意情濃

Open Now

Now Closed

This place is fave with locals for breakfast and normally has a queue at weekends.Has a small area for outdoor seating so dog friendly.Not sure if the provide an English menu?Went for a traditional Cantonese style breakfast, Set A:Nice choice of toppings for your soup pasta/noodles. This one is meatballs and macaroni in tomato based soup. Not too sour the soup.2nd choice was Western style breakfast, Set F:Love that they have the melon. And they include cornflakes.Can opt for Egg salad if you don

有朋友介紹，話呢度嘅意粉非常好食，有時間又見到唔需要等位，我就嚟試吓先，我叫咗午餐魚柳白汁意粉，價錢為$58，包左一杯飲品同一個粟米湯，我非常欣賞呢間整嘅煎魚柳，真係做到外脆內軟。個忌廉白汁我亦都非常鍾意，下次再過嚟可以試吓蝦餅

見好多食評話好食 一家大細假日專誠黎試下👪嚟到見要排隊 我地跟住隊尾排此時出現一個傳說中食評講嘅服務態度差嘅眼鏡女人行埋黎好似好唔願意咁樣見到我哋幾個就走咗去講真你話你忙就話啫我哋見你其實都冇乜嘢做其實呢啲服務態度已經令我地想走😤😤不過可能係我哋今日唔好彩遇着佢心情唔好我同老公到最後都決定試一試🤔睇吓係咪真係咁好食等左大概20分鐘有位想叫其他人落單但除左眼鏡女人就冇其他侍應😵佢黑口黑面咁落單真係諗極都唔明點解呢啲服務態度咁差都咁多人嚟幫襯🤷🏻‍♀️🤷🏻‍♀️所以我地都好期待睇吓呢度啲嘢係咪真係咁好食食後感係嘢食係大碟嘅除左個蝦餅唔錯之外其他嘅野都真係一般過一般今時今日元朗選擇咁多真係大把有質素嘅好過佢有時食野除咗講味道 其實感覺都好重要呢間野食一次就夠食一次係想試味道但感覺係唔想返轉頭再食🙄🙄

哩一間小店係朋友推薦既 一試就愛上❤️成為我午餐既新落腳點🤩🤩🤩佢係一間小店 店內得兩張四人台同兩張二人台 室外有兩三張台仔 所以經常要排隊 大部分去親都係佢既熟客仔其實佢個老闆唔係服務態度唔好既又 只係好有性格的😂 同佢熟落左 就會知道佢係好好人午餐我成日都會食蝦餅 唔好以為得三舊好少 其實好厚好大塊 啖啖肉 又彈牙 我覺得非常好食 仲會食到好飽肚唔算太餓既時候 我就配沙津 餓個時叫佢個辣味炒飯就岩啦 勁大碟的 你可以叫佢少飯架 因為配埋蝦餅真心會超飽 女仔通常食唔曬早餐我通常會食蕃茄通粉 除左蝦餅 第二愛是牛脷 又係好厚好大塊！如果唔趕時間 哩間小店係我既星期六早餐或午餐落腳點！

好多蚊好唔乾淨，未坐見到，但入左黎朋友又坐底，照坐！可能近民居做附近生意唔憂做，我第一次黎睇唔明餐牌（打到不輪不類咁），禮貌問一句午餐A包唔包飲品，眼鏡女人佢就已經指番個牌問我係咪睇唔明中文！喂，我真係睇唔明佢個（括號）貼住放係E餐後面係代表全部set喎！我都未問已經俾佢一句搞到唔開心。我望住個餐牌唔出聲，再望，佢都係唔講，答一個字好難？茶餐廳姐姐好過佢。我朋友見我已黑面，想cool down 個場面反而禮貌問佢個汁係點樣（好似，我冇聽清楚），條女人串嘴答佢個汁梗係落去個粉之餘此類，總之，唔係我身體唔方便行我真係拍檯走！

一到場發現間鋪都幾殘舊，鋪太細要出外面食，聽人講牛舌好食就試下食，就試下牛舌意粉，都真係好好食，意粉彈牙牛舌入口軟軟哋都有牛肉味，杯泡沫咖啡好濃好好味，by the way 侍應服務態度好，個侍應問要咩汁，我第一次食就是旦叫蒜蓉汁，後來我朋友又想要白汁，個侍應都有笑容地話好，其實侍應得一個做到咁都算好，沒其他評論咁差。下次一定會再幫趁，都幾多人排隊，要早d來先得，點都要坐入面。

本來一家大細開開心心想食個Lunch,行過見到有人等緊位，所以禮貌地同佢呢間小店既帶眼鏡的婦人講佢知我地4位，點知佢黑晒面地望左我哋一眼，跟住毫無回應地行開，唔想理我地，唔緊要，我地可以搵過第二間去食，但係如此服務態度，真係令人作嘔🤮，以後都唔會再幫襯。跟住上黎睇食評原來咁多人都愛過呢個女人既氣，食物好食又點，不可一世既態度不知所謂！利申，以前食過，食物可以，但係今日之後非常反感，唔想食飯受氣就勸你唔好幫襯😡

意～情～濃今日終於就到時間去試吓兩點半左右爆場嘅等咗一陣就入到去👏🏻樓面得一個呀姐我個人覺得有禮貌嘅，聲線同態度都ok叫完個雞扒 蛋炒飯佢問我嘢飲係咪食完先叫🤔一般餐廳好少會咁問而我一般都好少後叫😂最搞笑係佢比湯羹我湯（好正想丫）但我飲完佢話我一陣食飯留番隻湯羹😂😂😂雞扒皮脆肉滑👍🏻👍🏻👍🏻蛋炒飯好香好好味個人認為飯太多，食到停哂手，呀姐問我仲要唔，我本來想食慢啲繼續食唔想浪費，我話飯太多食唔哂，佢就話幫我收咗佢，之後慢慢飲埋杯熱華田，雖然門口有人等但係都唔會好似想你快啲走咁，除左食得太飽😩過程係舒服嘅👍🏻👍🏻👍🏻👍🏻👍🏻

來到元朗劇院滿滿酒吧的街上，天還明亮時，酒吧還未活躍，不過這小店就吸引了我的目光，因為平日晚上休息，甚少看過這裡閃營業的店內有不少飾物的佈置，感覺滿滿小店氣息之所以不意式，因為餐牌看來都是一般西餐廳食品，不過價錢算抵食就好了我選了牛脷煎蛋蕃茄通粉，食物份量都很足夠呢牛脷一共三片又厚又大件，而且煎得很香口完全沒有腥味肉質實實的口感不錯，但也有些位置特別淋，應該是正常的蕃茄湯的調味也剛好，不過不失，通粉的軟硬度就十分理想，湯與通粉的配合非常好加5蚊的朱古力也不錯，夠朱古力味而且用奶沖，所以很滑不過餐廳的雜物頗多又亂放，多少影響了環境。總結來說，意情濃在食物質素和價錢都十分理想，剛好看到有營業的話很值得一試

因爲推住bb車，所以揀左坐出面諗住易啲照顧BB同餵BB食嘢。但我真係做錯啦....今日打緊1號風球雖然冇落雨但天氣超級悶熱，再加上無風扇，30幾度坐戶外真係唔係人人都受得到，BB都因為天氣太熱好似冇乜胃口食嘢。呢度早餐好多選擇，大約有20幾個揀。我叫咗個菠菜蘑菇煎蛋螺絲粉餐，加埋蕃茄湯底（可以揀清湯），超級大碗！如果唔係坐室外應該真係會好正好嘆。由於太熱，餐飲我叫左凍咖啡。坐室外仲有樣嘢唔好，就係好多烏蠅....成程費黎飛去，好annoying...我再另外加左個蝦餅，原來有成3大塊！！！一見到我已經嚇親，原來呢度啲食物份量咁大！好明顯我同bb係無可能食得晒，所以最後都係打包。講返野食，番茄湯不過不失，可以一讚係菠菜同蘑菇好多，可以食到好多菜，以外食黎講較健康，煎蛋係流心蛋，我鍾意撈埋食，都唔錯。凍啡同平時茶記啲咖啡唔同，比較濃味，有機會下次會試下叫個熱啡，先試到佢咖啡嘅真味道。蝦餅雖然夠脆夠大舊，但唔夠彈牙，勝在夠平、性價比高，可以一試。

這間是朋友推介，之前跑完步一齊去食，果然無介紹錯，食到舐舐脷😋😋因為我地人多，叫了飯又叫了意粉又叫了沙律大包圍，老闆娘雖然頻落錯單，但無影響食物質素及我地食野開心心情😆😆😆由於太肚餓，好多都食完先發現未影相😆 無記錯的話，我地分別叫了：蕃茄意配牛脷蕃茄豬排焗飯蝦餅炒飯牛脷沙律營養高纖餐牛脷無得頂，大件得來一d 都唔韌😋😋😋，蝦餅都不俗，高纖餐勁大份，真的很老實這個價食到呢個質素算好好，係出面用呢個價錢分分鐘都係食到d 垃圾，不過呢間就經常要等位同埋開舖時間只會係朝早同晏晝，夜晚要打電話問佢開唔開，否則好似我咁試過摸過門釘😢

一行六人入元朗去呢間網上有介紹嘅隱世小店，順便元朗一日遊。通常呢啲小舖人情味濃，所以星期六中午時段要等位耐少少都預咗。去到門口已經好多人，同入面個疑似老板講六個位，木口木面話無位，問佢等幾耐，話你自己睇，仲同我講你自己睇吓等唔等。第一次嚟，我唔知你上菜快定慢，比個大概時間都唔係咁難啩，生意都唔想做咁！算！附近又好似無咩好食，我哋繼續等。等咗半個鐘終於有位，叫晒炒意粉同焗飯，個湯幾濃幾好味。意粉同飯唔使等好耐就嚟齊，汁多餸多，都幾大碟，女仔一個人食唔晒。埋單時個老板見我食淨1/3，黑晒面話食唔晒下次叫少飯吖嘛。態度惡劣到爆，未嚟過點知你啲份量，要食客食晒先得嘅，你喺門口貼張紙啦，食到一肚氣！極度懷疑點解會有網上介紹，中晒伏！

見咁多好評，諗住同老婆嚟試吓，一個字「差」！樓面四眼員工態度差，說話無禮貌，一副唔休做樣子。食物質素一般，不是其他評語般好吃，焗飯汁多到好似湯飯咁，蕃茄汁又酸，價錢也貴，元朗好吃小店不止一間，不會再幫襯。

呢間小店唔算隱世，但行過路過真係好易會錯過，舖仔細細，室外都有幾個位，成日都會有幾個人喺門口等，一直想試好耐，因為睇網上評價不錯，款式算多，一定有啱心水。牛脷香辣惹味醬炒意粉（$58）呢度嘅牛脷真係世界級！三大塊厚切牛脷，覺得佢只係用少少鹽嚟煎但相當香口，意粉幾乾身，呢個香辣惹味醬又幾夾啲意粉同牛脷，份量好多，一個人食都幾飽。煎雞扒鮮果雞蛋沙律（$55）雞扒煎到金黃色，香脆可口，又係大大塊，但都係覺得牛脷正啲，鮮果蛋沙律清清地，唔會太飽肚，可以中和返食咁大塊肉嘅膩，哈哈！

好多餐廳食完覺得唔好味又唔飽，比比皆是，呢間都可以講係幾用心嘅細餐廳，室內得 12 個位，外面都有幾個走鬼位，冷氣唔係幾平均，有d位熱到死，有d位就都可以，全店三個自己人做晒，有時見佢做到踢晒腳😰 講翻佢d餐，分幾節，任配搭，日日食你會厭，但好耐無食，你就又會想去幫襯😂 今日叫咗牛脷意粉，意粉配搭嘅味道都有幾個選擇，個粟米餐湯都好好味，係無麵包配嘅，餐飲如果 order d 特飲就要另外收費，越嚟越多人幫襯佢，好多時都要等位，主持人亦好隨意😂 有時會叫人唔好等