岩浪天扶良日本料理

Open Now

Now Closed

岩浪天扶良 @iwanamijapaneserestaurant 搬新店後第一次來訪，環境比舊店更寬敝，分天麩羅同壽司兩個用餐區；今次為天麩羅而來🙌🏻😂，食物仍然高質，一窺師傅炸物本領鍾意呢度可以加百多元試飲新入清酒，是響往的一餐🫶🏻😙.👨🏻‍🍳廚師發板天麩羅會席餐單 [$1,280🝮冷菜松葉蟹｜酸汁啫喱｜紫蘇葉花｜日本法蓮草 當造蟹季，松葉蟹🦀配上酸汁啫喱、紫蘇葉花，份外清甜，加上日本法蓮草，作為前菜，不錯😌.🝮天麩羅12款秋刀魚｜海膽紫蘇葉｜蜆｜瀨尿蝦｜花竹蝦｜帶子｜海鰻｜沙錐魚｜喜之次｜南瓜｜紫蓮藕｜芋頭天麩羅係今晚主角🌟，店員預先呈上，蘿蔔蓉配特調醬汁、咖哩鹽、海藻鹽個人鍾意保留食材鮮味所以比較鍾意將食材分一半🥢，先試海藻鹽，後試蘿蔔蓉醬汁蝦頭脆口一類，就點咖哩鹽😆食材、海鮮新鮮，加上師傅手藝是靈魂💙食材炸粉透薄，被一層薄薄脆皮包住，吃一口，食材仍然juicy而鮮嫩，有wow🙌🏻🤩🝮主食（二選一）我哋每人叫一款，可以試晒兩款🙌🏻🤣♒︎天麩羅蝦餅丼呢款有日本生蛋加持，味道較香濃😋.♒︎天麩羅蝦餅茶漬飯呢款就濕濕地，調味剛好😎.🝮湯品赤味噌湯.🝮甜品蜜瓜｜杏仁豆腐.💁🏻‍♀️💁🏻‍♂️喜歡

別具用心的廚師發辦天婦羅餐廳，全吧枱座位，可一邊觀賞師傅為你烹調美味炸物佳餚，一邊品嚐每道精緻菜式，衝擊視覺、味覺和嗅覺，今日預約了駒師傅享用Chef's Selection Tempura Set。廚師發辦天麩羅Chef's Selection Tempura Set前菜北海道鱈魚配自家製豆腐薄薄炸漿包著魚肉，魚肉嫩滑鮮味，配上豆腐，清新淡雅享用天婦羅前，會奉上調味海鹽，咖喱及海藻鹽，給客人自行調味，每款別具特色。天麩羅8件✨花竹蝦鮮甜爽口✨目光魚外層香脆魚肉細緻幼滑✨瀨尿蝦薄漿外皮酥，沾上海鹽，鮮味加倍，絕不油膩✨沙錐魚肉質較厚實，魚味濃郁✨墨魚色澤雪白，彈牙鮮味，完全不韌✨招牌鮑魚鮑魚已調味，不加配任何調味醬汁，也鮮味處處✨冷菜- 柚子凍柚子清香消滯，整頓一下味蕾✨天麩羅蝦餅飯食材豐富，蝦餅混入蝦肉和墨魚粒，配上秘製醬油和流心蛋，十分滋味✨赤味噌湯✨甜品和歌山富有柿或士多啤梨岩浪天扶良日本料理📍銅鑼灣糖街25-31號Sugar+ 17樓

環境裝修好舒適，分咗兩邊吧枱，坐吧枱可以欣賞到師傅烹調過程，亦可近距離同師傅交流。以天婦羅主打的廚師發辦，師傅會精選當日最新鮮的食材而烹調出天婦羅食物。💫前菜：鱈魚豆腐鱈魚肉質細緻，豆腐囗感嫩滑，整個感覺很清爽。💫天麩羅 8 件：🔶炸花竹蝦🔶炸大蜆🔶炸目光魚🔶炸瀨尿蝦🔶炸海膽🔶炸磯煮鮑魚🔶炸蕾菜🔶炸赤蓮藕師傅會逐件掃炸漿即席烹調，每件新鮮熱辣，提供天婦羅汁、咖喱鹽、海藻鹽，上菜時會細心介紹建議的食法。天婦羅炸漿非常薄及酥脆，有幾款我特別喜歡的：炸花竹蝦肉彈牙鮮甜；大蜆炸到半生熟好鮮甜；炸海膽加紫蘇食落好creamy，好想encore 😁；炸鮑魚好入味，慢煮過令鮑魚淋身又保持彈牙囗感。💫飯： 天婦羅蝦餅飯炸蝦餅好足料又酥脆，炸流心蛋的蛋汁令整個飯更美味，加上醬汁調味好夾滋味提升。💫湯：魚湯好鮮甜，魚肉亦很細嫩。💫甜品：和歌山柿+ 熊本士多啤梨🍓以清甜的水果作結尾，真的很滿足。

師傅站喺吧枱後，雙手俐落咁處理食材，每件食材經佢巧手，從修整到浸上冰冷嘅脆漿，再放入高溫油鍋，聲音、香氣同色澤都係一場表演師傅處理花竹蝦時特別細心，蝦身炸至外脆內嫩，鮮甜多汁，而蝦頭蝦腳部分處理後炸到酥香脆口，食落帶有濃郁嘅蝦油香，更加多層次。 瀨尿蝦灑上日本柚子碎，清新提味；紫蘇葉海膽結合濃郁海膽與紫蘇嘅香氣，入口層次豐富；日本紅心蘿蔔炸出外脆內嫩，保留自然甜味中場，師傅特意準備咗一杯小小既日本金桔啫喱，味道酸甜帶點清新，呢個鋪排我幾喜歡！磯煮鮑魚經兩小時慢燉後炸至微脆，仍然鮮美無比；目光魚細緻柔嫩，外層輕薄脆香；大蜆炸得外酥內鮮，超級燙嘴鮮甜飽滿；慕容菇酥脆每件天婦羅即炸即食，香氣與溫度最為迷人。最後甜品有柿子同日本士多啤梨，仲有新年前特製嘅天婦羅年糕，外脆內糯，為新年帶來好意頭

店名: 岩浪天扶良日本料理 地址: 銅鑼灣糖街25-31號Sugar+ 17樓銅鑼灣站E出口，行4分鐘環境: 4.5/5價錢: 4/5味道: 4.5/5鍾意天婦羅🍤嘅大家一定要黎試下廚師發辦天麩羅$780前菜❤️❤️❤️❤️❤️鱈魚豆腐口感順滑，味道精緻味美😙天麩羅8件❤️❤️❤️❤️❤️有天婦羅8件，每日嘅款式都唔同，今次覺得最有驚喜係炸大蜆、炸海膽同炸墨魚🥰大蜆超大隻，炸至外脆內嫩，肉質鮮嫩彈牙，十分juicy，建議點醬汁/鹽食用，海膽以紫蘇葉包住，炸至啱啱好，味道好鮮甜，點鹽更能提升鮮味😌墨魚🦑大大舊，新鮮彈牙，點鹽食用啱啱好😚冷菜❤️❤️❤️❤️❤️有柑桔配柚子啫喱，味道清甜可口，帶有陣陣果香😆天麩羅蝦餅茶漬飯❤️❤️❤️❤️❤️可以2選1，揀左茶漬飯，整體十分鮮甜，加入天麩羅蝦餅，口感更有層次😙赤味噌湯❤️❤️❤️❤️❤️今次為金鯛清湯，味道十分清甜，真材實料，金鯛肉質鮮嫩無比😋甜品❤️❤️❤️❤️❤️兩款水果都十分清甜，爽脆清甜☺️

岩浪天扶良日本料理 📍銅鑼灣糖街25-31號Sugar+ 17樓 ━岩浪在天婦羅Omakase中頗有名氣 搬新鋪後這是第一次到訪 當然要來試試久違的天婦羅~在銅鑼灣 晚市只需8百蚊左右能吃到如此高質的天婦羅廚師發辦 可說是性價比很高! 板前師傅亦會細心介紹 體驗感很不錯!━🐟 鱈魚豆腐▶︎ 連前菜都很用心~ 自家製豆腐豆香十足 加上緊實魚肉層次更為豐富━🦐 花竹蝦▶︎ 蝦身薄漿脆殼 鮮甜爽彈 味道很不錯~▶︎ 蝦頭炸至酥脆 沾少許鹽就夠香口━🐚 大蜆▶︎ 來自鹿兒島的大蜆炸至半生熟 外層彈牙內裡juicy━🐟 目光魚 ▶︎ 有驚喜! 魚味濃且肉質格外細嫩 冬天正是油份重的時候~━🌿 紫蘇海膽▶︎ 紫蘇與海膽的組合確實無人能敵 海膽本身就很鮮甜 炸過之後更加creamy 搭配紫蘇香而不膩━🍊 柚子柑橘▶︎ 吃到中段會有解膩柑橘 很貼心!━🦞 龍蝦▶︎ 沒想到能吃到龍蝦~ 能炸至剛剛好的半熟 口感軟彈!━🦐 瀨尿蝦▶︎ 這個時候的瀨尿蝦有膏! 鮮甜感十足 加上紅膏更是滿足~━🪷 紅蓮藕 ▶︎ 蓮藕是天然的紫紅色 吃起來似乎格外結實 自帶清甜━🥦 菜之花▶︎ 十分驚喜的菜之花 軟嫩中自帶香甜感 沾上天婦羅汁完全沒

今晚我地兩人去食飯每人1880 元 埋單 $4200師傅長時間同另一台客傾偈仲送牡丹蝦刺身比佢地令我地和另外兩位客人 完全覺得好唔公平 及被忽略！野食質也不見得高級甜品賣相直頭恐怖食完有啲搞肚…很差 experience 😖😖😖而且當我們一到步餐廳門口的時候門口排了人龍儘管我們已經預訂了，8:15的時間8:45才入座在門口等得很久，因為餐廳需要做兩輪的生意這樣令到顧客很不高級，像放題餐廳的要在門口等待那麼我們訂座的作用在哪裏呢？

餐廳主打天麩羅/壽司廚師發辦，裝潢高尚充滿現代感，吧檯設計可以邊食邊欣賞師傅用心製作。先付鱈魚豆腐鱈魚細膩，豆腐入口嫩滑。天麩羅8件廚師精選8件時令食材，沾上薄薄嘅炸漿，入口香脆，保持食物嘅鮮味。炸花竹蝦：外層炸得金黃酥脆，蝦肉彈牙，口感鮮甜，炸蝦頭全件都食得，沾少少咖喱鹽更香口。炸瀨尿蝦：肉質緊實，味道鮮甜，超多瀨尿蝦膏，沾少少天婦羅汁一齊食提鮮。炸縞魚：縞魚肉質細緻，沾鹽/配合天婦羅汁襯托出魚肉本身既淡雅鮮味和細膩口感。炸機煮鮑魚：鮑魚入口彈牙，吾需要加任何調味料已經好好食。炸沙咀魚：肉質細膩，炸完全條魚都食得。炸海膽：第一次食到炸海膽，海膽味道鮮甜，點少少海藻鹽食超滿足。菜之花：冬天菜之花味道帶有甘香味，口感香脆。炸長芋：獨特蓮藕般口感，滑潤細膩。蝦餅飯用左鮮蝦肉加上炸漿整蝦餅，入口酥脆，加上炸蛋黃，米飯吸收蛋黃既滋味，帶來豐富既口感層次。鱈魚湯香味十足，入口清甜，仲有大大件鱈魚。甜品選用和歌山柿子和熊本縣士多啤梨，味道清新，再搭配自家製杏仁豆腐，口感滑溜。近排做緊優惠，經Inline訂座晚市可享9折優惠

廚師發辦天麩羅會席 $780有開陽的景觀，環境舒適，可以欣賞廚師即席料理的過程。入座30分鐘內近乎滿座，建議預先訂位，Inline 訂座晚市更有9折 https://bit.ly/4ehmiX3前菜-北海道鱈魚配京都豆腐及店家自家製的蘿蔔蓉醬汁，很清爽👏🏻-開胃的兩款漬物天麩羅廚師會即席逐件掃粉再炸，新鮮熱辣辣，並於上菜時建議調味食法。天麩羅可以配蘿蔔蓉天婦羅汁、咖哩鹽、海鹽及青檸檬，增添風味✨-鮮味的花竹蝦 🦐-魚味及油香重的嫩滑目光魚 🐟 -厚身啖啖肉的真名鰹 🐟-瀨尿蝦有甘香的蝦膏 💕-彈牙美味的炸紫菜墨魚 🤤🤤🤤-彈牙的磯煮鮑魚微甜又鮮美 😍😍-菜之花 🥬-日本西蘭花 🥦天麩羅蝦餅飯 🍚炸蝦餅足料啖啖蝦肉，加上炸半熟流心蛋攪拌一起吃，很滋味❤️🍲 𩶘魚湯有驚喜，滿滿的鮮甜魚味，有可愛的花花蘿蔔及無骨魚件。甜品以清甜的富有柿及熊本士多啤梨🍓作結，很滿足🤰🏻🤰🏻

趁Happy Friday 安排食餐好是常識吧甫進店就聞到香噴噴嘅炸物油香岩浪天扶良曾登上米芝蓮推介餐廳有壽司刺身及天婦羅Omakase前者成日食就決定熱氣少少食天婦羅8品廚師發辦Tempura Set先付 /北海道真鱈魚配自家製京都都豆腐豆香好濃郁調味係日本蘿蔔蓉拼酸汁係好清爽嘅開胃菜天婦羅 / 8品都係時令精選所以大家嚟未必exactly 同我嘅菜單一樣當日鹹食部份順序係花竹蝦 、瀨尿蝦、紫蘇葉海膽、舞蓉菇、蠔、目光魚同大魚最深刻係紫蘇葉海膽兩者原來又幾夾另外舞蓉菇同蘿蔔蓉好合拍浸一浸醬油菇嘅香氣瞬間撲鼻另外要一讚食到三分一厨師遞上柑桔jelly解膩好refreshing!!! 勁like 師傅用甜天婦羅收尾係好可愛嘅日本柿糯糯哋又口感綿密唔太甜又幾討人歡喜柑桔jelly 間場去油膩蠔 已調味 濃味目光魚 海藻鹽日本軟恥 甜品飯 / 天麩羅蝦餅丼呢個好飽肚又好食份量十足嘅天婦羅蝦餅撈埋topping 個天婦羅半熟蛋食好Yum yum 汁 / 白金鯛清湯有驚喜本身menu係赤味噌湯但最後上枱嘅係自家煮嘅魚湯雖係係清湯但魚香鮮甜仲有一塊白金鯛好想encore 😂花竹蝦 海藻鹽最後甜果係

今日來訪位於銅鑼灣，環境雅緻景觀一流嘅Omakase 餐廳😍 㨂咗勁特別嘅廚師發辦天麩羅😚 包含前菜、天麩羅、冷菜、天麩羅客飯、湯品和甜品，非常豐富🤩 是日前菜係鱈魚豆腐❤️ 口感柔滑細膩，鮮香味清，作為前菜好合適👍 天麩羅由廚師即席炸起送上✅ 保證熱辣辣脆卜卜😋 多款炸天婦羅各有特色，同樣鮮香味美，惹味可口🤤 🐧 就最鐘意打頭陣嘅炸蝦😘 外脆內滑好有嚼感，食埋個蝦頭滋味滿分🌟 值得一讚嘅係，天麩羅食到中間時，會送上冷菜柚子甘橘俾客人清清喉🤗 真係好細心☺️ 壓軸嘅天麩羅蝦餅飯真心高質😆 飯粒分明圓潤，炸蝦餅啖啖蝦肉，好有嚼感❤️ 加上半熟流心蛋攪拌一齊食，滋味滿分😎 跟飯嘅赤味噌湯濃郁甘香，好正☺️ 甜品除咗有日本靚靚新鮮水果，仲有勁滑勁香嘅杏仁豆腐，甜而不膩，濃厚味醇，作為一餐嘅完結好合適😋 

🤎 餐廳景觀開陽，樓底高，氣氛好，環境舒適。🏙 星期五中午去依然滿座，建議訂位。🌟🌟 Inline訂座晚市9折 https://bit.ly/4ehmiX3 🌟🌟➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ [ 廚師發辦天麩羅會席 | HK$780 ]▪︎先付▪︎天麩羅 (8件)▪︎天麩羅蝦餅飯/天麩羅蝦餅茶漬飯▪︎赤味噌湯▪︎甘物--🥣< < 前 菜 > >▪︎汁煮和牛 ▪︎茶碗蒸🥢< < 天 麩 羅 > >▪︎蘿蔔蓉天婦羅汁、咖哩鹽、海藻鹽、青檸檬▪︎蝦、大蜆、魚、紫蘇葉海膽、慢煮八爪魚☆☆、磯煮鮑魚、紅年偶、紅心蘿蔔食完一款炸一款，新鮮熱辣。每上衣一款，廚師會建議調味食法。蜆肉外脆時，中間帶蜆肉嘅水分。🥰🥰 紫蘇葉海膽，大愛！！豐富海膽，味道濃郁得黎，配上紫蘇葉嘅香。八爪魚先慢煮再炸，所以本身已入味。磯煮鮑魚，肉質嘅軟淋。< < 其 他 > >▪︎天麩羅蝦餅茶漬飯▪︎𩶘魚湯☆☆▪︎日本杮子食完天麩羅其實都已經開始飽，所以揀咗茶漬飯無咁邪惡。𩶘魚湯望落簡單有驚喜，入口鮮甜魚味，帶無骨魚件。

今次去咗銅鑼灣食呢間廚師發辦，我係第一次食天婦羅加壽司嘅廚師發辦，呢一個係天壽套餐！睇落唔似好多，有七款天婦羅同七款壽司，但係食晒成個餐真係好飽，而且好滿足！食咗個前菜之後就會有七款天婦羅，當然，因為係廚師發辦，每次嚟都應該會有唔同！今次我就食咗天婦羅蝦，天婦羅瀨尿蝦，瀨尿蝦就有好多膏，都幾特別！我自己特別鍾意食紫蘇葉海膽天婦羅同埋紫蘇葉秋刀魚卷天婦羅！真係估唔到天婦羅同呢兩樣食材好夾！天婦羅渣到外面酥脆，海膽入邊好滑！而秋刀魚就好肥美！另外仲有山梨縣柿天婦羅，都幾特別！七件壽司各有不同，都係有深海深魚、深魚、帆立貝、甜蝦、拖羅、鰆魚！我自己最鍾意食佢哋嘅吞拿魚蓉手卷，真係好有驚喜，入邊有炸洋蔥吊起個味超特別！是日嘅熱湯係舞茸湯，食完晒清一清唔錯！水果有富有柿同水梨，清甜！

今日去了食午餐，點了12件壽司。每一件都是師傅精心炮製的，真很喜歡這裏的fusion壽司。魚生好新鮮。師傅會喺每一種魚上放不同的配料。我覺得在其他日本餐廳是吃不了的。前菜每天都不一樣的。我今天是魷魚配菜，然後有蒸蛋。接着就是12件壽司，而壽司最後的那個手卷真的是王牌。

最近去咗銅鑼灣一間叫「廚師發辦」嘅餐廳，專攻天婦麩羅的omakase，仲係米芝蓮推薦嘅餐廳之一；餐廳座位大約二十個，裝潢高尚有現代感，有兩個吧檯，分別負責壽司同天麩羅，部分座位都可以望到維港美景。廚師發辦會席 $1250前菜時令香箱蟹 / 酸汁啫喱 / 脆紫蘇花 / 日本法蓮草 香箱蟹嘅蟹膏同蟹肉，混合咗菠菜、紫蘇花同啫喱醬。 蟹的甜香配上清爽嘅菠菜，再加上微酸嘅醬汁，食落開胃！紫蘇花嘅香氣亦提升咗層次天麩羅 (12件)包括： - 花竹蝦 - 北海道帆立貝 - 沙錐魚 - 真名鰹 - 瀨尿蝦 - 鮑魚 - 墨魚 - 海膽紫蘇葉卷 - 赤年根（蓮藕） - 紅心蘿蔔 - 炸芋頭 - 炸菇 師傅會根據當日新鮮食材挑選，每款都有唔同嘅烹調方法，當日主打海鮮天婦羅。可以加上海藻鹽、咖哩鹽、青檸、天麩羅醬汁同蘿蔔蓉。天麩羅麵衣金黃酥脆，薄得黎帶微微鹹香，每一啖都感受到食材原本嘅味道。其中比較深刻既係海膽紫蘇葉卷，紫蘇葉包住海膽，入口香脆，先係紫蘇葉嘅香氣瞬間散開，再感受到海膽嘅香甜；鮑魚確實係招牌，爽口彈牙；赤蓮藕炸得金黃酥脆，咬下去清脆爽口，帶有自然嘅蔬菜甜味。天麩羅