宜家家居美食站

Open Now

Now Closed

佢出豆腐花味已經好吸引，好想去食，無奈地點偏遠，又無野過去買，經過沙田好多次都無過去，但因為想睇傢俬就有幸食雪糕🍦有點軟，不會很凍，所以要盡快食，但正正因為冷的，黃糖先可以在吾溶既情況下與豆腐共存，好有口感，平時食豆腐花我都落好多黃糖，就係想要這種口感，所以很讚可惜太細杯，個筒不是我要的那種，黃糖有點少，豆腐味很淡，所以未必個個喜歡😏其實我吾介意俾多少少錢，可否別小加

逛完宜家，來到小食站，當然要買點小吃吃。幾乎每次到小食站也會買爆谷，這次也不例外。小包$7，大包$10，因為上次買小包，給的很少，只有袋子的一半，所以這次要大包。這次好好多了，袋子滿滿的，大包抵吃點（雖然宜家本身就很抵吃）。整包爆谷幾乎粒粒都爆開，可能只有兩三粒沒爆開。焦糖醬也幾乎粒粒都覆蓋到，只有很少部分是白白的。爆谷粒粒鬆脆，又香又美味，正正，每次來到都買 😍😋。

沙田IKEA既餐廳除左可以坐低慢慢食之外~仲有一間小食店, 可以比岩岩睇完傢具既你補充下能量! 哩間小店就係IKEA收銀既出面, 熱狗汽水都仲係十年不變既價錢---十蚊!只係十蚊就可以有一隻熱狗同埋一杯無限REFILL既汽水, 真係就算唔肚餓都要食返隻啦! 行完IKEA既你又點可以錯過!

大家都知道沙田間宜家傢俬除咗買傢俬之外仲有餐廳同埋間小食店。間小食店呢，有雪糕啦，爆谷啦，蜜糖香腸啦，薯餅啦，仲有熱狗，同埋非常出名嘅瑞典肉丸。我呢，就單買咗一隻熱狗同五粒瑞典肉丸。咁呢，隻熱狗呢就盛惠$7，而五粒瑞典肉丸呢就盛惠$10。性價比呢就真係非常之高嘅。咁一買返嚟呢隻熱狗呢就無醬嘅，瑞典肉丸呢就只有忌廉醬，意味住茄汁，芥辣，紅莓醬都係要自己落。咁呢其實我就唔係好鍾意咁紅莓醬嘅，所以就無落。佢個肉丸呢，小食店同餐廳其實就真係冇分別嘅。食落去牛肉味香濃，咬落去口感唔會好淋，但未去到出面d牛肉咁彈牙，不過就真係香濃嘅牛肉味搭夠。到熱狗啦，個麵包呢其實有啲乾，所以其實麻麻地，但係條腸就脆皮腸，烚得啱啱好，無overcook到，個皮都好脆，不過如果條腸係煎就會更加好食。不過講真$17蚊，質素算唔錯，性格比都真係非常高👍🏻

豆腐花味新地筒HK $4.5豆腐花平時就食得多，豆腐花味嘅雪糕你又食過未呢？IKEA最近就新岀左豆腐花味新地筒，豆味幾香，豆腐花味濃郁，新地筒亦脆身，整體都五錯。豆腐花味新地筒供應至12月27日，想試嘅朋友要快啦！

最近上網見到ikea新出左隻伯爵茶雪糕，即刻心郁郁！一黎都幾鍾意伯爵茶既味道，二黎ikea都好耐冇出甜筒裝既雪糕，所以都bookmark 左，一有機會就去食架啦！今日咁岩出開沙田，大好機會就走左去ikea甜品站去食，$4.5 一支，對比所有連鎖快餐店黎講真係平到冇朋友，個size就同以前差不多，望落細細支，兩個圈，不過食落份量又okay wor。重點黎啦！味道方面就的確唔係驚為天人既，有少少伯爵茶味，好濃就唔係架啦，叫做不過不失啦，以$4.5黎講算係咁架啦，俾佢合格啦！

今日ikea做優惠一蚊一個玉桂卷我今日見到即刻仆左落街食去沙田ikea美食站試試好彩去到唔算多人 冇咩人知我買左2個玉桂卷我係唔鐘意玉桂味既！但都覺得勁好食 可能因為勁熱熱到隻手紅哂入面鬆軟 玉桂甜味唔算太甜 岩岩好口感一流1蚊買到咁既質素 超值就算原價都係7蚊熱-😍鐘意肉桂會勁鐘意☺️唔鐘意肉桂味既都會覺好食凍左既-😍鐘意肉桂都會覺好食😒唔鐘意肉桂味既會覺難食 個熱狗冇咩特別 我相信大家都知咩味但10蚊熱狗餐 仲有汽水任飲 cp值爆棚

今日來左沙田睇傢私，買完傢私。就來宜家傢私美食站食lunch❤️哩度美食站好多人，搵位唔容易！好彩好快搵到位坐得！男友就排隊點餐！傳說中這裹肉丸好好食，一定不能不叫！肉丸好淋，好入味，伴住薯蓉，果然名不虛傳，哩度汽水$7，任飲，超正，無限添飲！另外叫左個小食拼盤，有香脆好味脆薯格，有雞翼，有腸仔，有栗米，一個小食拼盤，已經包含左甘多樣小食，抵食！男友叫左德國咸豬手，仲有忌廉湯，不過味道太濃，咸了一些！

今日去開沙田行街，見唔太肚餓但又想食少少野，就第一時間諗起宜家既美食站。美食站雖然無得坐，只有企位，但長期一樣係好多人，主要原因當然係價錢唔貴，食物質素又高。而我當然係食招牌瑞典肉丸及熱狗。招牌瑞典肉丸$10蚊有5粒，雖然唔算太平，但忌廉汁加上甜甜的紅桑子醬真係絕配，好好食。而熱狗唔係話好好食，因為唔夠熱，同埋唔夠軟熟，不過$10包埋汽水，重要無限添飲，而且醬係自己控制，想落幾多就幾多，依個價錢真係抵到唔可以唔食!

黎沙田Ikea shopping, shopping行到咁攰，梗係要順便去小食部到食$10熱狗，仲有無限續杯嘅汽水。呢一個價錢嘅hotdog來講， 我覺得就不過不失嘅，熱狗嘅番茄同埋蛋黃醬，就係自助自己落，鍾意食都可以唔使慳。不過，汽水就好似放左好耐，竟然一啲氣都冇。不過今日特別肚餓，想食多啲野，所以另外仲叫咗一份瑞典肉丸，同埋一份素丸，好似每份都係＄10左右，同朋友share就一d都唔貴。weekend就比較多人，都幾難搵到半張枱放一放低啲嘢食，有啲辛苦

今日去咗沙田IKEA掃貨，掃貨之前，當然要醫飽個肚先。一去到小食店，就見到大大張 banner，介紹今期優惠食物組合，當然要支持一下！「雜菜薯餅」一向都喜歡食它的「雜菜薯餅」。由此有雜菜的關係，感覺好似成個薯餅冇想像中咁邪惡，哈哈！今次新鮮炸起，所以非常可口。「熱狗」熱狗大大個，醬汁任「唧」，隨個人喜好可自由配搭。「瑞典肉丸配忌廉汁及紅果醬」肉丸熱辣辣，配忌廉汁及甜甜的紅果醬，又開胃又飽肚，又好味。

陪好友行宜家，行完見到呢個小食櫃臺，食物價錢相宜，先揀飲品，再去櫃臺落單，攞單行前比𢳂食物店員，佢快手將每款食物𢳂入紙盒，熱狗去自助醬料唧！搵到個立食桌，桌子比較污糟！$20套餐：熱狗🌭️：麵包鬆軟，香腸脆皮有汁，加了茄汁同黃芥辣，酸酸辣辣好味瑞典肉丸5粒：肉丸細細粒，有肉汁唔乾，醬汁幾滑好味！蔬菜薯餅：細細個，忌廉味濃，薯仔鬆軟，不過蔬菜味道又唔算突出有機有汽梳打（$10.4）罐裝500ml汽水，夠汽不過梨味唔勁，唔太甜球酸的好味食物價廉物美，落單店員同𢳂食物店員都木口木面的，爽手但較cool$20咁多食物！仲要兩個人分，抵食

The ice cream itself has a very considerate and intricate design. Many additional ingredients of the same colour theme were added to the chocolate ice cream base. Nice for photos and sharing. The bistro has no seating, but foods and beverages are of decent pricing.

一時醒起好耐冇食ikea喇！就去沙田行下順便食下我地兩個人叫左都幾多野下最好味都係蔬菜薯餅，入面係有號芝士架！仲有啲西蘭花🥦三文魚就一般啦，龍蝦意粉啲汁唔夠正，有點失望

Ikea最出名的瑞典肉丸係每次的必試選擇!這裏的美食站食物豐富出名又平好好味 食過覺得好味道 重可以買番屋在屋企自己隨時隨地都有可以回味一番瑞典肉丸 紅莓醬 薯蓉最次參觀Ikea 都必定會點這個小食當做下午茶份量真係剛剛好如果唔夠飽 可以點10粒和15粒份量用焗爐烤過的肉丸 外脆內軟充滿肉汁 入口一點都唔乾 配啡色的燒汁一同食 入口juicy之後再配上甜甜的紅莓醬又係另一番滋味 薯蓉普通貨色 作飽肚之用不過兩者一齊食係絕配👍🏻