一風堂 (希慎廣場) (Closed)

第一次賣外賣，牛舌帶子麵同湯分開，餸係凍嘅，袋裝湯唔夠熱打返上去問原因，話袋裝湯要用微波爐叮熱，為什麼攞外賣時不問下客人公司有沒有微波爐，不是個個人公司都有微波爐存在，賣外賣係希望可以即刻食到，冇預過要再處理先可以食，一間咁大間拉麵店原來全部都係加工嘢，不是現場煮，致電希慎分店店員非常冇禮貌，又 hold 住電話要你等，今時今日環境不相信佢舖有咁忙，根本特登 hold 電話要你等，餸係雪櫃取出來湯又唔熱兼唔熟，lunch hour 得一粒鐘根本冇時間再買，一肚氣！垃圾！

《博多沾麵》$85雖然一風堂好出名，但一直都未真正係香港食過，隨左杯麵😂 今次終於經過又想想地食，所以就一於試吓啦！可以話係一碗平凡嘅沾麵，不過不失，至於份量方面，肉係一定夠食嘅，麵嘅質素同硬度都適中，唔錯😋 個配菜要讚一讚，啲芽菜真係幾好食，辣辣地，幾開胃😍《豚骨雞白湯拉麵🍜》$80 呢個拉麵第一個感覺係塊叉燒幾好食😂 至於麵質同湯底就正正常常一碗日式叉燒拉麵咁，湯底唔算太油膩，有幾塊紫菜，鍾意食紫菜就啱晒啦！食物質素：7.5/10 環境質素：8/10

包裝很整齊，湯包是分開，麵同餸都係有分隔。可惜湯包買回來雖然還熱，但一倒入麵中混合一起就變冷了，拉麵不夠熱感覺不好味。當中有些日式叉燒還是唔夠熟，不敢吃！另一方面餐廳沒有及時更新取餐進度，我一直更新app 版面，一直都停留在準備中，但我去到餐廳才發現，食物一早已完成，令我取餐延遲了，可能係咁，湯也不夠熱

呢日經開一風堂，見到佢地做緊半價優惠，未食過一風堂既小弟就咁就比佢吸引左大家只要download佢地個app登記就可以成為會員，仲可以用埋呢個半價優惠！一碗拉麵都係$34，真係好抵！呢個湯底都幾濃，飲完都有d口渴份量都幾多，一碗都夠飽如果真係唔夠可以加$2 加多個麵底呢個餃子就有d失望喇可能佢地想做到獨特d，所以加左好多薑同埋蔥花係面小弟唔中意食薑，所以即刻對個餃子失哂興趣而且餃子既size都幾細，好失望

COVID-19全球大流行！抗疫近半年，生活習慣改變了！其中包括：不聚餐！工作日午餐都不約同事/朋友吃飯，自己一人吃的多！１人食，日式拉麵是個適合的選擇！手機下載了一風堂app，隨即成了會員，消費可績分，就多了來吃！今次試了新品：橫濱豚骨拉麵#湯底是用豚骨和雞白湯熬煮，比較濃！因為有豚骨，比我吃慣的味噌湯，油膩些！#配料：溫泉蛋１隻，流心的，喜歡！叉燒２片、紫菜、蔬菜。#拉麵，選了軟身的，不錯！#定價：80元/碗，加10%服務費新會員送炸魷魚鬚１份，１個月內有效，逾期不補，會再來吃一次！

一風堂之前都係日本東京都食過，今次係香港食，感覺差唔多。有日本水準。-呢間店做緊抗疫優惠，非常抵食， $60都唔使就可以食到碗足料嘅拉麵。-同朋友一人分別嗌咗赤丸以及白丸拉麵。碗配料方面有2塊紫菜，4片豚肉，半粒溏心蛋。-評下入面配料：豚骨湯 （4.5/5）個人認為適合香港人口味，味道唔油膩，唔會飲幾啖就飽曬果隻。調配得剛剛好😋- 拉麵 （4/5）選了較硬身，比較爽口，唯一美中不足是個人喜歡偏再細身的拉麵為主-豚肉 （5/5）豚肉好有睇頭😋😋👍🏼切得夠薄，偏林但又有咬口，肉味都十分香濃。-總結：餐廳都坐得好舒服，夠寛夠大，店員服務都好快好親切。☺️渡過左一個開心的晚上

拉麵控❤️人山人海，所以排隊是預期之內的～只是它的質素卻在我意料之外🌝常常聽說一風堂的名聲，但除了湯和豚肉不錯之外，它的麵條不夠咬口，份量太小，溏心蛋不夠味，價錢也不便宜，所以跟其他日本餐廳比較就會比下去了😔😔希望這些都可以改善一下😖😖—————After a long queue at peak time, we finally got a seat!Served within 5 minutes, the ramen, disappointedly, fell below the rest of the Japanese restaurants, in terms of its price, taste and small portion☹️The eggs are not marinated sufficiently; the noodles are not bouncy enough even I have selected “hard”; however, the tender porks and intense broth are some highlights😅

呢間係朋友帶我黎食既～但我見係拉面我就無拒絕 照去左食 🤔整身都未聽過呢間拉麵店 點知原來係我見識小 🙈佢係一間日本拉麵連鎖店。我個日叫左特製白丸元味。特製白丸元味 Special Shiromaru Motoaji $88拉麵連鎖店黎講 個價錢算係中規中矩 唔算貴 👍🏻因為都有四塊叉燒 半隻糖心蛋 仲有兩片紫菜。但個湯底好味精豬骨湯味 食完我都係咁飲水🤢 雖然佢唔貴但個湯咁樣真係唔多掂😂 叉燒係一片片簿切的而且咬落較乾身。 🤨糖心蛋就唔夠入味亦唔夠流心 個人覺得就唔合格啦。😟而紫菜就好啲 都有紫菜味 雖然唔濃 但都尚算可以接受 👌🏼而麵方面， 我就覺得ok既。👌🏼但我個人覺得日本連鎖拉麵店既湯底就唔係好接受到😔我自己就唔會再食啦。。。

上班日的銅鑼灣有太多選擇，去到希慎的一風堂都不需要排隊。看到有個限定的和牛拉麵，便試試新口味。 湯底方面偏向濃味，有牛味但並不突出。很多人害怕拉麵湯頭的油，但這層油可以封住表面，留住湯頭濃香，不能撇去。 拉麵上有兩大片和牛，它油脂豐盈，油花分布均勻。畫龍點睛的是和牛上撒上幾絲微酸的柚子調味，它融合和牛的油脂，產生清甜的口感。可惜一部份的和牛連著筋脈，或許煮得太久，筋脈變得過韌，要整塊吐掉。 溫泉蛋味道適中，是我每次吃拉麵的必點配菜。紫菜並不新鮮，不提也罷。 總括而言，單點和牛拉麵需要$118(連加一)。雖不貴但亦不便宜，只可以說物有所值。如果想吃得豐富一點，可以選擇「和牛拉麵定食」($148)。包括和牛拉麵、迷你和牛丼及麒麟柚子啤酒。可惜我下午需要繼續扮工，不然必定會嘗試拉麵和柚子啤酒的組合。

垃圾一風堂森仔平時好少咁負評一間餐廳🍴。但係今次真係忍唔住啦。作為一間享負盛名的日本🇯🇵連鎖拉麵餐廳🍴。拉麵既質素可以如此低下，我真心要強列罷食同呼籲大家唔好光顧。特別係我今次去既銅鑼灣希慎餐廳🍴。果日我叫左2款拉麵🍜，一個係沾麵，一個係赤丸特盛加多一個替玉。先講赤丸，湯底只有濃濃的味精，而辣味一點也沒有，要本人落七味粉才有一點辣味。而湯本身已經不多。食完成身的麵，已經得反1/3細碗。當我向侍應問加湯，他們說沒得加。我明白豚骨湯是沒有得加，那我問清湯有沒有？他們也說沒有！！😡😡😡😡😡😡我剩下的替玉怎麼食？全是硬的。就算我怎用剩餘的湯也是硬硬的。再問待應，我可以加錢要湯嗎？他們說沒這個服務。當下，我真心火起！不過，算，我放棄拉麵🍜就走。😡😡😡😡而另外，我也在途中問沾麵那可以加清湯嗎？正統的沾麵也可以加入清湯或鰹魚湯來進食。他們也說沒有得加！😡😡😡😡最重要係服務態度奇差！係咪上左市，出左名的餐廳🍴就可以如此不求上進，不理會客人的感受。一風堂永久blacklist😡😡😡😡😡😡😡😡😡

突然想起一風堂的拉麵，也許是最近同時看到幾位朋友於社交網站打卡。顏色鮮艷食材豐富的拉麵，與獨特風格的日式裝潢，吸引了我的目光。這次，終於在人們下班時間前，來到這裏一嚐拉麵。濃厚魚干拉麵($82)是一款特別的、限定的魚拉麵。脆而不腥的小魚干輕置於拉麵的中心。吃過其它拉麵店的魚干，總帶着過䶢的味道，然而這些魚干不覺䶢，更能嚐到魚的香脆。拉麵選了軟身，浸在湯裏一會，仍然沒有因湯而發漲，選軟身最適合。湯底要熱吃，才能嚐到魚的油香味。裏面還有數塊豚肉，軟滑肉香，在口感上很出色。點了一杯青檸巨峰梳打($48)，是限定飲品。巨峰比想像中好喝，沒有帶藥水的提子味。杯裏有很多飽滿多汁的青檸粒，我喜歡把青檸汁加到拉麵湯，令湯的味道更鮮。然而青檸很難如檸檬片按擠，總會在杯內滑來滑去，結果變成杯中的裝飾飲品。大杯的梳打，與大碗特別口感的拉麵相輔相成，滿足的一餐。另值得一提是店員的服務很好。除了為穿着淺色衣物的食客提供餐巾，還會耐心解答食客提問與餐廳無關的問題。

今日經過一風堂見到有個增量濃厚豚肉拉麵 見比張圖都已經有好肉好吸引 仲寫住豚肉嘅總重量超過200g😋 碗麵尼到嘅時候佢果然真系有勁多豚肉 佢有三款不同豚肉：特製醬汁煮成嘅 豚肉、肉質軟腍的卷豬柳叉燒、炙燒卷腩叉燒 我最鐘意就系佢個炙燒卷腩叉燒 薄薄地又吾’嚡’ 好好食 佢個湯底同麵都系重點 湯底超濃又吾會太油 而佢啲麵就系我鐘意嘅粗身拉麵同埋都好有咬口另外我再叫左Johnny唐揚雞 因為我見佢連續八屆攞左全國唐揚大賽得獎 緊系要試下啦 佢外面個層好脆 裡面我系好surprise 好多汁又吾會嚡😋👍🏼值得一試

而家日本拉麵鋪頭開到周街都是，索價過百元的一碗拉麵如果冇試過就入去真係好容易中伏，相反地已進軍香港數年的一風堂絕對是穩陣地選擇，多年來試過唔同分店都發揮穩定。是日選擇了相對冇咁油膩的「特製雞醬油拉麵」（$92），配料方面有三片雞肉，兩片叉燒，半個溫泉蛋及配菜少許；檯面仲有菜圃、叉燒同diy蒜蓉自助無限添加，非常滿足。湯底亦不會太鹹，麵的軟硬度剛好。值得一提的是這裏的店員全部親切有禮，以連鎖店來講，服務算是非常好了。

今次我同陶去左一風堂食新款拉麵，舖頭係希慎14樓好易搵，喺銅鑼灣返工嘅你又多一種選擇啦！/1️⃣#濃厚煮干系拉麵🍜💰HK$82一開始諗左好耐咩係煮干系拉麵，原來煮干喺日本的意思係用大量的魚熬煮而成的湯頭。唔怪得食之前已經聞到濃郁嘅魚乾香味，加上豚骨湯，製成濃稠的精華湯底，所以每一啖都充滿魚香鮮味🍲🍖啲叉燒就一貫水準，因為一風堂所有叉燒都係慢煮而成，肉質較嫩又入味！2️⃣#山葵醬油拉麵🍜💰HK $78呢款係銅鑼灣限定，湯底係用清雞湯熬製，所以質地比較稀，但一樣夠鮮味，wasabi 味唔太出，所以唔會好「哽」。我鍾意佢啲麵有口感又唔會太硬，加埋影相時間啱啱好🥰呢款配料係雞肉，白白滑滑，無肥膏又低脂，仲有條菜，啱哂減肥人士！

今日去銅鑼灣行街，順便去一風堂食碗麵。一風堂的位置唔似一般拉麵店，空間比較大，坐得相對舒服，所以我好鍾意去一風堂食麵。最近新出魚仔湯底的麵。⭐️煮干系拉麵$82上菜時隱隱約約聞到魚乾的香味，配料有荀、魚子、肉片等，肉片是慢煮叉燒，入口軟嫩。這碗麵的特別之處是有一粒「魚乾味玉」，湯頭以小魚乾熬製，再加入招牌豚骨湯，「魚乾味玉」會溶化在湯頭裏，使湯頭更有魚香，喝起來很濃郁，我比較喜歡這種濃郁的湯底。加上魚乾，入口香脆惹味，增加口感。