Iberians (Closed)

地點非常方便，位處尖東，但因為面向內街，比較僻靜。餐廳昏暗嘅環境多有情調，空間感十足，佈置都充滿異國情調。龍蝦忌廉湯龍蝦味好濃郁，將忌廉攪勻更順滑。配上香口蒜蓉包，好開胃。巴馬火腿配哈密瓜火腿嘅鹹香配上蜜瓜嘅清甜，不愧係經典菜，甜和鹹口味相輔相乘，帶出平衡的口感。西班牙可樂餅香口嘅炸物，配上白醬，鬆脆好味。Pina Colada 有炸物點可以冇酒，Pina Colada：蘭姆酒+ 椰奶+菠蘿汁，酸甜易入口，可以減輕食物油膩感。西班牙雞肉燉飯調味出色，番茄嘅酸甜味，令人食指大動。雞肉份量多，肉質嫩滑，燉飯比較軟糯，較易入口。總括來說，環境清雅，食物質素多，值得回頭光顧嘅餐廳。

呢間西班牙餐廳位於尖沙咀，裝潢風格獨特而優雅💗一進入餐廳，會感受微暖嘅燈光和悅耳的西班牙音樂所包圍，瞬間感受到一種放鬆和浪漫的氛圍✨紅甜椒忌廉湯好開胃嘅選擇湯底柔滑濃郁，帶著一絲微辣嘅味道，配上甜甜嘅紅椒風味，幾好飲✨法式龍蝦湯小編大推👍龍蝦嘅鮮甜味令湯底濃郁而香濃✨烤西班牙蛋餅蛋餅係Tapas首選，一定要嗌嘅🩷外皮酥脆，內裡濕潤鬆軟，配上豐富嘅蛋和火腿粒，食落帶點流心口感，味道非常唔錯👍✨白酒煮大蜆蜆蚌的鮮美口感配上白酒的香氣，完全嚐到大蜆的鮮甜滋味，真係食唔停口🥹✨蟹肉蟹膏闊條麵麵條彈牙有嚼勁，蟹肉和蟹膏的鮮美滋味在麵中得到了好好嘅展現🩷💓味道濃郁，而且好多蟹肉蟹膏，每條麵都沾有蟹肉蟹膏，加埋撈埋半熟蛋，食落啖啖都好享受😋✨Sangria Red wine Sangria是一種非常受歡迎的西班牙風味紅酒它以紅酒為基礎，加入了各種新鮮水果和調味料，味道獨特清爽👍🍽️Iberians♥️尖沙咀科學館道14號新文華中心地下82-83 及85號舖

整體黎講野食喺幾好，而且環境都非常有氣氛嘅，同一班朋友吹水呢度非常適合！人唔算太多但亦唔算少，傾計嘅話都唔洗好大聲。唯獨有d美中不足嘅喺d野飲真係太多冰，少返d會比較好，飲左兩啖放一陣就好淡了；而且starter到野飲上嘅次序有d奇怪。不過野食嘅味真喺唔錯，好多都唔會太咸太甜啱啱好，啱曬我呢啲唔鐘意太濃味嘅人。價錢方面都算合理，係尖沙咀就唔算貴，可以一試 ！附近又有位泊車，都算幾方便。😂😂不過附近太多吉舖，爭少少睇佢唔到😂😂

幾個人同朋友慶祝生日，環境比較嘈，地方亦唔算乾淨整潔，重點係嘢食份量全部都好細好細，要叫好多啲嘢先至飽，同埋啲酒比坊間貴，飲落去亦係劣酒，呢間嘢完全唔值，人均$300質素收你$800-1000一個人，超級差，野食唔新鮮又難食，咪中伏！尤其係個羊架！蘇到無論！本身我哋幾個人都好鍾意食羊，但完全頂唔順佢浸味，係極唔新鮮嘅味！牛排又係！衰過中學餐廳收你$30 40蚊嘅貨色，大家都係食咗一兩啖就冇食，真係擺唔落口！蠔又細隻又腥！墨汁西班牙海鮮飯近乎冇味，完全唔知食緊啲乜落肚！總之呢間嘢超級難食，伏到嘔

突然想食西班牙菜，openrice 就彈左依個出黎，見好多好評就試下。西班牙雞肉燉飯($228) 雞肉好食，juicy 。個米應該都係用左risotto煮，不過佢煮得幾林，無生米既感覺(個人喜歡少少硬)味道都唔差西班牙海鮮煎餅($78)係蛋餅同煎餅作出選擇最後揀咗煎餅，食落去啖啖海鮮不過有d油。法式龍蝦湯($98) 食落去無粉粉既口感係最低要求 都好有龍蝦味Virgin Calada($58)係芒椰奶西呀🙂西班牙油炸鬼($48) 味道：7/10環境：7/10服務：9/10價錢：$400/2推薦：8/10

座位空間大，係坐梳化，與朋友相聚有私人空間。氣氛幾好，朋友都話好選擇，會再想黎。食物水準不錯，▪️香草燒雞：水準不錯，嫩，香口有肉汁▪️西班牙烤乳豬：始終同食過嘅港式乳豬唔同，大家都覺得唔係咁岩口味。▪️美國安格斯肉眼配燒汁：唔太突出，印象唔深刻▪️焗日本室津蠔：香芝士味，水潤嫩滑▪️芝士火腿拼盤：等上菜期間一邊食一邊飲野，拼盤吸引▪️Sangria red：不過不失推薦⭐️西班牙橡果黑豚梅肉⭐️，出奇地好食，肉嫩且呈粉紅色，好食到同朋友再叫多碟！

老婆話想試下西班牙晚餐。咁Happy Friday 去左尖東既Iberian . 呢度氣氛好好，牆壁係一幅好長既畫，好似講緊個故事。餐湯我地分別叫左紅甜椒忌廉湯同龍蝦湯，一款開胃，一款香濃，我作為龍蝦怪當然飲龍蝦湯，一流。之後上既就係牛油果蟹肉沙律，我一向中意牛油果，但配蟹肉第一次，好match 。老婆話想試加利西章魚，一口一件，鮮味彈牙，好睇又好食。同賣相好精緻，色同味都上承。主食係西班牙海鮮炒飯，有蝦蜆同魷魚為配料。配料足，飯浸左海鮮味，但同時飯都夠乾身，相當好。 飯品我地分叫左兩杯Punch。如果兩個人，或三五知己，想係尖沙咀揾別緻又精美既地方大快朵頤，可以試下呢度。

IBERIANS精選餐湯🥣，今日餐湯係黑松露蘑菇湯🥣，蘑落切碎成一粒粒，令成碗湯都充滿嚼勁😋。而且黑松露味好香。牛油果蟹肉沙律🥗，牛油果的味道清新怡人，配上蟹柳，菠蘿🍍。係夏天食非常清爽。烤西班牙蛋餅🥞，食落鬆軟香甜，蛋味濃郁。而且勁足料，食落唔會有空氣感🌪️🌪️。海鮮可樂餅配蒔蘿醬及薄荷醬🍀，可樂餅🥤綿密香濃， 入口滑順。配上薄荷醬🍀好清新。西班牙雞肉燉飯🐥🍚，口感比較紮實，而且米飯較彈牙，加上燉飯吸收咗鮮美湯汁🤤，入口潤滑。再加上底部微微焦香嘅鍋巴，味道令人一試難忘😋Sangria Red/ White🍹🍹，又稱西班牙水果酒，為西班牙傳統酒精飲料。為紅葡萄酒及切片水果製成，也常加入柳橙汁或白蘭地。有分紅同白。紅主打以士多啤梨🍓，而白主打以檸檬🍋製成。Sangria 入口冰冰地，夏天飲好過癮Petit Four係香蕉🍌味，雖然佢細細件，但香蕉味十足。而且唔會太甜。

放假同屋企人出街食好點，今餐黎到依間西班牙風味餐廳。餐湯磨菇忌廉湯不錯的開始，入口濃香：）香辣蒜香橄欖油大蝦好香濃蒜香味，微微辣味，味道更吸引。牛油果蟹肉沙律牛油果既滑配埋蟹肉既鮮美，健康而又美味。鴨肝醬配紅桑子醬微酸既紅桑子醬配鴨肝醬，香濃而不膩。西班牙海鮮炒飯（細）鋪著滿滿海鮮既西班牙炒飯，不單有蝦、蜆、魷魚外，炒飯同配料跟醬汁混和埋一齊，食落濃香得黎帶點海鮮既鮮味，而如果加點檸檬汁後，蓋左海鮮味但又帶點檸檬清新，又是另一享受：）

同朋友食生日飯，呢度係尖東偏靜嘅位置，但人少少其實好chill，更似喺外國。環境都幾浪漫，暗暗地但都可見牆上有歐陸氣息嘅畫作～～～～進入西班牙美食環節！👅👅👅👅先嚟一個 小食： 西班牙可樂餅兩個人share 啱啱好，外脆內軟😚跟住係 登登登登！👏🏻最佳推介🥰西班牙橡果黑豚梅肉配杏仁及燒菠蘿個豚肉係啱啱好，又厚身又好腍身！！！跟住食埋 西班牙菜必叫👏🏻西班牙海鮮炒飯，呢個我就反而覺得係正常水準，不過不失！大家可以喺呢個位行入嚟，就會易啲搵到間餐廳喇！☺️☺️🥰

今日同朋友係尖沙咀行街，差唔多到晚飯時間，因為怕好多餐廳都要等位，但又唔想去其他地方食，所以就行過隔離少少，去咗尖東一帶揾食。😋行到去文華中心附近，揾到呢間環境唔錯嘅餐廳，所以就入咗去試吓。紅甜椒忌廉湯 ($78) : 味道香甜又濃郁，口感綿綿之餘，將忌廉攪勻入口更順滑。鴨肝醬配紅桑子醬 ($98)，蟹肉莎莎配巴馬火腿 ($88) : 呢兩款小食都非常出色，清甜嘅紅桑子配上濃郁嘅鴨肝，味道超級正食多幾件都唔覺膩 🤤 而另一款蟹肉配巴馬火腿，更加係無得頂。西班牙海鮮炒飯 ($228/細) : 嚟到時香噴噴，估唔到細嘅份量都幾多，而且海鮮又好多味道又唔差，CP值超高。😍

放假約咗好耐冇見嘅朋友食飯，想搵間可以慢慢食慢慢傾嘅餐廳，見到呢間餐廳好似唔錯，所以就試試睇吓有冇驚喜。😌餐廳燈光柔和，環境寧靜，令整個用餐氛圍都幾有情調，適合拍拖或者慶祝嘅好地方。💕鴨肝醬配紅桑子醬 ($98) : 香甜嘅紅桑子醬配搭濃郁嘅鴨肝醬，桑子醬有助中和鴨肝醬帶嚟嘅膩感，食多幾件都唔怕滯。🥰蟹肉莎莎配巴馬火腿 ($88) : 火腿下面就係滿滿嘅蟹肉，每一啖都充斥住鮮甜味同火腿嘅鹹香味，自己超鍾意食呢個。😋西班牙海鮮炒飯 ($228/細) : 炒飯嘅份量其實都夠三個成人，海鮮配料幾多，味道亦好正，啱晒我呢個海鮮控。Sangria White/ Red ($108) : 叫咗兩杯西班牙水果酒，兩杯都各有特色，紅色嗰杯水果味會出啲，淺色嗰杯酒味就濃烈啲。🥂

我呢間西餐廳位於尖東嘅噴水池附近，地點非常方便，餐廳入面有寧靜，昏暗嘅環境，仲有情調，又有氣氛非常浪漫，我好適合情侶來慶祝特別嘅日子，餐廳嘅空間感十足，充滿着西班牙嘅風情牆上面㗎有好多畫，全部都係西班牙嘅古建築我喺出邊都食過好多次嘅西班牙菜，今次嘅食物同份量都比之前嘅精緻，食物質素高，而且份量都非常多，一踏入門口職員就非常友善，入去坐低好快佢就介紹餐牌上嘅食物，非常細心鴨肝醬配紅桑子醬 98元 ,賣相真係勁靚仔,紅桑子醬鮮紅色,入口味道香甜, 鴨肝醬入口非常柔滑,味道甘香,紅桑子平衡返鴨肝濃厚嘅味道,入口時一啲都唔覺得膩口,令鴨肝有入口即溶嘅感覺味道層次又豐富。蟹肉莎莎配巴馬火腿 88元,蟹肉配上巴馬火腿原來味道可以咁夾,巴馬火腿嘅鹹香味令到蟹肉嘅鮮味更加突出,完全將味道嘅層次提升。西班牙雞肉燉飯 228元,雞肉嘅份量都好多,肉質仲好嫩滑食落去好juicy,燉飯有番茄嘅甜味,仲有雞肉嘅香味,燉飯食落去煙煙靭靭,好有口感。大蜆青醬松子仁意大利粉 188元,味道非常特別散發著淡淡嘅香草味,令到成個意大利粉味道都清新可口,加上大蜆多一份鮮味。意粉煮到啱啱好,唔會太淋。singria whit

寫下我覺得浪漫的一晚非常值得紀念。這道西班牙海鮮炒飯risotto di spagna搭配牛油果蟹子沙律是一道絕佳的美食組合。海鮮炒飯的米飯口感香糯，搭配豐富的海鮮，如蝦和蜆肉,魷魚，入口鮮美多汁，再加上超過十多種歐陸地中海的香料, 例如pomodoro...口感豐富。而牛油果蟹子沙律的牛油果滑嫩，加上新鮮的蟹肉，讓整道沙拉更加清爽美味。酸爽的檸檬醋汁提供了完美的調味，使這道菜更加美味。總的來說，這道菜給人一種美食享受的感覺，非常適合喜愛海鮮和想要享受美味佳餚的食客。😃😃

裝修非常有異國風情的一間西班牙菜，而且好大間紅甜椒忌廉湯 $78充滿了甜紅椒既香氣和味道，濃郁而香甜。口感柔軟和滑順，但同時又帶有一點點的纖維質感，令到湯的口感更加豐富。加入忌廉後更加濃郁和滑順。西班牙可樂餅$88外層酥脆，內裡是柔軟的肉醬，質感多重變化牛油果蟹肉沙律$138牛油果的濃郁口感和蟹肉的鮮甜相輔相成，加上菠蘿的甜味，讓整道菜品更加平衡，很清爽西班牙海鮮炒飯$228好足料，有蝦、魷魚、貝殼，海鮮味道非常濃郁，每一口都能感受到海鮮的鮮甜最後仲叫左Sangria，紅白各一杯，感覺白果杯比較爽口，紅就濃烈d，睇各人喜好叫啦