Hugo Cafe

Open Now

Now Closed

陪個朋友去補領身分證喺附近諗住搵間西餐食🍴🍽☕️🍶喺駿景廣場搵咗呢間Hugo Cafe裏面嘅環境裝修同氣氛都好正好grand既feel 就試一試佢！坐低 店員即刻俾咗兩杯暖水Lunch Menu朋友叫咗個豬柳配紅酒燒汁薯蓉我就叫咗個紐西蘭牛柳配燒汁薯蓉餐湯係忌廉南瓜湯餐飲一杯係熱朱古力鮮奶咖啡 ☕️一杯係熱即磨咖啡餐飲正正常常講左豬柳先 我偷朋友嗰塊豬扒食肉質實正好味 啲菜蔬我哋都食晒一開始以為係罐頭菜蔬或者hea上既菜蔬食食下又覺得幾唔錯🤣我嗰份紐西蘭牛柳叫咗五成熟好好味😋全部都冇牛筋啖啖肉🙈🤪J.E.N.G 😳南瓜湯好飲 磨到好似南瓜蓉咁樣有大概六至八款嘅蛋糕賣原本想試但係最後太飽冇食到下次再食😭

禁晚市堂食措施開始，我們想相約食飯，如想外出食而又夾到時間，早放工日子唯有近五時左右開始火炭是我們放工時的一個經過點。今次我哋去Hugo cafe食個提前在五時的晚餐🤣胡麻汁雞肉牛油果沙律$108沙律菜新鮮，牛油果份量好多，成熟度剛剛好，充滿果香。胡麻汁同埋雞肉配搭得好好。香煎鵝肝多士$88多士本身好香脆，鵝肝味道都幾濃郁，入口即溶。風味辣肉腸薄餅$138薄餅本身嘅麵粉味好香，上邊嘅材料都好充足，辣肉腸味道濃郁。雜菌雞柳淡黑椒汁炒意粉$118雜菌炒得不錯，菇菌嘅香氣幾出，雞肉都嫩滑，加上淡淡嘅黑椒汁連埋意粉食感覺不錯

今日諗住同朋友食個悠閒嘅午餐想傾下計 咁朋友就介紹去火炭呢間Hugo Cafe 一入到去環境真係幾好 坐得好舒服 坐低之後店員就同我哋介紹今日有咩食 好好服務態度👍🏻 特別一提 今日凍凍地 一坐低佢就比左杯暖水 好溫暖☺️ 揀好嘢食 餐前包同餐湯好快就黎到啦😊今日餐湯係蘑菇湯 好香 餐包都係暖暖的 搽埋牛油溶左好好味😋 Lunch set扒帆立貝黑松露意大利飯 $98 一上枱已經好香黑松露味 意大利飯軟硬度煮得啱啱好 個汁都好好味😋 同埋佢既帆立貝足足有5粒 如果冇數錯🙈 仲要係爽口嘅 好足料呀👍🏻 巴馬火腿煙三文魚薄餅 $158加餐湯同餐包 +$30Pizza熱辣辣 芝士超級多 仲有拉絲好邪惡呀😍 Parma ham同煙三文魚都好足料 薄餅唔係最薄脆果隻底 都有少少法包感覺都有咬口 好味😋 仲有芝士粉呀😍 Cappuccino 2杯 +$10跟餐係有配咖啡或茶 但今日想飲cappuccino 正常發揮😌 整體來講 Hugo Cafe環境舒適 服務態度好 食下野飲下咖啡慢活下 都係個唔錯嘅選擇 我同朋友真係過咗一個悠閒嘅下午呀😌

同朋友想揾個地方食飯傾下計 揾揾下揾到呢間Cafe~雖然只係一個細細嘅屋苑商場但估唔到會有一間幾別緻嘅Cafe☕️淨係Lunch Menu都有3張！飯意粉Burger AllDayBreakfast 都有～ 真係揀到選擇困難🤣部分Lunch Set可以揀配飯、意粉或者薯菜，薯菜係薯角～我同朋友都揀左薯角～同朋友分別叫左扒英國豬柳配香草燒汁，配羅宋湯，同埋扒紐西蘭肉眼扒配燒汁，配沙律。首先讚一讚餐廳環境，裝修光猛整齊，座位都好舒服，用雲石枱打卡都特別靚🤣 店員仲會主動預備兩杯水比客人~麵包有兩款 一個係蒜蓉多士 另一個係揸牛油式嘅軟包～影完張相先食個多士都仲暖！好難得套餐送嘅麵包會係又脆又暖嘅多士，誠意十足！另外個麵包個樣望落去好似好硬咁，點知一食落去好有驚喜，係好軟熟好香麥味嘅麵包！沙律配嘅係胡麻醬，沙律菜配埋少少水果🥭感覺好清新～ 羅宋湯入面都會食到蔬菜同埋肉~係材料豐富嘅羅宋湯！扒英國豬柳配香草燒汁豬柳一啲都唔「鞋」！有肥有瘦啱啱好～扒紐西蘭肉眼扒配燒汁一去到見到有兩塊唔細嘅扒我同朋友都嚇左一跳🤣份量十足我地叫左7成熟，一樣係有少少脂肪嘅扒！肉質一啲都唔「鞋」，好juicy~~兩個餐

聖誕假期，去到位於火炭駿景園樓下商場的Hugo Cafe食午飯。當日人流不算太多，無需輪候，已可入座。餐廳提供西式、日式套餐，另外還有單點食物 可以選擇。是日餐湯椰菜花湯，味道清甜。精選沙律用料和顏色也很豐富，香甜爽口。餐包熱烘烘的，口感煙韌，配合牛油，香味更加突出。扒紐西蘭肉眼扒配燒汁，肉眼扒五成熟，煎得外脆內軟，肉質鮮嫩，配合肉汁調味，更加惹味。薯條炸得香脆，配合蔬菜，平衡健康。扒大蝦羅勒番茄醬扁意粉，大蝦鮮味一流，肉質爽甜。扁意粉軟硬適中。羅勒番茄醬味道恰到好處，令人食指大動。飲品分別是caramel latte和Hazelnut latte，咖啡香氣四溢，甜度剛剛好，不需額外調味。

今晚六點後又禁堂食兩個星期啦,約咗成年冇見嘅朋友係禁堂食前終可一聚啦!由火炭站行過去,吾使十分鐘路程,算方便嘅!餐廳吾算好大,但開陽,座位間空間感够。到步時見到侍應小姐用消毒液清潔剛用膳完嘅檯凳,令人安心又放心。餐牌菜式有套餐、小食、薄餅、扒類、意大利麵同飯等,選擇都吾少!我哋點咗惹味香草炸雞翼黑松露雜菌薄餅餐(加$30有埋餐包、餐湯)套餐B龍蝦牛油汁海鮮扁意粉🥖🥣蒜香味濃、脆口加和暖嘅多士,同幼滑有口感嘅野菌濃湯,好match!🍖🥗雞翼炸到金黃惹味,配搭新鮮沙律,清新解油膩!🥘🍕蘑菇的味道Pizza餅底鬆軟,上面除咗有多種雜菌、彩椒絲、車喱茄、洋蔥、芝士外,仲有吾少鹹香黑松露鋪面,材料相當豐富!🍤🍝大廚師好大方,海鮮份量相當多,帶子軟嫩,大蝦爽口彈牙,蜆肉新鮮,加上彩椒絲獨特香味,令龍蝦牛油汁煮出嘅扁意粉味道再提升!最後套餐B加$10,升級點咗杯Hazelnut Latte,另外以優惠價$15點咗杯橙汁。我哋食到開心又滿足。

位於馬場站附近既Hugo Cafe，位置唔算十分方便，但勝在靜靜地可以傾下計。一坐低，侍應姐姐知道天氣凍，就俾咗兩杯暖水我地，跟住再簡單講有咩signature餐湯 - 周打蜆湯餐湯係周打蜆湯，初時以為無咩特別，只係一個普通餐湯，一飲就發現材料十足，仲有埋蝦添，估唔到跟餐既餐湯會用咁多材料。蒜蓉多士多士搽滿牛油同蒜蓉，再拎入焗爐焗一焗，配埋周打蜆湯，非常絕配。烤紐西蘭羊鞍扒配蜜糖芥末汁 $198羊鞍扒煮得啱啱好，血色唔會太紅，肉又唔會韌，同埋配既薯菜有薯角、秋葵、車厘茄，營養價值好高。巴馬火腿煙三文魚薄餅 $188Pizza我地轉咗跟餐，所以加咗$30配埋湯同飲品，芝士唔會太多，亦唔會太少，拿捏得啱啱好，而巴馬火腿薄餅味道比較濃，建議食咗煙三文魚pizza先，咁可以由淡味食到濃味，更容易食到兩種唔同既味道。惹味香草炸雞翼 $58雞翼炸完後，加咗調味粉，另外再配上沙律。食完之後仲有餐飲，我地揀咗熱檸水同凍檸茶。P.S. 餐廳9點鐘閂門，我地食到過晒鐘，老闆娘好好人，無趕我地走，仲叫我地慢慢食唔洗心急。

網上見到評價不錯的西餐廳位於火炭，今天剛於火炭左近，就決定專程去試一下。從外觀看，餐廳不大，而入內就發覺座位寬敞和有一點意大利風味。餐牌菜式選擇唔算多，但也頗為吸引。經服務員介紹之下，我倆就各自選了套餐的龍蝦濃湯配肉眼牛扒和野菌濃湯配香煎龍脷魚。首先送上香脆蒜蓉包，用嚟送龍蝦湯和野菌湯就最啱。龍蝦湯有香濃嘅龍蝦味更加有龍蝦肉，而野菌湯就有唔同嘅野菌味道亦都好香濃。輪到主菜嘅原條龍利魚配文也汁和香煎鵝肝配澳洲肉眼扒，龍脷魚煎得外脆內軟還有肉汁保留，加上文也汁味道可口；至於鵝肝雖然細一點，但也煎得外脆內軟，而七成熟嘅牛扒煎得剛剛好，香脆嘅外表包著粉紅色嘅肉，咬落又淋又滑重有肉汁；配菜方面就有薯條，粟米同埋秋葵仲有蕃茄都係不錯嘅配搭。食完再嚟一杯咖啡，雖然唔係手沖但也算香濃，自己再加點了一份美式芝士蛋糕，為今晚這一餐劃上完美的句號。

係人都知道火炭係工廠地區所以平時想食好嘢都有啲難度想食好嘢唯有行遠啲去駿景園既Hugo cafe同朋友一樣要一份我叫咗個鵝肝澳洲肉眼牛扒套餐$228而朋友就叫咗楊安扒配蜜糖芥末汁套餐$198首先講一講個湯我個餐係跟龍蝦湯湯有龍蝦味 但可能開得太多水所以相對有少少稀不過都係唔錯至於朋友就係紅菜頭湯平時好少食紅菜頭但係知道係一個健康嘅選擇至於包有唔同嘅味我試咗芝麻味 而朋友試咗原味個包幾好唔錯好快就上咗正餐先講一講羊肉份量都幾多 亦都唔會好大陣蘇味欣賞呢度嘅配菜有菠菜同埋有菇令到成件事感覺上更加健康另外再配左意粉就算男仔食都一定夠飽而我呢個係鵝肝再加牛扒我剛煎得好香 牛扒都好香牛味同軟熟同樣地有菠菜同菇好好而我係叫咗薯菜所以係跟薯條食完正餐叫咗個朱古力蛋糕呢個蛋糕唔會好甜亦都唔會有苦澀味好好食難得喺火炭區都可以食到好嘢不過就唔係幾近地鐵站 行遠少少都值得嘅

火炭區一向係美食沙漠，最近去駿景廣場Fusion買嘢嘅時候，見到間Cafe裝修幾靚，就決定一試。Hugo Cafe睇落好明亮，白燈黃燈互相配合，燈光明亮中帶點柔和，感覺溫馨中午時間有Lunch Set，有7款選擇，另外有一份餐牌就係單點菜式，選擇多元化，飯，意粉，肉類，薄餅都有提供，今次就叫左紐西蘭肉眼扒配燒汁＆香煎海鱸魚柳配芥末忌廉汁，飲品就點咗熱焦糖咖啡＆凍檸檬茶首先會先上餐湯及麵包，紅菜頭湯口感幼滑，作為前菜嘅麵包多數都凍同唔好食，但呢間Cafe嘅麵包好有驚喜，熱辣辣蒜茸包香味濃郁，餐包鬆軟香甜，同紅菜頭湯好夾，單食同點餐湯麵係系好嘅選擇主菜製作需時，証明係即叫即整，好有誠意。有自己煎過牛扒嘅，都知道牛扒真係好難煎得好食，但呢個牛扒大大塊，外脆內軟，由於牛扒份量十足，建議搭配薯菜，而海鱸魚同芥末忌廉汁同意粉好夾。值得一提嘅係配菜方面都有有心，有脆肉瓜、磨菇、紅蘿蔔等，炒得好好食，唔係平時見開嘅雪藏豆飲品都唔錯，整體來講，真係火炭區難得嘅美食

之前食過下午茶依間餐廳不錯，我朋友生日唸住同佢來食個生日lunch，睇完餐牌其實有點兒貴，我心唸應該吾會差得好遠，然後入左去食，一個set lunch由$88至$138, 我地点左4個餐，个碟蒜蓉意粉细碟又冇乜材料，唸住黑毛豬同雞扒好d，点知O咀，细碟都算，超硬雞扒，收我$108, 仲衰過下午茶，我寧願去普通餐廳仲好味過佢，後悔不已，冇下次，total 埋单加一要$453,crazy.....記住請三思才去，

心血來潮好想食西餐，早兩日响依度食咗個下午茶卡邦尼意粉，出乎我意料嘅好食。今日同細佬再幫襯食晚餐，維持住高水準。今晚好早肚餓，決定食個early dinner，6點就去食，晚餐嚟講算係好早，所以餐廳唔多人，不過到到走時7點幾都已經開始多人。叫完餐之後上餐湯同包，本來諗住平平無奇所以無影相，但估唔到個南瓜湯幾好飲。南瓜湯好熱，味道比較清，但係又有南瓜嘅甜味，飲完我已經期待緊個main dish。細佬個餐配龍蝦湯，我自己唔太鍾意食海鮮，所以對龍蝦無話特別鍾意，偷咗一啖嚟飲，味道幾濃，鍾意龍蝦湯嘅人應該會幾鍾意。我叫咗個士多啤梨白毛豬背骨，一人份量嚟講算偏大份。好鍾意佢個燒士多啤梨汁，甜甜哋配個豬背骨，意外地好夾。成個豬背骨大概可以切成五條，我食咗三條其實都飽咗七八成，另兩條份咗俾細佬，我估男士食份量應該啱啱好。美中不足係配菜嘅薯角唔夠，我個人極極極鍾意食薯條薯塊薯角，如果再多少少薯角就大滿足了。細佬食嘅係煎鵝肝配澳洲肉眼牛扒，牛扒五成熟。我試咗一啖牛扒同鵝肝，我覺得牛扒有少少太熟，再raw啲淋啲會更好食。鵝肝煎得好香，入口即化，個鵝肝整得好好食。最後餐茶，各自要咗熱咖啡同凍檸茶，無咩特別。

先講重點。講真啦，起初覺得食塊咖哩吉豬要成舊水會唔會太貴、值唔值得。但係最後忍唔住，為左試下會唔會真係值得咁貴塊去食塊豬，可以有個味覺既衝擊，行左入去試。行到門口 叫1位啊～OMG服務員好有禮貌、面帶笑容、熱情奔放咁，招呼我入座 落單。開頭有個餐包仔同一碗菇湯，還不錯。直到塊豬排到我面前～我的天啊，塊豬睇落會唔會太靚啊😣當我食第一淡。（sugoi) 金黃色外跪既皮 咬落去 融入埋皮下內軟入口即融既肉 一流啊 加上有日式咖哩既味 配合埋 一個字 正 🤤 最後有杯幾好飲既朱古力飲下 我朱古力比4星 差1星 原因 係因為⋯唔講 總之成個餐程 都比人覺得好滿足

朋友話係網上見到間Homemade cafe既野食好吸引，於是放工就拉埋我黎到火炭區搵食，餐廳坐落商場之內，人煙比較晞少，感覺舒服、寧靜。入到餐廳內，睇完meau,覺得二人晚餐都唔錯，於是我地叫Set。法式小餐飽配牛油好快就送上，龍蝦湯同黑松露忌廉湯跟住湯隨後上枱，小餐飽一睇就知是自家製作，兩個款式有些不同，面頭有點微燶，我果個咬落有些淡淡的蕃茄味道，味道特別，朋友果個就話好有麥味。湯方面: 龍蝦湯帶點驚喜，味道濃郁，當中仲有龍蝦粒，雖然份量只係得幾粒，但相比出面其它地方，感覺用料真的好足完全唔會慳,另一個黑松露忌廉湯，朋友一畢起巳見好多黑松露係底部，加上磨菇蓉，朋友話哩個唔係湯係蓉。到大蝦芒果沙律出場，裡面有新鮮芒果肉、大蝦、彩椒、紫椰菜、車厘茄、沙律菜等，色彩繽紛，一點都不馬夫，我即刻夾黎食，原來仲有黑醋汁混左係當中，酸甜爽口，非常醒胃，大蝦仲煎到金黃色，蝦肉彈牙。差不多食完沙律時，巴馬火腿配火剪菜Pizza都出場了，非常吸引，咬落Parma ham好新鮮，唔會韌，簡單配合埋芝士同蕃茄醬，巳經好好味。最後出場係香噴噴的卡邦尼意粉，香味香到我同朋友都要即刻放低手上塊Pizza食下先，

位於火炭駿景園廣場的Hugo Cafe交通並不是太方便，從東鐵火炭站C出口行路過去約要7-8分鐘。 但餐廳的食品口碑好、環境舒適、價錢實際，值得一試！我們二人點了兩個晚餐，並加了$20元從是日餐湯改為龍蝦湯。附上溫暖鬆脆的麵包，喝一口湯，就感覺龍蝦味非常濃郁，更有啖啖的蝦肉在湯內，無比鮮甜，非常好味！美國安格斯西冷牛扒比較薄身，勝在份量大，外皮烤得微焦、內裏肉汁豐腴、牛味十足，吃起來有點嚼勁，不錯！ 還細心用木棒標註熟成程度。燒士多啤梨西班牙白毛豬背骨完全是優質化的肋條，與別不同！ 吃起來滿有士多啤梨的香味，豬肉非常香滑軟綿，燒烤得非常入味，值得推薦！隨後附送凍咖啡及檸茶，一般般沒什特別，甜度可以行添加。 雖然餐廳面積不是很大，但燈光柔和、簡潔衛生，坐得十分舒適，服務員態度殷勤有禮，不失為一個聚腳享用美食的好地方！