花甲年華

Open Now

Now Closed

星期六唔想出街 見到有間新新地嘅花甲粉嗌左外賣試下個人好鍾意花甲 鍾意佢嘅鮮甜同多肉嗌左兩個加一個小食1. 鮮甜花甲粉(微辣)外賣set會貴過堂食少少份量ok夠食 但花甲算多但略嫌太細 冇咩肉食微辣都幾出個辣味 鍾意食辣人士可以嗌辣d 應該都幾刺激到味蕾2. 酸菜魚花甲鍋米線 加左豬大腸呢個份量仲大 米線略嫌太硬身豬大腸都洗得乾淨 好咬口酸菜魚個湯好夠味 但花椒味幾重 食食下個咀會麻左 不過幾過癮 魚都幾滑呢一款如果跟粉絲都幾好3. 泡椒雞腳份量一般唔算多但雞腳椒麻味好夠 鍾意👍🏻

第一次食就揀左個胡椒湯味嘅花甲粉，一打開錫紙就聞到一股胡椒味😄食完就覺得麻麻，可能本身嘅期待值太高😅所以覺得味道一般！但份量黎講一個人食都ok嘅👍🏻👍🏻

花甲年華In the mood for clam📍 屯門屯順街1號屯門市廣場一期2樓2253A號舖Food Maze上次去屯市新開嘅food court食burger時，見好多人都食一兜用錫紙裝嘅粉麵，好奇一問下先知原來喺burger嘅嚟檔花甲粉，我以前去上海實習都成日有食花甲粉，難得香港都有得食，一定要試試佢！ 💰$60鮮甜花甲粉 🍜雖然話係做花甲粉嘅專門店，但感覺上冇咩特色，可能因為我食過好正宗嘅花甲粉，所以覺得呢度嘅花甲粉無論係調味用料都同想像中有落差。先講佢嘅花甲，每隻都好細，有啲仲要剩係得個殼，識落仲有少少沙添。粉方面我哋揀咗粉絲，湯底揀咗微辣清湯，湯底唔算重味精，飲完唔會覺得好鹹，但粉絲剪到好碎，幾乎要用匙羹畢先食到。最後就係配料，芫荽、芽菜同蔥都無咩香味，索唔到湯底嘅精華。無可否認佢哋嘅花甲粉係未開食之前已經聞到好香，打開睇到賣相亦都唔差，但真正食落就中規中矩。以呢個價錢喺屯門其實可以食到更加好嘅嘢，個人認為唔需要為咗食佢喺food court特登排隊等位。

睇夜場9：30屯門尼個 food court 都算唔錯，開業尼大半年都保持到清潔，可能因為少左好多好多自由行尼間花甲年華，我已幫襯過幾次，選擇上菜色配搭都好岩我口味今次點左金菇肥牛花甲 配 粉絲質素依然，打開錫紙味道已好好，想即刻食當食到花甲時，就大打折扣嚕始終花甲質素唔穩定（好細好細粒，食唔到花甲味道了），對上一次已失望， 今次再失望，我可以忍受幾多次尼，長遠落去會少左好多本來欣賞嘅忠粉。希望貴餐廳諗諗計嚕。

屯門food court 開左好多野食, 其中最吸引我既係花甲粉,份量夠大仲要好香,佢有好多味, 有原味, 仲要水煮魚, , 肥牛花甲粉,今次食左珍寶肥牛花甲粉, 轉左香辣蕃茄湯 , 見到佢可以加10蚊叫個紅糖冰粉又想試下, 就叫埋, 多野食到一個點, total $81 等左10-15分鐘到就有, 佢用一個瓦煲上, 野食就用錫紙包住, 要食先自行打開,咁樣一路食, 粉絲同湯都keep 到好熱。 珍寶肥牛真係冇改錯, 真係好多肥牛,花甲就係D 小花甲, 但係冇咩沙, 洗得幾乾淨。香辣蕃茄湯好鮮味, 又甜, 唔覺唔覺就會飲哂。粉絲我想講係好多, 食到底就有粉絲, 成碗食哂我飽到第二朝。朋友叫左燒茄子好好食紅糖冰粉,面頭有桂花碎,仲有少量山楂,食落係固體少少既jelly, 都幾好食, 食完一碗熱既煲再食碗冰粉係好爽。

我係叫外賣的，叫左微辣，但佢只小小辣至中辣，啲花甲細到好似冇咁過咁，另外仲加左3隻大蝦，一望個樣原來係急凍有尾蝦，唔洗講個蝦完全冇味，呢間野真心好垃圾以後唔會再叫！大家食既時候小心啲！總括：-花甲細到離譜-辣度好明顯亂黎-大蝦其實係急凍有尾細蝦仔（冇味個仔）-價錢貴得唔合理

因為疫情已經好耐冇返深圳，以往都會返去飲飲食食，就係當年接觸到花甲呢樣野。今日竟然可以係屯門回味返，一入food court已經聞到好香既花甲味啦，再睇一睇餐牌，一份花甲$60咋！如果想食肥牛花甲煲都係$66。最後我揀左普通版，配以麻辣小辣。個花甲煲一黎到勁香，入面d粉絲索哂d湯既精華勁好味呀。一啖粉絲一啖湯，件事非常之match。同埋個花甲煲既花甲份量都唔少架，唔會話得個殼而冇哂花甲肉。$60一個煲加一包250ml飲品。抵！

叫左魚片花甲粉，花甲好細隻，魚片好少，米線都好少！食完都唔飽！咁就66蚊，唔抵食，以food court黎講價錢偏貴⋯⋯後悔揀咗呢間,早知食pepper lunch

收到一打開失望，小辣都辣到食唔到，湯太多米線睇起上黎就太少咁，配料都得少少，令賣相失式豬腸比較硬準太多都係令賣相失式，黃花魚算ok! 糖水都ok 甜度適中！ 價錢就見人見智

係屯門市廣場行完街，Lunch時段唔知食咩好，就行入food court睇下有咩想食，見到花甲年華好多人排隊，就心郁郁試下先鮮甜花甲粉 $60選了小辣唔太辣可以接受，（有微辣可以選），花甲份量唔算太少，不過好細隻！粉絲爽口彈牙，而且有少量金菇係入面，金菇同粉絲吸收曬d湯汁精華，好味道但整體份量略少，唔太夠飽價格包一包紙包飲品，飲品都有幾款選擇不過食完唔太飽，要再買其他野食，變相一個午食咗$100，$100可以有好多選擇了

今日一早同老婆睇完戲📽，就去咗屯門巿廣場嘅food court - food maze食個快lunch🍽。之前朋友話花甲年華好出名，於是我哋就決定叫嚟試吓。我哋叫咗一個鮮甜花甲粉絲（中香辣）分享（當然仲有叫其他餐廳嘅嘢食）。佢係將成個花甲粉絲用一張好厚身嘅錫紙包住，再放入一個煲仔飯嘅煲上菜的。一打開，香噴噴！個辣味真係好香，忍唔住立即飲一啖湯，中辣唔算好辣，啱啱好。雖然好香口惹味，但略嫌無乜鮮甜嘅味道。花甲份量都可以，細細隻，肉質還可，但亦係少左鮮甜味。粉絲好食😋，吸收晒湯汁嘅精華，好開胃！會再幫襯！

餐廳：花甲年華地區：屯門地址屯門市廣場一期2樓2253A號舖Food Maze日期：25/5/2022時間：19:00人數：2人 等位：0 mins 價錢： ＄150係屯門唔知食咩好🙊突然諗起未去過開左好耐既food court，於是去望下有咩食🤔望落個環境幾企理同幾多餐廳選擇，就搵左間幾多人排隊既花甲粉絲煲黎試下。我哋嗌左個M3無骨魚片花甲粉（$66），由於我地其中一個唔太肚餓就加底（$5）兩個人share食🙊，加多罐可樂（$5），再加配多三個小食😋招牌焗蠔2隻（$39），焗金菇菜 （$15）同焗茄子（$20），除咗焗蠔外尼兩款都有得額外減$10，都幾抵👍👍👍，總共$150。🌟無骨魚片花甲粉🌟魚片、花甲、金針菇、粉絲為主要材料，用錫紙包裹，鎖住花甲既鮮味🤤，使花甲肉質更加鮮嫩，再加上濃香醬汁，鮮、香、麻、辣。花甲份量都幾多有成二十幾隻🤩🌟招牌焗蠔🌟味道唔錯👍，蠔亦新鮮，可惜得炸蒜如再加啲新鮮蒜蓉會更加香😋🌟 焗金菇菜🌟雖然先$15，但金針菇同埋娃娃菜份量都幾多，味道偏向原汁原味，比較清淡冇額外加其他湯底，但亦唔會覺得寡口。🌟焗茄子🌟焗茄子反而覺得遜色咗少少🙈，味道淡咗啲，我哋偏向鍾意

嚟到屯門市廣場food court，中式港式泰式都有。見好多人都食呢間，張張枱都有一份，但係今日唔想食粉面，就試咗呢個肥腸花甲干鍋。70幾蚊有白飯，有埋嘢飲。花甲份量都幾多，但係勁細粒，有啲未開口。不過味道搭救，好惹味，辣得好爽，唔會辣得勁辛苦果一種，入面一鍋有薯仔、蓮藕、豆角呢個價錢嚟講，份量都多！原本想加錢加多啲其他餸落去，但係原來冇得咁加。要嗌有粉麵嘅餐先有得加配料。下次行開呢邊可能會試下粉麵餐

餐廳座落於屯門市廣場Food Court內，所以價格亦走向平民路線，而且食物又有質素。珍寶肥牛花甲粉絲選擇了香辣蕃茄湯底，味道酸酸辣辣好開胃，而且份量都幾大碗，至少有10塊肥牛、10隻花甲，花甲雖然不算大，但勝在鮮甜無沙。招牌焗蠔(4隻)蠔肉新鮮肥嫩，上面撒上蒜蓉再經過燒烤，味道非常惹味。酒釀雞卷 說好的雞卷呢？換來的卻是雞胸。雞肉泡著花雕酒中，讓雞肉產生甜味，食起來肉質尚算鮮香。辣汁煮豬大腸大腸肥而不膩，麻辣入味，只可惜過腍沒有咬口。

23.04.2022 星期六花甲年華上次去Food Maze見到花甲年華，已經想試；今日放工上外賣平台，原價比較貴，但外賣自取有七折，跟即場在餐廳買價錢差不多，預早訂定去到可以馬上取，方便很多，星期六人多不用慢慢等。餐單上最吸引當然就是花甲粉，還有珍寶肥牛/無骨魚柳/烤原條黃花魚/胡椒豬肚雞/蓮藕肉餅花甲粉。除此，湯底可以揀番茄/香辣、清湯、胡椒、香辣（微、小、中大）；有十五款配料任選，尤以花甲、蓮藕肉餅、大蝦、炸軟殻蟹比較特別；又可追加小食、涼菜、甜品；包飲品一份。午餐：無骨魚柳花甲粉米線（蕃茄湯）加花甲、娃娃菜、蓮藕肉餅（2件）無骨魚柳雖然份量不太多，小小四、五件，但味道不錯，不會煮碎了；番茄湯底很好喝，不會很油膩。上網好多人說花甲份量小又細隻，所以我特意加了一份，只係$10.9，最後細心逐隻數，共有44隻，味道鮮甜，不錯呀，下次試試加一份大。另外也加了娃娃菜，大大棵一條，對於我這個平常要食好多菜，實在太少了，如果可以加多些更好。惟一失望是蓮藕肉餅，期望過高，結果無甚蓮藕味，質感不硬又不是軟，怪怪的，我自己不喜歡。焗蒜香茄子勁多蔥蒜，一打開蒜香撲鼻，兩大條長茄子，不錯呀醋香雲耳之前