I'm Nuts (Closed)

又到放工時間, 又在灣仔尋找晚餐落腳點~ 行下利東街那頭, 就發現到這家餐廳了!看下門外的餐牌, 主要都是西式的, 價錢不貴, 正好想吃burger便入去試試吧!簡潔廚房毫無遮掩, 一目了然~ 雪櫃還有甜品可點!套餐配餐湯 & $38以下飲品或補差額~ 還免加一服務費呢! 不過順帶一提, 服務員做到當天晚上應該很累, 已經沒有Free smile了!是日餐湯是蕃茄濃湯, 湯完全不結身, 但味道好濃郁, 蕃茄味偏酸, 略嫌油了點全天早餐 ($118)炒蛋夠晒滑! 薯餅脆卜卜~ 蕃茄好鮮甜~ 多士烘得很香脆但不會乾硬~煙肉雖油但不乾不硬算OK! 香腸是脆皮的~更開心的是有味道清甜的翠玉瓜啊! 很多All day breakfast都沒有的!整體來說都滿意, 每樣食物都有誠意製作, 不是Hea野來!雙層芝士安格斯牛肉配港式菠蘿包漢堡 ($128)港式菠蘿包做Burger這樣fusion的配搭之前也有見過, 但真是第一次吃! 想不到味道也不錯的! 雖然芝士有兩片, 但略嫌芝士味道欠奉~ 牛肉漢堡好厚! 但不夠Juicy~ 但菠蘿包甜而鬆化的外皮和芝士牛肉加起來也挺匹配, 吃起來咸咸甜甜的, 味

衝著個軟殻蟹青醬意粉而黎，兩樣都係我的最愛，香港食青醬意粉既地方唔多，但呢度整得好有台灣既感覺，仲有隻免切軟殻蟹，第一次食原隻上喳, 裡面仲有膏添😍比彷間食到既冇咁乾，雖然要等得耐少少都係值得既~雙層芝士牛肉配菠蘿包 ，諗都冇諗過會出現咁既cross-over, 食落又唔錯啊～塊漢堡本身冇咩期望，但成落又幾重牛肉味，如果塊芝士可以溶d就正喇🤤Tiramisu好有驚喜， lady finger吸晒d expresso, mascarpone cheese 都好moist,仲可以搵店員畫公仔添😎

晚上嘅汕頭街和下午的完全不同，多了幾分寧靜悠閒感覺。一間明明細小的餐廳不太起眼，卻被那霓虹招牌吸引著，晚上人流較少，播放著輕柔音樂，好relaxing，一天辛勞全消。Passion Fruit Shaken Tea咔啦咔啦的聲音似身在酒吧內，店員把一杯調較好的熱情果茶奉上。的骰造型，有清新味道。茶味搶不了熱情果汁的味道，熱情果汁亦不會喧賓奪主，比例恰到好處。好飲！法國黑松露配什菌意大利麵坊間有不少帶有勁強烈的黑松露味，呢間反而多了蒜香夾雑著，減低了膩感。醬汁好濃稠，平均散佈在麵條上。什菌厚肉有嚼口！正！Tiramisu 新鮮出爐的tiramisu, 口感柔滑，入口即溶，似幻似真，苦澀的朱古力粉中和甜膩。底層可嚐到酒香，是不錯的甜點。Cappuccino 配甜點要有一杯香濃咖啡。拉花不錯啊。

灣仔食肆有很多， 想靜靜地同朋友傾Ｄ野， 呢間係一個不錯的選擇。daily menu 加一20蚊等於set, (有湯及包38蚊嘢飲), 聰明的當然是選擇套餐。蕃茄湯很好味。叫了一個綠海灘上的巨型軟殼蟹, 原來是鹹的, 綠色的意粉相當鮮明奪目。一個全日早餐, 加了20蚊煙火雞, 很大份, 2個人share差不多, 多士也有2件, 炒蛋很滑。 Mixed Fruit for pot, 叫店員加水可以添飲。食完每人$150也不用，不用加一，十分划算。

同舊同事約左係灣仔食野，舊同事話想試下依間café，所以就黎左依度啦。英式芝士薯角等左一陣，新鮮炸出黎好脆，同朋友搶住食意式炭香卡邦尼聞落好香，食落好creamy，d汁唔會好稀，好食!咖哩鳥之親子丼咖哩一啲都唔孤寒，鋪滿成個飯。精選安格斯牛肉配燻香煙肉漢堡BLT麵包焗得好脆，牛肉好juicy好香，再配煙肉脆卜卜，要趁熱食，又香又juicy，好正!Brownie cheesecake 食到一粒粒brownie，估唔到同芝士蛋糕撈埋都幾夾。餐廳仲好有心思，會幫你畫個公仔係碟隔離。自家製花心窩夫配香甜鮮果及雪糕未放到上枱已經好香waffle味，再淋上士多啤梨汁甜甜酸酸咁，就算食飽左都仲會不停放入口食，真係唔錯。

餐廳裝潢簡約，俾人一種悠閒舒適既感覺，放工之後嚟chill下，精神可以放鬆不少。同朋友一樣叫左dinner set。餐湯系羅宋湯，裏面有好多雜菜，濃濃既番茄酸香，一啲都唔馬虎。朱古力奶昔好濃朱古力味，少有地唔會過甜，而且好滑冇碎冰，質感再厚啲就更好！呢度出名咖啡又點可以唔試？Piccolo 嚟到已經聞到咖啡香，飲落濃濃既咖啡味，帶微微酸，苦味唔重，飲得出用上靚既咖啡豆，咖啡迷要試！菠蘿包burger真系第一次試！原本以為又咸又甜會好怪，但食落甜味其實唔重，所以唔會怪。菠蘿包烘得好脆，安格斯牛肉好鬆軟有鮮味，配埋double芝士，正呀！綠海灘上的巨型軟殻蟹既綠海灘其實系綠色既意粉！意粉軟硬適中，入口好香既羅勒味，不過略咸，軟殻蟹好大隻而且厚肉，仲好香脆，但都咸左少少。最後既甜品都有驚喜！畫上公仔好有心思！芝士蛋糕整成兩層，上層系藍莓芝士，比較軟身，似凍餅，下次系原味，實少少，似焗芝士蛋糕既質地，好味又特別！小店各樣食物都精緻好食，落左唔少心思，值得支持！

今日Happy Saturday, 約左約個舊同事一齊出泥gathering. 知道灣仔有間coffee shop唔錯，食物又幾好，環境雖然唔算好大，但非常舒適，所以今日就同埋佢地一齊試下。 🍟英式芝士薯角（$58） 薯角熱辣辣好脆口😋配上芝士汁好creamy, 仲有茄汁，正！ 之後點左2個🍽Daily Menu一齊share 👉🏻一至五包餐湯🍲 👉🏻星期六包$38以下飲品一杯🍹 🍝意式炭香卡邦尼（$98/set） 卡邦尼用上扁身意粉，質感爽口嫩滑。流心嫩滑的雞蛋在意粉中間，非常吸睛，配上煙肉片和忌廉汁非常香口惹味！ 之後再點一份🍛大佬柱介紹🍴—咖哩鳥之親子丼（$108/set） 咖哩味道又香又濃郁，味道唔會太辣，親子丼上還有蛋香味濃的炒滑蛋，超美味！ 🍔BLT($98) 🍃精選安格斯牛肉配燻香煙肉漢堡 漢堡非常吸睛，安格斯牛肉味香肉嫩，非常多汁，夾著清新的生菜和煙肉，非常滿足！ 底下還有香脆美味的薯角呢！ 熱飲全部都有拉花架，仲要杯杯都唔同，超細心！ 🍫Chocolate ($42/hot) ☕️Mocha ($4

本來諗住食cats' eye咖喱 點知夜晚都要排隊 就去左對面lunch都要排好耐既i'm nuts食啦 叫左一個egg benedict一個pasta 都唔錯喎 而且唔使加一 灣仔晚餐黎講算抵食Smoked salmon egg benedict $88 😋: 8/10雖然egg benedict個蛋要流心係基本 但唔係間間餐廳水準都咁穩定 呢度既流心蛋係岩岩好 唔會太生稀得滯 亦唔會過熟冇左流心效果 真係杰杰地既流心 係dor最鐘意既texture 荷蘭汁唔會過多過杰要搶哂啲蛋味 muffin亦烘得好脆 整體非常好 不過淨係得三文魚就寡左啲 建議餐廳加埋spinach會豐富好多Truffle and mushroom pasta $88 😋: 6/10意粉雖然唔太重黑松露味 但都算炒到al dente 幾彈牙 不過實在太油 食完成隻碟都係油 建議落少啲油會冇咁膩平日夜晚既灣仔冇乜人 坐得都舒服 店員服務都唔錯 下次黎想試埋佢既甜品 見到個tiramisu好似好好味咁😋

中秋過後 除左黎囍帖街睇下個月球模型外 行過條街去隔離間cafe飲下咖啡都唔錯😬 部分仲好有創意同大膽配搭😋----------綠海灘上的巨人軟殼蟹 ( $128 )綠海灘即係菠菜扁意粉 用左自家製菠菜醬 味道方面有D creamy🤓 軟殼蟹炸到啱啱好唔會太乾太油 份量都幾多 女仔一個未必食得哂😂-雙層芝士安格斯牛肉配港式菠蘿包 ( $108 )漢堡扒嘅份量ok同厚 調味唔會太濃太鹹 配搭菠蘿包嘅甜 一鹹一甜幾有趣😛 中間有兩塊芝士 菜同洋蔥粒😋 超中意跟埋嘅#脆薯角 好實在好脆🤤菠蘿包就係每日買番黎嘅 如果可以做到自家製就更好🤔-CreamyApple ( $54 )好得意嘅一杯野飲! 用人手打奶泡 唔易塌 好似棉花糖軟綿綿 舀黎食完可以攪勻再飲 味道似青蘋果奶 唔算好甜🤗-Cappuccino ( $38 )店內咖啡機暫時係全港澳第一部 可以平衡番咖啡粉同水嘅比例 所以質素都會穩定啲 飲落好順口舒服 冇咩苦澀味😇-P.S. 上面兩個都係dinner set 平日會送一碗湯 加配飲品就平$18 唔需要加一☺️ 港🐷嗰晚去都幾多人😂 上菜方面就要俾啲耐性🤔

阿仔學校假期，老公放假，諗住去灣仔藍屋逛逛。 記得之前傳媒報道過灣仔呢間cafe，店名夠特別， 即管睇下佢有幾瘋狂Cafe裝修簡潔， 牆上黑板畫上的松鼠公仔好有趣， 原來係老闆插畫師朋友阿柱嘅傑作。叫咗三個set lunch，包湯包飲品。餐湯定期更換，今日係羅宋湯，用大咖啡杯盛上，好足料。叫咗牛油果醬吉列豬扒漢堡包。 麵包鬆軟， 吉列豬扒炸得香脆， 夾住沙律菜，芝士， 重點係用新鮮牛油果製造嘅果醬， 果醬濃厚， 畀淨食牛油果更勝一籌 厚薯角伴碟， 熱辣辣，外面脆卜卜，裡面仲軟綿綿， 薯味十足。綠海灘上的巨型軟殼蟹， 成隻軟殼蟹伏喺個扁意粉上面，畫面好有趣， 軟殼蟹炸得甘香， 面頭灑滿芝士粉。 綠海灘其實係菠菜蓉， 跟扁意粉好夾咖哩鳥之親子丼 (大佬柱推介)， 叫呢個其實係俾大佬柱嘅圖畫吸引住， 加上我哋今日真係親子遊 咖哩味唔係好辣，小朋友食剛剛好， 雞肉同蛋好滑， 大量咖哩汁， 送飯一流呢度老闆係咖啡迷，入咗一部港澳區得一部嘅咖啡機 - La Marzocco Strada AV ABR 老公即時叫咗杯Espresso，佢話甘醇，極為濃郁 ，有回甘。我呢排瞓得唔係咁好， 叫咗一壺

灣仔食肆選擇多，近日比我發現咗一間好有heart既咖啡店……老闆Kelvin除咗係咖啡癡，仲好有決心要在主菜牌上花盡心思，好似今日我點了這客，傳說中好受歡迎既「綠海灘上的巨型軟殼蟹」，就用咗菠菜汁、香蒜製造波浪效果，再「爬出」一大隻軟殼巨蟹……唔單止好睇，仲要好好食，今次真係為蟹發狂咯！ Kelvin話店名解作「為……瘋狂」之意，nuts又有咖啡豆的含意。要做好品牌，老闆用了3個月的時間不斷沖泡混和不同咖啡豆的配搭，搜集顧客既意見，得出依家混合3種咖啡豆(哥倫比亞、哥斯達黎加和厄瓜多爾)既獨特口味！愛咖啡愛到發狂既你，嚟到就千祈唔好唔叫咖啡啦！ 今次我就點咗Coconut latte，特濃既小杯latte配以大大杯純椰汁，首先飲啖椰汁先，好滑好潤喉，跟住加一半咖啡入去，混和飲用估到出奇地夾，真係好過浄飲噃！之後呢，再加埋剩餘果半杯咖啡，一杯完整成形既Coconut latte就完成啦！嘩！咖啡味道返曬嚟！正！ 甜品呢，老闆推介咗布朗尼蛋糕配雪糕，佢話夾雪糕食最好係呢個組合……嗶一啖布朗尼、一啖香草雪糕，冷熱交融果然層次感、美味道瞬間飆升，冇介紹錯！

Saw on Instagram, they had really good items on the tea set such as heart shaped egg on toast and toast with liver pate so I went there one afternoon for it.As expected the pate was really good, it was silky and flavourful just like the pates I buy in UK.I didn't realize they made it themselves because they said they get the livers from the market!But anyway, eating toast, scones and stuff like this is just comfort food.My friend had the new pork cutlet burger with avocado sauce.Quite fancy but

純粹想在跳舞課之前食件cake 飲杯凍啡提下神，見到呢間cafe 位置比較寬敞就走入去。Tea Menu 都幾多野揀，心大心細食sausage platter 定cake set. cake set 可以揀的cake 樣樣都好elegant，最後揀左四眼哥哥的signature cake -- Tiramisu.食落口真係唔同wo! 喜歡飲無糖無奶咖啡的我，覺得呢個Tiramisu 好有個性，同杯凍啡好襯！有興趣人士自己黎試啦，我唔劇透。唔知飲ice drip 定cold brew 好，多得四眼咖啡哥哥推介cold brew 比較襯Tiramisu. 果然係好夾！高水準的simple but elegant 下午茶！

我是經濟日報的長期讀者, 除了看股票, 地產版之外, 也會看副刊, 剛留意到一則介紹灣仔汕頭街新 Cafe ,  I'm Nuts , 名字有點狂野, 細讀開店老闆原來是年青小子, 從會計師工作走到 Cafe 行業, 志向真不少.  我也要去插旗看看.    咖啡是全球期貨第二重要商品.  小老闆可能由會計行業留意到這是大生意啊 !I'm Nuts  離灣仔地鐵站不遠, 鄰近喜帖街, 店子門面中規中舉.名片設計大方.  入門的裝飾及畫工好細緻, 有心思可以慢慢欣賞.此 Cafe 主打  咖啡,  入門不單會聞到香濃咖啡味, 咖啡 menu 介紹得也很清晰,  店內的環境優雅, 佈罝整齊, 牆上木片油畫, 植物,松鼠公仔, 可替客人減壓, 增加思維.座位舒適, 燈光柔和時尚.店員安排好座位給我們, 便送來餐牌.全日早餐, 三文治, 小食,  特式食品.  Breakfast, sandwich, Nuts think special.意粉, 咖喱飯, 漢堡飽, 沙律.  Pasta, Curry rice, Burger, salad.咖啡, 飲品.  Coffee, drinks...

今日太晏食lunch喇，所以dinner唔係咁想食太多野！經過一間裝潢簡單又感覺親民既cafe仔，打算入去飲杯野再食d輕食就當今晚既dinner啦讚：店員好有禮，因為店鋪不大，所以座位亦都有限，不停有客人進店，但已坐滿，店員並沒有催促客人食飽就離開，反而叫客人慢慢在店內享受其晚餐當然該客人都感不好意思，食飽就讓出座位蘑菇湯好香蘑菇味，仲有d薯仔粒，口感好豐富而且味道好適中煙燻三文魚沙律呢個岩哂飽飽滯滯既我可以消滯沙律菜亦都好新鮮芝士薯角呢個薯角係即製的，大約要等10-15分鐘，炸得好乾身沾埋旁邊既芝士醬，簡直perfect, 連我阿姨唔太好芝士，都食到停唔到口綠海灘上的巨型軟殻蟹個名好有創意😂😂綠海灘即係波菜扁意粉，好香蒜味D蒜整到粉裝，而且炸到個顏色唔會好燶，每啖都食到蒜味，味道超正不過軟殻蟹就有點overcooked, 有d苦！不過我見隔離枱果碟又整得好靚喎，炸到金黃色，我今日太唔luck啦Cappuccino 我阿姨好鐘意飲呢杯cappuccinoCreamy Strawberry 顏色好靚呀底層原來係cappuccino 黎ga, 但飲落又無咩咖啡味喎，岩哂唔飲咖啡既我，好香士