豪園麵家

Open Now

Now Closed

今天经过黄大仙地铁站在线崇山的商场里，发现了这家经济实惠的茶餐厅，过了早餐的时间段，于是我们单点了他们的午市餐，推荐咸蛋蒸肉饼饭，真的是太好吃了，味道一点都不咸，很清淡，很适合小朋友老家人点，很下饭……另外点了星洲炒米，有点咖喱的味道，炒得很入味…点了单点了一个芥兰炒牛肉，好大的一碟，份量很足，价格很实惠…下次有空经过都可以来试一下哦，就在地铁口走四分钟，下次过来打算试试云吞面和别的炒菜，咸蛋肉饼一定会点

約咗屋企人喺黃大仙附近食lunch ，見豪園裝修都幾好，就入咗去食，我哋嗌咗個肉絲炒麵同炸雞扒餐肉蛋飯，肉絲炒麵個面底炸得好乾身，好鬆脆，再淋埋佢哋秘製嘅醬汁喺面頭，撈埋一齊食味道好夾，材料都好充足，眼見都有成十幾塊肉片，同幾條菜心，非常豐盛!另外雞扒扒餐肉蛋飯，個雞扒擦炸得啱啱好，表面金黃，肉質嫩滑，炸完都好多汁喺塊雞扒裏邊，個蛋仲要係太陽蛋，雞扒撈埋蛋漿一齊食，超級惹味!嘢飲我哋仲嗌咗杯柚子蜜同紅豆冰，我好欣賞佢啲紅豆煲得好軟綿綿，唔會太硬，約朋友過嚟下午茶食飯就一流！

黃大仙區的豪園麵家，餐廳內部裝潢整潔舒適，餐廳設有的室外座位，更深得吸煙人士喜愛。鹹蛋蒸肉餅套餐，蒸肉餅肉質新鮮細膩，鹹蛋的鹹香與肉餅的鮮甜完美融合。套餐加油菜$15，有多款油菜選擇，菜芯清脆爽口，綠色的菜芯帶來了清新的自然風味，為餐點增添了一抹亮色。淨水餃，皮薄餡嫩，蝦仁鮮甜彈牙，木耳爽脆，湯汁清甜，瘦肉鮮甜，口感豐富，滿口留香。炒貴刁，河粉軟腍，配料豐富，有午餐肉絲、叉燒絲、蝦仁、韭黃、青紅椒、洋蔥、芽菜的結合，讓每一口都充滿了層次感，自行加上辣椒醬，辣中帶甜，甜中帶香，是一種難以忘懷的美味。紅豆冰，冰涼解渴，紅豆的甜味與冰的清爽相得益彰，是炎炎夏日裡的一抹涼意。可樂，氣泡十足，帶來了一絲刺激的快感，是餐中的完美點綴。

陪表哥去黃大仙拜神，知道現祟山商場有間豪園麵家，炸子雞同雲吞麵都出名好好食，梗係要帶表哥過嚟試吓！餐廳地方簡潔，設有室內外座位。金牌炸子雞半隻：即叫即炸，金黃色的皮炸得佷香脆，雞肉嫩滑有雞味。配白飯和例湯今日例湯是冬瓜薏米豬骨湯，夠火喉，味道香甜。炒貴叼：河粉加上蝦肉、爽口豆芽、叉燒和雞蛋等炒成，好夠穫氣，吃起來不但香辣惹味，味道層次亦較為豐富。雲吞麵：麵條彈牙、湯底鮮甜；雲吞皮薄，餡料飽滿新鮮，蝦肉和豬肉比例良好，爽口味鮮。

豪園麵家是一間中式小菜及茶餐廳匯聚的餐廳。我和朋友選了兩個小菜。首先是他們的黑椒薯仔牛柳粒。這道菜的黑椒微辣醒胃，讓人胃口大開。薯仔顯然經過煎過才炒，使其外皮微脆內部綿軟，口感十足而且薯仔內裏夠粉。少量的蔥提供了些許清爽的風味。牛柳則口感彈牙，整體口感不錯。另一道是咕嚕雞球。這道菜搭配了紫洋蔥和青椒，增添了色彩和口感。雞球無骨，每一口都充滿著肉汁，菠蘿的酸甜味道與雞球完美結合，。這兩道小菜都附送了例湯和白飯。白飯口感軟綿，與菜品搭配得當。例湯清淡，沒有味精的味道，經典的紅蘿蔔湯滋潤著喉嚨。在飲品方面，凍檸檬茶具濃厚的紅茶底搭配新鮮的檸檬，是一杯正常消暑解渴的飲品。

上星期去食叫左兩碗野，首先落單已落錯，要河粉黎左麵。加豬手，但廚房岀漏。改完之後，侍應阿姐態度麻麻地，咦咦哦哦話唔關自己事，咁我做顧客，唔通個粉麵有問題仲要同你搵返落單阿姐對話咩，加上其實我都冇怪責成份，十分平靜咁叫佢幫我跟進。但阿姐態度反而令我不滿，好似係我嘅錯咁！咁你廚房岀漏豬手唔通我入埋廚房講咩！另外，舖內有一位沒穿制服但幫忙抹枱的女士，我唔知佢咩人，懷疑是老闆娘。眼神陰深，動作怪異，令人不安。。。雖然店裡的人有問題，但我覺得佢嘅食物質素係Ok嘅。如果唔怕落錯單，岀漏單，可以去試下嘅，我就覺得食得唔係幾暢快囉。

本地麵粉都是我的喜好，今晚去了黃大仙，快食晚餐，所以去左豪園麵家📍首先點左鮮茄斑腩飯🍚斑腩啖啖肉，再加上茄香濃郁，十分開胃🍅-朋友點左紫菜四寶河粉🍜紫菜量多四寶包括有墨丸、魚蛋，牛丸及魚皮餃，加配菜心，正常發擇！-最後點左蠔仔肉碎粥🥣蠔仔份量多，粥品帶有蠔香，港式口味😁-飲品就點左凍檸茶，凍檸水，正常茶餐廳配備的！ 可惜今次係晚巿時段，所以無機會試到西多士等下午茶食物⚠️位置要花少少時間搵‼️

位於黃大仙現崇山嘅❣︎豪園麵家❣︎由黃大仙徒置屋邨創立嘅小檔口，經過多年唔同嘅經營，就到而家主打港式美食嘅茶餐廳，呢到仲設有戶外座位，裝修簡約舒服，牆身仲有一幅獅子山嘅畫，我細個喺黃大仙住，望到特別有感覺💜呢到啲野好好食，服務招呼都唔錯，最緊要性價比高👍🏻超推薦比大家🫶🏻❣︎雲吞麵❣︎(下午茶)$43好少喺茶餐廳地方食到噤好食嘅雲吞麵，原來呢到嘅湯底最少熬足5個鐘，雲吞皮薄餡料足😋啲鮮蝦好大隻👍🏻麵質爽彈有蛋香。❣︎芥蘭❣︎（套餐)+$15芥蘭好新鮮👍🏻柔嫩鮮美，蠔油係成支另上👍🏻超貼心，我鍾意噤樣，食幾多落幾多，唔好浪費。❣︎羅漢齋炒麵❣︎$66材料好豐富👍🏻幾乎鋪滿成隻碟，炒得好有鑊氣，味道均勻。❣︎西多士❣︎（下午茶）$35必食推介😋麵包炸得香脆，個內餡係搽左粗粒花生醬😋👍🏻好有咬口，加埋牛油同糖漿，超邪惡🙈但又真係冇法抗拒。❣︎紅豆冰❣︎跟餐+$6紅豆大大粒😍有少少煲到起沙👍🏻夠淋好好食，又夠甜，紅豆冰配西多士，呢個下午茶組合簡直係絕配。

昨天跟朋友們行完了斧山順便來之前訂好位置的這家店，試了一下味道還行吧，牛肉和蠔仔都是新鮮的，唯一的美中不足就是有菇混在菜里這個我吃不慣哈，但是沒有覺得店不好的意思！然後記得要帶現金或者八達通，因為不能用香港的微信和信用卡付款哦！

同同事行山之前，喺黃大仙附近搵地方食晏。就走咗過嚟呢邊，睇吓有啲咩快靚正嘅嘢可以食完即刻起行。快靚正嘅話莫過於茶餐廳。入到嚟嘅時候睇見個餐牌，本來係食牛腩粉，但係佢餐牌實在太多選擇花多眼亂，最後揀咗類似特餐嘅嘢。同事就健康少少叫咗個薑絲牛肉。我就叫咗個煎雞扒通粉，配薯條雞翼個雞扒煎得幾脆，但係冇底味。個雞翼都係，但係個外皮炸得脆脆實在太邪惡。好少茶餐廳仲有沙律，因為好怕佢會生水又唔襟擺。最正嘅係佢有波浪形嘅薯條，就好似細個食茶記嘅時候嘅雞髀薯條咁，另外見佢塊多士看得咁脆，就忍唔住加咗少少砂糖上去食真係邪惡到嘔，食飽飽之後就上山還債！下次先嚟試番佢個牛腩粉。

難得呢兩個星期工作無特別安排，梗係要花啲時間關顧吓屋企兩老🤭 一早諗定呢晚一齊去食韓式辣豆腐鍋嘅我，臨收工收先到老媽子嘅指令，話老竇要求轉軚😅 要食返啲地度風味喎‼️一向順得人嘅我，梗係就晒佢啦🤭🤭原來老竇呢晚係想嚟「豪園麵家」食佢至愛嘅 #雲吞麵 😏 餐廳以全落地玻璃設計，望落去地方都幾闊絡。#豪園麵家 對 #黃大仙街坊 嚟講應該唔會陌生，菜式都以港人口味為主！除咗 #雲吞麵食，佢哋嘅 #小菜 聽講都唔錯🤤 呢晚老竇點咗 #味菜炒豬肚、#枝竹豆腐斑腩煲 做主食😅 一向對 #家鄉餸 冇乜興趣嘅我，居然都比佢哋嘅菜式吸引住，爽口嘅豬肚配少許味菜一齊入口，估唔到又幾惹味🤤 熱辣辣嘅斑腩煲鋪上嫩滑嘅豆腐，味道辣辣地，啱晒兩老嘅口味🤤 至於佢哋嘅 #雲吞 當然冇得輸，一口咬落去大大隻蝦仁，跟方魚碎調味嘅湯底混埋一齊，特別滋味🤤最後要提一提跟餐嘅 #例湯 #清補涼煲豬肉，足料之餘，仲好鮮甜！所以話呢，要食好嘢，未必一定要去五星級酒店，#小店其實都有佢嘅獨特風味㗎🤤🤤🤤📍 豪園麵家 (黃大仙) 睦鄰街8號現崇山商場地下21號舖

晨早流流喺黃大仙打完波，同波友一齊嚟食早餐，整體感覺都唔錯座位算幾多街坊生意，店員都好友善，有唔少熟客日出餐😂😂係日本版出前一丁香茅豬扒，厚身，香口👍🏼👍🏼加錢可以餐包轉菠蘿包，啱晒為食嘅人😎😎西式大餐俾佢嘅鮮油咖吔多士吸引，所以揀咗依一個餐☺️☺️可以配吉列魚柳，估唔到有兩大舊！超滿足！仲有薯餅，煙肉，夠晒豐富，做完運動，食餐好啲嘅早餐，係應該既😆😆鮮油好厚，正！波友就揀咗自由配搭嘅粉面，薑汁牛肉+叉燒，份量好多，好大堆頭👍🏼👍🏼想簡簡單單食個早餐，又或者食得豐富啲，都係唔錯嘅選擇，起碼座位舒適，又乾淨

有時啲朋友想傾吓偈就會過嚟，貪佢啲嘢好食，性價比都算高，佢個乳鴿好好食可惜今日冇貨，經店員介紹吓叫左炸子雞：炸得好脆，亦都唔會太老，黑椒薯仔牛柳粒：今日比平時更有水準，外脆內軟，沙嗲牛肉炒芥蘭：下次要book mark唔好叫佢，一堆醬，亦都冇炒嗰種鑊氣。到第二轉，唔知係咪因為臨收工，我哋叫咗小炒王：韭菜花好嫩口，配菜好食，腰果份量合適，乾炒牛河：欣賞佢油唔算多，鑊氣爭少少，但係真係太淡。豉油王鵝腸：啲脂肪已經起晒，食落去口感很好，但係嗰個豉油王嘅味道有少少似滾水開稀咗。乾炒牛河同豉油王鵝腸個味道都好淡。感覺唔係同一個師傅整，回憶返以往臨收工叫嘅嘢食味道都會有少少分別架，建議大家早少少嗌定晒要嘅嘢。環境方面，好欣賞佢哋佢哋有人情味，我哋今日一行三人，叫咗兩個有跟湯同飯嘅餸，佢見我哋有三個人都得咗三碗湯俾我哋，同埋佢哋唔趕客。

豪園麵家位置雖然有點隱蔽，但也是地鐵能直達的地方，最值得推薦的是豪園麵家每道菜的鑊氣十足味道出色，家人吃過都讚不絕口。豪園小炒皇 $103韭菜花，蝦乾，菜譜，魷魚，腰果，青椒等食材經過巧妙的烹飪結合在一起。你可以品嚐到蔬菜的清脆，海鮮的鮮甜，每一口都有不同口感。辣度掌握得非常恰到好處。辣味能夠增添菜品的風味，但不會過於刺激，整到菜具有鮮香、口感豐富、適度的辣度和突出的鮮味，非常不錯。乾炒牛河 $66以彈牙的河粉為基底，搭配嫩滑的牛肉片和新鮮的蔬菜，經過熱炒後散發出誘人的香氣。河粉的口感柔軟順滑，牛肉片則鮮嫩多汁，兩者的結合令人愛不釋口。乾炒牛河炒得恰到好處，每一口都能品嚐到食材的原汁原味，而且調味恰到好處，沒有過分的油膩感。炸一字骨雞翼（鹹蛋黃味）$88以鹹蛋黃為調味料，經過炸製後，雞翼外皮酥脆，內部肉質嫩滑。鹹蛋黃的風味與雞肉完美結合，帶來一種豐富的口味層次。每一口都能品嚐到鹹蛋黃的濃郁和雞肉的鮮嫩，這道菜絕對是雞翅愛好者的不二之選。

這晚，走到位於現崇山的豪園麵家吃晚飯。餐廳的椅子設計用心，獅子山剪影令人印象深刻。食物選擇甚多，既有炒粉麵飯，亦有小菜供應，也可以選擇戶外火鍋，各適其適。我們選擇了精選二人套餐B。半隻金牌炸子雞，火候控制得恰到好處，外層香脆，雞肉嫩滑，食過返尋味。蒸肉餅可以選擇鹹蛋或者土魷，我們選擇了後者。香氣四溢，肥瘦均勻，伴着白飯享用，一流享受。套餐奉送絲苗白飯及老火例湯，當晚是清補涼紅蘿蔔粟米湯，味道清甜。清炒時菜是菜心，煮得軟腍。