Infinity Workshop Cafe (Closed)

旺角想找一個清靜的地方真不容易，幸好今天是閒日，人流不多， 於是選擇了登打士街的樓上Cafe - Infinity Workshop Cafe 渡過我的下午。這裡裝潢風格走休閑格調，燈飾設計帶點個性， 旺角樓上Cafe大部份都是檯貼檯，但這裡意外地闊落，運用了空間營做出舒適感。 坐到角落的沙發靠窗位置，窗外看到H&M，坐得挺舒服的，但餐檯與沙發的高度多像差了點，用餐時會有點辛苦。 已經是提供下午茶的時段，但還是想品嘗主餐單的招牌菜式，餐單的選擇挺多的，最後挑了一份主餐跟飲品。黑松露油炒鮮帶子虎蝦意粉 : 這裡的招牌菜式之一，虎蝦跟帶子很大隻，鮮嫩爽口，意粉炒得香口，份量也十足，是略嫌較乾身，黑松露油沒有太大味道，但整體還是很出色 ! 熱鮮奶抹茶配日式紅豆 : 抹茶濃郁，淡淡甘香味 ! 紅豆亦很足料，宇治金時的配搭很不錯 ! 唯一不滿是奶不夠多，而拉花也糊了。整體概括 : 在一眾樓上Cafe中挺出色，食物接近餐廳水準，休靜寬敞的環境也很適合消磨時光，是間無論一個人或是朋友聚餐都適合的小店呢 ! 

一直都對旺角啲cafe無咩好感，因為都覺得太多 無咩保證，但係係朋友介紹下就知道有呢間infinity，環境好好，價錢仲好合理又好食！佢地仲好nice服務又好啊！回頭率高！

黎開旺角呢頭，同朋友想傾下計，就黎坐得舒服既cafe 食lunch 我地叫左Tea set 蜜糖雞翼$48 跟飲品單骨雞亦方便進食，雞亦本身調味足夠，可以自由決定加幾多蜜糖。Tea set 煙肉蛋焗大啡菇$58最近菇非常hit, 加左例牌食法煙肉蛋汁，冇就咁菇咁淡。All day breakfast $118一個All day 乜都有，有北海道3.6炒滑蛋，口感creamy, 煙肉，白菇，車厘茄，牛角包，辣肉腸，芝士腸，好豐富，而且味道都唔錯的。黑松露油炒鮮帶子虎蝦意粉$108意粉作為lunch 選擇夠份量，原隻蝦作為配料，都幾新鮮。意粉炒得唔錯，吸晒黑松露汁，又乾身。蘋果肉桂茶雖然係tea bag 但勝有唔同茶選擇味道幾清新。甜品方面，叫左鮮果熱香餅班戟入面係cream, 仲可以靠自選三款水果及70% choco cake,choco taste good, worth trying!

Cafe 好大空間感十足，有唔少梳化位，播住音樂，令人好relax!三眼仔鮮奶抹茶好得意！好濃茶味帶微甘，奶味比較弱，但powdery左少少, 順滑啲就更好!檸檬薑茶辣辣地，酸酸地，驅寒一流！帶子虎蝦青蘋果沙律帶子嫩滑鮮味，虎蝦大大隻夠彈牙，沙律菜唔會有太多沙律醬，帶少少醋酸，清清地好開胃！白松露油魚柳意粉有唔少菇菌，菇味香濃，意粉夠咬口，魚柳啖啖肉又滑，調味啱啱好，唔錯。Burger好厚好大個，高到無可能唔拆開咁食！和牛好鬆軟，有肉味，啡菇好爽口，不過整體honey mustard 味太重，蓋過左芝士味，而且包太濕，底既包幾乎系浸濕既狀態...最後食埋甜品，蘋果金寶面層脆脆地，牛油味香濃，下面系軟稔既蘋果，如果配雪糕會更好食。心太軟有流心，外層鬆軟，朱古力味濃郁，配埋HD既雪糕，唔錯！Hea下食下野咁就一晚，呢度絕對系個好好hea既地方！

對登打士廣場的cafe一向無太大好感，其中一個原因是等lift太唔方便。在假日下午想揾個靜靜地的地方同好姊妹傾計，一search之下發現infinity。一入門口已好有好感，空間大而且只有少於10張枱，所以好舒服！第一次來更驚喜的是tea set, 茶餐廳價錢但接近酒店質素，一點也不馬虎！點了3個茶餐，分別包括tea pig的花茶。先來的是黑松露炒蛋牛角包，炒蛋好都有驚喜，充滿黑松露味，雖然沒有很多蛋汁但入口熟度剛好！配角牛角色不過不失，是非常脆底的那種，配炒蛋很適合！第二茶餐為雞翼，友人很欣賞單骨做法，我諗為正常水準，但presentation同價錢搭夠！我覺得最驚喜是彩虹pancake, 真的沒有想過會咁有heart! 3年自制鬆軟pancake配3款醬，加上生果，沒可能有不好食的理由！這個下午就好快樂地渡過了！由於我很喜歡這裡，隔了兩天朋友gathering又選址這裡，試試他們的晚餐！好彩有book位，因為星期一晚半個場party！今次就點了人氣的虎蝦帶子意粉！果然不錯，雖然只有淡淡的黑松露油味，但意粉用Oliver oil, garlic and mushroom炒過，口感仍是

這兩天心情不太好，所以想找一間Cafe，輕鬆一下，整理一下思緒。亂打亂撞，走到這個鬧市綠洲— infinity 。今日是閒日，沒有很多人，正好可以零靜的整理一下近日煩亂的思緒。個人覺得cafe 就是要寧靜，不應該太過喧嘩。這裡對我來說，絕對是一個好地方。蜜糖雞翼開邊雞翼，即叫即炸，炸得不乾柴，保持嫩滑多汁，香酥金黃，輕咬離骨，調味亦恰到好處。至愛零食黃金洋蔥圈，即叫即炸，洋蔥圈經油鍋炸過之後，表面呈現金黃色，外皮口感酥酥脆脆，非常香口，裡面軟身，味度不嗆喉，色香味俱全。加上沙律醬或茄汁，令人一口接一口!他們的招牌咖啡原來是早前外國大熱的雪糕筒咖啡 ，將咖啡、朱古力和威化3款食物融合，賣相非常吸引，絕對是打卡必備！Coffee in a Cone，筒內層是厚朱古力，防咖啡漏出，筒內是鮮奶咖啡。筒內的厚朱古力會因咖啡熱力而溶掉一點，令鮮奶咖啡帶一點朱古力味，但味道亦不會太甜一些。這個雪糕筒咖啡好看又好喝！熱檸檬薑茶檸檬酸味與薑的辛辣味相撞，正好減淡薑的辛辣感，令薑茶的口感變得清爽，更易入口。Hot tea 餐牌列明不同茶的功效，很貼心。的確，最近天氣溫度變化大，多喝檸檬薑茶有益，增加豐富的

一直都甚少去旺角嘅cafe，尤其是呢棟大廈，但今日嚟開做野，又真係好想喺間cafe度坐吓，反覆search咗好耐，見啲相又好似幾ok，決定一試，不過老實講，唔會有任何期望。上到去，同啲相又真係差唔多喎！環境寬敞企理，靠窗嗰邊有啲梳化，真係幾舒適喎！All day breakfast ($118)牛角包/合桃酥任選一辣肉腸/牛肉腸/豬肉腸/芝士腸/蜜糖腸任揀兩款，第三款以上要+$12北海道特選3.6全牛乳炒蛋好嫩滑；煙肉超級肥瘦分明，不過肥嘅居多，我切咗少少瘦肉出嚟食就算了；白野菌及車厘茄水耕菜冇乜特別啦；牛角包係會即刻焗返熱，所以我食到咁上吓先上菜，外層嘅酥皮好脆，但中間好軟綿，牛油味香濃，好好味！我揀咗蜜糖腸及芝士腸，好大條，仲好香蜜糖及芝士味添！呢個all day breakfast看似好細，但其實食晒的話係好飽肚喎！蜜糖雞翼 ($34)用木盤上夠晒精緻，炸得均匀香脆，入面嘅雞肉軟嫩，再點啲蜜糖一齊食感覺冇咁熱氣。本身驚唔夠食所以麻煩店員將份量減半，但好味都心諗早知叫原裝份量啦！小紅帽 ($49)呢度嘅飲品好特別，全部係用公主名呀、童話故事咁樣嘅名。我叫嘅呢個係原個西柚打成嘅，飲落

每次去旺角食晚餐唔係食雞煲就係打邊爐，好少會去cafe食，因為每次去旺角啲cafe 晚餐質素都系麻麻地(由其係登打x廣場個啲樓上cafe)，通常會叫杯好貴嘅嘢飲吹下水玩下card game 就算，但今次有朋友推介食呢間cafe 就試一次啦。上到去環境都唔錯，地方闊落，每枱座位都唔會好迫，不過缺點係冇得供應card game 玩晚餐冇set dinner , 只可以散叫，朋友特別推介呢款黑松露炒帶子虎蝦意粉，所以我就跟隊上菜速度都算ok，落左單5-10分錯就有得食!聞落已經好香，帶子唔太爽身，但個意粉勝在夠惹味，醬汁一啲唔馬虎，黑松露味道偏淡，虎蝦都算爽身，食起嚟都夠入味。另外，落咗一杯熱甘菊花茶，味道都算濃，加咗5-6次水嗰味仲係度，幾抵飲整體嚟講如果想喺旺角約朋友吹水兼食飯，呢間係一個晤錯選擇，如果係一大班人最好預先留位

Today i catch up with my ex-colleague and he brought me to a cafe that he visited frequently. Infinity workshop cafe was located between Yau Ma Tei and Mongkok MTR, along the busy streets of Dundas street. As everyone know, Dundas street was famed for the whole stretches of street food available. We reached slightly at 2pm, thus we were able to enjoy some quiet conversation for ourselves.They tried to keep it simple thus their menu for their main, sides and salads were only restricted to few ite

這天朋友帯我來到這裏，給我－個小驚喜。想不到車水馬龍的鬧市裡，會有如此閑靜濶落的cafe和工作坊。Allday breakfast $118 北海道特選3.6全牛乳炒蛋很滑。煙肉比較肥膩。白野菌車厘茄水耕菜牛角包很酥香，又不油膩。豬肉腸和芝士腸也很惹味。 德國三色腸蕃茄意粉 $88 微酸的蕃茄醬意粉，很開胃，德國腸的份量頗多，而味道不過不失。(右)甘菊花茶 $33 甘菊味頗重，茶味清淡怡人。(左)蘋果肉桂茶 $33 －向不太喜歡咖啡奶茶，唯對此茶情有獨中，蘋果與肉桂味道平均。Haagen-Dazs雪糕心太軟 $98 件朱古力餅烘焙火力很到位，切開中間的朱古力如濃滑的岩漿，緩緩地流出，未吃已感到開心滿意。吃落朱古力味濃，又不會過甜。與Heagendzs雲喱雪糕拿同吃，很完美呢！71%可可蛋糕 $78濃濃的朱古力香氣和味道，質地細緻，小小－件蛋糕，有意想不到的驚喜。

與朋友相聚好地方。是日慶祝生日選擇了Infinity workshop cafe！！環境方面：空間寬闊以及整潔，但建議先訂位才上去；服務態度很好，他們都很親切，而且部分熱飲是可以re-fill；食物的質素方面，價錢合理食物屬中高質，上菜速度合理；D這晚，我們點了薯蓉和番茄醬豚肉腸意粉，番茄醬與意粉能融合入味，份量適中；由於蜜糖雞翼已經售罄，所以我們點了炸魚柳配薯條（薯條值得一讚！）。另外，我還點了special coffee，利用雪糕筒並加入咖啡，帶給我滿滿驚喜，感受了喝咖啡的新體驗與其創意～ 由於生日關係，他們還為我們準備了甜品（朱古力心太軟）以及準備了蠟燭還用朱古力粉寫上了姓名，十分有心！總體感覺，就是很適合大小聚會相聚地方，環境讓客人與客人有適度空間，大家值得一去！

今天收早約了朋友在旺角睇戲，時間尚早，就打算去食個tea，想找間cafe hea 一hea 時間，就到了登打士街那邊走走。見到這間 cafe 的裝修特別，風格優雅，還有大窗戶可供望望街景，感覺寫意，就坐低試試。下午茶餐的選擇有9款，主要輕食為主。點了個黑松露炒蛋牛角包，牛角包有手掌般大，外層的酥皮脆脆的，中間的包心夠軟。炒蛋份量多，黑松露令蛋的味道更豐富，更野味。心太軟擺盤好看，士多啤梨花切割得精緻。心太軟的朱古力漿沒有一切就湧出來，不過朱古力味十分濃郁，配上Haagen Dazs 雪糕，正！

這間位於旺角繁忙的街道樓上舖Cafe，一上到去別樹一格，尤其寧靜，地方寬闊休閒，可以同朋友仔慢慢食慢慢歎🤗黑松露油鮮帶子虎蝦意粉 -意粉抄得干身，而且濃濃的黑松露油非常鮮味，帶子新鮮，虎蝦好大隻又彈牙，真的美味可口😋鮮帶子虎蝦青蘋果沙律 -用了青蘋果感覺清新，而且材料新鮮加上少少沙律醋好開胃👍🏻童話世界茉莉 -加了藍莓和菠蘿汁，顏色嬌艷吸引心太軟 -我選了配朱古力雪糕，雪糕內還有少少碎朱古力碎片，好有咬口😬心太軟功夫到唔到家就要睇裡面有冇流心啦，果然冇失望，濃濃的朱古力醬流出來，外脆內軟味道一流食食下先知原來這裏的下午茶1:30就開始，都幾抵加三十元就可以玩一次塔羅占卜，好吸引呀，可惜今天是來午餐下次一定要再來一個下午茶和朋友仔一齊玩玩這個塔羅占卜

午餐同朋友係Infinity Cafe 開餐，環境不錯，位置ok 方便。未食早餐的關係，兩個人可以食多d 食物。黑松露油鮮帶子虎蝦意粉$108意粉最怕冇味，但炒得好入味，充滿香草同黑松露味，帶子同虎蝦好大隻。德國三色腸蕃茄意粉$88番茄味好重，仲有蕃茄粒。意粉吸晒汁，濃郁，仲有好多腸作配料。海鹽焦糖牛奶咖啡$45拉左花有心思，咖啡甜中帶鹽，幾fresh。炸蝦芝士條$58芝士條炸香左，一咬開係芝士條，炸蝦都炸得唔錯。70% Choco Cake $78有幾層，好香朱古力味，有流心漿層，Cream 層，蛋糕層。Haagendazs 心太軟$98心太軟即叫即整，非常流心，整得好挺，加埋Haagrndazs 蛋糕味道更好。

今日同朋友喺旺角睇完《殺神John Wick2》，就去咗搵地方醫肚。黎到登打士廣場5/F，見到間cafe環境竟然咁闊落，就二話不說決定坐底。枱與枱之間距離遠，裝潢設計走自然休閒風，讓人坐得十分舒適。不過梳化同餐枱嘅高度就爭少少，坐底後個人好似凹左落去咁，要伸長條頸先飲到杯飲品XD呢度的飲品好花心思，以童話世界的公主命名，我地點左「茉莉」（藍莓味）、「艾利奧」（青蘋果味），再後加一杯「睡美人」（荔枝味）。朋友話估唔到實物能與圖片相符，因為賣相真係好靚呢！個人認為「茉莉」最好飲，不會太甜，藍莓味又出。食物方面，本來期望不大，因為樓上cafe嘛... 但呢度的食物水準真叫人有驚喜！意式煙肉蛋汁意粉、黑松露油炒鮮帶子虎蝦意粉，兩個碟都非常之正，絕對係水準之上！蜜糖雞翼，擺盤精緻。不過如果唔將隻雞翼拆開兩邊就更好了，肉汁就無咁易流失。最後我地叫埋Haagen-Dazs雪糕心太軟(配比利時巧克力雪糕)，為今餐作結，好滿足呢！總的來說，呢間樓上cafe相當有誠意，無論係環境，抑或食物，都絕不馬虎，相信能在同類型cafe中突圍而出! 十分推薦呢~