Video
Opening Hours
*dine in: 12:00-18:00; pick up: 12:00-21:00
Mon
18:00 - 23:00
Tue - Fri
12:00 - 14:30
18:00 - 23:00
Sat
12:00 - 15:00
18:00 - 23:00
Sun
18:00 - 23:00
Public Holiday
18:00 - 23:00
Public Holiday Eve
18:00 - 23:00
Above information is for reference only. Please check details with the restaurant.
上App搵到呢間良心店，見評價唔錯就入去試下。門口唱著熟悉的歌，仲有唔少貼紙，你懂的😌午市都有兩、三枱客，店員示意隨便揀位坐便可，仲好快送上餐紙自己填寫。本想揀吉列池魚但賣晒，其次揀雞扒又賣晒，哈哈…最後揀左鰻魚炒飯，呢樣終於有得食。等左一陣就上枱了，幾香喎，個餐包麵豉湯同餐飲，加埋都係五十幾蚊，價錢上真係好抵食😙麵豉湯偏甜左啲，唔係好慣呢款口味，可能飲慣啲好鹹嘅麵豉湯啦。熱檸水上枱時已經係微溫，放到食完飯先飲就更加涼了，不過ok嘅，天氣唔係好凍都唔需要特別飲熱飲。鰻魚炒飯好大碗，入面有蟹柳、粟米、毛豆等，混合鰻魚肉同鰻魚汁同炒，飯粒粒分明，炒得香口唔油膩，珍珠米好食😘午市唔使加一，又平又好食，支持～
continue reading
入到去就見到久違嘅裝飾，喺有啲感動，亦欣賞佢地嘅堅持。串燒有唔少選擇，價錢亦好合理，上嘅速度都幾快，禮貌亦好好。不過味道方面可能差少少。串燒方面，味道偏咸，而且都真係幾咸下，連身為重口味嘅小編都唔多頂得順😉尤其喺燒韭菜，有啲似食緊鹽咁🫠 小編會推薦秋葵，呢個唔差🙆🏻♀️ 雞肉棒肉質比較實，不過都還好。翠肉瓜厚身，都幾甜，ok。帆立貝同雞軟骨都可以。 但都喺個句，味道偏咸，重口味人士適用🤣🤣
continue reading
小妹已是第二次光顧「一燒窰」，兩次都沒讓人失望。先生鐘愛日式串燒，今晚特意帶他前來一起吃。兩個人，點了五項串燒、八個小食。串燒固然好吃，小食同樣出色。「一舊飯」甚有驚喜！喜歡吃沙律醬和飯焦的朋友一定是必叫之選。「一口芝士」亦讓人回味無窮。吃著吃著，滿枱都是食物，埋單時只是$400多元，先生大讚性價比相當高。值得推薦！
continue reading
💛#黃店上網睇見好多人都話係平民價性價比高串燒店，於是嗰日星期日喺旺角間間舖都爆人又諗唔到食咩嘅時候決定要試吓，難得淨係等幾分鐘就入得，入邊空間唔算好大不過都坐滿晒人～但個人認為啲食物就😅👓蟹膏蟹肉煲 $60實物同想像中有啲唔同，因為係個好細嘅碟仔裝住啲蟹膏蟹肉中間有隻鵪鶉蛋再放上個蠟燭爐仔上面，其實唔係唔好食，好creamy足料味道亦好食嘅不過純粹似一個醬料幾啖就食晒，唔可以當一個小食或主食👓免治雞肉串 $28/2串我個朋友好唔滿意表示，由免治雞肉整成一條長條串，但好乾又鞋完全吾Juicy，搽上燒汁所以夠味，但有隻蛋黃係側邊唔知係做乜，想模仿壽喜燒？不過好奇怪味道又完全唔夾唔知係點👓羊架 $28/隻反而唔錯幾juicy👓清酒煮蜆 $40其實啲蜆係大隻清甜嘅，不過有沙…食得冇咁盡興，佢個清酒底好清甜係好食👓蒜蓉茄子 $32係一條茄子，不過味道有別於平時嘅燒茄子，佢太鹹啦就咁一pat蒜蓉醬搽咗喺茄子表面👓炸豆腐 $32粉漿好薄，內裏豆腐真係好滑，加埋木魚絲成個好日本feel，其實真係好食嘅不過得三舊要呢個價錢其實有啲貴👓牛舌 $28味道唔錯嘅不過太細粒，食落似牛肉粒多啲👓燒帆立貝 $26👓菠野菠蘿wing $18/塊個人比較鍾意呢啲一個圈嘅菠蘿多過連皮一塊塊，啖啖肉比較開心，老實講的確唔平，不過菠蘿夠甜燒得香甜，我覺得味道幾好食不過朋友表示其實係燒菠蘿應有嘅水準🤣👓棉花糖多士 $36係採用左細棉花糖粒，焗到香脆配上多士朱古力醬其實整體味道唔差，可以講係個簡單嘅甜品，不過其實唔算話好好食因為多士薄唔夠口感，比較普通唔算整得好出色好食
continue reading
對上一次經過想食，但係職員同我地講full咗(╥_╥)今次早咗少少到，好好彩有位(≧▽≦)餐廳外面睇落唔太吸引，經過個陣我都唔為意原來係間餐廳但係一入到去好有feel，昏暗嘅燈光再加啲燈飾，成個感覺好relax~餐廳環境整潔，坐得舒服我地叫咗一串雞翼、一串肥牛金針姑、芝士玉子燒、薯蓉、海鮮鍋定食同埋一杯菠蘿冰雞翼同肥牛都燒得啱啱好，唔會過咸，金針菇亦都好juicy芝士玉子燒心思100分，係上面印有「香港」d(･∀･○)趁暖食仲有拉絲嘅效果（๑✧∀✧๑）薯蓉係焗過，所以表面帶點焦香，又有啲芝士同埋奶香味口感creamy得嚟，你都會食到一粒粒薯仔，真材實料～海鮮鍋材料都好豐富，有青口、蝦、豆腐、蟹柳、菜同冬菇啲蝦大大隻，好有肉(｡･ρ･)但原來係辣架！！！因為我唔係好食得辣呢個對我嚟講都算辣，食到流晒鼻水不過天氣凍個陣食，個人即刻暖晒（＞ ་། ＜）本身想叫奶昔，但已經賣晒，就試下同樣有推薦嘅菠蘿冰個人就麻麻地，菠蘿冰都係食好啲XD食串燒又或者居酒屋嚟性價比都算高，以為埋單要三百，結果都係二百幾就搞掂食物質素中等，個人最鍾意薯蓉同海鮮鍋，下次想試佢個「一舊飯」有少少地方可以改善：1) 係落單紙上面加返定食嘅item，唔洗客人另外手寫2) 係海鮮鍋或者其他辣嘅嘢食隔離加返隻辣椒仔大家食嘅時候，請記得耐心等待(◕ᴗ◕✿)
continue reading