鐵牛台灣牛肉麵 (旺角中心第一座)

Open Now

Now Closed

琴晚去左旺角鐵牛食飯。以係旺角食晚餐，鐵牛價錢叫好合理。我嗌咗個奮起湖燒雞腿便當（$62）+$18飲胚芽珍珠奶茶。便當份量好多，除左雞腿，啲飯上面仲有滷肉，同埋有三碟小食。小食嗰隻嗰隻蛋好好食！雞腿都好滑，不過就略鹹。胚芽珍珠奶茶就正正常常，唔會太甜。如果夜晚係旺角食飯無乜budget，又唔想食快餐店，依度鐵牛都不錯。

近排旺角成為TG之地, 人流明顯減少, 今晚我跟朋友來個快閃晚餐, 選了地點方便的旺角中心, 地庫的鐵牛, 剛開業果時食過都ok, 但今次令人跌哂眼鏡.....沒有服務可言, 明明有位, 卻偏要安排坐在兩張拼桌的中間, 食物明顯都退步了, 湯底只有死咸, 返到屋企勁口喝， 唔知係咪落左太多味精定鹽，麵不太彈口, 一大敗筆， 個麵唔好食， 已經衰左一半，正常少少得個幾舊鹽酥雞, 好彩有六小粒雞，哈哈！咁既質素盛惠$59，你覺得值唔值? 見仁見智啦

今日唔知去邊度食野去然後先生帶左我落旺中格離既地下層黎到食牛肉麵佢之前食過 覺得唔錯又唔洗排隊就入左去我見到menu原來牛肉麵仲可以轉新竹米粉咁我就轉左米粉 因為我鐘情於呢隻米粉之前出面食過配個清湯都好正口感爽味道好 心諗可以回味一下久違既新竹米粉我叫左個蔥燒牛筋麵轉新竹米粉黎到原來超級大碗個樣睇落好好食點知 食第一啖就覺得奶野鹹到傻要飲水黎沖淡個味啲米粉真係鹹到傻呀所以食左一啖米粉之後就只係食左個面幾條牛筋然後個炸豆腐黎左好蘇脆個汁亦料味得好適中 炸得剛剛好細細份既小食反而好過大大碗既主食以為咁可能係咁岩我叫左伏之作品啫然後見對面先生個碗蕃茄牛肉麵到左牛肉麫wo間野叫鐵牛牛肉麵 應該無死啦 試下先點知食落都係好鹹 係無我個碗咁十分鹹但呢碗都有八分鹹 然後放棄 拿拿林俾錢埋單 標返上地面買野飲

一年前食過依間既紅燒牛肉麵，覺得幾好食，隔左成年終於返撻啦▪麻辣大塊牛肉麵 $69麻辣湯好似好紅，其實得個色，個人覺得完全唔辣😂麵質有啲過淋，不過牛肉依舊係咁嫩滑，好好食。▪魚酥滷肉乾拌麵 $59乾拌麵好食過湯麵，個汁幾香口。滷肉有啲鞋，魚酥撈勻左基本上就消失左。兩碗既麵都有啲過淋，食慣鐵牛既朋友就話旺角依間鐵牛既質素經常唔穩定喇▪逢甲鹽酥雞 $38鹽酥雞勁鞋，完全零肉汁，有啲失望。鐵牛台灣牛肉麵旺角彌敦道688號旺角中心1期地庫A鋪

中午做嘢經過旺角，又到食飯時間所以係時候搵嘢食。突然懷念台灣嘅牛肉麵，所以想搵一間臺式餐廳食。上 openrice 一搵就發現附近有呢間鐵牛睇完餐牌就叫咗個紅燒牛肉麵 & 五味小茄子紅燒牛肉麵果然無令我失望，濃郁嘅湯底再加上嫩滑嘅牛肉。輕輕一咬便分開，一 d 都唔會韌，麵嘅軟硬度都適中，我鍾意五味小茄子，雖然我食唔出有五種味道，但係佢都整得幾好食，茄子唔會太腍，加埋上面嘅香蔥同埋木魚，呢個配合幾好牛肉麵有茶木嘅水準，所以下次懷念台灣嘅時候會再幫襯

又嚟到我最討厭嘅星期二，同先生放工百無聊賴，想隨便喺旺角食個晚飯就返屋企休息，本來想食越棧，行過見到原來鐵牛就喺旁邊，一直未試過，翻一翻門外嘅餐牌，發現原來價錢都唔貴，一試無妨。餐廳地方好大，但座位都幾多，所以枱同枱之間略嫌擠迫。食物選擇多，除咗主食之外，仲有大量台灣小食同台式特飲，揀好食物之後，需要先到收銀處俾錢，然後侍應會送上食物。我揀咗奮起湖照燒雞腿排便當($62)，份量都幾多幾抵食，除咗有成塊雞脾扒之外，仲有一小碗肉操飯同三小碟，分別係酸瓜、菜甫滷水蛋同蒜蓉生菜，相當豐富。雞脾扒份量足而且啖啖肉，醬油帶少許甜味，加上香蔥同白芝麻，味道唔錯，可惜肉質有少許嚡口，而且唔係好入味🙁肉燥略嫌少咗啲，煮得雖然算係軟稔，但又未至於入口即溶，而且味道偏鹹，雖然話係由台灣人主理，但味道同台灣食到嘅有一定距離，有少少失望😟先生叫咗招牌紅燒牛肉麵($63)，份量唔算好大，但湯頭濃郁，牛肉食落似係牛展，半肉半筋，肉質軟稔，唔錯👍🏻至於麵質，有少少似拉麵，一般般。總體來講食物中規中矩，雖然唔算好地道，但以咁嘅價錢同地點嚟講，算係幾抵食。

🐽 台式麻辣金肚牛筋湯麵 $65聞落陣陣既麻香，湯底都幾濃，辣度愈食愈辣，好惹味，麵條係煙韌，牛肚就有啲韌，但牛筋都好淋🤩，整體味道不錯 ••••••••••••••••••••••••••••••🐽酥炸花枝丸 $34花枝丸都炸得幾好，有辣椒粉可以沾，但得4粒，份量偏少🤔 ••••••••••••••••••••••••••••••🐽芋香珍珠奶茶 $28有好多珍珠，珍珠好QQ，香芋味就普通🧐 台式牛肉湯麵 有台灣既味道

今日放工去左旺角食飯，心思思想食台灣菜，朋友就推介呢間餐廳。由於我地好早就黎到，所以完全唔洗等位就有位啦。呢度係先點菜、比錢，然後先會上菜。我叫左招牌紅燒牛肉麵。個湯底好濃郁，同平時既牛肉麵有少少唔同，有少少苦澀嘅味道。啲牛肉係好食嘅，唔會好硬好柴，但整體黎講還好。我地叫左個炸花枝丸一齊食。花枝丸都炸得唔錯，沾埋啲辣椒粉都好野味！個辣椒粉真係有啲辣，唔食開辣嘅朋友就唔好沾咁多！朋友分別叫左蕃茄鹽酥雞麵同埋鹽酥滷肉便當。叫嘢食可以加18蚊配台式飲品，我叫左杯胚芽珍珠奶茶。啲珍珠係半透明嘅，同平時出面飲嘅唔同。成杯奶茶都好甜，下次唔會再叫。最令人失望嘅係用即棄膠杯黎裝，但睇食評之前係用玻璃杯裝飲品，唔環保服務方面啲職員好趕咁係咁執走我地枱面嘅野，想趕我地走咁，但明明間餐廳仲有好多位。

鐵牛可以話係食極都係唔會厭架，算係叫做開左幾間都仲好有質素既一間嚟親都一定必食就緊係紅燒牛肉麵啦，今次食落麵條好似唔同左，彈牙左又入味左，真係又不錯吃播🤪今次小食就冇食炸野，反而叫左尼個滷味拼算，有豬耳、蛋同大腸，又滷得幾入味幾好食，下次唔想食熱氣野既話就可以考慮尼個小吃囉🤤仲有仲有尼度有🧒🏽最愛既台灣既蘋果西打呀👅💦💦💦💦

其實台灣麵喺香港🇭🇰都有好多選擇，但水準都係好參差，甚至有啲更會欺騙顧客😓，但今次介紹呢間確實係不錯，款式選擇都有好多，而且味道總會保持到水準😌.🥢招牌紅燒牛肉麵🍜。牛肉好腍身入味，湯頭濃郁，麵質爽口彈牙，加上香蔥同酸菜，實在可以連湯都飲㗎！😅.🥢逢甲鹽酥雞肉燥乾拌麵🍜。肉燥已夠拌一碗麵，鹽酥雞唔太鹹，未至於食到頸渴😅.🥢肉燥小茄子🍆。熱辣辣每條都係經走過油，皮脆香口，唔油膩，難得嘅驚喜😅.🥤單點麵食可以優惠價點選飲品🤡

就係旺中樓下 幾近不過呢 我去過食2次 第一次係佢岩岩新開張 食佢既下午茶 啲台灣魯肉飯好好食 珍珠奶茶都好飲但係我第二次去既時候真係麻麻地因為自己食過台灣既正宗牛肉麵 食佢依個牛肉湯麵 d牛肉感覺係似平時啊媽煲豬骨湯煮「琳」左既肉 正正就係依種味道 牛既味道吾出 食落去有啲苦味 跟著個牛肉湯 係太咸令人食吾落去 而且搞到人好口渴 叫左佢杯珍珠奶茶 d味道吾得！而且吾夠甜 我想強調係台灣小店應該係重視食物 而吾係求其煮 佢個鹽穌雞幾好味 不過好少 十分吾抵食

#中意嘅請分享請點讚🍻----------😋紅燒牛筋腩乾拌麵 $69有5舊牛筋加牛腩，全部都好入味又夠淋。湯底好濃又唔會太鹹，仲好香牛肉味。麵質好彈牙，唔會浸到過淋。除左牛肉仲有酸菜同青瓜絲。乾拌麵其實同招牌紅燒牛肉麵分別唔大，因為佢另外會比一碗牛肉湯你，食到最後可以倒哂落去。😋麻辣牛筋腩麵 $69麻辣湯底唔係太麻/太辣，如果想食小新嘅可以一試。----------呢度係半自助型式，要自己出去收銀比錢，然後店員會送餐比你。----------🔎鐵牛台灣牛肉麵🚩旺角彌敦道688號旺角中心1期地庫A舖🚩尖沙咀加連威老道96號希爾頓大廈LG樓28號舖🚩尖沙咀金巴利道25號長利商業大廈地庫🚩中環蘇豪威靈頓街98號翡翠中心2樓A及B號舖

第一次食呢間，聽過好一段時間，今日行過就入去試下。中午時段12點零1點既時間，不乏長滿既人流，始終午飯時間。呢到係搵左位，再出去叫既形式　，無額外加一收費。因為想食辣，所以就叫左呢個*麻辣金肚牛筋湯麵*，個湯其實幾夠麻幾夠辣，但唔夠香。金肚切得細細易入口，都爽口唔痴牙（因為最怕牛肚會痴牙😂）。而牛筋我幾欣賞，入味但軟硬度適中，有返d口感，份量足夠。麵底方面，好似拉麵咁，彈牙既，不過本身以為係寬麵，感覺上無咁台式。午市呢個價錢有埋熱飲，覺得都ok。

如果午餐有多一點時間，我喜歡到這間台灣店吃午餐。台灣家鄉滷肉便當($46)。雖說是午市套餐，但要加錢才有飲品。滷肉飯是台灣代表食物之一，是我最喜歡的飯。上桌時滷肉飯是熱燙的，這裏才嚐到滷肉的熱香。滷肉並非平時看到的滷肉碎，肉碎中有大片肉，而且肉汁多。不會吃到一半就變成吃白飯。前菜有三款，當中最好吃的竟是平平無奇的菜，應是清甜的調味汁提升菜的鮮甜，把前菜與飯一起，會帶出不同味道。另點了一杯凍珍珠奶茶(+$9)，冰塊頗多，佔了三分之一容量。珍珠煙靭，大量珍珠沉底。茶味不及茶餐廳的奶茶，茶味較淡，但仍是最適合搭配飯的飲品。第二次來點了逢甲鹽酥雞滷肉便當($58)，滷肉與鹽酥雞的配搭。滷肉相對較少，鹽酥雞以台灣形狀的碟扁盛着，很有心思。鹽酥雞香熱鬆軟，把整碟吃光也不會覺得太油膩。讓人驚喜的是配菜有滷水蛋，非常入味煙靭。與人搭枱，對面的人剛巧跟我點了一樣的食物，吃得津津有味。午餐用饍的人多，如一大班人吃，要等位。但一至兩個人吃，如果與人搭枱吃，通常不用等位。

好耐都無食過鐵牛，突然間心血來潮好想去食，於是把心一橫就去食。由於太多選擇，每次都令人太過苦惱，考慮左一陣就選擇食紅燒牛筋腩麵（63元）。至於飲品就點了芋香珍珠奶茶（18元）。芋香珍珠奶茶，味道普通，沒有特別；珍珠有咬口感而已。紅燒牛筋腩麵，湯底濃味，但太過咸。牛腩有少部分腍，亦有少部分韌，味道普普通通。牛筋味道可以，麵質一般。整體而言：普通。