繼光香香雞

Open Now

Now Closed

食炸雞 去邊度食好？有一個地方就一定唔會伏！呢間就係繼光香香雞 大家有去過台灣嘅 都記得西門町一出去就會見到一間繼光香香雞所以如果係香港想食炸雞嘅話 黎繼光就絕對信得過✅佢炸雞有分大中細 亦都會標着佢有幾多份量咁我就揀咗最細嗰隻 佢會有個磅話俾你知你嗰個size係有幾多🆙大中細好似相差幾十Gram 亦即係應該差3，4舊左右不過佢嘅炸雞就偏向台式 就唔同嗰啲韓式炸雞咁有多口味佢都係加啲辣粉 又係有分大中小辣 ➕➕➕就唔會話有啲咩特別芝士 或者其他味道尚算係最原始最原始嘅台式炸雞🍗$28 - 小炸雞

第一次吃繼光香香雞是十年前跟朋友到台北旅行，那時覺得香香雞超惹味香口好吃，雖然知道香港一早開了分店，但由於不去開附近，一直都没有故意前去光雇，見葵廣有分店，當然就要試下。香香雞即點即炸，不過等候時間還可以接受。辣度有五級選擇，嗜辣的我們就點了中辣。份量則分為小中大，因為還要留肚吃其他小吃，我們只點了一份小的share。香香雞剛炸起熱辣辣，炸粉不厚，吃得出胡椒粉的惹味，辣勁亦可以，不過不知道回憶被美化了還是甚麼的，我只可以說味道不俗，但相比我十年前在台北吃到的還有距離。

之前去台灣旅行食過呢間炸雞，覺得好正，嚟到葵涌廣場掃街，再來會一會佢先！都幾得意，分大中小份，係用電子磅來稱的，仲有買嘢飲配搭，但種類選擇不太多！ 炸雞都算粉薄，不太多粉，但肉質就可能要睇吓你食中邊個部位，有啲胸肉始終冇咁滑，但係有啲肶位就明顯滑一點，總嘅來講不錯，但不夠台灣的好吃

今日和好朋友行葵涌商場，嘩，商場密集好多食物，我想食炸雞雖然叫個細細地香香炸雞，試下是否好食，朋友想帶我食這個好耐，食落外脆內軟多汁，不太干，好嫩滑的肉質竟然食上癮，好好味啊

葵廣貴為掃街天堂之一自然吸引唔少連鎖小食店 飲品店進駐繼光就係其中一間喇!今次朋友特登係港島黎葵廣朋友仔話想試外繼光嘅質素咁就陪陪君子啦叫左個中份嘅炸雞中份得195gram 已經盛惠39大元真係不便宜好似其他評論咁講 呢度出餐真係好鬼慢 慢到你會諗 明明啲雞炸好哂只係差入袋 都要等十分鐘？差唔多到我地果陣 我終於知道點解因為佢地對個重量係好執著嘅 唔知係咪有員工守則話只可以+-5g我地買嘅係195g 個哥哥係會來來回回不停換最後一舊炸雞 make sure要換到195g203g 佢都要拎過第二舊再試我地就係旁邊睇住佢堅持最後我地個份係196g 因為想要環保少少 用左之前個食物盒裝 請見諒貴唔緊要 耐都唔緊要 最緊要好吃但我會點形容呢間炸雞呢？佢係唔厚粉嘅無錯大小都岩岩好一口size 但味道呢？佢真係好淡味呀 唔係講緊出面啲味粉唔夠味而且入面舊雞 幾乎完全無味 肉質好一般 無肉汁 唔滑 啲肉唔係一絲絲嘅一路食一路後悔 我究竟食左啲咩或者下次去台灣試下正宗嘅 香港店嘅話無下次byebye

一直好鍾意食炸物而炸雞係其中既至愛每次經過豪大大雞排都會忍唔住買份香香雞令到肚腩到依家都仲係高位居高不下呢到標榜既係即炸炸雞而且入袋之前會係客人面前上磅夠晒均真食炸野最怕食到厚粉呢到就唔洗擔心呢個問題炸粉薄而且均勻唔會食粉多過食雞而且即炸令到雞肉唔會冇晒肉汁入口一咬已經食到雞香令人一食再食另外叫左中辣雖然單以辣黎講係夠辣既但係佢辣而不香(呢d我稱呼為只有死辣)呢點就比不上豪大大雞排了細份既香香雞盛惠26蚊豪大大雞排相比性價比就低左d啦所以如有下次,我都係食返豪大大雞排既香香雞好了(只限大圍店)

香港買到既炸雞黎講，最中意就係繼光香香雞，雞粒比雞塊進食得方便得多，佢既雞粒肉質好嫩滑，唔會炸得過火，食過好多次都控制得好好。有得揀辣度，小小辣會令雞粒惹味好多，我通常都揀小辣，對我黎講就岩岩好。-佢150g就$28，份量唔算好多，佢仲有中同大size揀，有時突然想食過下口癮揀個細既就最岩不過😋

黎葵芳行街，比一陣好香嘅炸野味吸引左，原來係繼光香香雞！喺台灣食過，香港一路都撞唔岩無食過～即叫即炸，以下相片冒住辣手嘅危險影嘅蒜脆杏鮑菇（小)$25估唔到杏鮑菇炸完都仲係咁多汁，但個皮依然好薄好脆！菇類感覺健康塔塔墨魚甜不辣$26加左墨汁整嘅所以個樣黑麻麻，食落煙靭，口感唔錯～配埋塔塔醬酸酸地食一流Spa雞排$30經過處理嘅雞排，薄薄一塊，無骨，啖啖肉，醃料滋味，邊行邊食都無問題，大大塊，夠飽肚田園洋蔥圈（塔塔醬）$27洋蔥圈好甜，無臭青味，價錢都唔貴，不過同頭先嘅野食比，之前嘅仲抵食澎湖花枝丸（3粒）$10有花枝肉嘅彈牙花枝丸，後悔只叫左三粒～水果冰茶套餐加$10右桂香酸梅湯套餐加$10左強調推薦酸梅湯！酸味味，超解渴，如果有得加冰仲好

放工每每經過繼光香香雞都係一陣邪惡的香味….可惜都係晚飯時間，所以都忍住口唔買。今日竟然有外驚喜，因為阿媽提議買香香雞加餸。麥樂雞做餸就不時發生，但香香雞做餸就係第一次!!! 所幸放工晚飯時間，等買的人不多，所以我地點餐無幾耐都可以拎走。臨走仲叫多杯水果冰茶，消消暑。杯茶真係幾好飲，酸酸甜甜，茶味夠香，未返到去已經俾我飲晒。 其實好耐無食過香香雞，所以上枱一刻，帶莫名的興奮。香味依然，而且邪惡的香，未食都令人流口水。 先食個炸雞扒，外面炸得微脆，入面的雞肉仍滑嫩多汁，同其他炸雞比，佢一啲都唔會令人覺得熱氣，食落口啖啖肉~ 雞翼皮薄，香口而滑嫩多汁。炸雞係一粒粒的，無骨又夠惹味，平時就咁拎住食係一種風味，係飯枱上亦一啲都唔失禮，所以招牌係有其原因的。 墨魚甜不辣唔係卜卜脆路線，反而係帶點煙煙韌，點埋個甜酸醬或沙律醬食，雖然烏卒卒，又估佢唔到幾好食。 我最鍾意個鮑菇，大大一粒拎去炸，外面的炸漿唔厚，但幾好味，個菇炸完都仲係好多汁好飽滿，差不多我自己一個食晒。 平時覺得食炸野好邪惡，但當佢地變左枱上的一碟餸時，又令人食得幾開心。這可能係懶惰阿媽的煮食智慧

眾多台灣小食，想必香香雞是我經常買的 幾乎每次來葵涌廣場都會買一包 店裡人手還蠻多的 平日下午來訪就有三四個店員同時在櫃台為顧客服務想必熱門時段來購買應該也不會等待太久即點即炸需等一陣子繼光香香雞由數十種辛香料細膩醃漬入味後現炸香香雞炸好的雞塊，外皮香的酥脆，雞肉鮮嫩多汁香香炸雞 $50(大)吃起來不會乾巴巴的，加上特有的外層味道，帶點甘甜每一口的雞肉香甜中，還帶著淡淡的芝麻香，脆肉多汁這會讓人一口接一口的一直吃下去墨魚甜不辣 $26配塔塔醬甜不辣裡面的Q度很好口感軟嫩適中，外層的邊緣處咬起來很酥脆 加$10可以配水果冰茶 如果有冰就更好，會解渴點！ 葵芳葵富路7號葵涌廣場3樓303A號舖

今日去葵芳探朋友，行經葵涌廣場三樓，行過已聞到繼光香香雞炸雞香味，忍吾住停低，買咗幾樣小食，帶去朋友屋企一齊分享。點咗一份三粒花枝丸、香香炸雞（中）、義式墨魚甜不辣，樣樣都很好食，全部即叫即炸，熱辣辣。香香炸雞：外層炸得香脆可囗，雞肉非常嫩滑，一口一件，食得非常方便，好食到停吾到口。花枝丸：外層炸得乾身、食落去很彈牙，還食到有花枝肉，好好味。義式墨魚甜不辣：個名非常得意，係用墨魚肉製的，外層脆脆地，口感煙韌，味道不錯。

繼光香香雞。來自台灣鹽酥雞。我無諗過佢已經開左幾間分店。香香雞偏向juicy，可口既小食。在台灣都幾受歡迎。當年去台北住西門町。曾經食過依間俾我既印象好好。香香雞口感唔會好乾身。食落會有肉汁。雞肉幼嫩。一口一件。佢仲有其他小食蒜香杏鮑菇。甘梅地瓜條。鮮炸魷魚。花枝丸。炸洋蔥圈。下次機會可以試下好唔好食。香香雞就有分大中小，三個size。今次買左個中，大概有10-12件左右。店員講細只有七件左右。如果兩個人食可能唔夠喉。

平常返工既我一向都有帶飯既習慣，但依幾日都無預先準備午餐，所以就索性同同事出去葵涌廣場搵食，葵涌廣場美食眾多，淨係揀都有排你揀，最後我地黎左依間小食店買台式炸雞，因為我地兩個本身都好鍾意食台灣野，所以買少少頂下口癮我地叫左份大既香香炸雞、細既蒜脆杏鮑菇、義式墨魚甜不辣配塔塔醬同桂香酸梅湯，炸雞同杏鮑菇有分大、中、小辣，我地係無辣不歡之人，當然點左中辣，同埋所有炸物都係即點即炸，唔係隔野貨，等左五至十分鐘就拎得啦炸雞外層炸得幾脆口又唔厚粉，咬一半仲有少許肉汁湧出，雞味濃郁，中辣都未算好辣，而調味粉又唔會蓋過雞肉既味道，好味第一次食炸左既杏鮑菇，菇切成一粒粒，店員建議盡快食，因為炸菇放耐左會出水，為保持脆度，所以我地要先食菇，一入口外皮酥脆兼薄粉，咀嚼時仍食到菇既汁，口感爽脆，食完炸雞食依個即時無咁油膩，清新味道又帶點惹味每去親台灣經過小食檔都會見到有甜不辣賣，一直都以為係辣野黎，原來係用左魚肉同魚漿擠成條狀，而依度既甜不辣用左墨魚整成，口感脆口得黎帶煙韌，似炸左既魚肉片，咀嚼時有陣陣墨魚味，點塔塔醬食更滋味食完咁多煎炸食物，飲返杯酸梅湯就啱哂，濃郁又唔會甜，酸度夠足，解膩之選

其實呢間係繼光香香雞～咁岩見到佢出新野先試埋😚藝式墨魚甜不辣 hkd20💸加沙律醬3蚊 total 23 ✨佢呢個勁有驚喜！除左炸得香脆之外，墨魚味仲好出💕外脆內軟得黎仲好煙un好有口感👍🏿咸咸甜甜咁，好match又唔怪！食親呢間都冇伏！佢啲炸雞係我心中既第一名😆真心可以試呀，高質小食，份量又多☺️絕對會n call 💕

來逛葵廣，走到最出名的美食街，不禁想掃街！除了麵食、主食外，營養均衡很重要，來點蛋白質吧，似乎新開（事實是筆者很久沒來了）的這間可以一試。香香雞出乎意料地快可以拿食品。幾乎是一點好後已經能拿，因為雞粒像爆谷一樣放置。買小的是因為太貴了，與現場其他食品性價比差太遠。小小一口袋就要$27，雖然比想像中多一點雞粒，但還是只有約10粒雞。雞粒筆者選了不辣的原味，炸皮不脆，一粒咬下，有點像麥樂雞，胡椒味香，是不錯的小食。但覺得不值此價錢。