焰淑泰國餐廳 (Closed)

未食過咁難食嘅泰國嘢， 嘢飲淡到好似飲水咁， d嘢食又勁難難難難食， 早知唔試新嘢 ，去返附近排長龍嗰間食好過 。 以後都唔會去再幫襯 ，已經同曬所有親戚朋友講唔好去食。 唔明點解咁難食都可以開到舖頭，咁耐都唔會執笠， 當日見到成條街嘅餐廳都排曬長龍， 得呢間餐廳冇人排隊，應該醒水知道唔好食所以冇人入去， 以後見到冇人排隊真係唔敢試新嘢，上次佢出放題 book唔到，以為好好味好多人爭住食，點知中曬伏奶曬嘢， 希望啲人睇到千祈唔好去試。

食泰國菜唔洗諗一定會叫個小食拼盤 ($88/小)🤤 呢度銅鑼灣區但價錢都幾抵！ 有炸蝦餅，炸魚餅，沙嗲串同特色春卷~ 除咗串燒有2串，其他各一，但份量唔算細，反而可以試哂咁多款既野食🙈另外叫咗黃咖哩配雞肉 ($88) 餡料唔少！辣唔係好辣但都幾香。食咖哩點可以冇印度薄餅 ($38) 唔知點解淨係煎香一面😂 同埋實質其實係2塊完整既餅，點咖哩一流🤪馬拉盞炒通菜($78) 好惹味爽口既通菜，好夠火候，辣辣地，食到停唔到。大蝦蛋包炒金邊粉($98) 賣相冇得輸既金邊粉，粉炒得夠味同埋都夠乾身😛 大蝦4隻都幾爽口

登龍街一向都出名食拉麵，但係食泰國嘢都係第一次。見到餐廳都係新裝修應該啱啱先開業。餐廳有得散嗌嘢食或者揀套餐。因為我同朋友嗰日都勁肚餓所以就揀咗佢依個啤酒串燒放題嘅套餐，佢除咗串燒同埋啤酒係任飲之外其實仲有個頭盤同埋主菜。頭盤係一個泰式生蝦刺身，食落去蝦嘅口感係好爽口加埋辣辣地嘅味道都認真幾開胃。跟住就係主菜，我哋就叫咗一份紐西蘭羊架，雖然份量唔算多但係味道較好，樣嘅肉質好滑同埋好入味。跟住就輪到主菜串燒啦，其實串燒嘅種類都分左咗好多種，有雞肉、牛肉、豬肉嘅串燒，另外仲有雞翼同埋一啲海鮮，海鮮有生蠔、青口。我哋每一樣都有時到少少，我個人最鍾意就係豬肉全消因為佢嘅味道夠入味而且口感好彈牙所以都好好食，而雞肉同埋牛肉嘅串燒味道都唔錯水準幾好。然後我哋都叫咗幾次燒海鮮，我哋最鍾意嘅就係燒生蠔， 生蠔嘅味道好新鮮而且非常肥美，我哋叫完第一次之後都忍唔住要encore多次食完幾次串燒同埋燒海鮮之後我哋都食到好飽另外一邊食住串燒同埋飲啤酒真係好正，餐廳仲提供左日本asahi同埋泰國象啤俾我哋試飲，我發現原來泰國嘅啤酒都幾好飲喎

當日透過openrice 見到有優惠所以book左9點半，但好快收到電話confirm 可否改9點，但由於工作收工係9點，唔可以9點去到，所以當日同朋友一收工已經趕去餐廳，9點20分已經到了， 但有個男士態度真係唔友善，好似想我地快d離開，由於10點清機，10點3 關冷氣，我同朋友好俾心機食快d，其實10點4就離開，因為9點4去到已經掃地拖地中，如果真係唔想咁晏收工，其實唔需要開一個9點半優惠，否則真係整個服務體驗唔好。唔會再夜晚去

今日朋友話要食泰國菜,但身在銅鑼灣真係唔多選擇,比我係openrice search 係v- point 樓下有間評語幾好既泰國餐廳話咁快同朋友入去坐低左,地方都幾大,侳位好闊落,岩晒我呢D肥妹仔4人枱都幾寛敝,坐得耐都唔怕餐牌有多款食品,睇左我成20分鐘先念到食咩呢個係黃咖哩牛,黃咖哩唔會偏甜,而家好香,牛肉肉質好軟,好好味點咖哩就無理由唔點烤餅,即叫即烤,熱辣辣,好好味馬拉盞通菜,好香夠獲氣泰式生蝦,勁辣,生蝦汁好味到全部吃光光點左一隻海南雞,好滑,連皮全部食晒仲有份甜品,好清甜,perfect !

去到causeway bay 通常食日本野多,今次去左食thai food ,係V point 地面,超方便,地方坐得好舒服生菜包肉好新鮮,無咩肥糕生菜好翠綠,爽口生蝦大大隻,生蝦汁超辣,好味到不得了SIZE比一隻手指還要大,好少咁大隻,蝦肉半透明,鮮甜開胃柚子大蝦沙律,蝦好彈新,新鮮又爽口泰式蝦醬炒飯,飯粒乾身,有嚼勁,色澤平均,好入味完全無念過原來causeway bay 食thai 菜都咁美味,讚

一講起放題，都會諗起日本菜，但係估唔到原來泰國菜都會有放題㗎喎～ 因為某日同朋友經過呢間位於銅鑼灣嘅泰國菜館，見到有二人串燒任飲任食套餐，我地覺得好似幾得意，所以就入咗去試下啦～套餐包括一個前菜、一個主菜，串燒可以任食，同埋啤酒可以任飲。 前菜係生蝦，我哋覺得生蝦嘅味道非常出色，蝦本身都幾新鮮，所以肉質爽口，調味汁酸酸辣辣，非常醒胃，感覺味道都幾地道，主菜方面我哋就叫咗燒牛扒 ，牛扒肉質結實，燒得香口，味道相當唔錯！串燒嘅種類有好多，例如有生蠔、粟米、青口、雞肉、牛肉、雞翼等等。我個人認為最好食嘅係青口同生蠔，因為加咗蒜蓉嘅關係，食落非常惹味。其他串燒嘅味道都相當好㗎～ 呢個套餐其中一個最大嘅好處，就係可以滿足一眾酒鬼，可以盡情暢飲一番～整體嚟講，我覺得呢個套餐嘅性價比都幾高～ 鍾意食泰國嘢同埋飲啤酒嘅朋友，的確可以考慮去呢間餐廳挑戰下呢個特別嘅放題套餐哦！😋😆

旅遊兩個月, 一回港, 想起吃燒物。經過銅鑼灣, 發現了焰淑泰國餐廳, 空間舒服, 便進去一試! 心癢癢想食肉, 便點了任食套餐, 雞牛豬羊一次過盡吃! 任食套餐包一份前菜, 一份主食及任點串燒和啤酒。和朋友點了生蝦刺身, 蝦身爽口, 味道不錯。欣賞其主食羊架, 肉鬆香夠, 如果少點肥肉更理想。但它配合的醬汁與薯仔都好吃! 串燒有魷魚, 青口, 雞翼, 豬牛雞選擇。整體味道都不錯, 如果串燒選擇再增加會更豐富及吸引, 只有粟米卻未有其他蔬菜。啤酒任飲是快樂的! 這餐牌適合三五知己一起happy hour 共聚時光, 尤其是坐在舒適空間中。

每次去親銅鑼灣拉麵街都係食拉麵，今次有新發現原來呢度開咗間泰國菜，人流都幾多，而且望落去氣氛都幾好。於是就入去試吓啦!!我哋叫咗一個Pad Thai 另外叫咗串燒、豬頸肉同埋蠔仔煎蛋。Pad Thai 方便水準都算唔錯，炒得乾爽得來，酸酸甜甜，同喺泰國食嘅有得比。串燒方面都非常足料，一串有好大舊肉，而且醬汁都好正！最值得一讚係個蠔仔煎餅！每粒蠔都大大粒，而且鮮甜得來又唔會有腥味！如果下次再一定會叫返呢個。最後仲叫咗個椰青，兩個人啱啱好食飽飽！

係時代廣場行完街就搵左呢間泰菜試下，因為係平日夜晚所以都唔係好多人。係店員推介下我地揀左$288串燒放題。前菜係生蝦刺身，醬汁係酸辣既仲有少少蒜，蝦肉好爽口同醬汁好夾。主菜選擇左安格斯牛扒，生熟程度適中，肉仲係粉粉地色，食落有啲咬口，唔使點醬都夠味。串燒方面覺得最好味既肉類係牛肉，雞肉同豬肉冇乜味同埋燒得乾左，反而海鮮相當唔錯，青口好好味，大隻又juicy，連蒜蓉食好香。蠔都幾好味，同蒜蓉好夾。前菜同主菜都好味，反而串燒質素普通，海鮮就有驚喜。如果下次黎會想試下其他餸。價錢方面覺得定價太高，難去吸引人揀呢個餐。

快要餓昏的一天☠，到了晚飯時間🌛，但真的沒精神再想要食甚麼了😢，在往車站的路上🚌，剛好經過了一家泰國食店🇹🇭，老公🍋建議不如吃一點再坐車回家吧🏡。餐廳不算很大🤔，裝潢帶了點東南亞風味😯，但又不失型格摩登的風格🤭。剛好看到了一個串燒任食的推廣套餐🤩，不想多想的我倆就挑這個吧😉。泰式生蝦刺身🦐：先來一個前菜😋，每隻蝦都已獨立器皿盛載著🍴，不用直接與冰接觸❄，衛生程度更高👍。蝦肉肉質爽甜😍，配上酸辣的醬汁🌶，非常醒胃💖。燒紐西蘭羊架🐑：羊架表面燒至微焦🔥，入口嫩滑多汁😊，味道帶上了一點點的微膻😌，配上了沙嗲汁🧡，更為滋味😋。燒牛油雞翼🐣：外層燒至金黃色💛，單看外表已很吸引😉，入口有著陣陣牛油香味🤩。沙嗲雞肉串🐥：雞肉串口感軟嫩😌，味覺豐富💖，味道濃郁👍。沙嗲豬肉串🐽：肉質耐嚼☺️，有越嚼越香的感覺😍，配上惹味濃郁的沙嗲醬🧡，甜甜的😀，帶點花生香味🥜，令人回味無窮😄。沙嗲牛肉串🐮：牛肉不會燒得過火🔥，保持了肉質的幼嫩😋，交融着牛肉香的口感😌。燒青口🐚：一碟青口🍱，顏色有深有淺😳，基於生活習慣不同🤔，肉質有橙色也有灰白😲，但無損口感和味道😉，肉嫩鮮甜👍。燒生蠔🌊：火喉控制得宜🔥，保持了肉質的鮮甜味

是日重陽節，當然要趁假期約朋友食飯，朋友想食泰國菜，於是就黎到呢度。餐廳位於登龍街，由地鐵站行過去只係需要幾分鐘，相當方便。除咗散叫外，餐廳仲做緊套餐可以任食串燒任飲啤酒，但由於我地想食多d唔同菜式，所以都係決定散叫。泰式酸辣鳳爪 :酸辣鳳爪一向係我最愛，貪佢酸酸辣辣開胃之外，唔駛吐骨亦食得方便。呢度嘅酸辣鳳爪夠入味，入口爽口，酸辣汁唔會太辣，兩個人一啖一件話咁快就清晒。明爐鮮蝦冬蔭公湯 :食泰國菜又點可以唔飲冬蔭公?由於我地都鍾意飲，見兩碗一人份同一煲差唔多價錢，就索性叫一煲可以飲得盡興d。冬蔭公上檯時用明爐座住，唔駛驚飲飲下會凍晒。冬蔭公材料十足，有大蝦、菇、車厘茄等等，另外亦有大量香料，入口酸酸辣辣，飲一碗真係唔夠喉。泰式濕炒海鮮河粉 :份量都算大碟，配料有蝦、魷魚、青口等等，河粉炒得唔會太碎，夾起黎相當方便，芡汁味道夠濃，但又唔會太鹹，唔錯。泰式明爐烏頭魚 :去親泰國菜餐廳，總會見到有人食呢款魚，每次都好想試，今日朋友話有興趣，當然二話不說就叫啦。由於係即叫即煮，所以等候需時，上檯時用明爐座住慢慢煮，等烏頭魚可以慢慢吸收湯汁。烏頭魚肉質嫩滑，吸收咗微酸嘅湯汁後非常惹味，配埋伴碟

朋友介紹去試下呢間泰菜，見到任食套餐啲野食幾吸引就決定試下。泰式生蝦刺身: 第一次食生蝦刺身，真係覺得好有驚喜！蝦新鮮咬落爽口，配埋佢既酸辣汁食好惹味同開胃。主菜: 揀左安格斯牛扒，份量都幾多，牛肉肉質唔錯唔會韌，而且食落好重牛味，點埋佢既泰式醬(甜甜地既蒜味)好夾串燒:牛油雞翼: 冇乜牛油味，但雞翼幾juicy，點埋柚子醬食好好味沙嗲雞肉: 唔會燒到好乾，點沙嗲食好惹味沙嗲牛肉: 食完主菜既牛再食呢隻牛自然覺得冇咁好味沙嗲豬肉: 有少少乾青口: 必食！青口幾大隻，好juicy燒得好香，唔會有腥味，加左好多蒜令青口香味更出生蠔: 必食！咬落juicy，上面既蒜燒焦左少少更加惹味魷魚串: 冇乜味，要點酸辣汁食玉米: 幾好味，粟米偏爽口係我中意既質感食物質素唔錯，價錢可能set得貴左啲但都值得一試既。

係銅鑼灣你會發現Time Square後面－登龍街原來有好多好嘢食，今晚就來試下泰國菜💁🏻‍♀️我同家姐叫左串燒任飲任食套餐($288/1位）-🔺頭盤－泰式生蝦刺身🦐刺身好新鮮 辣椒粒+蒜+生蝦一啖過 口感既豐富又滿足 配上酸辣醬汁 開左個靚頭💫-🔸主菜－燒龍蝦好似好少係泰國餐廳食到龍蝦🤔肉質爽口結實 因為燒過的關係🔥比較容易剝殼 對於我呢啲懶人就啱晒啦😎👌🏻配埋特製海鮮醬 正😝-🔷任食串燒燒牛油雞翼丶沙嗲豬肉🐖丶雞肉🐓丶牛肉串🐂丶燒青口丶燒生蠔丶燒魷魚串🦑丶燒玉米🌽每一款都係即叫即整 上枱熱辣辣 調味好惹味😍小編encore最多就是👉🏻燒牛油雞翼丶沙嗲豬肉雞肉丶燒青口丶燒生蠔✨ 無限任叫不是夢呀💓-⬛️另外仲有任飲的啤酒🍻例如Asahi, Carlsberg, Singha 一於飲到不醉無歸🤩🤟🏻🍨甜品時間 我哋再叫咗兩款果凍－咖啡☕️+椰青口味🥥咖啡味OK 但椰青味就好令我Surprise😍清清地配埋入面有椰青果肉😋

是日重陽節前夕，早上港鐵又有故障，返到公司已經好攰，非常期待放工約朋友食飯。我哋一行三人，約咗喺銅鑼灣食晚餐，我朋友介紹黎呢間位於登龍街嘅泰國餐廳，話呢度嘅廚師係泰國人，食物味道非常正宗。晚上時段可以以$288一位嘅價錢任食串燒，又或者選擇a la carte。難得嚟到咁正宗嘅泰式餐廳，我哋當然想試下各式各樣嘅菜式啦，所以最後揀咗a la carte 。唔大食嘅我地叫咗一個沙律，一個湯，一個菜，同埋一個飯。柚子大蝦沙律：泰菜味道一般黎講都比較濃，叫個沙律食黎中和下就最好不過。加入左柚子同大蝦嘅沙律，配上沙律汁，味道清新，令人越食越開胃。脆肉乾炒椰菜苗：椰菜苗炒煮時火候剛剛好，軟硬適中，加入脆肉乾炒，鹹味恰到好處，食落好有口感。明爐鮮蝦冬蔭公湯：食泰國嘢又點少得飲冬蔭公湯呢？鍾意食辣野既我，冬蔭公係我去到泰式餐廳必叫既菜式之一。冬蔭公其實係泰式酸辣湯，係由南薑、酸子、香茅、青蔥、酸檸檬、辣椒同魚露調製而成。呢度既冬蔭公湯一客大約有六碗左右，以明爐送上，有明火保持溫度，只係賣相已經非常震撼。呈橙紅色嘅冬蔭公湯，上菜時熱辣辣，香料十足，仲散發出陣陣香味，配料方面亦都好足，有菇、蕃茄同蝦等等，