Infinity Workshop Cafe (Closed)

登打士廣場向來都係cafe 店的天下。今日去到5樓的Infinity workshop cafe嘗嘗人生有限，咖啡無限的感覺🤤今晚book 了黑魔女陪我吃飯😘由espresso 、可樂、曲奇、綿花糖，最後加上cream 組成。每一啖都喝到曲奇碎和細粒綿花糖，口感、層次分明。可樂跟咖啡互相輝影，甘甜味十足。主菜：忌廉明太子三文魚意粉超大份的説，碟細而深。滿滿一碟意粉，加上三文魚，香草點綴。明太子呢🤔一食落口，淡淡的明太子辣味就立刻湧上口內。非常出色，少少咸少少辣，忌廉夠creamy，意粉咬感夠彈牙。吃幾口再喝一啖甜甜的咖啡，真的覺得世界無限大🤤明太子的微紅色完全反映到意粉上😳廚師並不是直接一條明太子放在意粉上。而是變成醬汁完全溶入意粉內。超仔細看，可以見到無數粒小點的明太子均勻附在意粉上。Heart 😘Haagen-Dazs 雪糕窩夫。雪糕可選香草、草莓、比利時朱古力窩夫即叫即製，請耐心等待。窩夫底烤得不錯，外脆硬中帶點軟，蛋醬沒有加太多水，製作出來不像蛋糕更像餅。正中間加上Haagen-Dazs 雪糕。可以分成八小件，跟朋友分享最完美。上面加上草莓、藍莓，微濕更易入口🤤一匙一件剛剛好。

星期四嘅晩上七點半，全店滿座，好在book 左位。店內有好多張大枱，好適合大伙兒gathering。黑松露油炒鮮帶子虎蝦意粉 $108估唔到樓上cafe 有咁高水準！黑松露味好香，意粉份量好多，意粉炒到乾身，口感al dente 剛好唔會太硬。帶子鮮味嫩滑，虎蝦夠大隻，肉質彈牙。招牌漢堡 $138餡料好多，牛漢堡好厚，另有煙肉、啡菇、蛋、芝士，蕃茄洋蔥生菜另上好貼心。蜜糖芥末醬好特別，味道好突出。配扭扭薯條，份量好多，外脆內軟。德國腸拼野菌雜薈 $88德國腸有白色同紅色，切片炒雜菌、紅椒，有辣油幾惹味，如果唔食得辣要叫走辣呀。蜜糖雞翼 $68蜜糖另上，沙律菜落左芝麻醬，雞翼肉嫩入味，切左一半方便容易食，好注重細節，值得一讚呀。美顔水果茶 $58淡淡嘅橙汁味，有士多啤梨、橙、奇異果粒粒。塑身水果茶 $58好濃西梅汁味，有藍梅、菠蘿、香蕉，感覺好排毒。絕對係質素好高嘅樓上cafe，留意到每道菜都使用好多天然香草調味，賣相靚又增添香味，好欣賞！就算全店滿座，食物都好令人滿意，而且店員還可以保持笑容！下次要試下tea set同埋甜品!

早收工 約左班姊妹食下午茶😋 揀左一間站於旺角樓上餐廳 有大大的牆口俾你望落旺角街度 環境好休閒 可以俾我安安靜靜同姊妹談心👭👭餐牌非常精美 睇得出餐廳好好用心經營 特別係飲品果part 有好多童話世界的飲品名 當然我吾可以錯過 叫左杯灰姑娘👸🏻 係一杯朱古力、曲奇、牛奶同綿花糖的沙冰 非常適合夏天飲用 濃濃的朱古力 當中夾雜了好多曲奇碎同幼細的沙冰 上面還有很多忌廉😋 我朋友就叫左長髮公主以士多啤梨同蜜桃調製的沙冰 。係一杯非常健康的飲料 濃濃的果香同時可以食果肉 口感都好特別，吾會過酸反而仲有種鮮甜👍Full day全日早餐$128💛裏面有牛角包、煙肉、炒蛋、菜、蜜糖腸同辣肉腸。一個人食都好飽，價錢一般，煙肉唔太油腻，而蜜糖腸都好爽脆，入口即滲出甜甜嘅蜜糖味道😋😋招牌漢堡，真心值得推價💕 首先漢堡材料有厚厚的牛肉扒、煙肉、芝士同大蘑菇 仲有好多配菜可以按自己份量食用😋 包面有小小脆 與其他食物搭配剛好拾當 至於洋蔥薯圈 炸特十分可口😋😋

今天跟朋友去到登打士街廣場這間Infinity Workshop Cafe，本身諗住食下午茶點知去到看見餐廳的Menu主菜很吸引所以最後也決定點了兩份意粉還有飲品首先來的是白松露油香煎深海魚柳新意粉份量很多，白松露油很香，不過魚不是很入味，但是配上濃烈的白松露油整個感覺也不錯還有配上小蘑菇朋友點的是濃香茄醬豚肉腸意粉，我看見他的那一個腸很多， 真的很濃蕃茄味！不得不提就是這杯熱朱古力配棉花糖，女生影相一流！太優美了精緻的杯加上香濃的朱古力鮮奶，特別有氣氛 朋友點的是熱士多啤梨朱古力，香噴噴的士多啤梨味也很吸引。整體來說很滿意餐廳的食物，還有很多甜品， 下次會試 店裏下午還有占卜服務不過店員說最好預先預約，因為占卜師不是常常回來

可能好多去過café嘅朋友都知旺角登打士廣場一向係Café集中地，對於我來講café嘅印象係可以坐好耐好啱一大班三五知己聚會嘅地方，但係我一向對Café嘅嘢食就冇乜期望！今晚我朋友搵到呢間Café，食完之後令我對登打士街廣場café嘅感覺完全改變！餐廳座位唔算多但係全部都十分闊落，仲有好多唔同沙發位，而坐低見到特別造型嘅碟已經加左分！蜜糖雞翼餐廳細心地將每隻雞翼變成單骨雞翼，令到食客可以更加容易進食，雞翼半煎炸得香脆，加埋新鮮嘅蜜糖，感覺清新招牌漢堡超級大份嘅漢堡，內有芝士煙肉牛肉漢堡扒，最重要係有機大蘑菇！另附生菜蕃茄洋蔥，可以自由選擇加入去食定分開食，漢堡包嘅包皮烘脆左，加埋入邊豐富新鮮嘅餡料，大滿足享受！ 黑松露油炒鮮帶子虎蝦意粉值得一讚真係好足料，虎蝦嘅size大過我手掌，另外仲有三隻特大帶子！意粉炒得夠乾身、配埋蒜蓉同香草材料，十分惹味，唯獨係黑松露可以再重手少少，可能我比較鍾意食濃味食物Heart 最後order左甜品心太軟，呢度所有雪糕都係用Häagen Dazs，仲有幾款味道可以選擇，心太軟火候剛好，流心既香濃朱古力配上雪糕， 畫上完美的句號！雖然呢度食物嘅價錢比其他C

朋友同我慶祝生日，帶我黎呢間infinity workshop café嘆西餐呢度好舒服，有得坐沙發食野叫左個all day breakfast $118炒蛋幾滑，加上香脆甜甜既鮮果穌，煙肉同辣肉腸比較惹味，重有水耕菜可以減膩添，黑松露油炒鮮帶子虎蝦意粉 Fried Tiger Shrimp and Scallops Pasta with Truffle Oil＄108意粉充滿黑松露既香氣，廚師將帶子煎至焦香，重好細心將大大隻虎蝦去殻添，蝦入口彈牙，陣陣香烤味，調味都幾出色蜜糖雞翼 Fried Chicken Wings with Honey $68我鐘意將雞翼分開成單骨既做法，食既時候去骨更方便炸香得黎唔會太油膩，外脆內嫩，鎖住肉汁黑松露鮮帶子芝士焗啡茹 Baked Portobello Mushroom with Black Truffle, Scallop and Cheese $88啡菇上面已經放左層芝士，芝士加上黑松露真係香氣迫人菇好多汁，黑松露更將菇同帶子既鮮味迫出 71%朱古力蛋糕 $68朱古力香氣濃郁，重有軟滑既口感嘆住茶，又過左個休閒既下午

女兒說旺角沒有好東西吃，其實在登打士街廣場餐廳多着呡？我們到的時候只有兩三枱人，但只有一位姐姐在招呼，後來更發覺煮食，調製飲品都是她一腳踢！德國腸拼野菌雜薈，腸少了點，味道還可以！意式烟肉蛋汁意粉，芝士味出奇的香濃，意粉煮到剛好，值得一讚。心太軟不夠脆，扣分了。後來才發覺這裏是許多女生聚腳的地方，傍邊還坐著一位miu tv的旅遊節目主持人呢！

其實旺角cafe真係好多主要都係搵個地方同朋友閒聊下入到去環境很大就算你幾多人去都有足夠既空間活動一啲都唔覺得迫現場所見有大人帶埋小朋友一齊黎傾計食野又有情侶係角落食野真係咩人都適合飲品名稱用童話世界黎表達好新奇 好吸引意粉出奇地好味好多蛋汁食落去一啲都唔乾中間隻蛋係流心蛋汁混埋意粉一齊食正！餐牌上介紹呢碟菜式有辣椒但其實一點辣味都沒有可能自己不喜歡食三色椒所以覺得麻麻雞翼好乾蜜糖不是太夠其實係Oreo 沙𣲙外面既Oreo會好甜但呢個甜度適中因為友人不大舒服點了玫瑰味熱鮮奶如果係食晚飯建議飲呢個，晚上必定好好瞓雖說高峰時間 只有90分鐘用餐時間但職員都唔會趕你走同埋職員隨時都望到全間餐廳既人落餐個啲都好快會幫到你不同於其他cafe，叫黎叫去都無人招呼

今天晚上下班後，和朋友在旺角逛街後，隨意挑選了一間Cafe吃晚飯。猜不到，這地方不錯，環境非常乾淨，蠻有style, 枱與枱有比較大嘅距離，好舒服。整個地方很有空間感。很少香港餐廳是這麼好。而且他們的服務非常周到，態度也非常友善。我們叫了以下的食物：1. 蜜糖雞翼-好香，有香料味，又不油膩。比較特別的是蜜糖是分上的。如果不塗蜜糖，是鹹味的。2. 黑魔后-味道很特別，有點帶苦澀味。雖然有棉花糖，但不是太甜，如果喜歡味道特別有喜歡便可以選擇它。3. 熱鮮奶抹茶配日式紅豆- 不太甜，甜度剛好，又有抹茶香。抹茶加上紅豆蓉的香甜,味道非常配。4. 黑松露油炒鮮帶子虎蝦意粉-帶子幾大顆，ok好吃,帶有黑椒味，隻虎蝦肉質不錯。5. 鮮帶子虎蝦青蘋果沙律-帶子用咗香料烹調過，好香。這虎蝦做得非常不錯，有蝦味同肉質彈牙，比意粉的虎蝦更好吃。青蘋果甜甜的，好醒胃。菜都新鮮。6. 黑松露鮮帶子芝士焗啡茹-芝士好香口同芝味，焗得剛剛好。芝士上放了些黑松露一起焗，香味入了芝士，好香好香。啡茹好Juicy，有啲香茹淸甜。帶子夾在茹與芝士中間，口感多了一份層次，而且帶子有帶子味，也非常配啡菇和芝士的味道。總括來說是

筆者相信, 每一位走去樓上 cafe 用餐的顧客都各有各的故事和因由 ....有的為了談情, 有的為了跟潮流扮文青, 有的單純為了喝一杯好啡, 有的為了慢活; 我和太座上到來用餐是因為避雨 ~Menu ~忌廉明太子三文魚意粉 $ 108 : 這碟 pasta 絕對要趁熱吃, 我當然理解相機食先這個必然動作, 但依然都是這句, 要趁熱食, 因為忌廉汁的 texture 會因時間而轉變, 這個明太子意粉的忌廉汁煮得夠 creamy 而且稀杰度適中, 入口奶滑柔和又帶明太子的微辛, 三文魚肉是魚柳新鮮煎成的, 煎出來的肉是滑溜, 並非煙三文魚, 意粉的軟硬度也相當適中, 不會太腍, 好吃 ~Mocha $38 : 這杯 mocha 既有濃郁的咖啡味, 亦藏著沉鬱的朱古力香, 豐厚而幼滑的奶泡帶來了平衡的風味 ~本篇完 ~

自中學果陣上過去登打士街啲樓上cafe。就去到今次再上。但好驚訝依到啲cafe變左好多。仲好靚下。依到環境幾好。可能閒日人唔多。所以餐廳都順住我地嘅要求執張大台比我地坐。方便我地傾野。不過講返重點。食物緊要。必食煙肉蛋汁意粉，汁多且夠creamy意粉又唔會太淋，中間粒蛋一定要溝埋一齊食。中意嘅再加啲芝士粉，好味到震，好想encore自私食一碟。黑松露油炒虎蝦帶子意粉。海鮮就幾好味，帶子亦好大粒。但食到底都食唔到黑松露，小小失望。德國3色腸蕃茄意粉。幾開胃但冇乜特別，個汁唔夠soft太杰一pat pat咁。。德國腸拼野菌雜薈。本人麻麻地食菇，但啲腸同三色椒點左啲汁又幾好食，而且唔止一款腸仔。唔錯。奶油芝士千層薯。賣相幾吸引，個千層薯都好好味，芝士味香，個面用火槍燒過，脆脆地，正！最後就到小食。蜜糖雞翼同chips。漿汁只係普通沙津加蕃茄漿。嗌黎送飲品都唔錯！飲品要讚下。友人隨口問有冇朱古力，點知黎到係賣相好靚嘅朱古力，整到好有heart。ps餐牌係冇咖！仲有要推介白雪公主(香蕉奶)，好足料，好香 蕉味，入口綿綿地，我好中意！再黎caramel macchiato ，中意佢用粉藍杯，好靚，

蜜糖雞翼，相信各位從字面得知，應該會同蜜糖有關，但係當你食完呢一味蜜糖雞翼之後，我相信你哋嘅味覺都會有一個新体驗，我初時都以為係會唔會上錯左另外一味雞翼，但經過與店員了解之後確認這一味就係蜜糖雞翼係冇錯嘅。一味只係得鹹味嘅雞翼，仲要係非常之鹹，如果未食過蜜糖嘅人可能會以為蜜糖係鹹😥😥😥如果將菜式名字改為椒鹽雞翼應該會更好另外都點左一個扭扭薯條，這款就不過不失始終薯條都係現成跟住再即刻攞嚟炸應該唔會太差總括來講呢度嘅廚藝水準係非常之差

忽然來的黃雨，實在讓街上的行人狼狽；身處在登打士街，要找僻靜避雨點最方便是上網找資料，剛好對面的登打士廣場有我們的需要。踏出升降機後便可以沿入口進店，要留意的是門口已貼著告示告訴客人 : 每位客人的最底消費是 1 項飲品 / 食品。店內裝修屬舒適的木系格局，頗有田園 feel，好清新的感覺。原來有塔羅占卜服務，$ 30 一次。 肚仔餓先點下面食品飲品，其他再算 ...... 德國腸拼野菌雜燴 $ 88 有紅有白的德國腸薄切片，與野菌及青、黃波椒來煮個大雜燴；野菌與波椒煮出來是仍然有咬口，不會過份腍掉；醬汁惹味，甜甜辣辣更帶香草香，全部拼在一起吃，層次走出來。招牌漢堡 拼 粗薯條 $ 138 洋蔥、蕃茄和水耕菜放一旁，讓客人自己決定加甚麼加多少份量在漢堡裏。當在餐牌裏讀到《招牌漢堡》的材料時候，看見有「雞蛋」這個食材時，頓時有預備吃到骯髒的機會，究竟《招牌漢堡》是有多麼的豐富？ 材料包括有：牛油麵包、免治和牛、煙肉、啡菇、蛋、芝士、洋蔥、蕃茄、水耕菜和蜜糖芥末醬，看圖便知它美味的豐盛。三眼仔鮮奶抹茶 $ 42 味道主要是來自抹茶的甘澀，與牛奶煮合後的質感是不稠，甜味不太覺得有。此時此刻，

在旺角街頭想得到片刻的寧靜，所以找來一間樓上cafe吃個晚飯。平時旺角總是人來人往，地鋪的餐廳都一定會迫滿人，樓上的cafe是不錯的選擇。餐廳的空間感十分，枱面之間都預留了許多空間，坐在這裡不會覺得擠迫。加上這裡以淡黃色的燈光為基調，氣氛特別好。這裡的裝潢都都好有特色，餐廳中心一大棧的木製掛燈好有風格。我和朋友坐到一旁的lounge ，舒適雅致。黑松露油炒鮮帶子虎蝦意粉大大隻的虎蝦，足足有我的手掌般大，蝦有烤過，帶有香烤味，蝦肉鮮甜爽口。一碟有三大粒的鮮帶子，帶子煎到兩面焦香，肉質彈牙嫩滑。意粉炒到香口，配上草菇一起炒，更有一份菇的鮮香味，加上適當份量的香草，整碟意粉配搭完美。招牌漢堡賣相吸引，厚厚的漢堡包像高塔，好吸引眼球。漢堡裡面有一磈厚厚的牛肉，肉厚多汁，牛味十足；除了牛肉，還有一個香烤過的菇、芝士和 boiled egg。所有食材的配搭得宜，漢堡都十分出色。薯條炸到好香脆可口，沾上茄汁食一流。黑松露鮮帶子芝士焗啡菇啡菇大大隻，面頭放了一片芝士，再上面有一粒大大粒的鮮帶子。芝士焗到半熔狀態，加上鮮嫩的帶子和用黑松露來調味，整個小食香氣迫人。貝兒這是一杯用蜜桃和菠蘿製成的smoot

呢間cafe都幾闊落，具空間感，唔會有壓逼既感覺，又有梳化坐，又可以聽住音樂，真係朋友聚會既好地方！我地order 左個白松露油香煎深海魚柳意粉。碟意粉黎到既時候，已經隱約聞到松露既香味，雖然啲意粉有小小乾身，但經過松露既油同菇炒過，所以特別香，另外，魚柳也煎得啱啱好，嫩滑又唔乾，而且意粉份量好多，食完好飽足。另外個黑松露油炒帶子虎蝦意粉，成隻虎蝦上，好豪！帶子都煎得不錯，火候控制得不岩岩好，虎蝦爽口鮮甜，都算新鮮既，所以鍾意食海鮮既一定會鍾意。飲品叫左艾利奧同白雪，個名咁得意梗係要試試啦，大大杯又係幾抵喎。艾利奧啲顏色好靚，有小小漸變色，飲落好清新，酸酸甜甜咁，好開胃。白雪雖然啲色無咁鮮豔，但係味道一定不輸艾利奧，香蕉同忌廉味道好濃、香滑，但唔會飲完好濟或者太甜，啱啱好。最後叫左個haagen-dazs雪糕心太軟，雪糕既味道可以自由選擇，心太軟配雪糕簡直絕配，一冷一熱，好正。唯一心太軟可能焗耐左啲，無咁流心，變左普通朱古力蛋糕，有啲可惜，但水準都唔錯。呢間cafe既價錢其實都唔算好貴，勝在地方方便又可以容納好多人，可以成班朋友仔去坐下傾下計，但係繁忙時段可能要book定位，因為我去個