曉廚軒香港風味 (Closed)

銅鑼灣軒尼詩大廈入面有個隱世food court, 雖然係由food republic主理, 但每次黃昏時間去都唔多人, 好易搵位咁水靜鵝飛, 難怪個food court都要搞d印花優惠, 食滿3次$40就有$10 cash coupon我之前已經嚟呢個food court食左兩次, 一次食韓國野, 一次食星馬野, 兩次都唔好食,不過反正只差一次就有coupon, 見呢間又幾多好評, 所以就嚟試下見到晚餐嘅set有唔同配搭, 主要都係 盅飯 and/or 點心 and/or 菜印象中盅飯有大約5款選擇, 點心就有十幾款~唔想食咁多飯, 所以揀左"兩個點心+菜"嘅set, 價錢係$48包杯飲品首先揀左個四寶淮山雞扎, 因為見到"淮山"呢兩隻字即刻感覺健康原本仲諗緊第二款點心揀咩, d店員就力推我點蝦餃平時係茶樓食蝦餃, 唔係特點都係大點, 咁抵食, 就一於聽佢地建議啦~菜就係蒜蓉炒菜心 (原本仲以為係油菜, 想叫全走...)叫左野食之後, 佢會俾張飛你去飲品counter換野飲, 同埋有個裝置話你知幾時拎得野食, 我保持我一向嘅健康習慣, 去飲品counter叫左杯熱檸水因為我坐得近曉廚

紫砂盅燉湯今晚重出江湖喇，梗係要 order 啦！熱到攞唔到上手，好采廚房哥哥用布幫我放係拓盤度啫。記得以前用大盅架喎，賣 $60 蚊，依定轉左用細盅賣 $30 有找，如果跟蒸飯只係 $20 添，勁抵飲！原盅淮山杞子螺頭燉雞湯，個盅勁辣手呢！開呀，香氣同白煙緩緩上升，索一索舒筋活絡、聞一聞精神爽利！特濃雞湯味道滲著微微海味既咸香，湯汁清徹有光澤，足料燉湯無得輸。湯汁濃郁帶少少漿力，甜美非常，螺頭既清香留係齒縫間久久不散！舌頭不停地打轉，細嚐每一滴精華！就算湯渣都好好味，螺頭彈彈既質地，而且仍然螺味十足。雞腳超腍滑溜又膠口，輕輕一啜即刻骨肉分離直衝肚底。豉椒鳳爪排骨飯，幾次黎幫襯都賣晒，實在搶手！今晚有口福，終於都捕獲喇！香噴噴既飯香撈上清甜既自家豉油，包裹著軟棉多汁排骨肉齊齊掉進口中，輕輕咀嚼著，香甜味美混為一體，好滿足啊！嘆完幾口原味快感後，再撈埋我最喜愛的自家香辣辣椒油，惹味中帶點震撼，根本美味！乾爽嚥韌飯粒、啖啖肉嫩滑入味排骨、清香不嗆不澀靚豉油，無得頂啦！黑松露醬燒賣，早前試過蟹籽燒賣美味極致，依家只係換上黑松露醬啫，品質保證，絕無問題。豪氣地成粒啪！蝦爽肉彈，口感實在唔會散筲

兩口子做完運動醫醫肚就趕緊返去休息，好睏喇！再次黎到曉廚，最緊要快靚正又抵食。除左位收銀叔叔外全部師傅都係新面孔噃，outlook 比上一代 young 好多，唔知出品如何呢？叫兩個餐有點心有飯有菜有野飲，再散叫多個盅頭飯，$130 有找？係銅鑼灣區抵食到出奇，加 $18 蚊有埋紫砂燉湯添，但依家都差不多九點半，賣晒嚕，無緣，失望。調味醬料都好齊全，我要自家甜豉油、自家辣椒油、豆瓣醬夠晒。甜豉油撈蒸飯，再撈埋辣椒渣超惹味！豆瓣醬、自家辣椒油配蝦餃、燒賣或潮州粉果同樣出色。肚餓到打晒鼓，立即起動，我唔客氣喇！即炒蒜蓉菜芯，菜芯堅靚，潮州粉麵舖無得比！即炒勁有鑊氣，香噴噴送到。炸蒜好香口，菜芯翠綠爽甜，充滿水份，忍唔住一綑綑咁塞入口，正到爆！蟹籽燒賣，冒住煙出場，氣勢都贏左大半啦！顏色鮮明奪目，賣相討好，見到已經流晒口水！燒賣係我最鍾意既點心之一，因為啖啖肉囉！無須猶豫，成粒啪入口，頓時爆汁！質地結實充滿肉汁，真材實料，仲帶淡淡蟹籽清香，回味無窮。水晶蝦餃，即叫即蒸無得輸！時間拿捏得好，唔會蒸到溶溶爛爛。蝦仁鮮爽加上筍尖更爽，味道剛剛好又 juicy，兩個爽，好味。蜜汁叉燒包，好彈手又暖笠

一個餐($48)包一個飯同一款點心。飯係酒樓盅飯份量，無點心係一定唔飽，大食既我，擔心一盅點心唔夠，最後決定加錢加多盅點心。北菇滑雞飯係真係幾滑，伙記無推介錯。咖喱魷魚就不過不失啦，本身都唔難整得好食既，唔會好辣，啱香港人口味。薑汁糕薑汁味都夠，幾好趙又襟飽，係底部蒸時吸水較多，相對林少少姐。好想讚下呢度既伙記，伙記見我論論盡盡豉油都唔記得加餐具都唔記得攞時既時候好好心咁提下我。

減磅減磅！由朝到晚只係飲左支豆漿、大大碗蕃茄豆腐魚湯乍，操完拳好肚餓呀！太肚餓食左先講，減磅都唔理喇，最多聽日操返多啲。衝去最近既大代開餐啦，差不多 21:40 先到步，間間舖都收緊檔喇，好采曉廚仲有野食啫。一個人食一盅飯、一碟菜再加四個點心唔係好過份啫，唔食飽邊有氣力減肥呀！哈哈。金蒜蒸排骨飯，新野喎！豉椒蒸排骨飯就食得多，梗係要試啦。嘩！大量金色蒜蓉勁香口呀，比我上次黎食既豉椒排骨飯更惹味，一啖接一啖停不了！加上啖啖肉既香甜排骨、清爽甜豉油，幾分鐘完全纖滅！即炒蒜蓉菜芯白菜仔，非常有鑊氣，熱辣辣上枱，並唔係一早炒定再夾出黎嗰啲油淋淋冷冰冰凍菜呀！好鮮甜爽口多汁，超嫩呀！滿分！高湯鮮竹卷，紫砂砵仔噃，好少見。外觀平平無奇，最緊要快，整條啪入口，濃郁肉汁係口內爆發！裡面熱騰騰架，餡料無我最討厭既芹菜，只有彈牙肉鬆，啱晒。滑溜腐皮索盡高湯、肉汁，堅正！美味到不得了，連食三大條，好幸福啊。豉汁蒸鳳爪，大路無咩特別，合格。客家煎魚餅，魚肉好有鮮味，只係塊蛋皮乾晒有點硬，都放左段時間，淋上甜豉油味道幾好。錦滷炸雲吞，突然間想食，但差不多收檔，都無咩點心可以揀喇，好采師傅話可以即刻炸比我，麻煩您

突然其來的生日晚飯，8 個傻佬係銅鑼灣點搵位呀！無需奢侈，衝上大代搏一搏，好多位喎，黎個長桌會議啦！大伙們投票，決定簡約夜茶點心 Birthday dinner！ 攞個意頭 888！5月18日8個大男人8點鐘食18樣點心，唔過份啦，哈哈！曉廚荷香糯米雞，我最鍾意食糯米飯架喇，不論臘味糯米飯、珍珠雞、糯米雞、粿蒸糭都好！熱辣辣荷葉出晒煙，清香荷葉味撲面而來！開呀，一舊飯團，挖吓有咩餡先。雞絲、肉鬆、冬菇、蟹柳、雞柳、鵪𪂹蛋，勁香噴噴呢！急不及待大啖大啖咁送入口，好味好味！雞絲、肉鬆、冬菇跟糯米飯混和味道香甜帶肉汁，飯粒又軟硬適中，正呀！如果加入少量咸蛋黃就更香口更惹味啦！醬皇牛仔骨，黑椒就食得多，醬皇都係第一次。個樣好靚仔，顏色比黑椒汁更鮮明吸引。得幾舊緊係要搶啦！神之手迅間夾塊入口先，香甜醬皇完全滲入牛肉之中，肉質鬆軟而有咬口，汁濃牛香，good 呀！黑椒牛仔骨，食完醬皇順便試埋黑椒啦！其實差不多現時有既點心都 order 左一客，好多都剛剛賣晒要等囉。黑椒香而非常微辣，可能怕食客頂唔到掛。質地比醬皇牛仔骨更腍喎，黒椒汁既原因？肉多骨少啖啖肉啱晒我，依幾塊帶點肥膏特別香口，係油左少少囉

好耐無過銅鑼灣大代搵食，發現曉廚轉晒門面喎，有點心、蒸飯食呢！行混銅鑼灣區都唔見有盅頭飯食，終於有多一個經濟選擇啊！係依區食個雲吞麵仔都講緊 $40、$50 蚊呀，鑊鑊食完赤赤痛！依家仲唔係曙光初現！噢！隔離間麻辣舖吉左喎，咁快執左喇？出品唔差架喎，麻辣雞、麻辣魚都好好味，係唔夠熱啫。新曉廚噴晒蒸氣非常有氣氛，爽！仲香噴噴。檢查吓個 menu 先，點心款式都非常之多、蒸飯都五六款，選擇困難症又發作！而且我個胃空間有限，如果食個蒸飯的話，點心食唔得多呢！煩惱中。單點蒸飯 $32 送凍飲。套餐 A 有蒸飯、點心、凍飲各 1。套餐 B 有兩個點心、1 個炒菜連凍飲，都係 $48 乍。可能係全條街最平添！嘩，下午茶更平囉。椰子海底椰燉排骨湯，我最鍾意飲湯，有湯必 order！係紫砂燉湯盅？特點係能夠保存食材原汁原味，仲會越燉越濃郁，非常好！湯最緊要夠熱，火喉直接係燉湯盅度滲出黎呀！淺嘗一口，剛剛燙嘴，正！味道濃厚排骨味，並未蓋過椰子既清香，好好飲呢！我連湯漬都食晒，椰子同海底椰同樣爽脆有趙口，排骨肉多骨少，部份仲有軟骨咬到卜卜脆，食得過癮。鳳爪排骨蒸飯，由基本開始試起。無淨排骨飯？我對鳳爪麻麻

Came here because the previous review had pictures of delicious fried rice which had Chinese pickled olive vegetables 欖菜 in it.When I got there, it was NOT ON THE MENULUCKILY I showed them the picture from openrice and they were able to ask the chef to serve it Decided to get the set which had soup.★☆★☆★☆★☆★☆★☆★☆★☆★☆★Fish maw and whelk soup:The soup tasted ok but the ingredients were crap especially the fish maw which was fishy and the whelk was a bit mushy and didn't taste fresh.★☆★☆★☆★☆★☆★☆★☆★

今晚居然有四款湯飲，搞到我三心兩意添！見近來經常捱夜、煙酒過多又瞓得唔太好，就飲花旗蔘啦！張單打出黎個名唔同既？原來打錯單，不過價錢一樣。原盅花旗蔘螺頭燉雞湯，熱騰騰噴晒煙送到，未開已經聞到香噴噴。依排成日捱夜天煙又酒，飲花旗蔘同螺頭最啱，特濃湯汁好飲到震呀！足料無欺場，好多湯料呢。螺肉濃郁風味味道，彈彈的又有趙口。冬菇滑彈濃，無敵超好味！雞腳膠膠滑滑，湯汁黏黏的，真係成盅渣都無得剩，好幸福啊！潮式欖菜薑米炒飯，侍應哥哥話佢地出開四季豆唔出薑米喎，咁咪無左個靈魂？好采都肯煮比我食，麻煩晒！即叫即炒鑊氣十足，香氣撲鼻，聞到已經流晒口水，賣相仲好靚仔添。用新鮮飯炒成，功力十足，粒粒乾爽飽滿又均勻，無話一舊舊咁上枱呢。其實係一個齋炒飯黎架，絕對無肉既成份，但香口濃味到不得了！蔥花、欖菜、薑米、雞蛋，就係咁簡單，好好食！撈是拉差辣椒醬好、撈自家香辣辣椒渣都好，好味呀！

鮑汁海鮮滑豆腐煲，同我想像既完全唔同喎，有點似八珍豆腐煲，等我巢巢有咩好野先！豆腐、魚塊、蝦仁、鮮魷、冬菇、鮑片、西蘭花、等等，好豐富喎！裝得滿滿的重量級煲仔菜！熱辣辣又多汁，撈飯良伴啦。鮑汁香甜帶海鮮味道，蝦仁、鮮魷雖屬雪藏貨色，但都不失爽彈。魚塊走過油香口有嚼勁，冬菇滑彈味濃，good！白飯香噴噴，煲得乾爽又飽滿，唔會濕淋淋，大愛！份量超多，撈晒碗飯我已經食唔落喇！原本我想飲埋燉湯架麻，唯有留返下次啦。

農曆年假期係唔同啲，大代爆晒場，但行到窗門嗰邊就只有半滿仲有位喎。有咩咁好睇呢？堆滿晒人，原來職員係度介紹菜式，今日生意好到河粉、米粉、海鮮都賣晒呢！薑蔥花膠黑豚肉煲，order pager 響喇響喇！叫完野食攞個 pager 就去搵位坐，唔洗係舖頭罰企，又迫又多人，高科技真方便，呵呵。試新菜，吱吱聲出晒煙夠晒鑊氣，香味撲鼻！花膠呢？原來已經炆到又棉又滑又膠又入味喇，卷住黑豚肉黎食特別冶味！冬菇香滑爽彈香甜，仲有四季豆作點綴，正。原盅蟲草花淮山燉老雞湯，個紫砂盅好靚喎。開呀！香噴噴雞湯味道，顏色鮮豔、湯底清徹。味道非常香甜！除左蟲草花既清香，仲夾雜住淮山獨特既甜味，全部飲晒暖笠笠，無得輸呀！夾晒啲料出黎方便飲湯。嘩！足料到連個飯碗都唔夠裝呢，蟲草花、淮山、雞件、瘦肉、雞腳，HKD38 蚊抵到爛！

睇到上一編食家既遭遇深表遺憾，我又未試過咁慘喎，真係 bad luck！幾乎每次都係晚市先會黎幫襯，有美味燉湯飲麻，從未試過下午茶呢。今朝先係美國返黎，好掛住港式廣東菜呀！返屋企放低行李再食埋 lunch 先返公司，年三十晚有得早放兩個鐘，做咁多年第一次乍！獨獨午餐好奇地試個單點碟頭飯啦，再挑戰粟米斑塊配白飯！HKD38 蚊送汽水？平到笑，哈哈。等左 10 分鐘左右個 pager 終於響喇！個賣相好靚噃，金黃色既粟米汁，色澤鮮明，唔係忌廉白汁喎。熱辣辣香甜粟米汁，厚薄適中包裹住所有斑塊。斑塊炸得飽滿，外層金黃鬆化，裡面魚肉鮮嫩而帶肉汁，Juicy 不乾不老。香噴噴白飯撈上美味芡汁，加舊魚肉齊齊送入口，滿意無投訴，強運 Lucky 好味道！

Hu's Kitchen's motto is that they serve Hong Kong's favorite food. What that generally means is that they are a food court that serves cha chan teng items. Seeing as six reviews for this place was from one person who seemed to love it so much, he came every day to eat here, I decided to give it a go.Located inside Food Republic, I arrived around 3  PM for the afternoon tea set. What I ordered was the sauteed fish in cream of corn sauce and rice. Tea sets include a free drink. Price was $32. The

關雷曾今晚作客由傘尾以北遠征銅鑼灣！傳聞有好野食喎，出發！見今晚大代無咩食客，步入曉廚範圍就有張四人大枱等住我地坐喇，討論吓試咩先。行動開始！小炒、炒河、煲仔菜、燉湯，夠晒。原盅雪耳瘦肉燉海底椰湯，雪耳滑溜溜、海底椰爽口，依舊嘜渣都無剩呀。湯汁好潤好清甜仲膠膠地添，味道質感都一流。熱辣辣剛好燙咀最好味，飲完暖笠笠，好幸福啊！原盅淮山杞子燉螺頭雞湯，香濃至極。斤兩十足，大大盅勁抵飲，跟餐 $38 乍，平勻全條街，平靚正！雞湯香噴噴夾雜住海螺味道，先細嚐一口，甜美無窮仲有酒香味道，超讚！即刻想全部倒晒入口呀，太好味喇！大家唔好爭，比晒我飲得喇，呵呵。螺肉雞肉當然無一幸免，盡歸我口中啦，湯渣都好香甜呢。曉廚小炒皇，依味餸最能試到師傅既手藝，一食便知龍與鳳。小炒皇出場，顏色鮮豔，堆到成座山咁，好有氣勢，哈哈！鑊氣十足唔油膩，香味直攻大腦！韮菜花、蝦乾、魷魚絲、炸脆絲、腰果，配料好豐富喎。成堆撥入口試試，韮菜花爽甜多汁又無渣，蝦乾魷魚絲同樣嚥韌鮮味，脆條腰果香口卜卜脆。各種味道口感同時出現，非常有趣特別又美味！依個時候如果有支冰凍啤酒或 saka 就真係不得了喇！麵醬龍鳳煲，師傅話係剛上板既煲仔

路過銅鑼灣又係您啦！依個價錢同質數成條波斯富街搵唔到！星期六就算獨獨 lunch 都要豪一豪，對自己好啲，人都開心啲。三餸完左無得食，慘！黎個湯骨麵啦！原盅青紅蘿蔔合掌瓜湯，合掌瓜可增強免疫力、智力又可降血壓，飲多兩啖先！香噴噴熱騰騰，非常濃郁香甜既湯汁，用紫砂盅係唔同啲既。大良生煎骨，骨少啖啖肉，令我依個食肉獸勁滿足！外層香口、內裡多汁軟棉，滲出淡淡乳香，正！雖然我唔知大良係大陸邊度，哈哈！曉廚招牌炒麵，懷著顫顫驚驚既心情 order，唔知會有咩配料呢。嘩嘩嘩！要改名做富貴海鮮炒脆麵先啱，珊瑚蚌、帶子、斑球、乾瑤柱、冬菇、本菇、西蘭花，一絲不苟、材料滿分！珊瑚蚌鮮爽，帶子嫩滑，鮮甜味美，撈埋自家香辣 XO 辣椒渣，不得了！炒麵半脆半腍、半多汁半乾爽，口感豐富！西蘭花烚得剛好，爽到卜卜脆！整碟全數收歸我胃裡去，無得留低。食飽飽又大滿足，都係飛的士返屋企冬眠最爽！臨走仲要撞到朋友仔們黎食野，嘜咁啱呀。