百銀一鍋 (Closed)

3人去打邊爐,yan推介喱間,台式打邊爐任食兩小時,賣點係一人一鍋,特別既湯底,個場都幾大,適合大班人,我地得3人,可坐卡位,比較舒服呀~!共有八款湯底,其中蕃茄薯仔濃湯底and大和粟米忌廉雞湯底最為特別~!爭取時間即去拎野食,都幾多選擇,肉類都有幾款架,肥牛、豚肉,牛展仲有其他,but只食左肥牛,食肉獸嘛必拎!菜,丸,麵類,海鮮等都有,汽水果d都係任食~!3.6牛乳鮮魚濃湯底,我要既,挑戰左!睇落以為是足料牛奶,其實冇乜牛奶味既,只係甜少少少............!蕃茄薯仔濃湯底,原個蕃茄落去煲,好濃蕃茄味,又唔酸,真係幾正呀,下次要揀喱個~!仲有一個香茜皮蛋鮮魚,味道都唔錯!第一輪已拎左好多野食,必拎蜆and青口,加左落去令湯底更鮮甜,仲有奴食肥牛,上海年糕過下口癮,雲吞,水餃都有齊~!魚肉,牛筋都有,我未試過,口感都幾爽,不過唔岩我食~!豬腸,腎等"內臟野都有~!魚芫,豬紅,午餐肉都有,沙嗲牛肉必食,真係好濃沙嗲味,入味呀,冇受到個湯底影響wo~! 炸魚皮,雞子,好耐冇 食了~!花雕雞,又係唔錯呀,酒味濃~!醬料有好多配搭,有芝麻醬,不過一般既~!檸檬柑桔,OK呀~!甜品有雪糕

為左呢餐一肚氣ge飯!!一定要開個acc!!其實呢間野食物OKAY ga! 又多飲品選擇但價錢唔太平...其他staff d 服務都okay! 係個女經理(ps.肥的,姓李)真係唔得!!話說我同d fds 食緊時, 隔離枱夠鐘被迫趕走, 個經理巳經好串!咁隔離枱夠鐘, 但有個人仲有少少未食完, 咁佢d朋友就企係佢隔離等,之後個經理就話 " 你唔好再食, 你巳經過左一分鐘, 同埋唔好再企係到, 夠鐘要即刻走"我聽到即刻o咀...洗唔洗咁harsh...一分鐘即刻趕人走..問題係出面冇人等位, 個埸又唔full...我地幾個fds就傾計咁講乜間野咁harsh ge,,通融下都唔得..個女經理聽到..好大聲同我地講.." 我地清楚寫明既!夠鍾要即刻離座"我心諗..都唔係同你講野,,做咩搭嗲!!!!!!!!!!!!!!!之後到我地夠鐘, 係即刻熜爐拎走人個鍋-_________- 個感覺好差..一d通知都冇!又係咁趕我地走..叫我地拎走個雪糕食..唔好再坐係到...有冇諗過人感受咁我地唯有著衫走na....之後佢又行埋黎話你地巳經過左10分鐘, 叫我地唔好玩野, 好快d走 (但明明只係5分鐘到

星期一,又係搏殺既日子.臨近聖誕.天氣又凍.....眾fb友想打邊爐兼吹水!經過一輪網上對話.得出結論....任食同地點就腳於是就有呢篇火鍋大格鬥part 3啦!我地11:00幾上去,都見有2.3個人等位.我地4位,唔駛5分鐘都入到去.坐低左先叫定湯底莞茜湯底同麻辣湯3分:一般,唔香既湯先出去行一round攞左牛肉,肉丸.菜.菇類呢d大路野放題火鍋都唔馬虎,無沙乾淨丸類攞左蟹子丸.貢丸.魚旦.芝心丸3分:略有少少雪味,都可以汽水有幾款.仲有好少會買既提子梳打大家都係旨在傾計.食味反而無留意.但服務就一定有改善空間.門口嗰位姐姐既語氣就如樓下所言.服務極度唔友善.但對住自己既熟客就另一個版本.呢點就要請老闆留意一下.味道.出品係可以既.但一位姐姐就拉低晒所有.所以ok一個.

突登為左呢間服務態度咁差既野開ACC寫食評!一去到要等位,要等五個字,但門口姐姐實牙實齒話9點3有位入到去普通格局啦有得自己拎野衰在汽水冇雪到既!!我地7個人坐2邊, 個阿姐叫我地坐出一個位,比佢坐多個係入邊但語氣係極差!食食下有台人埋單果時話收多數, 原來入黎果時話6個人, 點知得5個人食, 間野就死都要收6個人數, 但明明台面得5個煲.....言談間語氣又係好差, 我心諗做生意唔係咁做架嘛, 下下同個客頂到行, 邊有人會要幫襯你點知轉個頭到我自己奶野佢執台時行埋黎, 「頭先咪叫左你坐埋一個位囉, 又唔聽, 算, 冇野講~」最尾係用極差極串既樣講既間野話限左食2個鐘, 我地9點3入去11點2佢就行埋黎自把自為熄左我地個爐,拎走個煲, 野都冇講句跟住先話要走, 跟住我地話11點2咋喎而家佢就話唔該走, 態度又係極差跟住我同朋友發左幾句脾氣, 話有冇攪錯跟住隔離個侍仔極差面口咁話「有咩同出面個reception講, 唔好係度阿之阿左」總結呢間野D人態度真係好差!!野食冇特別, 仲要貼錢買難受, 比人鬧比人睥, 痴線!!冇下次!!!!!

好耐無做火鍋食評,今次選了百銀一鍋.十分得意.呢1個位十分似超級市場.我10日內去了2次.第一次肚唔舒服去食.也覺好食.第2次感覺差了少少,第一次食鯇魚是脆肉,第2次普通.第1次的豬肉.肥牛唔肥.第2次超肥...皆因.台式火鍋.台灣人喜愛火鍋而不會肥的原因.是飲茶.這裏加10元任飲.也有茶作選擇...湯底,是椰子湯底,內裏有不少椰子可惜味道仍淡.而這裏什麼都加水.鼓油加水..水吧柑桔蜜加水.有點扣分.拿了3次食物.菜洗得相當乾淨.食物也新鮮.最好食的是醉雞.雞子也相當好味...比起酒樓好...今次的肉勁肥.白多於紅.我已經肥...好怕..反而我第一次食..好好味.又唔肥.水準太飄忽了..最後..雀巢雪榚作結尾.有點小家.呢隻雪榚1杯都係2.5元..只限食1杯.....埋單110元一位.服務食物我都滿意..我第1次食的相在fb....有興趣先問我啦......我有參加抽獎.31號可能食第3次

老友好想打邊爐我就帶佢嚟一人一爐,好彩book咗位唔駛等.我叫咗至愛蕃茄湯,老友就叫咗沙爹湯,點解鍾意埋度,因食物新鮮又多選擇,服務差又抵食,豬豚肉好好味一定要試,海鮮有蝦,青口,魚雲,瀨尿蝦,花甲等都係任攞,其他食物細細碟可以試好多款又唔怕浪費.任食限時2小時我同老友就食足2小時滿足地離場埋單都係$264

可能而家係夏天火鍋始終都未必有人會選擇!於是今日星期五晚就算7點幾去到都唔洗等位!入到去點湯底..點左忌廉粟米既湯底..不過黎到.,.個湯都幾稀冇乜味...???然之後出去拎野食!其實如果兩個人黎講,佢D野一份份包好細細份都OK~因為有時出去打邊爐佢執野都俾好多野你~好多時都好浪費!不過佢細份D~對於我地只係有兩個人食黎講都OK!食物既種類都算多!而且可以自行控制份量~~以前記得睇食評佢地都係用即棄膠兜去裝出去拎既食物~不過今日見到佢而家用可以拎去洗既膠兜~都算有改善!唯一最失望既就只係湯底..太稀冇味

平時同男友去開旺角做gym,都經常會嚟食一人一鍋。我鍾意嚟首先係因為好味差不多所有湯底都好好味，食完唔囗喝。嘢食多，海鮮好新鮮！特別鍾意四川麻辣同粟米鍋。早去好底食，尤其係兩個人去二百蚊左右食到好飽，次次去都勁開心。

今日忽然間想打邊爐,睇OPEN RICE見倒呢間COMMENT都唔錯,就試下新野啦~~ (本來係想試牛陣)大約七點鐘去到,唔需要等位,120蚊任食兩個鐘,加10蚊任飲飲品 (FYI:七點半前埋單98蚊位)坐位比想像中迫,不過因為當時少人,所以都仲有活動空間好有好多湯底可以選擇,例如蕃茄薯仔,粟米濃湯,豬骨,沙嗲,麻辣等等...我地叫左比較少見既3.6牛乳魚湯及椰子雞湯可能當時比較少人,侍應亦都相對較少,但禮貌還好,湯底亦都黎得快驚喜係湯底真係足料,例如有好大舊木瓜同埋椰子,百零蚊算喜出望外喇~見倒D一包包完整既麵已經覺得好開心,好多選擇呀~其他肉類就好似一個個啫喱咁用個細杯+保鮮紙包住晒,感覺乾淨亦都成日補食物肥牛同豬肉我同佢講左要兩人份量,佢俾左都算多既一碟我,可能因為我地只係兩個女仔,最後食唔晒D牛肉除左肉類之外,飲品有柑桔蜜,銀菊露同好多唔同既汽水,而蔬菜就有唔同既菌類,豆卜,豆腐,菜...值得一提係唐生菜好甜,好好食!海鮮亦都令呢餐值回票價有好多唔同既貝類,包括青口,蜆,九肚魚,魚頭,*生猛*瀨尿蝦,生蝦等等...點解要講到明,*生猛*瀨尿蝦呢?因為夾到上檯既時候,佢地係咁跳落

百銀一鍋是台資公司, 我們看到廣告及OPENRICE, 很特別, 這是一家一人一鍋打邊爐的....從沒有試過~!食物內容不太多說...應有盡有...你想吃什麼都有...如白色生腸, 雞子, 牛柏業呀, 水餃, 魚皮餃, 咩餃都有, 仲有好多好多好多好多, 講唔哂~!!!菜類都係~!!!麵類汽水 + 10蚊任飲看.....什麼食物都有........................... 而肉類...分配得很好...最好的是他會有專人夾給你的.... 牛及黑毛豬真係好味, 不過肥牛太肥...可接受LA~湯底...我吃的是麻辣, 既然一點也不麻也不辣...朋友豬骨湯.......比清湯更清的味道~總括 : $110/人 + 10 汽水 + 1 = 13X蚊埋單...呢個價錢唔可以太高要求, 不過呢個價錢咁多野食比你拎...好好啦....會再與男友到此一吃...(因為2人在外叫得不多, 這邊可以吃自己想吃, 及每份都是一人份量, 很好)值得一贊, 服務員沒有想像中的態度差...他們很好~

在登打士街，不難見到有三家開業不夠一年的食店的大型燈箱，分別是傷心酸辣粉，百銀一鍋和2000yen。在本來想在2000yen 和百銀一鍋二選其一，而對2000yen 的興趣比較大。不過上到二樓的時候，百銀一鍋的店員說2000 yen 沒有位了，想吃2000 yen 可以到佐敦分店，百銀一鍋立即有位。我希望它們是同一個老闆，如不是，這樣搶客未免太過。百銀一鍋的賣點有二，一是有靚豚肉，二就是一人一鍋。湯底有多款選擇，所以點了五款試試，包括咖哩、椰子、蕃茄、牛奶和豬骨。椰子很淡，可以不點，其他的一般啦，不要想會很好，而加的湯是一致，所以到後期每一個湯底的味道是差不多。不要吃墨魚丸，不是變的，味道很奇怪，鹹味比正常吃的高一點。其他的如豬肉丸、貢丸等等也沒有問題。還有一包包的豬面青、滑雞、豆腐、玉子豆腐、牛肉等等。豬面青有如豬頸肉，其他不多說，還可以的。而菜類都是新鮮的。多款肉也在凍櫃內，要專人幫忙才可以要。不過那個專人的態度不太好，而每一次想要多幾片，好像也幾難。是拎得有點難，好在味道也不錯，只好分開幾次拎吧。肥牛真的比較肥，牛味一般，中規中舉。豚肉是好吃的，黑毛豚肉片更好吃，肥瘦適中，肉味甚

本來想去食樓上2000YEN,但係同大家姐商量後都係發覺打邊邊更好,其實之前睇過雜誌想食呢間野好耐,不過一直都無機會,今次終於可以試到我地中午訂即日位都訂到,夜晚去到無人等位,入面全部檯亦都已經留起身俾BOOK左既人,呢點我覺得好好,因為去過好多地方,你BOOK左唔係留張檯俾你,係你去到之後再等第一個走O個張檯,講真,咁我BOOK黎有咩意思,咪又係要等?湯都有好多選擇,有D秋冬系列+$10, 不過我見普通湯都幾有特式,由於前幾日飲左個好鬼死咸既椰子雞湯,今次決定叫個椰子雞湯試下應該咩味,大家姐就保守D叫左個蕃茄傻仔湯,之後就開始拎野食喇,好多野食揀,雞有4-5款,牛又有滑牛肥牛牛粒牛"展",要一提呢度如果想食麵,佢地係一包包出前一丁,生麵皇,粉絲咁放晒O係度俾你成包拎既,另外仲有海鮮同蔬菜,蔬菜我覺得種類太少,因為我搵唔到我愛既娃娃菜 我同大家姐各自出去拎野食之後,問題出現喇! 我地出面花多眼亂左咁耐,揀左咁耐,竟然個湯仲未到 話晒佢都限時兩粒鐘,等湯等十幾分鐘實在有d講唔過去,唯有催催佢,催左三四次終於有湯到喇 食物新鮮真係好食,兩個湯都好鮮甜,實在太正喇,不過呢度加湯係加同

星期六即日下午三點幾bk枱, 都仲bk到=)bk左七點,早15分去到, 滿左6成左右,不過好多枱都有人bk左我同fd兩個人被安排坐四人枱, 初時旁邊冇人坐, 都幾舒服=)點完湯底就出去攞野食, 都幾多選擇=)好大進步呀, 幾個月前來食都仲係用緊發泡膠盒, 今次已經轉晒用可以洗的碟!不過湯底好耐先到, 出去攞左兩轉野食都未有, 有得睇冇得食=(要催先到, 好彩我地食量細, 唔會食得盡兩個鐘,如果唔係就蝕晒俾佢。加$10任飲, 好欣賞佢個銀菊露同柑桔蜜, 雖然色好淡但一飲就知完全冇溝水, 我地成晚都係飲lee兩個, 正! 無謂飲汽水,太易飽啦 叫左「椰子雞」同「粟米忌薕」湯, 前者有椰肉亦幾香椰子味, 後者亦有好多粟米粒, 不過其實加湯都係加清湯, 所以食食下係咩湯都已經冇咩分別。而家講下d火鍋料:雞腎: lee個大讚, 好爽, 又食得出幾新鮮, encore左三次~!雞件: 好可惜係連骨的, 食起上黎有d麻煩。雖然幾滑不過冇雞味。肥牛: 一次有成十幾片, 好香牛味!肥牛粒: lee個仲香牛味,不過有d肥同咬唔開=(豬面青: 個texture係好正, 有咬口, 不過都係冇咩豬味架蜆: 一般

去到係唔洗等位呀但係態度唔係太好囉之後D STAFF又要好串甘問係咪加十蚊任飲我話係我以為要叫d STAFF拎泥(我第一次食,唔知都好應該姐)野食幾多完化間中會有人埋泥幫你汁下D碟仔食左一陣就有人搭木台個感覺好逼同埋個爐開得耐對腳係下面好熱食左個幾鐘就走忍受唔到咁逼既環境我同個FD都覺得百二蚊好抵先揀佢又要限時限刻下次唔想再去

尋日心情唔多靚..諗住同個Best fd食返啲好嘢發洩吓...但喺旺角諗緊食乜..突然諗起話有朋友叫佢去哩度試吓..我都醒起有雜誌都介紹過...咪試吓囉....去到等佢執埋張枱就入得...入到去好大陣"邊爐味"...個塲都full架...由入嚟到坐低講解咗3次收費....一坐低order咗個湯底(沙爹&豬骨)(湯底味道接受..沙爹都幾濃..豬骨一般)(最好係佢係加湯..唔係加水架)...即刻衝去睇吓有咩食啦...種類都唔錯吖...海鮮:海蝦(算新鮮嘅..不過要搶..如果唔係"咋"一聲無哂)....瀨尿蝦...細版魷魚筒...蜆(好味好新鮮)...蠔(算肥美)..魚咁囉....一啲大路嘢囉....丸呀...腸呀...魚皮生根呀...但佢哋啲魚滑好味...肥牛..黑豚(聲稱係)...任攞..(味道質感ok)...仲有啲懶特別嘅"牛脷腸".."磨菇腸"(一般)...仲有都好似有6,7類蔬菜....雲吞(唔好食)...太多lu..記唔哂...雖然飲嘢要加$10...但佢啲配料好足喎...生,炸蒜...x茜...辣椒...仲有好多醬....喺出面要碟炸蒜都要$10啦...哩個價錢接受囉....可