ITALIAN TOMATO (V Walk)

Open Now

Now Closed

白桃。真味（$45）頂層係寒天粒配日本直送的新鮮白桃，香滑的忌廉包裹著3層的海綿蛋糕🍰，非常鬆軟，海綿蛋糕之間夾雜住香滑的忌廉芝士及新鮮的白桃果肉，每一啖都充滿白桃，好似被好多好多白桃圍住咁，齒頰留香。朱古力蛋糕（$38）由法國朱古力優質製作香濃朱古力忌廉，配以特製朱古力海綿蛋糕及洋酒，香甜醇厚。朱古力蛋糕最重要就係啖啖都係朱古力，但更重要係用不同層次口感將不同濃厚度的朱古力融合同埋展現出黎。😋味道：7/10🙃回頭：7/10💰消費：$83

經過Italian tomato 當然要買番件蛋糕🍰做下午茶☕️，見到白桃。真味好正，決定買黎試❤️白桃。真味 (HKD 45): 採至日本🇯🇵山梨縣白🍑，感覺上好高級呀，面層係白桃果肉，仲有珍珠糖粒，吾錯❤️❤️中間是海綿🧽蛋糕🍰鬆軟無比，都幾濕潤，加上芝士忌廉，濃濃白桃味，忌廉香滑重桃味，想一啖接一啖呀！食到齒頰留香👍🏽好多款式既蛋糕🍰可以簡，不過我大推白🍑。真味，下次會買埋比屋企人試下💜

今日同事請食飯 於是禮尚往來買蛋糕一齊食啦經過深水埗V walk 見italian tomato 有白桃真味蛋糕賣 呢款蛋糕聲稱佢哋嘅白桃係日本出產 有品質嘅保證 蛋糕面上有啲寒天再加白桃 中間有忌廉芝士同埋白桃片 食落香甜清新 日本白桃同埋海綿蛋糕中和左忌廉芝士嘅膩 好容易一啖接一啖 而且食落口感層次豐富 白桃嘅份量亦都好多 足料整體嚟講一件蛋糕都算抵食 45蚊就有一大件蛋糕 仲可以食到日本出產嘅白桃 絕對係抵食之選 下次會再嚟買過

由細細個開始就成日食番茄蛋糕，因為紙盒包裝簡潔得體送人岩曬所以好有情意結入面蛋糕🍰件件都好精緻，喚起咗我既少女心，企咗好耐先決定要買邊件，心大心細咁十年如一既經典白紙盒後：朱古力蛋糕入口濃郁既朱古力味，中間既蛋糕層好濕潤唔會卡口，而朱古力忌廉香滑又綿密入面仲混合咗脆脆，一層一層咁食落有層次感前：藍莓芝士撻，芝士味好勁，芝士味好濃濃到好似食緊原塊芝士咁，藍莓粒粒都新鮮，撻式鬆化牛油香，藍梅中和咗芝士既膩，相當唔錯

Italian Tomato (深水埗)親戚住南昌，但未開v walk 前，果邊真係無咩野食😢！v walk 開左之後記成為左我地既落腳地方啦🤩！睇完戲就齊齊買左蛋糕🍰返上樓食。#藍莓芝士撻🧀滿滿的新鮮藍莓舖上蛋糕面，好吸引。每粒都飽滿帶酸味配上芝士撻可以平衡膩既感覺。撻底芝士同牛油味好香加埋中間有吉士醬，好豐富。#朱古力蛋糕🍰朱古力味濃郁，忌廉幼滑，海棉蛋糕鬆軟空氣感重，仲有小小酒味😍。外表都幾靚。

呢日去開深水埗食飯 想買啲甜品返屋企 經過Italian Tomato 見到有藍莓芝士撻 ♥️ 大大件 $40好抵呀咁大件之前係屋企自己都整過芝士撻 芝士撻唔難整到 但係要整到好食呢就好有技巧 佢呢款芝士口感軟滑香濃 最正係中間夾左custard 面頭鋪左勁多藍莓 仲落咗啲almond 片 cream好少 食完唔會覺得成口都係濃濃嘅cream張住個醉 芝士香加埋custard真係好配 藍莓甜甜地 almond片有嚼口 可惜屋企附近無Italian Tomato 我好鍾意食佢啲蛋糕 🎂♥️