一風堂 (蘭桂坊) (Closed)

Tried the new Tom Yum Tonkotsu Ramen which were previously launched in Singapore's Ippudo joints last year.The broth had a good prawn taste to it as well as Tom Yum Soup base but it was spicier than expected.I would have enjoyed it more if it was the thin Hakata noodles because I just don't like these thick yellow noodles that don't absorb the broth.

又係一風堂冇計，真係拉麵愛好者，見到一風堂又入左去啦！今次叫左特製赤丸辛味(小辣），我知我衰叫左小辣，不過真係小辣到食唔到辣味！不過個湯底係香濃既，飲落去唔太咸岩岩好，而且感覺唔太油膩，可以飲到大半個湯！而拉麵店黎講，佢配料都算足！有3大片肉，又唔洗加蛋同紫菜，加分！不過我嫌太港化啦，唔夠正宗，不過都冇得要求太多，算係咁啦！不過中環分店就好似啲味差少少！好！我目標就係食晒全港咁多間一風堂試下有咩唔同！

今晚係中環做夜左，係度食埋飯先回家，試試新野吧！揀左世紀廣場間一風堂。安排左坐bar台位佢有細細碗飯都幾好呀，岩女仔食呀，揀左呢個炙燒豚肉半熟玉子飯，最鍾意唐心蛋，豚肉都有三片，份量賣相都好好，飯既汁都好好味！另外加一個炸紫菜墨魚鬚比自己，份量比相仲要多點些檸檬汁 搽點沙律醬好味呀！

約左同樣在中環返工的好朋友食lunch，冬天梗係食碗熱辣辣拉麵，於是就揀左一風堂拉麵，其實好耐以前係旺角店已經食過一次，唔知中環水準會唔會好d呢🤔點左個白丸元味(特硬麵)🍜同埋煎餃子~~拉麵份量十足，麵既份量多到有點吃不消，麵質感不夠硬，食左三分一口感已經變軟，但可以接受！拉麵配料有薄切豚肉片，半隻糖心蛋，配料份量對我黎講不夠多😂湯底其實有d鹹，食完下午好口渴另外點的餃子冇影相，因為太肚餓，掛住食冇影😂但餃子非常迷你細粒，與一般拉麵店的餃子size差很大，有點被騙感覺，餃子應該改名為'一口迷你餃子'😑雖然細粒，但味道其實OK既

湯底有濃濃豬骨味 😙叉燒未免有點吝嗇切得太薄 佢d肉加上太瘦食冇乜肉鮮美個種感覺 😞 食拉麵🍜永遠最開心有流心蛋做伴菜 小編真心覺得個蛋好正 流心之餘仲要係蛋黃蛋白分明 所以食落唔會話成口蛋漿 不過要彈下個紫菜 竟然係淋淋 如果新鮮就好😛

中環的一風堂，環境不錯，吃拉麵有保證。今次不吃這個博多担𢬎麵，都是最基本菜式，小朋友都適合。溫泉玉子野菜沙律：溫泉玉子藏於底，這個滑溜的玉子才是全碟野菜沙律的靈魂。炙燒豚肉半熟玉子丼：阿仔最喜愛吃拉麵，這一碗吃得津津有味，湯底清香。拉麵也很爽口，不是圓圓粗粗那款，而是幼麵，連湯和豚肉一同吃，味道很爽。替玉：只是兩蚊一份，不包括湯（正常啦），幼份量都不少，平靚正。鰻魚天婦羅角包，一定要熱吃，角包本身一般，夾著鰻魚天婦羅，內含Wasabi 汁，但味道都是一般，鰻魚天婦羅缺了點鰻魚本身甜味。環境來說，座位寬敞，坐得非常舒適，店員的態度不錯，亦有小朋友餐具。

Lunch中意周圍食今次試下拉麵，呢間一風堂次次都等好耐，今次等左半小時左右今次叫咗特製白丸拉麵，啲湯好香豚骨味，呢隻係慢煮嘅豚肉，整得好琳呀。而且係我最愛嘅幼面，不錯👍而且佢隔離有個蒜頭機俾你一粒一粒咁自己整碎d蒜頭，好過引而友人叫左呢款特製赤丸，湯同白丸係一樣嘅，只係微辣最後仲嗌左10件餃子，佢係一粒一啖，普普通通啦，而上邊嗰啲係姜黎。

好味道，所以追加替玉。好味道真係好味道。因為好味道所以我追加替玉。一早就知道一楓糖拉麵好味道架啦，上次喺大阪都唱番掂食咗一次，覺得非常美味。佢啲佩今次返咗嚟香港，要試吓本地嘅一楓糖，同日本當地一楓糖，有什麼分別。試過之後，發覺中環呢間分店嘅楓糖，同日本嘅分店，實在可以媲美日本嘅分店。所以我真係想，每個月都來食一次唔知夠唔夠八十字呢？

在中環區上吃到好吃的而且經濟實惠除了茶餐廳還有別的選擇嗎？ 這次選擇了有名的日本拉麵店，位置就在蘭桂坊附近，方便。坐電梯3樓便是。餐廳的佈置以日本風為主題，還有放置在旁邊的拉麵碗。最喜歡吃就是他們家的芽菜，帶點辣味十分滋味。餐牌如下: 特製黑拉麵$92特製黑湯底夠濃郁，喜歡濃味的人必定要選擇。而且他們家的叉燒肥瘦適中，入口仍然嫩滑。特製一風堂辣味噌拉麵$92因為友人比較怕辣，所以選擇了辣味噌另上。只是加了一點點也有感覺，怕辣的人要小心喔。

星期五的晚上和友人行經中環,正想搵間地方醫肚,點知其時已差不多9點半,很多心儀食店已準備打烊, 正好看見《一風堂》招牌,就被吸引了。可能因為都過了食晚餐的高峰時間,完全不用排隊就有坐位。友人點了黑拉面,我就點了辣肉味噌拉面,因不知辣度如何,店員貼心提出辣肉可另上。下單不久,店員很快就奉上熱騰騰的拉面。友人的黑拉面賣相特別,嚐了一口黑湯,果然很是滋味。至於辣肉味噌拉面,拉面很彈牙,湯底濃郁,加埋另上的辣肉,很快就被我清光。果然是聞名不如一試的拉面。

是日約了中學同學們吃lunch, 來到一風堂. 平日中午十二時半到達, 等候了數十分鐘才有座位, 無法子, 這可是中環啊! 店內一貫日式風格, 地方不算少, 但座位非常擠迫. 看看menu, 點選了雞醬油拉麵(HK$72), 一風堂餃子(10件)(HK$58), 炸紫菜墨魚鬚(HK$35). 等了一會, 侍應送上拉麵. 不客氣了. 試一口拉麵, 口感不錯, 點選了超硬的麵質也真的有此效果. 湯底沒有過鹹的情況, 也沒有過油, 合格! 雞肉片頗淋軟, 整體表現不俗, 是豬骨湯以外的一個好選擇. 比較之下, 一風堂餃子則令人失望了. 煎了的餃子不帶點香脆, 很奇怪啊! 豬肉香味很淡薄, 還要加上大量的蒜泥, 怎可稱為招牌貨呢?炸紫菜墨魚鬚, 這個挺香口的. 墨魚鬚很有咬口, 紫菜碎加上沙律醬, 一鹹一甜的確美味. 吃飽飽又回公司去. 期待下一次的午餐.

今日咁岩喺中環附近做嘢，預早左少少食午餐。由於好耐無食過拉麵，2017第一碗拉麵就試一風堂嘅「雞醬油拉麵」。十二點幾仲未算好多人，所以等左陣就有位！落單後等咗十分鐘左右拉麵到！使用雞清湯同魚介淆製而成嘅醬油湯底，唔會太咸，而且個湯底好清澈唔會好肥。麵我一向都喜歡食硬身嘅，呢種粗麵比較彈牙有嚼口，食完一碗岩岩好就夠飽喇。雞肉每碗三片，可以一嘢放入口嘅尺寸，味道不過不失。糖心蛋好嫩同新鮮，唔錯！特別一提，飯櫈旁邊嘅餸菜係免費嘅。個人最鐘意佢個芽菜，係平凡嘅味蕾裡面添加點辣，令人更加開胃！總括，拉麵的話價錢唔算太貴，味道都唔錯。所以間中拉麵癮起，想簡簡單單食碗拉麵，會再揀一風堂。

帶個囡走到去中環睇醫生 睇完就醫肚 萬無目的就搵到呢間。店環保有日本拉麵店感覺。仲係咁播D唔知噠歌。我個囡仲問我 日本拉麵店係唔係會播呢D歌架?服務員都很有禮貌。唯一就係佢地講D日文 有點難聽。點了3樣野 一個白丸拉麵 一個赤丸拉麵和黑松露汁一口餃子。無驚喜無特別 唔係話好食 又5係話難食。覺得差唔多成70蚊碗麵會係咁個樣。分量少係食唔飽。 味道又真係好一般。仲要收加1服務費更加貴。黑松露汁一口餃子。D汁食唔出有黑松露味。唔知點形容個碟汁。

好耐冇黎食，坐底一睇個menu發現多左好多新菜式，例如多左啲小菜仲要有飯食。我叫左赤丸拉麵和千層餃子。赤丸拉麵個湯底味道幾濃郁，麵都有彈性，叉燒瘦左d但有4片，溏心蛋也剛剛好，蛋唔會煮得太熟。（因為太肚餓，所以唔記得影相就食左碗麵）千層餃子，佢用左lasagna個汁同餃子一齊焗，上面再鋪上芝士。味道不過不失。

午飯時段的一風堂真的有好多人等位。 1235拎號碼等，差不多1300才可以安排入坐。點了一個特製白丸（$88）。 上菜速度好快，另貼心提供餐巾。拉麵有紫菜兩份，叉燒三件，半隻溏心蛋。叉燒好普通，湯底算濃，蒜油好香，不過份量太少。