Hot Dog Dot (Closed)

已經很久沒吃過好味道的HOT DOG了!店舖位置雖然比較偏僻，但有心的也不難找，而且附近有很多出名的食肆，如窩夫及添好運等，所以一定會找到的。由於第一次光顧，店員便推介我試蘋果沙沙，吃起來沙沙聲的很有趣，那微酸微甜的蘋果與香腸很配合，剛好中和那肥膩的感覺。而招牌肉醬則遜色了一點，跟平常吃沒大分別。

肉醬較稀，味道還可以。只是為何要加生菜呢？那片生菜也沒甚生氣賣相就因為一塊生菜打了折扣整體感覺就是還過得去，有進步空間。最遺憾是一間快餐店居然沒有餐紙供應，不能原諒的過失！

Was super hungry but Tim Ho Wan's is another 45 minutes wait, so decided to share a hotdog and chips between 2 persons. The Hot Dog with minced meat was good overall, but a little 'canned' like. At least the fries/chips came warm but there's what 7 chips all up? Liked the cute little Mustard and Tomato stand though. Overall - don't mind coming back, but somehow wished it was better in its sausage, bread and recipes quality.

旺角登打士街及廣華附近開了不少新的小食店，數個月前開的都變為舊店，舊店未試，新店又開，轉變快得令人有點感慨。是日決心來食熱狗和waffle，對熱狗店沒太大期望，只是早前買下的團購卷快到期而已。週末中午，人流不多，已有點心感不妙。幸而店內乾淨企理，當作填飽肚子好了~想加錢轉set不獲准，只好按原購的規定食美式熱狗餐，即最簡單的熱狗配汽水。餐牌上的選擇很多，其中白汁、咖哩薯仔味的熱狗都幾特別，CM就對其吉烈香腸虎視眈眈，我就想試沙沙系列，感覺清新點，啱我~!等候期間，看到店員將麵包烘熱、灼腸，一切看在眼內，大大方方，倒不錯~CM的熱狗走芥末，我就原汁原味，更要加多點芥末，yummy~熱狗拿上手溫暖的，入口剛剛好，麵包很軟熟好味~! 原來有點抗拒腸非煎/烤的CM，卻和我異口同聲認為熱狗腸好食，處理得很好，灼得恰如其分，蠻有咬口，$18的set而言，絕對交足貨~下次到旺角又心癢想食熱狗，應該會來試試其沙沙系列。

經過呢間野幾次, 次次見佢都無人, 都唔知佢點做生意. 尋日再度經過, LUNCH時間一個人都無, 一於試下.係門口睇佢個MENU, 一間無名小店, 一隻熱狗已經廿幾三十蚊. 真係想掉頭走. 到最後仍抱左一試既心態入去.叫左個泰式豬肉醬熱狗餐, 個CASHIER係一個死唔斷氣既後生女, 講野講比自己聽咁. 之後行去攞餐, 見到個廚師哥哥仔一手楂住包薯條拎出黎. 注意, 係好似拎啞令咁"楂"住, 或者可以叫"練"住. 我已經諗呢間野真係好唔注意衛生. 之後再見佢以同一方式"楂"住我隻熱狗, 而我隻熱狗當時係無野包住既, 而佢隻手亦無戴手套. 可謂零距離接觸. 雖然我唔算好講究衛生, 但係你作為一個食肆, 真係有啲唔理人客喎.對於食物質素真係普普通通, 但係一個熱狗餐, 加一個法式沙糖燉蛋, 要$45, 真係有啲貴.

晚飯時候, 唔洗等位無咩人食的快餐店!同男友搵食）))）鋪頭個位置都幾深入, 難搵"突登去試蘋果沙沙 & 肉醬 小妹鐘意蘋果沙沙清爽Ｄ.男友鐘意肉醬味重Ｄ.薯條 & 雞翼 & 可樂共享的!整體都OK的!表面係張台.其實佢係垃圾桶!

小豬兒叫我幫她買個熱狗, 只一個熱狗都要$29?還是輕飄飄的一個仔.咩白汁雞肉熱狗咪又係一條熱狗腸加點碎的雞肉,我也偷了少少來試, 又未見有何特別且看茶餐廳都只$28一個set, 這店一個熱狗都要$29實在不值p.s. 有同學亦表示食過這店的set, 得7條薯條行多兩步去番勝利道德國熱狗吧

一直都好想找個機會試試,於是今天拉著男朋友去。其實地方都尚算好找。去到的時候人不多,只有兩至三枱人在吃,好像還有人在等外賣。我選了一個白汁雞的熱狗,男朋友選了一個特濃芝士熱狗套餐,我們再加了一隻雞翼。基本上熱狗是合格的,只是汁沒什麼特別的驚喜。白汁不太濃, 稱不上有什麼特別的感覺。令人驚喜的是雞翼和薯條。薯條份量不算多,但很熱很脆,配上芥末及茄汁簡直是一流。而釀雞翼中的脆皮腸很脆,一咬下就覺得兩者十分夾!令我最驚喜的是, 釀雞翼有兩條脆皮腸![ 我以為只有一條 ]我想我會為釀雞翼而再去。

第1次幫襯熱狗專門店..以往可能哈迪斯/唔知咩快餐店試過..都無乜特別..呢鋪諗住試下真正既專門店會點..都係無乜特別..37$試左豬肉醬熱狗餐..個包毫無特式..d醬真係食唔出有乜好味..純粹d似香茅既粉+唔知乜醬係條腸上面..一食巳經要係咁落佢台面d醬落去..有芥末..茄醬,,黃芥末..橙色擬似芝士..但落左都於事無補...失望總之就.,.之後仲有薯條..算係好食d...大加粗..點埋醬ok入口..+4$ 3件雞仔..都好食既..呢兩樣野都唔合格就真係比唔落ok..但回應topic..無下次..怕怕熱狗店點包裝都只係食香腸+包

hot dog dot 舖頭細細但服務都唔錯hot dog和chicken wings 係即叫即整,所以都要等10分鐘倒先有得食不過hot dog 賣相討好,價錢都幾平條腸都算幾大條味道也唔錯 !! 芝士雞亦雖然外皮好脆,可惜裡面d cheese 唔夠熱未溶晒 味道不如理想.

間鋪都幾偏僻...我唔係去睇模型都好少會行O個頭...我經過幾次都好想試,但次次都係食飽先經過...今次終於有機會啦~同太太叫左辣肉醬熱狗餐+迷你漢堡熱狗餐+吉列薯茸腸仔~個熱狗都幾大隻,見到已經流口水~包面烘到脆脆地，入面軟熟~好味~~~迷你漢堡_熱狗餐,包迷你但用料足~條熱狗腸同D菜爆晒出黎...個漢堡都唔差肉香口加埋個汁酸甜好正~辣肉醬熱狗呢....又係好味,不過食食下覺得...點解D肉醬唔辣而係條腸辣o既....薯條,外脆內軟正啊~我最鐘意食粗身O既薯條,吉列薯茸腸仔~香口O既吉列腸仔,另一種風味~好掛住D薯條,會再去~~

本身都冇諗住試架~因為我驚肥 但係因為免費拎左 mystudentbus 既coupon , 所以就試下啦本身今日試食之前都食左個乳酪~ 有小小飽點知食完之後~ 真係比想像中好味~ 可能因為熱狗本身有一隻好特別既醬汁 好好味唔同出面一般既熱狗~~~ 我覺得未試過的~ 一定要去試下~~ ^^

之前喺團購買咗半價優惠券,趁星期六返半晝,放工約咗媽咪又未夠鐘,於是走去食熱狗~地點雖然响旺角廣華街,但係都唔太容易搵到,起碼自己都喺搵咗一大輪先搵到店面唔大,以美式風格裝修,有六七張枱,以及一張貼牆的長枱,另外亦有一個以熱狗造型的企位枱櫃(很可愛)優惠券內包一隻熱狗&一杯氣水,用優惠券付款後,等了大約七八分鐘就有得食啦~未攞之前都諗用優惠券買嘅熱狗應該唔會好大,加上見枱面又放咗茄醬同芥末,以為都係俾隻熱狗你然後自己搞掂,點知攞嘅時候見到隻熱狗好大隻,熱狗本身又有齊青瓜番茄等配料,真係有啲估唔到啊~試咗一啖後發覺味道唔錯喎~麵包烘到外脆內軟,香腸皮脆肉香,加上醬汁同配料份量啱啱好,令自己都忍唔住一口氣食晒成隻,真係覺得好好味啊~食緊嗰陣見到餐牌仲有其他唔同款式,好似都好好味咁,搞到都好想試埋其他啊~唔錯嘅小店,我會再幫襯啊~

上星期6因為見到評價全部都係笑哈哈同OK,一個喊都冇就等放假同男朋友來試下.結果有點兒失望!!我地分別叫左:吉烈香腸熱狗套餐 個餐係包1杯汽水,薯條+個熱狗, 一心諗著好好味.,可能因為期望太高, 食落去覺得有D失望..佢個吉烈腸表面個度係用左薯仔黎包著個香腸去炸..但個人感覺個香腸唔好食..難聽D講句我覺得戲院買個D熱狗,入面D腸都好食過佢.個包都係同出面個D一樣.味道一般辣肉醬熱狗套餐: 一樣香腸令人失望,,,辣肉醬不感受得出辣..只有肉醬味道...失望唯一能讚的是,薯條真的很可口.都是新鮮炸的.我同男朋友都覺得好好吃但$29.5-$37.5一個餐,唯一好吃就是薯條,的確係有D唔抵環境都唔錯,感覺好似美式熱狗店總括黎講,吃一次就夠!!

上星期六師傅同好友食家"乜都放入窿"散左會後, 本來就要分道揚鑣, 皆因好友食家"乜都放入窿"要去靚仔正哥家中作客; 而靚仔正哥就分吩咐好友食家"乜都放入窿"要幫佢買game, 聽到買game師傅決定陪好友食家"乜都放入窿"走一轉先!去到旺角行完信和, 好友食家"乜都放入窿"就提議食少少野, 師傅就好鬼好奇地問: “唔係一陣要食大閘蟹咩?” 點知好友食家"乜都放入窿"答: “有排都未有得食住, 最快都要晚上十一點先有得食, 所以食少少打定底都冇壞!” 師傅聽到好友食家"乜都放入窿"咁講, 當然讚成啦, 至於食店亦由好友食家"乜都放入窿"發板, 最後就帶師傅黎左呢間食店!呢間食店主打係食熱狗, 入到去見到人影都唔多, 莫非個個去晒應節, 扮鬼扮馬所以連食都唔得閒? 但對於師傅黎講反而仲好, 人少少又靜靜地, 直頭好似自己屋企, 於是坐底後慢慢睇下有咩食, 而嗰種速度真係可以用hae黎形容; 睇左好多個餐好多款熱狗都好吸引, 不過款款都廿蚊過外; 突然間好友食家"乜都放入窿"發現左呢個餐, 而呢個餐只賣十八蚊, 於是問下位姐姐而家仲有冇得食? 結果係有, 就二話不說去柯打左兩客美式熱狗配兩