磐田日本料理 (Closed)

放工乘火車再由大圍站步行至田心村已經八時許，剛搭正餐廳收費最貴的時段。沒法子吧，也沒可能七點九前離開餐廳，等九點半後或再遲一點的消夜時段也未免太晚，既然來到，就決心一試，因為始終鍾愛日本菜嘛。星期四夜晚，餐廳未算多人，只得室內一枱大夥人和室外一枱人，我和老公二人就往室內走，隨便找張四人枱坐下。價錢驟眼看下也算合理，我倆點了石鍋烏冬、兩客三文魚手卷、鰻魚石鍋飯和鹽燒鯖魚。 最先上菜的是三文魚手卷，我最喜歡這手卷食到最尾時還有魚生，魚生尚算新鮮，與飯的份量配合得很好啊 鰻魚石鍋飯，鰻魚軟軟的，不會過於生硬，配以生雞蛋和鰻魚汁，味道很好，到差不多完成時石鍋還在冒煙，熱度很足夠 石鍋烏冬，烏冬可以更彈口，敗北在於鍋內有我最不喜歡的小唐菜，其他配料有生雞蛋叉燒、雞肉等，足料 鹽燒鯖魚，很香口啊，最喜歡它的酸汁，蘿蔔泥、醋和檸檬汁，開胃且配合咸咸的燒鯖魚，最令人回味啊餐廳裝潢以木材為主，因店內客人不多，上菜的時間也很快，新手待應也經常給我們添加熱茶。埋單加一後$170，不算很抵食，尚算滿足離開。臨走，都已經付賬離開時，待應送上$50感謝券乙張，但消費$300方可使用，更不適用於特價時段，不知會否有

前兩日同女友去呢間餐廳試下,佢環境幾好,我地叫左一個SET$88 DINNER 壽司 同一客蔥吞拿魚軍艦,三文魚子軍艦,日式牛肉鍋加烏冬.D吞拿魚壽司,蔥吞拿魚軍艦完全無魚味,三文魚子軍艦唔新鮮,SET DINNER 個十件壽司全部都係水準之下(去一田超市買重好食)個牛肉鍋烏冬D牛無牛肉味,個日式豉油湯底~好淡唔好味 唔值$78我都見個到個老闆(應該係,因為佢絛著製服)佢D衫同態度,有侍改善,其他員工態度都OK雖然住係附近,但係唔會再去

磐田呢間餐廳d野係okd服務刀ok...個老闆刀好好傾o個到有幾味菜刀係超水準,(siu青fish,天婦lo,鐡板一口牛,sushi)可能係d人煩,so人地咪問候你呀媽lo,一遍之詞,你唔好講你無問候人地lo個老闆不知幾好人出面有一個花園仔,幾bt ful,直得去

今日2:50pm諗住同朋友食個下午茶，去到呢間磐田坐底，無咩下午茶好揀，一碟壽司+一杯飲品$14，另加壽司就$6件，咁同就咁散叫壽司有咩分別。揀無可揀，就食個拉麵下午茶啦！叫既時候，個waitress話未夠鐘，要等三點喎，好心未夠鐘，就唔好俾個下午茶餐牌人啦！咁算啦，佢話可以叫住先，夠鐘就會上，咁都ok！後來，見到個午餐既賣相好似幾吸引，最後都係叫咗兩個set lunch。咁就出事啦！個壽司套餐簡直唔掂呀！啲壽司唔新鮮都算啦，嚿飯竟然可以好似唔熟咁，超級難食，有啲飯粒竟然係硬，似未熟，又似飯焦咁。我仲見到隔離枱既人，都有叫呢個壽司套餐，只係食咗面頭的刺身，下面嚿飯只食咗幾嚿都頂唔住唔食。話晒都係一間日本料理，壽司咁普通既野，都整都咁既水準，點得架！而且個餐都唔係平，都要$44喎，點可以去到呢個質素！唉！真係唔會有下次啦，話晒間嘢都唔係平呀！一個set lunch都要$40幾喎！呢個價錢既質素唔應該去到咁差囉！

附近醫院探完病黎搵食; 又係因為放棄等位食隔離泰菜, 於是出事.我都對老闆(淺色金毛頭)的服務態度有保留...不喜歡他對客人愛理不理的...在樓面又著哂運動背心, 伸哂懶腰舉哂手咁...賣脫毛廣告咩...-_-"服務,環境即時扣分...食物方面, 壽司味道麻麻地, 冇味/冇鮮味; 炒什菜就最可恨, 除了少量椰菜花/粟米仔/,紅蘿白, 得果幾條芽菜仔同九菜花(真係唔過10條), 喂人地叫得什菜都唔expect唯一既綠色菜得幾條係咪呀!?九菜花$5-6一大紥喎, 唔好咁孤寒啦...炒飯呀 炒烏冬呀 就一般啦;不算美味.成晚比較好的就只有日式煎餅.冇下次...

尋晚同阿爸阿媽慶祝結婚周年紀念,我地一家五口就去報紙介紹, 又係屋企附近間磐田日本料理食吓咧, 哇~~~~呢到啲海膽好好食呀, 連平日怕食嘅老公都食到喎, 好新鮮呢~~~~我地五個好似皇蟲咁, 一味接一味上枱個盤壽司, 魚生(個海膽好正), 長腳蟹火煱, 雜錦天婦羅, 火x吞拿魚, 眨吓眼就比我哋一邊飲青酒一邊食, 好快就吞晒落肚, 跟住又叫左個一款魚生, 牛柳, 炸軟殼蟹, 雜綿天婦羅, 三文魚蟹子炒飯, 基本上我覺得呢餐都幾好, 上菜又快, 唔會要等好耐先有得食第二味, 老細招乎都幾好, 唔錯唔錯, 食得好快心

這間餐廳惡劣的服務態度, 應該在香港這個地方, 你是無法找到的.好端瑞的去在這裡用晚餐, 也會用粗口來問候食客, 這算是一間什麼餐廳. 事緣係咁既, 今日同阿媽去食晚飯, 本來打算食呢間野旁邊的泰國餐廳, 當時已經8:30pm, 不過唔想太夜食飯, 所以見要等座又見呢間野唔駛等, 咁咪黎呢間試下囉, 不過咁就試到一肚火好啦坐低叫野, 叫左個壽司併盤, 一客手卷, 餃子, 同炒烏冬, 等左大約20min先黎個壽司併盤同手卷, 咁我就好聲好氣咁問下個烏冬幾時到, 佢話整緊要時間, 要等下.咁我都算啦, 好啦, 再過多10min , 再問下, 佢竟然同我講, 唔等得可以埋單走, 唔好食. 咁我咪同佢理論囉, 之後佢地又講晒粗口, 又問候人地娘親, 又話要搵人黎招呼我, 又恐嚇話叫我小心d. 當時因為唔想媽媽擔心, 所以拿拿臨同佢走先, 唔好等佢嚇親, 連野都未食, 放低錢就走.咁樣既餐廳, 真係要叫人唔好去, 免得大家做第二個受害者

8.9.2007 下午試吓佢啲定食先。老公叫了個$42刺身定食(包括: 2片三文魚、2片吞拿魚、2片立魚、2件甜蝦、Q版湯烏冬、2粒Q版日本餃子)此外，另加$10件的三文魚手卷。我叫了一客$38壽司定食(包括:2件三文魚、2件立魚、1件甜蝦、一件蟹子、一件曼魚、2件加州卷、2粒Q版日本餃子)。食物味道尚可，不過份量就細小。我不是大食之人，1:00pm吃完定食；3:00pm就要再食嘢了。他們的定食，對於男仕來說；份量實在太輕了。同時，建議他們改改，實在需向客人奉上"熱"茶。

3.9.2007 約老公一起放假，晚上又不想自己煮；老公提議去試纒 田心村間日本餐廳。不過他們晚上沒有定食套餐，時間又早；故此2人隨便只叫了一碗豬軟骨拉麵、一些手卷及壽司。水準一般，沒有什麼驚喜。但要提一提，他們的綠茶沒有茶味/水溫又凍；需要改善。服務水準只是一般。