漁屋日本料理 (Closed)

同朋友黎食放題，又唔想太高budget, 就黎咗呢間漁屋，野食都多嘅，甜蝦同三文魚煮唔錯，炸物同串燒之類款都好多。餐廳都算大， 侍應上菜都好快。最後埋單每人二百頭，放題黎講，本人認為值得一試，坐得舒服質素唔差，價錢又掋。

生日同屋企人去漁屋食放題 刺身種類算多 有帶子 赤貝 八爪魚 甜蝦 三文魚 吞拿魚等 仲有我最鐘意嘅希靈魚同三文魚腩 各類刺身都新鮮 尤其是甜蝦壽司方面 賣相非常精緻 飯也不算太大 火炙三文魚最為吸引 翻叫了兩次這個燒三文魚骨相常不錯 外脆內軟 加點檸檬汁魚肉帶微酸 非常開胃芝士焗蠔很好吃 芝士能蓋過蠔的腥味 不用加醬汁 味道濃郁 不太喜歡吃蠔的我也忍不住吃了一隻燒物方面沒什麼特別 只是即叫即燒 新鮮出爐 唯獨燒菠蘿非常好吃 肉汁鮮甜可口 帶點微酸最後是甜品部份 由於太飽的關係 甜品沒試到太多種類 只吃了每人限叫一次的dreyers雪條跟兩款迷你蛋糕

聖誕節想食好d,臨時臨急book左呢度食放題，價錢比平時貴少少要3百幾，但聖誕間間餐廳都加價，呢個價錢都算合理既，book左8:30時段入座，當然一坐低就把握時間即刻落單啦，放題食品種類繁多，所有刺身、壽司、爐端燒、飯麵類、鍋物、天婦羅、甜品、飲品全部任飲任食，呢度食物質素唔錯，好多款食物都好食，大愛係呢度有海膽三文魚籽軍艦都係任食，海膽帶甘甜，放題質素來講算唔錯勒，我地仲叫左3round添，另外推介油甘魚刺身同阿根廷紅蝦刺身一樣鮮甜美味，熟食方面推介燒羊架同牛舌同天婦羅都唔錯，最後埋單仲送haggan dazs雪糕批添，好滿足

已經第2次來幫襯漁屋，要讚荃灣如心廣場漁屋的廚房師傅！座位舒服，佈置簡約，食物才是重點！佢地出品都好有heart,味道賣相高質，不會hea,種類繁多，上次飽到試唔到的甜品今次終於試到，感覺好有心思，值得encore的放題！

已多次光顧這店，午市有放題同午市套餐選擇。我揀了血池地獄烏冬$60，有豬軟骨、鳴門卷、半隻半熟蛋、兩隻大蜆、蟹棒等等，這個餐還包沙律、玉子壽司、啫喱及飲品。一見到這餐，嘩，個碗大到眼突😅，湯底不夠辣，但幾好味，料子非常足，豬軟骨很淋很入味，蜆大大隻的😋。飲品有許多選擇，很好。老公叫燒鰻魚壽司併烏冬，老公話一般，因為份量較少。這裡賣點還有😋⋯⋯可$2加一件壽司，選擇很多，質素不錯呢！👍我們叫了螺肉、櫻花魷魚、黑松露吞拿魚、希靈魚、象拔蚌，除了紫菜淋淋外，其他都非常抵，$2簡直超值😋

老公生日前夕話要食放題，他話要呢間，訂了枱六點半，來到已有十多枱客人。我們點刺身，包括赤蝦、三文魚、帶子、油甘魚、拖羅。上枱時見到赤蝦特別大，我諗都算jumbo 級👍，肉質爽口、彈牙、鮮甜，老公吃了幾隻，都話物有所值。 拖羅都係厚切，魚味濃郁😋😋😋另外點了燒菠蘿、燒蝦、雞翼、蒜片牛粒、冷麵，全部都好好味。熟食方面，有天婦羅、烏冬、拉麵及飯。每樣的份量都剛剛好，所以可以試晒所有食物，鍾意的款式就Encore。 食到差不多，就是吃甜品，雖然選擇唔算，不過所有都好味。

之前跟好友慶祝生日，喜歡行荃灣的我就選擇在荃新天地第二期的漁屋食放題，呢個放題食肆在如心廣場都有分店，但個人比較喜歡荃新天地店的環境比較靜，在用餐前兩、三天就要電話訂枱，walk in而有位的機會係接近零，我們晚餐的日子在平日晚上，每枱都有食客，如果是周末應該更多人~~~ 這裡的點餐紙有多款，我和好友主攻刺身，其他的食物都會點少少來食~~~ 由於熱飲見唔到熱茶，所以我點咗樽裝解茶（飲唔晒都可以帶走），而好友叫咗兩杯唔同的特飲~~~ 原來未點食物，每人已經送上鮑魚一隻，味道不錯，左下的焗蠔不錯，但覺得沙律焗唔及芝士焗咁好食，羊架真係夠鬆軟~~~ 而呢間放題的刺身最喜歡用假花點綴，擺放靚得來又有點心思，不過當份量減少時就冇咁靚架啦~~~當日在點食物前好友覺得有D美中不足係冇海膽食，雖說我唔食甜蝦和螺，但我倒吃了不少刺身，D肉都切得幾厚吓~~~ 蟹皇翅雖然幾好食，但我個人不太喜歡未上已經落醋，湯清清地幾好飲~~~雞翼好好食，榴槤忘返都不錯，豆腐夠晒熱辣辣~~~ 壽司SIZE中等，雪米磁跟似水流年（榴槤糯米滋）的大小差不多，似水流年幾好食，但個人覺得錫紙牛油焗野菌比較鹽咗D~~~ 沙律倒不

荃灣男朋友最中意食炸野，不過我真係唔太中意，好彩有放題呢樣野，可以食到唔同既日本野，咁樣我地先唔會為左食野要吵架咋。佢去到漁屋放題，佢就點左明太子雞翼同廣島炸蠔。男朋友見到，雙眼發左光咁，勁開心，雖然好熱氣，但係好香口呀，我都差啲忍唔住想食呀！而我呢，就點左刺身啦。一般既刺身都有齊晒，仲有好多選擇。最特別嘅係個張限量既點餐紙。話明係限量，梗係特別啲同好食啲。其中三文魚腩同黑松露鮑魚最吸引啦，三文魚腩勁厚切，鮑魚又好新鮮爽口，黎到一定要試試。最後食左個用錫紙包住燒既菇類，叫做正常，比D熱野落肚啦～諗諗下仲有一個星期就要開學啦，真係唔捨得Holiday呀～～～～

一條天橋，將荃灣幾個大型商場、政府設施一一連繫，感覺好似中環，又不像中環般，有地道小吃、也有多國美味，選擇很多，令人頭痛。漁屋是偶爾經過想去試下，反正比自己有個減肥前藉口，食到棒肚而歸。不過，餐廳位置雖然方便，但座位甘逼，確實會減分，好彩座椅有儲物格，有時，食客又多，好驚他們會一夠鐘就趕我走，你見到侍應目無表情時都有些心怯，不過，他們又冇甘做，唔知關唔關自己係宵夜時後食野關係呢?刺身是無敵，幾肥又新鮮，我好鍾意食蟹棒，幾容易處理，啖啖肉好滿意，其他仲有拖羅、牡丹蝦、赤貝、三文魚等等，食完唔會肚痛的。火焰三文魚壽司，其他仲有芝士大蝦燒、帆立貝、火焰墨魚等等，即叫即製，如果喜歡芝士的朋友，應該都幾鍾意口中少少地溶芝士的狀態有些驚訝的是炸物等熟食都是熱哄哄搬上來，呢對蝦都炸得脆口，蝦肉鮮不鮮就另講。釀蟹蓋，好Juicy，雖然食白海鮮汁多於一切，但味道真係好濃郁，亦好邪惡我叫左好有驚喜的水玄信餅 - 好鬼靚的水晶球，當然仲有名牌雪糕、韓國雪條，及多款甜品任君選擇。2小時任食會食得趕D，好似中午都有任食，仲係3小時添，我諗一定夠哂時間。價錢呢? 可以接受。餐牌呢? 選擇多，定期好似有新款推出，有

 放題最好既就係比左入場費，可以任食，對於大食之人如我，唔洗就住價錢，想食幾多就食幾多，夠晒開心。 一嚟就order幾份三文魚先啦，好新鮮！  火焰芝士大蝦燒: 燒完就即刻拎出嚟，食落口仲feel到少少熱，最正係半熔既芝士痴落隻蝦度，爽口得嚟又有熔熔地芝士！  因為係訂座，所以每人都有一隻黑松露鮑魚，比起刺身鮑片好食好多，不過每人只有一隻咋，真係要好好珍惜。  本來我都諗住點一兩隻松葉蟹蟹腳試試，根據過往經驗都係勁難拆d肉出黎跟住就放棄左，但呢個喺廚房預先處理，到我地面前已經整碎好多，我地只需要將殻拿開，就可以見到蟹肉啦，勁方便呀！仲要有勁多蟹肉，一定要點！  最後食到勁飽，都唔太食得落甜品啦，好彩佢D甜品細細件，4個人一齊食都總算可以一齊Share每樣都可以每人細細啖試下。我地食左新出既粉紅佳人，比起其他甜品賣相靚好多！食落去好似係慕絲蛋糕咁，都幾好味架！ 

就算比人話我係港女，我都堅持我係一個好中意係日本菜既人。就算唔係刺身都好，日式食物都係我既首選。好似枝豆咁，作為飯前小食真係非常合適。雖然第一次食時覺得怪怪地，不過食食下你就好似上左癮咁，食到停唔到。同朋友一邊聊天，一邊食就最好啱！刺身我就食左幾款咋，我自己就最鐘意食帆立貝，清甜爽口！除左有平時既甜蝦外，佢地仲有超大隻既牡丹蝦！！真係超級巨型，仲好新鮮添！不過刺身上到黎真係快吃為妙，因為攤耐左，D冰開始溶化，都驚會好快變壞！食左炸蠔同炸雞翼，雖然呢兩款好熱氣，又容易生痱滋，不過我對炸物真係忍唔到口。炸蠔唔算好大隻，但揭開炸粉之後既生蠔夠晒多汁，夠晒鮮味。而炸雞翼都算幾大隻架！食完呢餐放題真係好滿足呀！

與友人一行十位，一早已BOOK位，去到不用等，超級開心，餐廳光線充足，整體感覺良好刺身有驚喜，份量很多，上枱時有煙的效果，完來有乾冰，刺身很新鮮，抵讚唯獨選擇很小，熟食不太多選擇甜品只選了水信玄餅，草草了事，有小小掃興

平心而言，這間分店的競爭力比起荃灣其他競爭對手比較弱，可能論速度、效率是差一點，不過論食物款式、新鮮程度都ok，價錢呢? 同區黎講就差不多，所以大家甘岩去到如心廣場都可以一試，聽聞荃灣好似仲有分店，唔知質素會係點刺身質素係我心中叫中上，至少都係新鮮味美，樣子叫ok，款款都有d，普通咪係長腳蟹、八爪魚、希靈魚、三文魚、象物蚌、大細蝦甘，對了，帶子係我必叫的，真心覺得要快食，否則天氣甘熱，融冰就食唔到刺身了。炸物同燒物都叫做我的最愛之一，他都有蝦呀、南瓜呀、釀雞翼、羊扒、焗蠔(要比個心心)、魚乾、鯖魚等等，秋葵陣味唔係個個都鍾意食，牛舌軟林林感覺不太好，印象中就食左呢d肥牛窩入面係薯粉黎架，壽喜燒湯底唔會太咸，我幾鐘意熟食都食左一品料理架，質素冇失準，個人覺得搬上黎食物要即炸熱辣辣，呢點餐廳都做到，所以合格總體而言可以一試，期望食物繼續保持新鮮，任食餐廳最重要就係呢點！

日式放題在香港隨處可見, 今次朋友帶我去荃灣這間漁屋, 的確唔差. 剌生種類也不少, 我們只點了油甘魚, 帶子, 象柭蚌,八爪魚, 蟹腳及螺片都好新鮮, 當然不可以同星期日式料理去比較, 以放题水準來算, 也不錯. 但餐廳所說既拖羅, 點了兩片來試, 來到只見是紅色赤色! 而小食也很多選擇, 串燒, 味淋魚乾用來送也不錯. 他們酒精飲品也是任點. 還有梅酒及巨峰提子酒, 也很適合一些不太嗜酒既朋友. 而我們當然有點清酒, 也是淺嚐了吧. 整體餐廳職員都很快手, 叫菜送菜也很快, 值得一提是他們當日有每人一隻冰震鮑魚, 賣相OK. 而每位客人有哈根帶及MOVEPICK雪榚任選一款做甜品. 當然也有其他任點任食甜品. 兩個小時放題, 我見每位食客也帶住笑容同個肚走人.

女小編幾鐘意同爸B媽咪食放題，一個價錢搞掂哂，咩都有得食！適逢男朋友又得閒，當然要一齊食飽飽啦！book左7點，準時入坐，不過都坐無虛席！一坐底當然叫左D刺身先啦！當中象拔蚌、北寄貝 同赤貝比較好食，連平時吾太喜歡食刺身既爸爸媽媽都食左好多塊， 反而牡丹蝦一般般。 店員送上4隻黑松露鮑魚，味道見仁見智🤣無黎一排，多左不少新菜單，面前呢個叫「日式蝦餅」仲有呢個奇妙脆脆，好吸引，不過都係簡左用紫菜入。都算足料，但紫菜唔夠脆。火炙壽司，會推介三文魚同和牛，大家都encore左幾次。燒物黎講，燒蝦好食，鯖魚有D油。炸物「榴連忘返」幾好食，本身以為係芝士波，咬落先知🤣 不過吾算太濃味。其餘炸物都幾好食，係鰻魚口感一般。甜品有Haagen Daz/ movenpick 雪糕(每人一件)當然仲有雪米滋同好驚喜既水玄信餅😍水玄信餅上面如果有埋綠豆粉就正啦！總括而言，每樣食物都幾平均起碼係荃灣區較好食既放題🙆