冰室小菜館 (北帝街)

Open Now

Now Closed

下午茶餐由兩點至六點，通常我都會三點半後入坐。因為避開中午飯市，到時冇咁多人通常都有位坐。 這間餐廳係掃碼落單。落單後都好快出厨房。咖喱雞髀飯可以加多汁。咖啡都可以加多啲奶。 椰香咖喱汁好香，嗰咖喱汁不是太辣，一般香港人都可接受，雞髀大隻，炸得香脆好嫩滑，有薯仔番茄粟米配菜。咖啡熱辣辣好香濃。 好似我噉樣三四點先食飯呢個下午茶就啱啱好！其實餐廳裏邊都有好多特價嘅野食。 特價有蒸魚啊有冰室白灼蝦半斤啦，金牌燒乳鴿，豉汁或/清蒸時日鮮魚，都係抵食架！

今日又來食下午茶，叫了上次想試嘅椰香咖喱薯仔雞髀飯，炸雞髀都幾大隻，食落熱辣辣，幾香口，配菜有幾粒粟米同薯仔，咖哩味道偏淡，唔係辣嘅咖哩個種，汁偏稀，都好食嘅😋飲品叫了熱菜蜜，要少甜，但都係偏甜😅個餐包野飲，埋單$38，係幾抵食

下午茶時間2:00開始，剛好係我食飯時間，自助下單叫咗鑊氣乾炒牛河，可揀走洋蔥，睇落幾大碟，牛肉都有幾片，以下午茶來講份量足，食落熱辣辣，真係幾有鑊氣，味道幾好飲品叫了熱咖啡，要多奶，都唔錯👌個餐包野飲，埋單$42眼見都幾多人叫椰香咖喱薯仔雞髀飯，睇到炸雞髀都幾大隻，等我下次試吓先掛住食，都忘了影相 

夜晚唔想煮飯，於是就係附近茶記食飯。記得呢到啲蒸魚飯唔錯，所以就嚟呢到食。呢到選擇好多，不過都係一般茶記嘅食物，亦有少量嘅海鮮食。我地一行4人叫左2條蒸魚（黃花同盲槽），一碟蟲草花雲耳蒸雞，一碟沙薑雞食。最好嘅係佢可以另外加45蚊叫左半斤蝦。由於最近啲蝦都唔平，所以見價錢唔貴都叫左嚟食。蒸魚好滑又大條，食得出係新鮮魚。重點係價錢好平，63蚊，呢個價錢包一碗飯同野食，真係無投訴。係蟲草花雲耳蒸雞貴啲，80蚊。如果要飯同野飲（套餐）要加10蚊，不過夜晚唔食咁多飯都唔洗加。碟蒸雞雖然貴啲，但份量都好夠，估計有半隻。最後埋單3百幾，每人82蚊到都過得去啦。。。

這幾次食的蒸魚 黃花和倉魚都細咗2-3成。蒸蝦就正常。價錢加咗幾蚊條魚細咗，但廚房師傅都係蒸返咁嘅時間，所以條魚過火，肉質好實，唔得。這幾次食的蒸魚 黃花和倉魚都細咗2-3成。蒸蝦就正常。我不會再食蒸魚餐啦！

好耐都冇行過土瓜灣啦，經過北帝街梗係要嚟一下以前成日去嘅冰室小菜館雖然佢已經加價，唔再係以前二十幾蚊一個下午茶，不過都值得支持一下嘅！我自己就叫咗一個咖哩薯仔雞髀飯雞髀係啱啱炸起熱辣辣配埋港式嘅咖哩汁加埋嗰個足夠嘅碳水足夠我肥十磅不過冇辦法啦為咗食下好耐冇食嘅炸雞髀叫咗個加12蚊有八件嘅麥樂雞畀小朋友食同行嘅朋友叫咗一個日式雞扒煎蛋飯要賺一下呢個飯真係非常之有心機，竟然喺上面嗰度會有木魚碎（好多人係叫柴魚碎或者鰹魚碎嘅）另外嘅朋友就叫咗吉列魚公仔麵加多個12蚊沙律佢個畀你點炸嘢嘅沙律醬值得一盞應該係溝咗少少酸青瓜同埋芥末醬，要嚟點炸嘢食冇咁肥膩，好清新嘅口感凍檸樂都唔使加錢

一直食開呢間分店，估唔到開返關就只招呼大陸人🤬本身男經理處理客戶問題都好好，服務質素一直都keep 住，所以我成家都特登揸車去食，幫襯左起碼4年。可惜最近呢位大聲既女經理黎左，一切都變晒，第一次見佢，已經係大大聲係餐廳大聲講野，仲要講晒粗口。最近拎飛等位制度仲十分混亂，女經理直頭話晒事，想比邊個入先就比邊個入，話之你拎左飛。事源係咁，我一家大小共四人到餐廳門口時，有一位姐姐叫我地係門口等，當時冇派飛。大概十分鐘後，有一家四人，操普通話，入去搵位，呢個時候入面姐姐開始派飛，我地拎左64號飛，國內人拎65號飛。之後姐姐開始叫人入座，先叫65號飛國內人入去，我就問姐姐點解唔係我地64號飛入去先，女經理馬上表示係見到國內人入去先，可能女經理誤會左，我都再解釋一次比佢聽，我睇住國內人入餐廳搵位，點會係佢地黎先？點知？！女經理唔聽人解釋，十分堅持，我唯有問第一位見到我地既姐姐，希望佢幫手解釋，可惜佢低頭扮聽唔到。最後，我地不歡而奠，女經理仲要大叫，話你地走咪走囉！即使女經理係溝通上有誤會，但係佢做得經理就應該要有管理嘅能力，唔應該俾呢啲事發生，可惜佢係全部員工入邊最冇禮貌，管理能力最低嘅一個。本身

琴日中午專登同屋企人來食野，因為之屋企試過一次之後都再食。叫左個蒸魚（盲鰽）餐，只係六十蚊，仲可以叫多飯，勁大碗。再叫一碟蝦，都係四十靚蚊。下次有機會都會再試。

今日同男朋友撐枱腳，去咗呢間餐廳食飯。叫咗鮮油多同埋雜扒餐🤣 價錢非常之街坊價 但係食物質素都係普通雜扒餐非常大份，有雞扒同豬扒 但係個扒餐汁係非常之「結」同埋鹹 重口味 而豬扒較柴 但係食得出係生煎。雞翼較為驚艷，多汁外皮香脆。🤫🤫之後出場係最邪惡嘅鮮油多 佢本身懶得揀白皮三文治，但係我鍾意食烘底所以嗌咗多士。牛油好後同煉奶嘅比例啱啱好，所以食得非常滿足。☺️飲品方面，第一次試凍檸啡本身以為個味會好怪，點知飲落去味道幾好似係酸味嘅黑咖啡

最近食一個早餐真是越來越貴，今早吃了一個價值$47的早餐。這個價錢對於現在2023年來說只是“比較貴”而已。今天再去遠些許到這個綠冰室，一間正常的茶記，茶記食物，茶記裝修，茶記服務。點了雪菜米+蔥花滑蛋+漢堡扒+奶油多士+凍飲=$47。味道很正常，比較特別是有蔥花滑蛋，平常的茶記都是普通的滑蛋。另奶油多士是一整份厚切，份量很多，是這個餐的飽肚最大原因。這邊客人都多，慶幸這店舖座位都多，坐得蠻舒適的。

茶餐。 番茄牛肉湯意粉～濃湯底，牛肉嫩口，意粉硬度適中。 蔥花炒滑蛋～ 炒得好滑，好有蛋香味道。豬柳漢堡扒麥包多士 ～熱辣辣。熱奶茶～有水準。份量夠，上菜快，冇加一。HKD45埋單。附近北帝街有很多類近食店，此家性價比最高。👍👍👍

識食梗係嚟呢度食海鮮啦！Cp值好高 完全冇諗過咁嘅價錢有咁嘅質素朋友喺呢度嘅常客 佢哋已經知道有咩小菜係好食蒸海鮮簡直冇得輸火候啱啱好 而且海鮮好新鮮金銀粉絲蒸元貝元貝好大隻 好厚肉咕嚕肉有啲over cook 冇骨清蒸沙巴龍躉魚肉蒸到啱啱好 肉質好滑嫩@joanne.kny #HotJoFoodie

同同事OT到8點幾先收工, 諗住係附近搵間餐廳食埋dinner先返去。去咗就近一間快餐, 呢度款式選擇多, 價錢唔貴, 就入去試試。新開關係, 地方企理整潔。我地各人order咗一個什扒同一個麵食。冰室懷舊什扒配黑椒汁什扒放於鐵板, 而個汁就分開上。呢個什扒set包括有薯角、雞翼、腸仔、太陽蛋、火腿, 再自選雞扒/司華力腸冇錯! 所謂什扒, 其實只有豬扒, 同比你自選嘅雞扒, 嚴格黎講, 頂多只有兩款肉食, 咁咩什扒???! 鐵板上檯時都有煙, 不過黑椒汁好杰, 一pat pat….太陽蛋做得唔錯, 一篤即漏出蛋黃汁; 薯角、雞翼賣相不討好, 黑忟忟, 薯角唔脆, 好似放咗好一段時間。而且件豬扒薄, 仲有d硬....雞扒還好, 過得去。成個”什扒” 冇湯冇餐包, 野飲又要加錢, 即係睇餸食飯, 平但少咗野食。寧願收貴少少, 比返d誠意。鮑汁干燒伊麵: 份量係幾大碟, 不過賣相已知味道偏淡, 有極少芽菜、韮王, 整體味道一般。兩個主食都加咗$10追加飲品, 都係叫咗椰汁紅豆冰

最近成日去下午茶🤣因為真係抵食😆去咗好幾次，試咗幾樣野😊咖喱薯仔雞髀飯🍗$28呢個絕對係必食首選😛雞髀夠曬大件，而且新鮮即炸😎皮脆肉厚，配埋白飯同熱飲，抵👍冰室熱狗🌭️$20餐蛋公仔麵🍜跟餐加$12雙腸熱狗，大大份😊加埋碗公仔麵，份量啱啱好👌包埋熱飲，必點即磨咖啡☕️日式叉燒炒滑蛋飯😆$39炒蛋唔夠滑，份量OK😆但整體就一般般🤓冰室小菜館 (土瓜灣)土瓜灣北帝街12-16號地舖

📍冰室小菜館 (土瓜灣)土瓜灣北帝街12-16號地舖下午茶：冰室熱狗🌭️$20餐蛋公仔麵🍜 跟餐+$12雪山朱古力鮮奶🍫跟餐+$6沙嗲雞柳米線🍜$39配芫荽炒蛋+廚師腸+奶油多😊凍檸茶🍹跟餐+$3芫荽炒蛋+廚師腸+奶油多+ 熱咖啡☕️$24白灼鮮蝦(例)🦐$38晚餐：冰室懷舊雜扒😎$38粒粒椰汁紅豆冰🥤跟餐+$6早幾日同班老友聚舊😎我就帶咗佢哋去呢間食下午茶😝由於真係好抵食，結果食埋晚餐先走🤣晚餐當然係一人一份鐵板雜扒啦🥳食完大家都非常滿足👍