Video
Exit D1, Lai Chi Kok MTR Station, Exit D2, Lai Chi Kok MTR Station
continue reading
Opening Hours
Mon - Sun
12:00 - 21:00
Above information is for reference only. Please check details with the restaurant.
好耐無寫過食評喇，呢排就算有食好野，都無乜再寫，因為我真係好懶，不過我真係覺得想讚下間餐廳，所以就寫返篇食評喇。前幾日朋友同我食生日飯，所以我就揀左呢間餐廳，之前有另外朋友推介過質素OK，最緊要係性價比高，因此….就決定食你啦!!餐廳環境都好舒服，幾好坐，同埋都寧靜，唔會好嘈雜，之前試過食有D餐廳，要好似同朋友鬧交咁大聲，個D就真係唔好喇，所以呢家都真係合格之上的。我地揀左一雞扒意粉餐，包餐湯加牛角包仔，飲品半價，意粉餐真心超值，一陣會詳細講解。再揀左個半條豬仔骨主菜，可以以減十蚊的優惠揀加多兩道小食，最後揀左千層麵同煙三文魚沙律。首先講下雞扒意粉餐先，個日個餐湯係南瓜湯，都OK的唔錯，唔會調味過左火喉同南瓜味都有ge，當然我會覺得南瓜味可以再重D同個湯可以再稠多少少，不過附送黎講，其實都OK的。牛角包仔size唔算大，但有香濃的牛油味，同埋都鬆脆有層次，入面都有咬口，但又唔會話好油膩。飲品我就揀左即磨咖啡，不過不失，在沒有特別要求的情況下，奶同咖啡比例是合適的。至於意粉方面，見到真係超驚喜，首先份量真係好大份，意粉好多，唔會餓親，香蒜味足夠，見到粒粒蒜蓉，真材實料，雞扒非常嫩滑，唔會鞋烚烚咁，但係就好入味，表面的芝士咪都好香濃，加上我order左多粉，就更加好味了，$100都唔駛ge價錢黎講，真係好抵食。意粉餐真係無得輸，另外的菜式就係半條豬仔骨，醋仔骨都OK的，唔會焗到好乾，但係肉就唔算入味，加返D黑椒就會好D。千層麵減十蚊之後就$48，不過份量唔叫多，表面的芝士係OK，同有拉絲效果，不過手工千層麵味道比較一般，無咩味道，肉醬就比較乾身。煙三文魚沙律菜的份量唔算多，好彩我平時成日食好多菜，唔介紹份量少，不過以加$28黎講就好似真係可以多返D，同埋本身唔太鐘意沙律醬撈生菜，我會覺得有D鹹，不過係個人口味問題，所以我會推薦大家食意粉餐，性價比超高。不過餐廳員工態度超好，有禮貌，又helpful，見到我地切蛋糕會主動話幫手影相同揀走枱面上面D碟同餐具，呢樣已經好抵讚，有時真係要食埋D服務質素㗎，同埋麻煩仔的我地無火機，問餐廳借都有借比我地，員工全程無黑面，笑笑口，好好。香港人，唔好再成日話香港食野態度差，「其他」地方好好多，真係要留返係香港，大大力支持返香港的飲食業，香港人都好努力㗎。
continue reading
同老婆晌荔枝角完咗聚會諗下食乜好，佢就記返起大概兩年前同姨仔慶祝生日嚟過呢間主打歐洲健康食材，以意大利橄欖油烹調，無添加味精嘅「J's Bistro」，由於嗰次印象好唔錯，所以，佢就話再嚟呢間一試。只喺時隔兩年，環境當然無乜點變，都喺一室以深色木系裝修為主，加上有唔少小盆栽作點綴，有啲田園風；咁啱得咁橋，又喺被安排坐返上次嗰張卡位。上次都提過，餐廳尾有一排對窗吧枱位，好適合一個人自己嚟。不過，今日可能假期關係，午市全院滿座，所以，如果兩三個嘅話唔介意，選錯吧檯位就可以快啲入座。餐廳正中央有個自助區，放咗好多餐具、餐碟、餐紙、紙杯、各種調味料……等等，自由取用。 食物選擇方面，有兩個主餐牌，一款叫「全日套餐」， 共有6款主菜，定價範圍比較闊，並可以特價追加最多兩款配菜，唔包飲品，但有加配優惠。 另一款叫「意粉套餐」，共9款意粉，並包是日餐湯配迷你牛角包，定價$68-$108，亦唔包飲品，但有特價加配優惠。餐廳全日都無加一，所以，真喺幾實惠。之前嚟喺採用半自助形式，即喺晌收銀處落單，俾個號碼牌你放晌枱上，等店員將食物送上。而依家就多埋以二維碼落單，不過，當日就系統有少少問題，未做重設，所以，啲烤雞一早話「售罄」，結果就只好人手落單。烤法國無激素雞脾 $48老婆就最講健康，所以，呢個法國無激素雞髀就最啱佢，同上次嚟嘅一樣，完全無乜賣相可言，單單就係喺一隻烤雞髀。焗得外皮金黃，入口外皮香脆，皮下脂肪少，肉質比預期嫩滑，尤其脾位自然好啲，否則都唔需要另加10蚊啦。挪威煙三文魚凱撒沙律 +$28淨食隻雞脾佢應該唔夠喉，所以，加配咗一份凱撒沙律，不過，好老實，賣相其實有少少寒酸，但廿零蚊貨仔又唔可以要求太多。雖然話喺凱撒沙律，但無銀魚柳、水瓜榴、烘麵包粒……等等，只喺簡單羅馬生菜配醬汁，而啲三文魚有煙燻香，但油份欠奉。甘筍忌廉湯配迷你牛角包我就點過意粉餐先呢個餐湯牛角包，甘筍忌廉湯不過不失，色澤就幾靚，但甘筍味唔喺好突出，還好嘅喺質感都幾 幼滑，而牛角包都幾酥脆，富牛油香，如能再烘得熱啲就更正，豬肉醬粗管通心粉 $78上次就試咗一道「托斯卡納乾蕃茄意大利粉」，感覺喺幾唔錯，所以，主菜就揀咗粗管通心粉。試過之後，其實有少少失望，第一喺份量真喺偏少，對大部分男士嚟講可能真喺唔喺好夠食，我就勉勉強強咁啦；第二就喺啲通心粉唔喺煙韌，直頭有微微地硬，似未煮透嗰種；第三肉醬同醬汁同樣都喺少，所以，食起嚟感覺比較乾身。即磨咖啡 +$10去茶餐廳就梗喺試奶茶，嚟到西餐廳揀即磨咖啡就最穩陣，總之用嘅咖啡豆唔差嘅話，沖出嚟都唔會差得去邊。而眼前呢杯咖啡就唔錯，雖然唔喺話好高質素，但入口都算醇香。對比起上次，呢次嘅用餐體驗無上次咁好，侍應都好有禮貌，盡量做足招呼嘅工作，但食物嘅水準就有較大落差。
continue reading
今天到荔枝角工作，向客人道別時順便問一句有哪個地方午膳。佢話D2商場有幾間食店，可以自己搵下。本身揸住一袋二袋都唔想點行，不過見D2喺正附近，即管騰上去，一樓有幾間食店，心大心細最後揀咗間食西式嘅。食店幾骨子，部分bar枱位置向窗口位可以望下街景，不過我攞得太多嘢所以唔想坐咁高。坐低定一定神再望清楚個menu，不止有意粉，仲有扒類選擇，今天天氣悶熱，簡單叫了一個「牛肝菌蘑菇牛柳意大利手工寬條麵」，呢個午餐set還包括了一個餐湯、牛角包同一杯飲品。先嚟牛角包同餐湯，牛角包焗得好香，牛油不重唔會有罪惡感，湯清甜，唔使點調味都很夠味。寬條麵賣相唔錯，有陣陣橄欖油炒出來的香氣，闊條麵有咬口，炒得煙韌適中，肉碎汁滲入麵條中更多了一份層次，牛柳快炒剛剛好不會韌，唔錯。飲杯回魂咖啡後精神過來，一洗早上工作的繁重感，亦喚醒了另一個甜品胃，於是叫了一客是日甜品。朱古力是我至愛，朱古力濃厚不膩，內層煙韌，份量唔會太大剛好填我的甜品胃，yummy 。稍稍歇息客人漸多，我都無謂霸住張枱，拎起兩袋又向著公司的路途上打拼。
continue reading
I have been going there for over 3 years. Recently, the restaurant has updated the menu with several new choices. have been satisfied with the quality of foods, coffee, and deserts includes, Steak, Fish, Pizza, Cakes, Spaghetti, Lemon Tart, Fruit Tart, Tiramisu, lava cake and more. Fairly big menu & I consider a very good bistro. if you live in Lai Chi Kok or around, this is the place of all including individuals, families and kids. - Restaurant and there is no service charge to eat here.
continue reading
疫情之後已經隔咗好耐冇黎，餐牌都變咗。我鍾意食呢度嘅意粉，有誠意。今次試咗意大利牛肝菌蘑菇醬牛柳手工意大利寬條麵，個名就好長賣都很不錯～寬條蛋麵對我來說也算軟硬適中，其實都幾難拿捏，佢喺al dente偏軟身少少，而且面身食得出質素不錯。三片牛柳片質地唔算乾，98蚊一個套餐，包餐湯牛角包意粉算係咁。最精彩係個調味醬汁，連埋甘筍蘑菇碎等有咬口，夠醬同意粉配襯很提升，調味也討喜～ 甘筍餐湯忘記拍照了，另加十蚊有杯飲品，齋啡可以。呢度係半自助式的，到櫃檯落單，然後餐點送上，服務友善，坐得舒服。 以前嚟食過佢嘅俄羅斯牛肉意粉，我係好喜歡，熱辣辣又多醬，而家都好回味
continue reading