鐵牛台灣牛肉麵 (旺角中心第一座)

Open Now

Now Closed

我同我朋友係為左可以坐低飲珍珠奶茶而去嘅, 我叫左牛根腩面, 鹽酥雞, 芋香珍珠奶茶牛根腩面-嗰啲唔係牛腩, 係牛肉, 好韌, 離曬譜中牛根就ok, 不過份量好少............鹽酥雞-就不過不失, 合格........芋香珍珠奶茶-呢杯最似樣, 不過大杯啲就好啲最大獲係個音響差, 播啲台灣歌係勁拆聲嘅, 又大聲, 好騷擾, 令心情都差曬 >_<, 面又唔好食, 我食淨曬啲所謂嘅"腩"....., 我唔會再去.......

心大心細💓本來想食肉燥飯便當，但最終都係決定食什錦麻辣牛肉麵（轉新竹米粉）。見侍應出出入入都係捧着便當，眼見超大份量好似好好味❤️令我決定下次捧場一定叫便當😂

嗰日好想食台灣嘢，醒起鐵牛好似唔太貴～鹽酥雞滷肉便當 （$59）餐飲轉熱珍珠奶茶（+$6）黎到都好surprise 原來仲有3碟前菜，一碟係茄子，一碟係滷蛋，一碟係椰菜～鹽酥雞剛剛炸起好好味，滷肉份量都多，完全唔需要擔心唔夠飽

呢間鐵牛已經食過好多次平時會叫佢嘅紅燒牛肉麵牛筋炆得幾淋又夠膠質牛肉都算嫩滑而且湯底有淡淡藥材味 都有8成似喺台灣食到嘅牛肉麵今次叫左麻辣湯底發現原來可以轉新竹米粉正呀 最愛新竹米粉食落有米香仲夠Q彈另外加左22蚊要左五味茄子份量都幾多用左豆瓣醬 有豆香味又有少少辣面頭仲有木魚絲 好夾好惹味餐飲加12蚊轉蜜桃烏龍冷泡茶呢個正正常常啦 加12蚊抵唔抵就見仁見智但因為佢嘅珍珠奶茶太難飲所以想試下其他就叫左 ok嘅

難得約朋友食lunch⋯先發現好耐無係旺角自己搵食，唯有隨意行行。見到呢間鐵牛，之前係尖沙咀見過都想試，一於試試佢啦鋪頭係旺角中心地庫，座位有啲迫啦⋯同埋有啲焗🙈🙈職員話無開冷氣⋯- 招牌紅燒牛肉麵，友人作為牛牛愛好者，表示都唔錯，食碗食晒- 香酥排骨肉燥湯麵，湯麵還好，但肉排已經凍左，唔係岩岩炸起個種而且肉質都有小小韌.- 涼拌小黃瓜係我最欣賞既，爽脆同清甜餐飲嗌左熱桂圓紅棗茶，甜度岩岩好👍🏻

由於老伴有擠迫恐懼症，兼之常說旺角沒有泊車位，小的鮮有到訪這遍福地。別人的癈物，自己的寶物。為甚麼小的會喜歡旺角這地方？因為這裡存在著許多的小商舖，更有數之不盡的街頭美食，樓上之餐廳同樣比較貼地，最適合小的這兩袖清風的蟻民。而且小的好喜歡掃街，欣賞地道風味，能夠與老伴一起掃街絕對是賞心樂事。可惜這樣的安排似乎是將小的之快樂建築在老伴的痛苦身上。街頭又迫又熱，地方污煙瘴氣，老伴還是喜歡坐於有冷氣的雅潔室內，舒舒服服地享受一餐。闊別旺角已有好一段時日，適逢印尼親戚到訪，那位精明的美婦從網路搜尋說要到長沙灣荔枝角的工廠區買便價批發衣飾去。小的心想：不是罷！美婦一向貪慕虛榮，如今在一眾長輩面前居然扮作乖巧兼知慳識儉？一場台辭不斷地無限Loop：「以前好喜歡買東西，呵！不過現在都沒有了！那些名牌子我都不追求，只買些便宜貨，都是一樣的。」小的爽直性情，對那些虛偽造作的臉孔著實有點抵受不來。無奈的是美婦還邀請小的與她們一班女的一起同行，親戚一場人家山長水遠地來到香港，小的不想有失遠迎，唯有與她們走一趟。不過深水埗長沙灣？放棄罷！這些衣飾妳怎瞧得上？還是到旺角，那裡有便價小店，又有較中端的商場，進可攻

這裡的午市套餐選擇很多在門外測完體温 店員會帶入座選好後到大門口的收銀台下單付錢後就可以回座位等店員送餐總鋪師私房牛肉麵 麻辣湯牛肉麵有兩款 另一個是招牌牛肉麵 只有金錢𦟌和牛筋私房牛肉麵有 金錢𦟌 牛肚 牛筋 牛腩差了16元 但有多兩個部分所以就點了這款金錢𦟌不錯 但其他都比較失望牛腩很硬 牛筋不夠軟 牛肚切得超薄 完全沒咬口深坑豆腐豐盛麻辣鴨血寬粉 附貢丸 大腸 肉燥點的時候眼裡只看到「麻辣鴨血」四個字所以以為會跟麻辣牛肉麵一樣味道結果上桌的時候 怎麼臭臭的以為是大腸的味道再認真看一次原來是「深坑豆腐」 豆腐也是臭豆腐🙈不想吃臭的朋友要留意

疫情嚴重，但太久沒在外面用餐，感覺有點悶，就到鐵牛去了，點兩個招牌套餐凍檸檬茶～免費這個是招牌牛肉麵～麻辣味，辣度剛好，入口香，牛肉大塊有嚼勁～不錯，估計是一大塊煮熟再切好上碟，非常好吃這個招牌牛肉麵～紅燒味，湯底不輸給麻辣味，湯底好濃，麵條入口爽滑好味，不錯熱檸檬茶～跟餐免費時日共消費130元，總體來說感覺還可以

鐵牛只有平日先有下午茶，由於WFH所以先可以平日來到屋企附近的鐵牛食tea。呢度的tea選擇選ok，但無皇牌牛麵，只有滷肉飯同其他麵食，但小食可以選3款，作為下午茶絕對夠。

餐廳位置好方便，喺正旺角中心地庫，地方好大，座位闊落，而且不用等位😍 會安排食客先入座，睇啱野食之後，要自己出返去收銀櫃枱落單，店員會貼心地放一個「Reserved」牌幫你霸位😇🍗鹽酥雞滷肉便當($59)一上枱，無諗過咁大份，仲估會係得一碗飯有齊兩款餸🤣大份到嚇親，鹽酥雞炸得好鬆脆，熱辣辣，唔會有好厚嘅炸衣，有啲台灣的感覺😋滷肉飯嘅滷肉同肉燥唔會太肥同太咸，汁同飯嘅份量啱啱好，米用左珍珠米，好有口感🥰另外有三款配菜：蒜蓉芫荽磨菇、菜甫滷蛋同蒜蓉娃娃菜😁 三款都好出色，娃娃菜好甜，滷蛋夠入味，芫荽蘑菇係冷盤，芫荽味好香，好有驚喜😍😍大大份，好抵食🤪🤪🥤珍珠奶茶 (套餐包餐飲，轉配加$10)係久違嘅台式珍珠奶茶風味😍 奶茶偏甜茶味唔算太濃，珍珠要用力少少咬😹質素當然係比唔上台式飲品店🙈但以餐飲黎講我收貨🤪總括來講，$59有呢個餐包飲品都算幾抵食，不過可能係因為台灣菜本身都唔算貴？！但地點都算幾方便，食物質素都幾好，而且款式都算多😋

為咗木魚炸豆腐嚟食 點知呢間凍哂又硬得滯 之前食過金巴利道嗰間兩次都好好食趣卜卜但係又唔會太硬裏面仲好熱 啲麻辣牛肚又硬骨骨 同樣都係下午茶都唔明點解爭咁遠 人手方面就差唔多大家都係咁不足㗎喇 上小食個碟係冇分隔一碟過 同金巴利道嗰間分三格唔同 因為我有小朋友嗰啲麻辣牛肚嘅辣椒油流晒落去青瓜度佢會食唔到 所以叫咗人幫我換 等咗好耐佢都未拎嚟 我要個碗仔 等咗好耐佢又係未拎嚟 結果要叫另一個拎俾我 如果我第一次就係食呢一間分店我唔會再食

台灣牛肉麵鐵牛，最特別就係佢個湯底係紅燒，有時做得好湯底會有藥材味，做得唔好就普普通通。牛肉來講都比較大塊，一價錢一分貨，面都比較彈牙。個魯肉不過不失，本身唔係出名滷肉飯，所以期望不高，所以都冇乜嘢好彈。除咗塊扒有啲dry同薄，不過都冇所謂。呢個都係一樣不過不失。但係令人最難接受嘅就係員工嘅服務態度，唔係繁忙時間，都唔會理會客人有咩需要，要乜冇乜，好似專登同客人過意唔去咁，唔好講笑容，成個款都唔夠友善，態度有待改善。

今日友人話出嚟旺角約我食lunch, 提議食台灣嘢,就去咗呢間餐廳設於旺角中心地庫,地方夠大,坐得舒服。進店後自行click order紙落單,再於櫃台付款,之後就有店員送到桌上。午市套餐有特色乾拌麵、台灣便當/湯麵、鮮蕃茄麵、台式麻辣湯麵、台灣小吃,當然少不了台式特飲,價錢公道,款式又多鹽酥雞滷肉便當 $59呢份有一碗滷肉飯和鹽酥雞,還有滷蛋、雜菜和辣菜甫三小碟迷你配菜,賣相吸引。鹽酥雞炸得很鬆脆,飯身爽口,再加上滷肉肥瘦適中,帶出鹹香,撈飯好好味紅燒牛肉麵(紅燒湯) $62湯底濃郁,牛腩炆得好淋又入味,至於麵都彈牙,起碼沒有鹼水味,質感似日本幼身拉麵隨餐附送熱檸檬紅茶,普通飲品一杯,勝在唔用加錢

主廚私房牛肉麵其實成件事都好好食⋯牛肉味好香 麵質又係我鍾意嘅但點解我會比咁低分呢？皆因個湯底真係好鹹！！🥺點解可以咁鹹🤦🏽‍♀️系咪想我叫多幾杯野飲？同周星星講既 (支飲管有咁粗得咁粗，冰有咁大舊放咁大舊，杯汽水咪chur一聲飲完買過第二杯囉！))有異曲同工之妙🙊🙊😳.鹽酥雞香腸 以價錢💰來計⋯份量都真係唔多🤔台式香腸加上生蒜片真係冇得輸！去 #台灣旅行 時試過咁食之後就返唔到轉頭不過有時啲生蒜太辣⋯搞唔掂😂😂😂.珍珠奶茶好似飲奶水咁🥺真係唔掂喎😖😖😖作為台灣鋪頭⋯珍珠奶茶都唔好飲⋯我冇嘢好講🤦🏽...

係香港要食正宗嘅台灣唔難，但如果要食正宗又抵食嘅台灣菜就唔係太易。台灣語「鐵牛」係指農耕車，亦都係餐廳對食物質素嘅宗旨。早兩日經開旺角呢間鐵牛台灣牛肉麵，一於就去試下佢哋果份對食物嘅堅持。。。🔘蔥燒豬軟骨肉燥乾拌麵 | $64評分: 🌕🌕🌕🌕🌑評語: 比起湯麵，我比較鍾意食乾拌麵，原因係乾拌麵更能夠食出食物嘅味道。豬軟骨炆到好淋好入味，用筷子夾都夾得散，口感不錯。台灣麵吸收左足夠嘅湯汁同豬軟骨肉汁，唔會太乾之餘，油分亦適中唔會油膩。。。🔘 家鄉滷肉便當| $48評分: 🌕🌕🌕🌕🌑評語: 我好怕食太多肥豬肉，但偏偏滷肉飯要越肥越野味。但鐵牛嘅滷肉唔會太肥，滷肉汁都做到非常濃郁嘅口感，價錢仲要不貴，值得一試😛。。🔘鹽酥雞拼夜市小香腸| $42評分: 🌕🌕🌗🌑🌑評語: 呢款小食就唔太抵了。鹽酥雞得4嚿，肉質都唔算上乘，而小香腸都係得6片。$42呢個價錢真係唔會expect呢個質素🤦🏼‍♀️。。🔻主食幾價廉物美，小食可以再考慮下🔻尖沙咀、旺角、中環都有分店🔻疫情期間，大家盡量留在家中啦！推介指數:⭐️⭐️⭐️