Video
9-min walk from Exit A, Tai Wo MTR Station
continue reading
Introduction
Hot Pot Market, which is establish by Hong Kong famous Chef K.K.Chanf. The restaurant is located in Tai Po, features fruitful pot .And the "Supreme soup with chicken and fish maw" is the most popular menu.
continue reading
Additional Information
中菜名廚陳國強在大埔開的火鍋中菜館，早巿供應點、燉湯、小菜套餐，晚巿供應小菜、火鍋，餐廳以真材實料靚湯作主題,所有出品優質、美味、物超所值！
Opening Hours
Mon - Fri
11:30 - 23:30
Sat - Sun
10:00 - 15:00
17:30 - 23:30
Public Holiday
10:00 - 15:00
17:30 - 23:30
Above information is for reference only. Please check details with the restaurant.
Recommended Dishes
食具衛生有待改善，幾隻碗都黐滿飯渣，要用熱水浸完再新自用手慢慢捽乾淨！椰子雞湯，可遇不可求！首次遇上用鮮椰子水煲出的椰青雞煲，白雪雪嫩滑椰青肉，湯汁清澈清甜純天然。椰子雞鍋，食火鍋都有幾十年經驗，從來未試過問都無問一句就衝埋黎加湯，仲要係用粉開的味湯！穿著便服疑似老闆的四眼叔將整煲清甜椰青水椰子煲雞破壞掉，人家未飲完架！朋友專程黎飲湯，真係嬲到企起身想反枱，幸好肯出去抽根煙冷靜一下，差少少想唔食埋單轉場算數！點解可以犯如此低級錯誤？本地鮮雞子，有新鮮雞子唔洗食雪藏火雞子真好，但洗到穿晒爛晒！烚起蛋白質肉汁已流失，十分浪費！原本5星變2星。海鮮拼盤：美國桶蠔、貴妃蚌、扇貝，鮑魚、斑片，非常強差人意！桶蠔大大隻沒什麼味道，其中一隻已變壞發嗅掉丟！斑片顏色暗淡暗啞，腍啤啤漿住嘴不鮮不嫩不滑，口感好核突肉酸全部丟掉。鮑魚新鮮度低下，不知道雪了幾耐硬屈屈的。貴妃蚌及扇貝沒特別，唔難食。蒜辣拍青瓜⭐️⭐️⭐️⭐️⭐️小食比火鍋比生料比海鮮更美味更出色！混著芫茜、蒜蓉、辣椒、陳醋，酸辣咸香爽脆多汁！椒鹽魷魚鬚⭐️⭐️⭐️⭐️薄薄鬆化的脆漿最緊要，不是殼不是硬掘掘！爽彈咸鮮魷魚肉，滾埋酸甜喼汁食得更起勁！椒鹽豆腐⭐️⭐️⭐️新鮮出爐嫩豆腐，外脆內滑食唔停口！椒鹽墨魚嘴⭐️⭐️⭐️⭐️⭐️無生水味無腥味，大大粒圓碌碌爽脆鮮味突出。
continue reading
天氣炎熱但無損打邊爐嘅意欲，放工約埋朋友圍爐吹水，可能真係外面太熱，去到餐廳未有太多客。呢度出名食火鍋，但都見佢有小菜供應，見到隔離枱叫了咕嚕肉，好靚，好大碟，本想都叫但朋友話怕太飽，話下次先再試小菜。必叫呢度嘅花膠雞湯，湯底超濃厚，飲晒個湯食埋花膠同雞，再加湯打邊爐，出品高質，新鮮，少有嘅高質素火鍋，地方乾淨光猛，舒適，可以再去！有朋友不吃牛，店家體貼地用兩格鍋上花膠湯底，大家都食得開心。食飽埋單時，原來仲有雪糕送，打完邊爐，再涼一涼，甜一甜，大滿足！
continue reading
☀☔全港籠罩住一股打風暴雨的氣氛, 心情也跟天氣ㄧ樣。 👩突然接到朋友來電, 相約到大埔太和豐生水起火鍋, 多次幫襯都ㄧ級棒, 好想再食,於是ㄧ口答應。 食左消暑冬瓜盅, 味道清香, 消氣即散。 朋友係餃餃個friend, 試左招牌鮮蝦雲吞、韭菜餃、魚皮蛟, 新鮮入味。 當然少不了新鮮蔬菜及檸檬薏米水, 真係夏日的必order的。食完餐美味火鍋, 煩悶心情一掃而空 💓, 非常療癒。 朋友冇選錯火鍋店, 美味食材相伴𣈱所欲言, 一樂也。😊😊❤❤👩👩
continue reading
叫左個北海道牛乳海鮮湯底，d料同餐牌張圖差極遠。我同朋友差唔多食晒湯底料，湯底接近煲乾，都無野上枱，唔明出碟菜同肉有幾難。侍應有好幾個，但係成晚都好似叫唔郁。一句講晒唔會有下次。
continue reading
一家人去食晚飯，叫咗好多嘢食，6個大人，四女兩男，食咗$2700，其實都真係好多。但食完全晚大家都係想罵佢，講真，$450/人，我去食日本餐會滿足啲。我哋有叫小菜有打邊爐。首先講服務，係好勤力，但啲嘢做錯哂我哋坐近廚菜出菜位，佢一張圓枱無轉盤，上親菜都喺同一個位明明佢哋有車仔，叫佢哋將啲邊爐嘢放車仔，個阿姐就淨係識得張啲嘢放上菜位，真係諗住我哋碟碟傳黎食？食西餐呀？我哋係咁自己推入去中間，推到唔夠位，叫佢放車仔，叫一次先放一次，第二碟再上又放返同一個位，根本張枱就唔夠位。叫咗個菠蘿咕嚕肉，食咗一半叫佢轉細碟，叫咗三次都係應完就算。到叫到佢轉，佢又留埋個菠蘿殼喺隻碟到，佢真係覺得張枱咁大，有咁需要留個菠蘿殼比我哋送飯？打邊爐叫佢加水又係，叫幾次都係應完就算，啲味精湯好貴咩？我哋全晚都係加一次啫。我哋打邊爐有生嘢，有隻匙羹放咗喺碟生豬肉到，個侍應唔知做乜走過嚟執嘢，張放喺生肉嘅匙羹放喺我哋碟蒸魚到，之後我哋無人再食嗰碟魚，仲有大半碟剩。都唔知佢咩事，生熟分開佢係咪唔識呀？個匙羹放喺生豬肉到好明顯唔係唔小心放錯啦，就算係，你都唔係放落啲熟嘢到呀？之後講嘢食。叫咗碟蒸斑同蒸鱔，先講斑，唔新鮮，無乜魚味，魚肉唔彈牙，魚肉、蒜頭、豉油，三個味完全分開，個碟底勁重油⋯唔知咩事。蒸鱔個豉汁ok，唔腥，正常合格。但個鱔啲肉唔係彈牙嗰隻，係散嗰隻😢咕嚕肉雖然係好脆，但係佢個皮都好厚，仲吸哂啲油，一陣油味。我基本上都咬走咗啲皮，食咗舊肉就算。蟲草花蒸雞，個獻汁包實哂啲雞，食落口漿實哂，又係一舊放棄。蝦乾勝瓜啲蝦有沙嘅，食咗少少就唔想食佢啲蝦乾⋯火焰砵酒蒸蠔仲戇居，唔知咩事個蠔要炸咗再蒸，蒸出嚟一pat粉漿黐住啲蠔肉，完全搞唔掂。仲要無味，得少少酒味，無咸甜，唔知佢想我哋食啲乜😰個事頭婆出嚟點火，仲要差啲燒着佢個茶壺😮💨玩唔慣就唔好玩呢啲嘢啦，我哋坐喺隔離覺得好恐怖😮💨佢點火之前完全冇諗住拎開側邊啲嘢，我哋都忍唔住出手幫佢搬開咗啲菜，估唔到佢燒着自己個茶壺。雞手鴨腳咁，火又點極唔着，總之就嚇親人。叫咗胡椒豬肚湯，個湯完全冇胡椒豬肚味，普通味精湯⋯食咗一件豬肚，又係冇豬肚味，不過都估到，啲材料有味，個湯就唔會咁嘅味啦。手切肥牛真係好肥，一大舊肥膏嗰隻，肉得三分一左右。豬肉就正常啲，但兩碟肉都係細碟。陳皮牛丸唔知咩事，啲牛肉蘇到喊，我咬完即刻放返低，之後無人敢食。墨丸唔彈牙，唔知佢係咩墨丸⋯其他蔬菜類嘅生嘢係正常嘅，呢啲都好難錯嘅。總結，$2700幾食啲咁嘅嘢，我就真係唔會返轉頭，今次當比人呃，絕對無下次。
continue reading