市川日本料理

Open Now

Now Closed

我很少寫食評，但今天覺得實在太過份，忍無可忍。我地四個人，叫左四個set lunch。食食下，發現Ｄ壽司飯居然有一粒釘書釘，嘩，好在我無吞到落肚，唔係真係大鑊！！於是即刻叫侍應，侍應只係好快地收走我碗飯（我只係食左一半），同嗰粒釘書釘（好後悔無影低相先！）跟住侍應叫左經理來「跟進」，經理只係問我地要唔要叫過另一個餐。我極度不滿的是經理的態度，我們不是要求要送甚麼也沒有要求打折，我們只希望經理可以重視客人，重視問題的嚴重性，表現真誠一點，說聲對不起，但由頭到尾都沒有，我們問經理，你們的處理的方法只係換個餐就算？誰知經理還態度惡劣的問我們：「咁你地想點丫？」這是待客之道嗎？甚麼叫「你想點」？飯內有釘書釘，可是非常危險的！我實在無法忍受這種待客之道。到最後，我們還甜品也沒吃就走了。還收了我們服務費！！我們不是想討便宜，只想討回應有的尊重，只想公司正視問題的嚴重！！======我事後已打電話向總公司正式投訴，門市高級經理也迅速回覆，並向我道歉，表示已全面徹底檢查了食物的包裝，承諾不會再發生同類事件。但老實說，我對這公司的印象已非常差。

以往都覺得市川d食唔錯，見到set lunch個價錢都OK，就走左入去食^^set lunch或二入餐平均一個人由百幾蚊至三百蚊到，都有幾多選擇下架。不過，因本人太揀飲擇食o既關係，最尾都係散叫。由於想有d飯落下肚，又想食蒸蛋，就加左六十五蚊轉set。叫完o野食唔使好耐，食物已經陸陸續續齊lu，搞到成都係食物。 跟餐小吃: 炸豆腐好普通，冇乜味，炸過的豆腐浸左落d汁度，搞到淋晒，而且個汁都麻麻。 跟餐蒸蛋都是淡淡的，蛋尚算滑溜，可是沒有其他材料的鮮味，只是普通的蒸蛋，沒有日式蒸蛋的精髓。 吉列炸蠔一碟有五件，外表都幾靚仔下，金黃色肥嘟嘟咁，吃落香口鮮美，大大隻，都幾飽肚下。 燒牛舌跟著就係我最愛o既鹽燒牛，好吃，厚薄適中，有牛味，不過仲未到perfect，有冇人有好味牛既推介呀? 牛柳唔記得左li款牛柳個名，總之唔係鐵板燒果款啦。個汁甜甜地好好味，咬落好鬆軟，又充滿牛味，很不錯！ 銀鱈魚西京燒這是我吃日本料理必點的食物，這銀鱈魚也不錯呢！魚肉很滑，有味淋獨有的甜味，而且魚肉頗厚，吃下去十分滿足！吃完所有食物，我們簡直要捧腹離場。總括來說，食物不錯，如果下次食慢慢上就正喇，

小妹好少想打食評,不過今次之後感覺市川有好大改變!!!同事同我都想讚下,係太古城工作4年市川食過好多次,呢1年都無去食了..點解??因為間野整體水準一路下降,市川係太古算係最貴果1.2間..呢個價$食品應該做好d囉.好啦入正題先,星期二下午照舊搵野食,今日同事生日佢話事想食日本菜,沖繩料理同柚山無位,度度爆哂..上商場睇下啦,千兩有位唔想食(因為一般)最後行到市川門口,同事講仲搵無時間,問下有無位啦,黑衫女經理話得番壽司吧,e..望去壽司吧見佢轉哂師父唔係之前果d,心想俾次機會佢啦,一入去坐見幾個師父好大聲叫~e啦西媽聲,嚇死我地幾個@@'不過幾好氣氛,點餐--->叫左樓面好耐無人應,本來想搵經理投訴,好在壽司吧片魚位幾美型的靚仔師父問我地食d咩ja~0~,3個人一齊食叫左燒青魚定,壽司定食同魚生定食,魚生定食同壽司定食先到,魚生擺得幾整齊,魚大片左好多無之前咁呃$,三文同油金魚好凍好鮮(見師父好快手咁即黎即開即擺,讚!)壽司定魚一樣大件左,個樣睇落飽滿d..食下先,今次的手握飯幾好bo,飯份量同力度幾好,入口幾鬆軟(ok!)青魚好味熱番哂不過要30min先到囉,問樓面個個話:

星期六的午市不太多人，入到去，很快就有位坐了。餐廳環境.....很有日本特式，服務水準一流，待應態度真好。 叫了二份LUNCH SET，一份係十款壽司、冷麵、蒸水蛋、沙律另一份係鐵板帶子、鵝肝配法包、沙律、香煎三文魚扒、蟹黃妙飯。這倆份LUNCH SET 皆送甜品。十款壽司﹕刺身新鮮，很OK冷麵﹕味道尚可蒸水蛋﹕細少的，好好味沙律﹕一般﹗鐵板帶子﹕超好味﹗很有鮮味鵝肝配法包﹕鵝肝很正﹗但法包很硬﹗香煎三文魚扒﹕三文魚扒都很正﹗蟹黃妙飯﹕好香.....味道不錯甜品﹕紅豆糕 & 荔枝雪糕 ﹕合格﹗

好友誠邀到太古城市川午膳, 一向都知呢度好貴, 今次有幸一試! 坐下一看餐牌, 普通Lunch Menu ｄ定食要佰多元! 看了一會, 好友還是點了最貴的二人套餐: 什麽龍蝦海鮮牛肉鉄板餐 包括:1/ 什錦刺身 - 有三文魚, 牡丹蝦, 池魚, 鮮度一般. 2/ 生菜沙律 - ok, 冇也特別.3/ 吞拿魚碎手卷 - d 紫菜腍嘅! 4/ 燒銀雪魚 - ok, 幾好味! 5/ 燒開邊龍蝦 - Good! 細隻咗, 唔夠喉! 6/ 薄燒 or 厚燒牛肉 - 厚燒好味d, 但份量少咗d! 7/ 炒飯 - 超好味 d 飯炒到粒粒可見!8/ 麵豉湯 - ok.9/ 甜品是雪糕 - 我揀咗黑芝麻, 好味! 但要加$先有芝麻味, 唔明點解收咁貴一個餐都重要加$! 服務招呼就麻麻, 可以好d嘅! 話雖說有些份量唔夠, 但食完之後又真係好飽! 回望餐廳內坐滿客人, 抵唔抵吃, 真是見仁見智!

呢間餐廳食過好幾次，百零蚊一個Lunch 雖然幾貴，不過都好好食，好值得不時一食的。今次又來食 Lunch，食物方便好滿意，不用多說。服務又不錯，不過我想說餐廳經理。Ichikawa係一間高級餐廳，固然有高級食物同服務，不過錯今次來食，就成餐飯都聽到個女經理o係度鬧Ｄ伙記下屬，鬧佢地：「邊張邊張台咩咩來左未呀？做咩幾號台個乜乜未來架？咩你地做野咁亂架？咩咩台都未話埋單，你搞咩呀？邊個邊個俾塊布我！你掉過來啦！」Non stop.... belebala #^$&#*$#$#*)@##^亞經理姐姐，呢間高級餐廳來架，你要炳人你入廚房炳啦... 以為自己去左大家樂，緊張到好似打仗咁... 如果好去o既係茶餐廳，我就唔會介意lor....

上星期日同honey去食晚飯... CitiBank卡有HK$680優惠套餐, 又龍蝦又鮑魚... 睇落好似好抵.... 珍味龍蝦蟹子沙律 -- 原來舊龍蝦得粒紅腰豆咁大, 仲以為會有半隻, 上當.... 磯煮鮑魚什錦刺身 -- 魚生厚切, 勁新鮮, 超正.... 火炙帆立貝手卷 -- 食個陣都冇留意到有帆立貝.... 銀鱈西京燒 -- 一貫有水準... (以前係超水準). 法國鵝肝鐵板燒 -- 查實... 鵝肝我麻麻地... 片蒜蓉多士好似好油淋淋咁.... 神戶西冷鐵板薄燒 -- 個西冷配蔥都好香口.... 海鮮清湯 -- 同清水冇分別... 我真係唔識欣賞, 可能我未達到食家水平.... 中華冷麵 -- 好味呀, 酸酸地, 好開胃, 好清新.... 日本綠茶雪糕 -- 不過不失... 我鐘意佢嘅芝麻/紅豆/豆腐雪糕多D...相片 : http://hk.myblog.yahoo.com/ken-merry/article?mid=2338

　　叫左一份「咖喱吉列豬扒定食」同「燒羊架定食」，基本上賣相真係好普通，唔覺係中高檔餐廳造出來既菜，而味道方面更加失望.....吉列豬扒完全冇味，個規湯略鹹，隻規仲要有沙添！至於個羊架都只係一般，肉仲有ｄ韌。除左味道外，最失望既都係個份量，真係太少喇！根本一ｄ飽既感覺都冇....　　一份set dinner 要$155，以呢個價錢而家周圍都可以搵到比佢味道好、份量多既日本菜，所以點解佢晚飯時間既入坐率都只係得70%。

5 點45 分抵達, 叫左2 個set dinner ($135)選擇唔多, 我平時好小食羊, 今日叫左個燒羊架套餐;大件佬叫左個燒雞套餐等左約10 分鐘有得食啦, 唔…賣相好靚喎套餐跟: 百福豆腐湯= 唔用cream, 但好濃味, 好好味! 福袋= 清清地一個前菜一個餐跟湯烏東, 一個跟鮭魚茶飯= 大件佬話烏東好好味, 我個飯就麻麻地, 因為我唔鍾意d 飯係唔熱架羊架= 可接受的”蘇”味, 肉質唔錯, 有口感燒雞扒= 已cut 開一件件上, 很方便, 真係估唔到個皮可以燒到咁薄, 食皮既人有福了! 仲有要讚既仲有個3 粒物體, 你地估下係咩黎既?

今天中午同成班同事一行8人去咗食呢間日本菜. 我未食過架之前.坐到入去環境算是一般, 我們先點了明太子卷.明太子卷入口非常爽脆口感一流架. 跟著我們更點了2SET 2 人套餐&4set1人餐. 2人餐是有信用咭優惠的. 前菜有海鮮dun蛋,海譫dun蛋,蟹子沙津.主菜有: 鐵板燒大蝦,大蝦天婦羅,Angus牛肉卷,劍魚刺身, 三文魚刺身,紅魚刺身,甘蝦刺身,帶子刺身,蟹子魚生飯,鐡板鵝肝,手打烏冬..跟著又有甜品: 紅豆蓉豆腐ice-cream, 芝麻ice-cream,green tea ice-cream, 日本番薯ice-cream & 士多啤利雪吧.推介有帶子刺身, 很新鮮, 入口有彈牙感覺. 再來的一個小小dun蛋..滑得出奇..當然那些天婦羅又是不油不膩的值得一試. 不過..鵝肝就略為有點肥膩..半塊已經令人感到足夠有餘. 最是特別的是雪吧, 將一粒士多啤利裏釀入雪糕, 又酸又甜, 特別得很.雖然每人消費都要成2xx...但今天老闆請客...抵哂~ 如果單叫一人set 也不是太貴..又可以試到天婦羅. 大概百鬆d 就可以了.沒有人請客也可以一試丫~

剛剛去完食lunch, 我哋一行幾人叫咗個set lunch, 點知...係其中一人嘅salad裡面見到,一條活生生仲要有好似張根咁粗嘅蟲係個salad裡面。嘩.... 好恐怖呀!!然後,我哋叫侍應來....佢嘅反應係...好快咁取走碟salad...然後只不過係隨便問吓,我哋想要汽水,雪糕,定free一個set lunch 比我哋...結果,我哋要求全部都要。我覺得佢哋咁樣做法唔啱,一句問候同對唔住,唔好意思都無...實在令人氣憤!!

今天行下行下又肚仔餓,心裡又想去吃日本菜,見到間日本餐廳就走去試試,一入門口感覺點似麥記.但soft椅十分舒服,一看MENU感覺十分豐富,好多野食,有我最鍾意牛和羊安,但價錢都算貴,心諗唔緊要啦之下就點了1)三文魚壽司,2)燒牛,3)牛肉烏冬4)雞泡魚干. 嘩....勁好味呀.....尤其牛非常之淋,正!! 侍應門都非常細心,我唔小心碰到鼓油倒瀉了小小落面,佢地都幫我抹後遞上了紙巾,佢地相當留意客人的需要,這是值得一讚的,加茶的次數亦相當密,服務都好好,我必會再到這間餐廳品賞其它美食!!!

每次到太古城都是找不到開飯之處, 總覺得太古全都是連鎖食店, 不過是次由於真的太累, 唯有到這間日本餐廳來個午飯星期六的午市套餐選擇頗多, 而且價錢不太貴, 點了一客$108的什錦魚生飯, 點菜時侍應己提醒了我們魚生是粒狀的, 預早提醒客人, 這點真的抵讚!前菜的面豉湯没什驚喜, 不過不失吧, 魚生飯比我們想像中的大, 切粒的魚生又多又大粒, 種類有三文魚, 吞拿魚, 立魚, 甜蛋, 八爪魚, 蟹籽, 劍魚腩, 而且都是新鮮肥美, 絕不是頭頭尾尾的位置, 不錯不錯, 甜甜酸酸的醋飯, 令人十分開胃, 真是夏日炎炎的最佳之選. 坐位舒適, 招呼又不錯, 終於給我找到太古城的覓食地點!!

自己本身是東區之友, 太古城覓食是不二之選. 是晚要了$ 428 二人餐, 菜式如下,芒果沙律什錦刺身薄切三文魚手卷燒羊扒燒銀鱈魚冷烏冬/蕎麥麵紅豆糕/柚子茶先說沙律, 其實只是蟹柳沙律加數粒芒果, 味道不過不失,份量就得三啖而已. 之後所謂的什錦刺身, 原來只係4片三文魚同4片立魚, 跟一個日式醬汁, 味道可以, 但說不上什錦. 更奇怪, 刺身是三文魚, 手卷又係三文魚, 點解唔可以用其他魚呢?可能成本問題吧. 燒物乃該店的招牌菜, 鱈魚好好味, 羊扒亦夠淋, 的確係全個餐最好的一部份. (不過個人覺得有點油, 特別係羊扒底下的炒菜)冷烏冬及蕎麥麵味道一般,上面洒上天婦羅碎, 有點格格不入, 甜品要我主動問才識上, 有點失望, 比得四佰多食一餐, 竟然要客人提點, 服務真的有待改善. 重有一點想講的, 就是整個餐的配搭有個問題, 就係冇湯, 令人食完好乾, 要飲好多茶搭夠.

前幾日,打算在此店吃lunch, 提早幾天已經打電話book 了枱, 竟然去到話無訂到!!!!又唔知點解, 可以full booking 無得walk in!!覺得唔係幾開心咁囉. 起碼black list 佢半年!