皇玥餅藝 (Moved) New Location

餅店來說係幾大間，淨係蛋卷都有12款口味，包裝不像傳統蛋卷咁old school, 色彩得黎不失貴氣。而店內設有試食，仲有水提供，夠貼心。買了原味蛋卷和奇趣蛋卷精選，原味蛋味十足，蜂巢口感，鬆得黎夠脆，唔似得市面啲蛋卷一味係「硬脆」。奇趣精選內，櫻花蝦味蛋卷和香草蕃茄味蛋卷最夠驚喜，市面我自己就未見過有，同朋友一齊開罐吃，朋友都大讚夠特別、而且唔會過鹹過甜，食到停唔到口。店開在尖沙咀，地點幾就腳，我諗有朋友來香港想買地道手信，我都會推薦佢來買。

從小到大超喜歡食蛋卷，就是給這12個口味的蜂巢蛋卷吸引了一定要去新店試試。前半島酒店奶黃月餅始創人葉師傅，夥拍他的唯一徒弟黎師傅同時也是米之蓮二星大師傅，真的好有期待。蛋卷鬆脆可口，牛油味濃郁，再配上不同的天然食材，真的是好有驚喜，食到唔停口，值得推介。另外，店舖裝修簡潔大方，特別是友善的店員在繁忙的店內仍然非常耐心講解產品食材和做法，這就是香港精神。支持香港品牌，支持葉師傅，期待他今年的流心奶黃月餅...

由上年流沙月餅打出名堂的皇玥餅藝 終於有門市啦🎉🎉蛋捲味道非常特別 味道超有驚喜 😍😍.欣賞每味分明又突出 而且仍保留蛋捲的蛋香和甜 咸甜配合很好👏口感亦非常鬆化👍🍅香草蕃茄🍅氣味和味道同樣濃郁 一開包裝已聞到蕃茄香 食落帶蕃茄甜 ⚫黑松露⚫濃度剛好 絕不會濃到有嗆感 但又有松露香🍤櫻花蝦🍤夠咸香 但不重口味 🍮原味🍮主角牛油總沒錯呢.推薦做一流的送禮首選😎

近來每天上下班搭地鐵，都看到這個蛋卷廣告，一直很想吃他們的蛋卷，男子也被我洗腦，有一天就買了盒香草蕃茄蛋卷給我，第二天拿回公司早餐便拿出來吃了！*我以為裡面只有一或兩個包裝袋，原來是很甜心的分成上下兩層，共8小包，這樣我可以控制不要一次吃太多哈哈。*我的是香草蕃茄味，要先說我一向也很迷戀蕃茄的食物，所以有點小偏見也不一定。蛋光的質地很鬆化，但又保留一點實在的口感，不會一咬便全碎，有d 偏餅乾的質地。味道方面嘛，就是濃濃的香草蕃茄味，跟肉醬意粉的味道十分十分相似，香草的味道很突出但又不會覺得討厭，加上蛋卷本身的蛋味也很重，整體來說是超喜歡。*這樣一盒好像是$180左右的價錢，不過同類包裝的買二送一，每盒是$100左右吧，跟朋友一齊買會比較划算，單買一盒便有點貴，不過試試的話是絕對推薦的（笑）

認識「皇玥餅藝」始於舊年參加過其月餅工作坊，知道佢哋紥根香港，致力傳承中式餅藝文化。之前，想試到佢哋嘅出品，只有晌網上訂購，事隔大半年，卒之見到佢哋嘅實體店，落戶晌尖沙咀，以後要購買佢哋嘅產品，就非常方便。如果想了解更多，上其官網就有晒介紹，好過睇我重複打多次吖。而今次想如大家分享嘅喺佢哋其中一款「蜂巢蛋卷」禮盒。打開盒內，附有兩張小單張，一張喺店家嘅簡介，當中有介紹到做餅嘅靈魂人物「葉師傅」，以及多款主打產品，如蛋卷、酥餅、酥條、曲奇……等等。另一張就重點介紹番佢哋嘅皇牌推介「蜂巢蛋卷」，除用料天然、優質高級、無添加之外，並標榜百份百香港製造，更有好多款口味供選擇，足足有12款，可以講喺守住傳統手藝，更要晌味道上發揮創意。至於呢一罐「奇趣蛋卷」禮盒（$198，應該新張關係，有買2送1嘅優惠），上下兩層共8包，每包有3條蜂巢蛋卷，咁就可以逐少逐少食，唔使一打開成罐怕潮而密密食。味道方面，包括原味、香草蕃茄、櫻花蝦、黑松露，看似經常會食到嘅味道，但用嚟做蛋卷就甚少有。原味蛋卷做到蜂巢形相對平常見到嘅平滑形應該有一定嘅難度，打側望望，捲起嚟都幾厚身吓，但入口好鬆化，蛋香味唔失禮，而且，比一